ATË I SHENJTË DHE I MËSHIRSHËM.
Atë i Shenjtë dhe i Mëshirshëm,
që kurrë nuk i braktis fëmijët e tu
dhe ua zbulon emrin tënd atyre,
thyej fortësinë e mendjes dhe zemrës,
që të dimë të mirëpresim me thjeshtësinë e fëmijëve
mësimet e tua,
dhe të japim fryte të një kthimi të vërtetë.
TË GËZUESHME EDHE NË VËSHTIRËSI.
O Zot, Hyji ynë, qëndro me ne.
Na prek me Shpirtin tënd,
në mënyrë që zemrat tona të jenë në atë gjendje shpirtërore
që të mund të pranojmë me mirësi të gjithë
dhe të ndiejmë gëzim edhe kur në jetën tonë
bëjmë eksperiencen e luftës dhe të grindjes,
të vuajtjes apo edhe të vdekjes.
Na ruaj në Fjalën tënde dhe bëj të jemi vazhdimisht drita,
kështu që edhe ne mund të të ndjekim ty
dhe të bëjmë vullnetin tënd.
LE TË LUTEMI PËR TË KEQINJTË.
O Zot,
mos i kujto vetëm njerëzit me
vullnet të mire, por edhe ata të këqinj.
Por, të lutem, mos i shiko të gjitha vuajtjet që na bënë
të vuanim,
por shikoji gjërat e mira që ato
vuajtjet kanë lindur në ne:
vëllazërimin, besnikërinë, përulësinë,
guximin, bujarinë,
madhështinë e shpirtit që është rritur brenda nesh
për të gjitha ato që kemi vuajtur.
Dhe kur do të vijnë ata njerëz
në gjykimin përfundimtar, bëj që frytet e mira që kanë në ne,
të jenë skaku i faljes së tyre.
NJË NJERËZIMI I MOLISUR...
Shiko, o Zot i gjithëpushtetshëm,
njerëzimin e molisur
nga një dobësia vdekjeprurëse
dhe bëj që të vijë përsëri në jetë
për pasionin e Birit tënd.
Ndryshuar për herë të fundit nga ninoenina : 29-03-2021 më 13:09
O ZOT KRIJUES I TË GJITHA GJËRAVE...
O Zot, krijues i të gjitha gjërave:
ti e mbulon ditën me shkëlqimin e dritës
dhe natën me qetësinë e gjumit,
kështu që pushimi i bën gjymtyrët të shkathëta për të punuar,
lehtësimin e lodhjes dhe largimin e shqetësimeve.
Ne të falënderojmë për këtë ditë, në mbrëmje;
ne ngremë një lutje që ti të na vish në ndihmë.
Le të të këndojmë nga zemra me një zë të fuqishëm;
dhe të të duam me dashuri të fortë, duke adhuruar madhështinë tënde.
Dhe kur errësira e natës ka zëvendësuar dritën e ditës,
bëj që besimi nuk ta njohë errësirë, por të ndriçojë natën.
Mos i lër shpirtrat tanë të flenë
pa kërkuar faljen tënde;
bëj që besimi të mbrojë pushimin tonë nga të gjitha rreziqet e natës.
Na liro nga papastërtitë, na mbush me mendimin tënd;
mos lejo që i ligu të na prishë qetësinë.
Ndryshuar për herë të fundit nga ninoenina : 31-03-2021 më 13:15
LUTJA E MENGJESIT.
O Zot, në heshtjen e agimit të kësaj dite,
unë vij të kërkoj tek ti paqe, mençuri dhe forcë.
Unë dua të shikoj botën sot
me sy të mbushur me dashuri.
Dua të tregoj mirëkuptim ndaj të tjerëve, të jem i durueshëm, i kuptueshëm, i butë dhe i mençur.
Dua t'i shoh fëmijët e tu përtej dukjes, si i sheh edhe Ti,
dhe kështu dua të shoh në secilin vetëm të mirën .
Mbylli veshët e mia që të mos dëgjoj të gjitha shpifjet.
Mbaje gjuhën time nga çdo ligësi
dhe bëj që vetëm fjalët dhe mendimet të mirë, të
qëndrojnë në mendjen time.
Bëj që të jem kaq dashamirës dhe aq i lumtur
se të gjithë ata që më afrohen,
të ndjejnë fuqinë e prezencës tënde.
Më dhuro e më vesh me bukurinë tënde, o Zot,
dhe bëj që gjatë gjithë ditës unë të të zbuloj Ty.
(Shën Françesku i Asizit).
LUTJE ZOTIT
Të lutemi o Zot
Për lirinë që na fale
Të lutemi o Zot
Për kthimin tonë
Në Kosovën tonë
Në tokën tonë
Të falemi Ty
Për këtë mrekulli
O Zot [/B]
Lutje e Presidentit të Republikës së Kosovës
Dr. Ibrahim Rugova
12 qershor 1999[/B]
Ndryshuar për herë të fundit nga ninoenina : 13-06-2021 më 15:54
LUTJA E SHEN TOMA NGA AKUINI.
Unë të falënderoj,
O Zot i shenjtë, Atë i Plotfuqishëm,
Zoti i përjetshëm, i cili sigurisht jo për meritat e mia,
por për efekt të vetëm të mëshirës tënde, ti deshiron të mbushësh,
me Trupin dhe Gjakun e çmuar të Birit, Zotit tonë Jezu Krishtit,
mua një mëkatar, shërbëtorin tënd të padenjë.
Të lutem që ky bashkim i shenjtë të mos jetë për mua një krim i denjë për ndëshkim,
por ndërmjetësimi i vlefshëm për të fituar faljen.
Qoftë për mua një forcë të blinduara të besimit dhe një mburojë e vullnetit të mirë.
Qoftë çlirimi nga veset e mia, shfarosja e epshit dhe pasioneve,
rritja e bamirësisë, durimi, përulësia, bindja, të gjitha virtytet,
mbrojtje e sigurt kundër kurtheve të armiqve të mi aq të dukshëm sa edhe të padukshëm,
qetësia absolute e pasioneve mishore dhe shpirtërore,
braktisje e përsosur tek ti, një Zot i vetëm dhe i vërtetë, përmbushje e lumtur e qëllimit tim.
Dhe unë lutem që ti të denjohesh të më drejtosh mua mëkatar në atë banket të pashprehur
ku ti me Birin tënd dhe Shpirtin Shenjt je dritë e vërtetë për shenjtorët e tu,
ngopje e plotë, gëzim i përjetshëm, gëzim i plotë, lumturi e përsosur.
Amen
O ZOT, BURIM I ÇDO TË MIRË...
O Zot, burim i çdo të mirë,
Ti me mirësinë tënde i tejkalon meritat dhe dëshirat tona ,
ki mëshirë për ne
e na fal atë për çka ndërgjegjja jonë na padit
e shto atë që lutja jonë nuk përfshin.
LUTJA E SHËN BONAVENTURËS.
O Zot, jepi shpirtit tim që të jetë i uritur për ty çdo ditë.
Zemra ime qoftë e uritur dhe gjithmonë e ushqyer me ty,
intimiteti i shpirtit tim qoftë gjithnjë plot ëmbëlsinë e shijes tënde;
i cili gjithmonë ka etje për ty.
Burimi i jetës, burimi i mençurisë dhe i shpresës, burimi i dritës së përjetshme,
ti vetëm je gjithmonë jeta ime,
gjithë besimi ym, pasuria ime dhe paqja.
Në ty shpirti im dhe zemra ime janë fiksuar,
të vendosur dhe të rrënjosur përgjithmonë në mënyrë të pandryshueshme. Amen
(San Bonaventura)
Regullat e Postimit
Përgjigju Duke Cituar
Krijoni Kontakt