Lutjet që devotshmëria e Krishtërve ia ka kushtuar njinisë të Hyjit.

[torrkerry]

U BËFTË VULLNESA JOTE…

O Zot, sa janë të vështira luftrat,
që duhet ti përballoj trupi im
për të shërbyer ty.
E deri tani, o Zot, ti e di,
kam pasur shumë durim.

Po që se ti më urdhëron
që të vazhdoj me luftë
duke bërë roje në kampin tënd
unë nuk e refuzoj aspak këtë
dhe unë nuk do të kërkoj të shfajësohem
duke thënë që jam i dërmuar nga lodhja.

Unë do të marr përsipër punën,
që Ti do t’më caktosh,
sipas urdhërave tuaj,
dhe për gjithë kohën që Ti e dëshiron këtë,
unë do të vazhdoj të të shërbej.
Por nëse Ti do t’më kursesh,
kjo do të jetë gjithçka e mirë për mua,
o Zot,u bëftë vullnesa jote.

Anonim i shek XII

Torrrkerry

[torrkerry]

FALËMDERJE PËR SHPËTIM NGA VDEKJA.

Të madhëroj, o Zot, pse më shpëtove
e nuk lejove të ngihen armiqtë e mi mbi mua.

O Zot, Hyj im,
unë të thirra e ti më shërove,
Ti, o Zot, ma nxorre shpirtin nga Nëntoka,
më ktheve në jetë që të mos zbres në varr.

Këndoni Zotit, ju, o besimtarët e tij,
falënderojeni Emrin e shenjtë të tij!
Sepse një çast zgjat hidhërimi i tij
e tërë jetën zgjat dashamirësia e tij!
Mbrëmja vjen me lot,
e mengjesi plot hare!

Kur nuk më mungonte gjë, thosha:
“Askurrë s’do të trandem!”
Më ke vënë, o Zot, në majën e malit të sigurt,
porse, posa ma fsheh fytyrën tënde, frikësohem.

Atëhertë ty, o Zot, të leshoja kushtrimin,
i lutesha Hyjit tim.

Ç ‘ dobi nga gjaku im
në qoftë se zbres në shkatërrim?
A nuk do të lavdërojë pluhuri,
e do ta kumtojë besnikërinë tënde?

Më dëgjoi Zoti dhe pati mëshirë për mua,
Zoti u bë ndimëtari im.
Ti vajin ma ktheve në valle,
ma zhgjeshe grathoren time e më ngjeshe me hare,
që shpirti im të të këndojë e të mos pushojë:
“O Zot, Hyj im, do të lavdëroj për amshim!”

Psalmi 30

Torrkerry

[torrkerry]

FALËMDERJE PËR SHPËTIM NGA VDEKJA.

Të madhëroj, o Zot, pse më shpëtove
e nuk lejove të ngihen armiqtë e mi mbi mua.

O Zot, Hyj im,
unë të thirra e ti më shërove,
Ti, o Zot, ma nxorre shpirtin nga Nëntoka,
më ktheve në jetë që të mos zbres në varr.

Këndoni Zotit, ju, o besimtarët e tij,
falënderojeni Emrin e shenjtë të tij!
Sepse një çast zgjat hidhërimi i tij
e tërë jetën zgjat dashamirësia e tij!
Mbrëmja vjen me lot,
e mengjesi plot hare!

Kur nuk më mungonte gjë, thosha:
“Askurrë s’do të trandem!”
Më ke vënë, o Zot, në majën e malit të sigurt,
porse, posa ma fsheh fytyrën tënde, frikësohem.

Atëhertë ty, o Zot, të leshoja kushtrimin,
i lutesha Hyjit tim.

Ç ‘ dobi nga gjaku im
në qoftë se zbres në shkatërrim?
A nuk do të lavdërojë pluhuri,
e do ta kumtojë besnikërinë tënde?

Më dëgjoi Zoti dhe pati mëshirë për mua,
Zoti u bë ndimëtari im.
Ti vajin ma ktheve në valle,
ma zhgjeshe grathoren time e më ngjeshe me hare,
që shpirti im të të këndojë e të mos pushojë:
“O Zot, Hyj im, do të lavdëroj për amshim!”

Psalmi 30

Torrkerry

[torrkerry]

HYJ, HUMBËTIRË DASHURIE.

O Zoti im, hidhe shikimin e mëshirës sate mbi popullin tënd,
dhe mbi trupin mistik të kishës së shenjtë.
Ti do të madhërohësh shumë më shumë kur fal
dhe u jep dritën e mendjes shumë njerëzve,
se sa kur merr homazhin
e një krijese të vetme të mjerë siç jam unë,
që shumë të kam fyer
dhe kam qenë vegël e shumë të këqijave.

Çfarë do të ndodhte me mua
po të shihja veten time të gjallë
dhe të vdekur popullin tënd?
Çfarë do të ndodhte
nëse për shkak të mëkateve të mia
dhe mëkateve të krijiesave të tjera,
do të më duhej ta shihja në errësirë kishën,
nusën tënde të dashur,
që ka lindur për të qenë dritë?

Po të kërkoj, pra, mëshirën për popullin tënd
në emër të dashurisë së pakrijuar
që të shtyu ty vetë
për të krijuar njeriun
në shëmbëllimin dhe në përngjasimin tënd.

Cila qe arsyeja që ti të lartësoje njeriun
në një dinjitet të tillë?
Sigurisht dashuria e paçmueshme
me të cilën e ke shikuar krijesën tënde
në veten tënde dhe je dashuruar me të…

Ti, i shtyrë nga po ai zjarr
me të cilin na ke krijuar,
ke dashur t’i ofrosh gjinisë njerëzore
mjetin për t’u pajtuar me ty.
Për këtë arsye na ke dhënë Fjalën,
Birin tënd të vetëm.
Ai qe ndërmjetësi midis teje dhe nesh.
Ai qe drejtësia jonë,
që ngarkoi mbi vetveten padrejtësitë tona.
U bind urdhërimit që ti, Atë i amshueshëm,
i dhe kur e veshe me njerëzimin tonë.
O humbëtirë dashurie!
Cila zemër nuk do të ndjehet e mbushur me emocione,
kur të shohë këtë lartësi të tillë
që ka zbritur në një ultësi të tillë,
domethënë në kushtet e njerëzimit tonë?

Ne jemi shëmbëllimi yt,
dhe ti shëmbëllimi ynë
në sajë të bashkimit
që ke caktuar ndërmjet teje dhe njeriut,
duke mbuluar hyjninë e amshuar
me renë e varfër të njerëzimit
të prishur nga Adami.
Cila qe arsyeja? Sigurisht dashuria.

Për këtë dashuri të patregueshme,
po të lutem, dhe po të kërkoj
të kesh mëshirën për krijesat e tua.

Shenjtja Katarina nga Siena

Torrkerry

[torrkerry]

FALËMINDERIT PËR EKZISTENCËN.

O Hyj i amsheshëm,
të falënderoj për ekzistencën time.
Nuk kam krijuar veten,
por ekzistoj; pra dikush tjetër më ka krijuar.
E kush, o Hyj i madh, përveç teje?
Të falënderoj më gjithë zemër.

Shën Cirilli (me ndryshime)

Torrkerry

[torrkerry]

LUTJA E CHARLES DE FOUCAULT.

O Ati im,
dorëzohem krejt në duart e tua,
të jap ty gjithçka që kam dhe jam!
Unë kam besim në ty.
Gjithçka të pëlqen ty, bëj me mua.
Për çdo gjë që do të më ndodh
e që ti bërë me mua e për mua,
unë të falënderoj.

Unë jam gati për gjithçka,
unë prej teje pranoj gjithçka,
mjaft që vullnesa jote u bëftë në mua,
mjaft që vullnesa jote u bëftë në të gjitha krijesat e tua.
Unë nuk dëeshiroj asnjë tjetër, o Hyj im.

Unë e dorëzoj shpirtin tim në duart e tua.
Unë t’ia dorëzoj shpirtin tim ty, o Hyj im,
me tërë dashurinë e zenrës time,
sepse unë të dua shumë
dhe për arsye që është për mua një nevojë
që lind nga dashuria ndaj teje,
unë dorëzohem krejt në duart e tua,
me një besim të plotë në ty
sepse ti je Ati im.

CHARLES DE FOUCALT

Torrkerry

[torrkerry]

ATI IM QIELLOR, FALËMINDERIT!

Ati im qiellor, falëminderit!
Ti na ke zgjedhur.
Ti e ke dëshiruar çdonjërin prej nesh.
Falëminderit!

Për hirin tënd,
çdonjëri e merr jetën e vet,
si një gurë unike,
si një gurë e çmueshme,
dhe madhështore
me të cilën ndërtohet
trupi mistik i Birit tënd.

Ati im qiellor, falëminderit!
Për Shpirtin Shenjtë jetëbërës,
për Kishën që na udhëheq
dhe na ndihmon
që ta gjejmë vendin
ku guri ynë do të jetë
më i mirë dhe i dobishëm,
atje ku çdonjëri prej nesh do të shpërndajë
(si në një pasqyrim
që e shumëfishon dritën tënde)
atë dashuri të marrë prej teje.

ANONIM

Torrkerry

[Erlebnisse]

ZOTI ESHTE BARIU IM

Zoti eshte bariu im
asgje nuk do t'me mungoje

Ai me pertrin shpirtin
me con ne shtigjet e drejtesise
nga dashuria qe kam per emrin e tij

Ai me con ne rrugica me bar te njome
me drejton prane ujrave qe te clodhin...

JA KU JAM

ja ku jam, ja ku jam
o Zot un po vij
ja ku jam, ja ku jam
u befte ne mua vullneti yt

Kembet e mia i beri t'forta
t'sigurt i beri hapat e mija
ka vene ne gojen time
nje keng te re lavderimi

P. S shume te bukura keto lutjet e poezite Torrkerry)) Keto qe shkruajta jane fragmente te kengeve qe kendohen zakonisht neper mesha...

[torrkerry]

FALËMINDERIT

Të falënderoj, o Ati ynë,
për jetën e për njohjen
që na e ke zbuluar
nëpërmjet Jezusit, Shërbëtotir tënd;
lavdi të qoftë ty në shëkuj.
Sikurse kjo bukë e thyer
ishte shpërndarë përmbi male
dhe pasi u mblodh,
u bë një gjë e vetëm,
po ashtu u bashkoftë edhe kisha jote
prej të gjithë kufijve të tokës
në mbretërinë tënde;
sepse e jotja është lavdia
dhe pushteti në shekuj.

Nga “MËSIMI I 12 APOSTUJVE”

Torrkerry

[torrkerry]

FALËMINDERIT (II).

Të falënderojmë, o Atë i shenjtë,
për emrin tënd të shenjtë,
të cilin ti bërë të banojë në zemrat tona,
dhe për njohjen,
për fenë,
dhe pavdeksinë
që na e shfaqe nëpërmjet Jezusit,
Shërbëtiorut tënd.
Lavdi të qoftë ty në shekuj.

Ti, o Zot i gjithëpushtetshëm,
krijove çdo gjë
në lavdinë e emrit tënd:
ti u dhe njerëzve
të shijojnë ushqim dhe pije
në mënyrë që të mund të falënderonin,
ndërsa ne na ke dhënë
një ushqim dhe një pije shpirtërore,
dhe jetën e amshuar
nëpërmjet Shërbëtorit tënd.
Sidomos ne të falënderojmë
sepse ti je i fuqishëm.
Lavdi të qoftë ty në shekuj.

Le të të bjerë ndër mend, o Zot,
për kishën tënde:
ruaje prej çdo së keqeje
dhe bëje të përkryer në dashurinë tënde.
Bashkoje prej të katër anëve të botës,
shenjtëroje në mbretërinë tënde,
në atë mbretëri
të cilën e ke përgatitur për të.
Sepse i yti është pushteti,
dhe lavdia në shekuj.

Atëherë hiri yt dhe kaloftë kjo botë.
Hosana Hyjit të Davidit!
Nëse ndokush është i shenjtë,
le të afrohet;
nëse jo le të bëjë pendesë.
Maranatha: eja, o Zot Jezus! Amen.

Nga “MËSIMI I 12 APOSTUJVE”

Torrkerry