PËRSIATJE PËR TË GJITHA DITËT
Jezu, të lutem,
eja me ne:
ashtu qoftë e shpallur e vërteta,
si jeta qoftë e jetuar;
dritë si drita;
qoftë e dashur dashuria;
dhëntë gëzim
e paqe dhëntë!
Fruti i heshtjes është lutja.
Fruti i lutjes është besimi.
Fruit i besimit është dashuria.
Fruti i dashurisë është dorëzimi.
Fruti i dorëzimi është paqja.
NËNË TEREZA
Torrkerry
O ZOT I GJITHMBARSHËM!
Kudo unë sillem me shikim,
o Zot i gjithmbarshëm,
shumë i madh,
unë të shoh:
në veprat e tua të madhëroj,
në gjithçka të admiroj,
të njoh në mua,
të ndiej në brendësinë time.
P. METASTASIO
Torrkerry
Ndryshuar për herë të fundit nga torrkerry : 04-09-2008 më 06:26
O ZOT, TË LUTEM PËR SHQIPËRINË TIME.
E tronditur jam
se u trondit gjithë vendi im
i mrekullueshëm.
Më dhemb zemra
për jetët të humbura.
Plagë më hapin
plagët e njerëzve.
I kuptoj andrallat
kur humbin paratë,
por unë ju përgjërohem:
mos i sillni vuajte
edhe më njëri-tjetrit!
E di pse s’kemi paqe tani?
Kemi harruar të shohim te tjetri vetveten.
Që armët dhe bombat
të jenë të panevojshme,
te fqinji ynë të zbulojmë Zotin.
NËNË TEREZA
Torrkerry
Komplimente te gjitheve ju kam zili
O ZOT, SHUMË I DASHUR SHËLBUESI IM!
Dënjohu, o Krisht shumë i dashur shëlbuesi ynë,
që t’i ndezësh kandilët tanë.
Bëj që të shkëlqejnë
vazhdimisht në tempullin tënd,
dhe që të ushqehen gjithmonë prej teje,
që je drita e amshuar.
Bëj që të ndriçohen këndet e errëta e shpirtit tone.
E bëj që të largohen prej nesh errësirat e botës.
Jepja, pra, o Jezusi im,
dritën tënde kandilit tim,
që në shkëlqimin e tij,
të hapet shenjtëroria qiellore,
banesa jote krejt të shenjtë,
që nën qemerët e saj të madhërishme,
të pranon ty, mështar i amshueshëm
i flijimit të përjetshëm.
Bëj që unë të shikoj, të kundroj
dhe të dëshiroj vetëm ty,
që vetëm ty të dua dhe vetëm ty të presë
me dëshirën më të zjartë.
Në vezhgimin dhe në eksperiencën e dashurisë,
dëshira ime le të shuhet në ty
dhe përballë teje,
lejo që kandili im
vazhdimisht të shkëlqejë dhe të ndritë.
Dënjohu, o i dashur shëlbuesi ynë,
të na dëftohesh neve që të duartrokasim,
që, duke ta njohur ty,
të duam vetëm ty,
vetëm ty të dëshirojmë,
vetëm ty të kemi në mendje vazhdimisht
dhe të meditojmë natë e ditë
fjalët e tua.
Dënjohu të na japesh një dashuri aq të madhe
si të përket ty, që je Hyji im,
dhe si ti e meriton ta marresh,
që dashuria jote të dëpertojë
në gjithë qenien tonë të brendshme
dhe që të na bëjë krejtësisht
në pronësinë tënde.
Në këtë mënyrë nuk do të jemi të aftë
të duam asgjë tjetër përveç teje
që je Hyji i amshuar, i madh në dashuri.
Dhe dashuria jote nuk mund të shuhet
nga ujërat e këtij qielli, e kësaj bote,
e këtij deti, si është shkruar:
“Ujërat e mëdha
dashurinë nuk mund ta ndalin,
nuk e fikin lumenjtë(Keng 8,7).
Që kjo gjë të ndodhë
me të vërtetë për hirin tënd,
edhe për ne, o Zoti ynë Jezu Krisht,
të cilit i përket lavdia
për shekuj të shekujve. Amen.
SHËN KOLOMBANO
(murgu irlandez I sh. Vl-Vll)
Torrkerry
Faleminderit arben.
Torrkerry
PËRSIATJE NË SPITAL
Ti je Zoti.
Ti je Zoti nga Zoti.
Ti je përftuar dhe jo krijuar.
Ti je e njejta lëndë me Atin.
Ti je Biri i Zotit të gjallë.
Ti je vetja e dytë e Trinisë së bekuar.
Ti je një me Atin.
Ti je te Ati qysh në parim:
gjithëçka u krijua nga ty dhe nga Ati.
Ti je biri i dashur,
te i cili Ati gjen gëzimin e tij.
Ti je biri i Maries
ngjizur në barkun e saj
nga Shpirti i Shenjtë.
Ti linde në Betlem,
me pelena të mbështolli Maria
në grazhdin me kashtë.
Të ngrohu
fryma e kafshës
që mbarti nënën tënde
me ty në prehër.
Ti je i biri i Xhuzepes
i njohur në Nazaret
si zdrukthtar.
Ti je njeriu i përgjithshëm,
jo njeri studiosh,
gjykuar nga klasa e ditur
e popullit tënd.
Kush është Jezui për mua?
Jezui është Verbi i bërë njeri.
Jezui është buka e jetës.
Jezui viktima që i shkoi kryqit
për mëkatet tona.
Jezui është sakrifica
për mëkatet e mia dhe të botës.
Jezui është fjala që niset të shpallet,
Jezui është e vërtetë që duhet treguar.
Jezui është rruga që duhet përshkuar.
Jezui është drita që duhet bërë përndritje.
Jezui është jeta që duhet jetohet.
Jezui është dashuria që duhet dashuruar.
Jezui është gëzimi që duhet ndarë.
Jezui është sakrifica që duhet bërë.
Jezui është paqja që duhet dhënë.
Jezui është buka e jetës që duhet ngrënë.
Jezui është uria që duhet të ushqehet.
Jezui është etja që duhet shuar.
Jezui është lakuriqësia që duhet veshur.
Jezui është i pastrehu që duhet mirëpritur.
Jezui është i sëmuri që duhet të shërohet.
Jezui është njeriu i vetmuar që duhet ngushëlluar.
Jezui është i padashur që duhet dashur.
Jezui është lebrozi që i duhen larë plagët.
Jezui është lypsi
që shpërblehet me buzëqeshje.
Jezui është i dehuri që ka nevojë të durohet.
Jezui është i çmenduri që ka nevojë të lejohet.
Jezui është i vogli që ka nevojë të përqafohet.
Jezui është i verbëri që ka nevojë të shoqërohet.
Jezui është memeci që ka nevojë të flaës.
Jezui është i çali,të cilit duhet t’i japim krahun.
Jezui është i droguari që duhet të ndihmohet.
Jezui është prostituta që duhet nxjerrë nga rreziku dhe duhet falur.
Jezui është i burgosuri që ka nevojë të takohet.
Jezui është plaku që duhet t’i shërbehet.
Për mua
Jezui është Zoti im
Jezui është bashkëshorti im
Jezui është jeta ime
Jezui është dashuria ime e vetme
Jezui,gjithëçka e ime e të gjithave,
përmbushja ime.
Jezui,
ja kë dua me të gjithë shpirtin,
me të gjithë qenien time.
Ja kam dhënë të gjitha,
deri dhe mëkatet e mia.
Dhe ai më ka zgjedhur mua për t’u martuar.
Përmes dhembjes dhe dashurisë.
Tani e përjetë.
Jam nusja e burrit të kryqit.
Nënë Tereza
Torrkerry
URATA PËR MYSLIMANË DHE PËR HINDUISTË.
O Zot,
të falënderoj për Myslimanët dhe hinduistët.
Dhe për të gjithë miqtë e mi të dashur në mesin e tyre.
Çdo herë kur të takojmë ty në uratë,
Ti na bën të Krishterë më të mirë,
Myslimanët më të mirë,
Hinduishtë më të mirë.
Jepna të gjithë neve
dhuratën e fesë dhe dashurisë
për të zbuluar ty.
Amen.
NËNË TEREZA
Torrkerry
O Hyj, ti na shpërbleve…
O Hyj, ti na shpërbleve dhe na bëre bij në shpirt.
Na shiko me mirësinë atërore ne,
bijtë e dashurisë sate,
dhe pasi besojmë në Ty,
na jep lirinë e vërtetë dhe trashëgimin e amshuar.
NGA MËSHARI ROMAK.
Torrkerry
PRANIA E ZOTIT NË UNIVERS.
O Zot, a të mbajnë dot
brenda tyre qielli dhe toka,
meqenëse Ti i plotëson ato
apo ti i plotëson
dhe përsëri ngelet diçka nga ti,
sepse ato nuk të mbnajnë dot?
Po ku e derdh gjithë atë
që mbetet prej teje,
kur ke mbushur qiell e tokë?
Apo ndoshta nuk ke nevojë
të jesh në asnjë mënyrë i përmbledhur,
Ti që përmban çdo gjë,
sepse për Ty, tw plotësosh,
është të përmbledësh?
Patjetër që enët nuk janë plot me Ty,
për të të bërë të përhershëm.
Sepse, edhe sikur t’i theje,
nuk do ta derdhshe.
Dhe kur derdhesh mbi ne,
Ti nuk përhapesh në tokë,
por përkundrazi, na ngre ne.
Dhe nuk humbet ti,
por bën që ne të mblidhemi te ti.
Gjithashtu, çdo gjë që plotëson,
e plotëson me të gjithë veten tënde.
Mos vallë atëherë, ngaqë secila gjë
nuk mund të përmbajë të tërin,
të gjitha gjëra përmbajnë prej teje.
vetëm një pjesë, si dhe vetëm e tyre?
Apo secila përmban prej teje
një pjesë më të madhe ose më të vogël
sipas madhësisë së saj?
Atëherë a do të kishte prej teje
pjesë më të mëdha
apo pjesë më të vogla?
Apo je i gjithi në çdo pikë,
dhe asgjë nuk të përmbledh të gjithë?
Shën AUGUSTINI
Torrkerry
Regullat e Postimit
Përgjigju Duke Cituar
Krijoni Kontakt