Lutjet që devotshmëria e Krishtërve ia ka kushtuar njinisë të Hyjit.

[ribaldi]

“I bekuar je, o Zot

“I bekuar je, o Zot, Hyji i Izraelit, atit tonë, prej amshimit e në amshim!

Ty, o Zot, të përket madhëria e pushtetit,
lavdia, shkëlqimi dhe lartëmadhëria!
Sepse gjithçka në qiell e në tokë, janë të tuat!
Ty, o Zot, të përket mbretëria,
ti lartësohesh si kokën përmbi çdo gjë!

Prej teje vjen pasuria dhe lavdia,
ti zotëron me gjithçka!
Në dorën tënde fuqia dhe pushteti.
Ti mund të bësh gjithçka të madhërishme e të qëndrueshme!

Prandaj, o Hyji ynë, po të madhërojmë
e po e lavdërojmë Emrin tënd të madhërishëm!

[ribaldi]

Përtrirë n’gjymtyrë nga gjumi

Përtrirë n’gjymtyrë nga gjumi,
braktisur shtratin, ngrihemi:
Neve, Atë, që ty thërrasim
na u gjend pranë të lutemi.

Ty t’parin këndoftë goja,
ty lakmoftë afshi i zemrës,
ti, o i shenjtë, të jesh burimi
për ndjekësit tu ndër vepra.

Terri t’ia lëshojë vendin dritës,
dhe nata yllit t’ditës,
fajin që e sjell nata
ta zbusë dhurata e dritës.


Po ne lutësit të lypim
na i fal të gjitha fajet,
nga gojët që ty këndojnë
n’amshim të lavdërohesh.

[ribaldi]

Krijuesi i madh i sendeve

Krijuesi i madh i sendeve,
sunduesi ynë, shikona;
ne nga pushimi i damshëm
zhytur n’plogështi shpëtona.

Ty, o Zot i Shenjtë, të lusim;
Ti na i fal fajet tona,
për t’i rrëfyer ngrihemi,
gjumin e natës prishim.

Po i ngrejmë lart mendje e duar,
për të kaluar netët
siç na mësoi profeti
që e vlerësoi dhe Pali.

Ti e sheh t’keqen që vuajtëm;
të fshehtat tona i hapim,
me ofshmamë po i derdhim lutjet,
na shlyej çka ne mëkatnuam.

[ribaldi]

TI, ZOT, HYJI I AMSHUAR.

Ti, Zot, Hyji i amshuar,
që me pushtet sundon gjithë botën,
mba vesh këngët e lavdeve
që këndojmë në përgjime (n’vigjëlime).

Pse ne nga shtrati ngrihemi
në kohë të qetë të natës,
nga ti me ngulm të lypim
ilaçin e gjithë plagëve.

Ku, çkado që gabuam
ndër net nga gnjeshtra e djajve,
atë e shlyeftë nga qielli
pushteti i lavdisë sate.

Me besë të shpirtit t’lusim,
mbushna me dritën tënde,
për çka në rrjedhë të ditëve
t’mos ngelim pa asnjë vepër.

[ribaldi]

Himni

O Zot, burimi i t’gjitha sendeve,
që, në çdo gjë të kryer,
hapsirën e mbarë tokës
me t’mira e dhunti mbushe.

Kur stise rruzullimin,
thuhesh se në fund more
pushim, duke u dhënë punëve
që ne me qejf të ngriheshim.

Bëji tani vdekatarët
t’i qajnë fajet e jetës,
të qëndrojnë në virtyte
e me mbarësi t’shpërblehen.

Që kur t’nisë frika e madhe
e gjykatësit të tmerrshëm,
të gjithë me rradhë t’gëzohemi
mbushur me dhunti paqeje.

[ribaldi]

O ZOT, GJENDU PRANË ZEMRAVE.

O Zot, gjendu pranë zemrave,
dashni e lartë e të shpërblyerve,
diko ndër zëra tona
vajtim të zjarrtë, të lutemi.

Ty, o Zot, i gjithë shenjti,
me fé t’i drejtojmë lutjet,
shlyej, o Zot, me vepra,
t’keqen që bëjmë, të lutemi.

Me shenjë të Kryqit tënd,
me trupin tënd hyjnor
neve na mbro si bij
të gjithë, kudo, Ty lusim.

[ribaldi]

Shkëputja

O Zot! Ty të drejtohem për strehë
dhe ndaj të gjitha shenjave të Tua
e ktheva zemrën.

O Zot! Qoftë kur jam në udhëtim ose në shtëpi,
në punë ose në profesionin tim,
unë tërë besimin e mbështes tek Ti.

Më jep, pra, ndihmën Tënde të mjaftueshme,
që të më bësh të pavarur nga të gjitha gjërat,
O Ti që je i pakapërcyeshëm në mëshirën Tënde!

Jepmë mua pjesën time, O Zot,
sa të dëshirosh Ti,
dhe bëj që unë të kënaqem me atë
që Ti ke caktuar për mua.

Ty të takon autoriteti absolut për të urdhëruar.



O Perëndia im, Zoti im dhe Mjeshtri im!
Unë e kam shkëputur veten nga të afërmit e mi
dhe kam kërkuar nëpërmjet Teje
të bëhem i pavarur nga gjithçka që jeton mbi tokë,
gjithmonë i gatshëm të marr atë
që është e lavdërueshme në sytë e Tu.
Më dhuro një mirësi të tillë
që të më bëjë të pavarur nga gjithçka tjetër veç Teje,
dhe më jep një pjesë më të madhe
nga favoret e Tua të pakufishme.
Me të vërtetë Ti je Zoti i hirit të pashtershëm.

[ribaldi]

LUTJET TONA, O ZOT, DËGJOJI

Lutjeve tona veshët e hyjnueshëm,
o Zot, drejtoji, vetëm nga mëshira;
prano premtimet e shërbëtorëve tu
të përgjërohemi.

Qetësisht kujdesu nga Selia e Shenjtë
me fytyrë t’ëmbël, dhe ndriçoji llambat
e vajit tonë, dhe errësitë të gjitha
dëbo nga zemrat.

Me shumë mëshirë çlirona ne nga krimet,
këputi prangat, laj papastërtitë,
ki ndjesë për mëkate, me të djathtën tënde
ngre të rrëzuarit.

[ribaldi]

QË TA KRYEJ, O ATË, VULNETIN TËND.

Çfarë do të më ndodhë sot,
o Hyji im?
Nuk e di fare.
Vetëm këtë e di:
Asgjë nuk më ndodhë
që Ti nuk ke parashikuar,
rregulluar dhe urdhëruar
qysh prej amshimit.

Kjo më mjafton, o Hyji im, kjo më mjafton:
Unë i adhuroj planet e tua
të amshuar dhe të padepërtueshëm.
Dhe i pranoj ata
me gjithë zemër
sepse të dua shumë.
Për këtë unë e flijoj gjithçka jam dhe kam,
sipas shembullit të Jezu-Krishtit,
shpëtimtarit tim.
Unë e kërkoj prej teje
durimin në vuajtjet e mia
dhe një nënshtrim të përsosur
të vullnetit tim
ndaj të gjitha gjërave
Që ti don apo lejon të ndodhin.

[ribaldi]

HYJI IM,

Hyji im,
Gjithçka kam, prej teje e kam marrë.
Prandaj unë të ofroj mendimet e mia,
Fjalët e mia, veprat e mia,
Jetën time dhe gjithçka kam.
Dhe gjithçka dua ta përdor
vetëm për të të shërbyer Ty.