Lutjet që devotshmëria e Krishtërve ia ka kushtuar njinisë të Hyjit.

[torrkerry]

BËJ, O HYJ IM QË TË VAZHDOJ TË KËRKOJ.

Për sa kam pasur mundësi,
për sa Ti ke dashur që unë të kem mundësi,
unë të kam kërkuar
dhe kam dëshiruar ta shoh me mendjen
atë që kam besuar,
dhe shumë kam diskutuar,
dhe u mundova shumë në këtë punë.

O Zot, Hyji im,
e vetmja shpresa ime,
plotësoje këtë dëshirë time
që të mos ndal në kërkim,
i këputur nga lodhja,
por që të vazhdoj ta kërkoj fytyrën tënde,
me një dëshirë gjithmonë të flaktë.

M’i jep forcat për të kërkuar,
Ti që ma ke dhënë mundësi të kërkoj Ty
Ti që ma ke dhënë gjithmonë atë shpresë
që me ka shtyrë të kërkoj Ty..

Përballë teje janë forca ime dhe mjerimi im:
mbroje të parën dhe shëroje të dytë.
Përballë teje janë dituria ime dhe injoranca ime:
atje ku ma ke hapur një rrugë, prano që të hyj;
atje ku ma ke mbyllur derën,
hape kur duartrokas.

Bëj që të përkujtoj Ty,
që të kuptoj Ty,
që të dua Ty.

SHËN AUGUSTINI.

Torrkerry

[torrkerry]

POR TI MË KE GJETUR!

Shtegtar mbi tokë
çdo ditë të kërkoj,
por ku do të gjej, o Zot?
Fute shikimin tënd
kah fundi i zemrës tënde:
Unë jam atje e të kërkoj!

I uritur për drejtësi,
në mëngjes shpresoj në Ty,
si do ta shuaj urinë time?
Merre Eukaristinë
dhe jetën time e dhënë për ju:
dëshira jote është shpresa ime.

Në ankth prej heshtjes
në mbrëmje unë të bëj thirrje:
britmën time e dëgjon Ti
kur ngrihet te Ti?
Mëso të dëgjosh,
dëboje frikën;
heshtja ime është një thirrje:

I tërhequr prej Atit,
në një vend të përshtatshëm
unë të pres gjatë natës,
o Jezus, a do të vish shpejt?
Unë duartrokas te dera jote
dhe pres: ma hape derën,
i padurueshëm, e pres mirëpritjen tënde.

Shtegtar mbi tokë,
çdo ditë të kërkoj,
por Ti më ke gjetur, o Zot.

FR. MAURICE DI TAMIE.

Torrkerry

[torrkerry]

BESIMI I SAMARITANES.

Përnjëmend është punë e denjë dhe e drejtë,
është detyrë e jona dhe burim shëlbimi,
të falemi nderit gjithmonë e gjithkund
Ty, o Zot, Atë i shenjtë,
Hyji i gjithëpushtetshëm dhe i amshuar,
nëpër Krishtin Zotin tonë.
Ai, ndërsa po kërkonte prej Samaritanes ujë,
i fali dhuratën e fesë.
Më fort dëshironte fenë e saj se ujët,
sepse donte që ta ndizte në të zjarrin e dashurisë hyjnore.
Prandaj edhe ne po të falënderojmë,
e bashkë me engjëj po e këndojmë fuqinë tënde...

NGA LITURGJIA

Torrkerry

[torrkerry]

DASHURIA JOTE DHE VENDIMI YT MË MUNDUAN.

O Hyji im,
dashuria jote që i tejkalon çdo dëshirë,
dhe vendimi yt mbi mua.
më mundojnë.
Dhe pasioni ma ka burgosur
me leqet e dashurisë.

Ji Ti mbrojtësi im
për të më munduar
dhe për të fituar nëpërmjet teje.

Më pasuro me hirin tënd
që unë, falë teje,
të kem mundësi të mos pyes më.

IBN ATA ALLAH.

Torrkerry

[torrkerry]

PJESEMARRESIT NE VEPREN E KRIJIMIT.

O Hyji, Ati yne,
Ti ia besove veprintarise njerezore
detyren qe t' i ndjeke
arritje gjithmone te reja,
bej qe te marrim pjese ne vepren e krijimit
me pranimin bijesor te vullnetit tend,
ne shpirt vellazerie te vertete.

NGA LITURGJIA.

Torrkerry

[torrkerry]

SHPIRTI I FEMIJERISE.

O Zot, zemra ime nuk është mendjemadhe
dhe sytë e mi nuk janë krenarë,
dhe unë nuk merrem me gjëra tepër të mëdha
dhe tepër të larta për mua.


E kam qetësuar dhe e kam tulatur me të vërtetë shpirtin tim,
si një fëmijë i zvjerdhur në gjirin e nënes së tij;
shpirti im brenda meje është si një foshnje e zvjerdhur.


O Shpirti iml, shpreso tek Zoti, tani dhe përjetë.

Torrkerry

[torrkerry]

O HYJI...

Do te therras ne ndihme Ty, o Tejetlarti,
perej teje me vjen cdo e mire.
Me dergo prej qiellit shelbimin tend,
sepse vetem Ti,
ne saje te zemres tende te dashur,
mund te me vizitosh,
sikurse Dielli prej qiellit.

Nga Liturgjia.

Torrkerry

[torrkerry]

LAVDI TY, O ZOT!

Te lavderofshi, o Zot, zerat dhe shpirtrat tane
e pasi qenia jone eshte dhurate e dashurise sate,
krejt jeta jone le te shnderrohet ne nje lavd te perhershme.

NGA LITURGJIA.

Torrkerry

[torrkerry]

JEZUS, DULCIS MEMORIA

Jesu, dulcis memoria,
dans vera cordis gaudia:
sed super mel et omnia
ejus dulcis praesentia.

Nil canitur suavius,
nil auditur jucundius,
nil cogitatur dulcius,
quam Jesus Dei Filius.

Jesu, spes paenitentibus,
quam pius es petentibus!
quam bonus te quaerentibus!
sed quid invenientibus?

Nec lingua valet dicere,
nec littera exprimere:
expertus potest credere,
quid sit Jesum diligere.

Sis, Jesu, nostrum gaudium,
qui es futurum praemium:
sit nostra in te gloria,
per cuncta semper saecula.
Amen.





Në shqip:

KUJTIMI I JEZUSIT T’ËMBËL.
Kujtimi i Jezusit t’ ëmbël,
që zemrës i jep gëzime të vërteta,
përmbi çdo gjë e mbi mjaltin
prania e tij e ëmbël.

Asgjë më këndshëm nuk këndohet,
asgjë më gëzueshëm nuk dëgjohet,
asgjë më ëmbël nuk mendohet
se Jezusi, Biri i Hyjit.

Jezus, ti ëmbëlsia e zemrave,
gurra e së vërtetës, drita e mendjeve,
ti shquhesh mbi çdo gëzim
dhe përmbi çdo dëshirë.

Kur zemrën tonë vjen të shohësh,
shkëlqen në Ty e vërteta,
bie vlera e kotësisë së botës
dhe brenda zien dashuria.

Shpirtgjerë na jep Ti faljen,
me begati dashurie;
na jep me praninë tënde
të shohim lavdinë tënde.

Ne Ty të thurim lavdet,
që je Biri i dashur,
që e Atit dhe i Shpirtit
zbulon shkëlqimi i ndritur.
Amen.

Torrkerry

[torrkerry]

LUM AI...

O Zot, Hyji im,
i meshirshem,
i mire dhe i madh ne dashuri,
lum ai qe shpreson ne Ty.

Torrkerry