Lutjet që devotshmëria e Krishtërve ia ka kushtuar njinisë të Hyjit.

[torrkerry]

TI QË JE ZOTI IM...

Ti që je Zoti im,
Ti, vullnetin i të cilit ia preferoj
vullnetit tim,
sepse nuk mund të lutem gjithmonë me fjalët,
nëse ndonjë herë të kam thirrur në ndihmë
me një devotshmëri të vërtetë,
kuptoje lebetitjen time:
Pranoje me një pëlqim të plotë këtë devotshmëri
që të therret me më të madhen dashuri,
dhe, që fjalët e mia të jenë gjithmonë më të denja
për t’u pranuar, jepia forcën dhe durimin
zërit të lutjes sime.
O Hyji, që je i fuqishëm,
për sa më përket mua, shërbëtorit tënd,
unë po të lutem dhe do të lutem vazhdimisht
që të meritoj të kem Ty gjithmonë në mua.
Nuk të lutem për diçka tokësore:
unë e pyes atë që duhet të pyes: vetëm Ty!

BRUNO NGA KOLONIA.

Torrkerry.

[torrkerry]

O HYJI, KI DHIMBJE PER MUA!

Zoti është pjesa e trashëgimit tim:
e dhashë fjalën t’i mbaj urdhërimet e tua.

T’u përluta me gjithë fuqi të zemrës:
ki dhimbje për mua sipas fjalës që më dhe.

I shqyrtova hollë udhët e mia
dhe i ktheva hapat e mi në urdhërime të tua.

Nxitova e nuk vonova
për t’i zbatuar urdhërimet e tua.

Më rrethuan leqet e të patenzonëve,
nuk e harrova Ligjin tënd.

Në mesnatë ngrihem për të të thurur lavdi
për shkak të vendimeve të tua të drejta.

Jam mik me të gjithë ata që të druajnë,
me ata që i zbatojnë urdhërimet e tua.

Plot është toka, o Zot, me dashurinë tënde,
m’i mëso rregulloret e tua.

Ps 119, 58vv.

Torrkerry

[torrkerry]

LUTJE E SEDRAH.

Më jep, o Zot, hirin e faljes të mëkateve të mia,
që të qaj,
sepse dëgjova se lotet janë shumë të fuqishme
dhe janë një ilaç i madh
për trupin e mjerë
që Ti më ke bërë.

NGA APOKALIPSI I SEDRAH.

Torrkerry.

[torrkerry]

I BËRE MIRË, O ZOT, SHËRBËTORIT TËND!

I bëre mirë, o Zot, shërbëtorit tënd
ashtu si ia dhe fjalën.

Ma mëso mirësinë, urtinë e dijen,
sepse u besoj urdhërimeve të tua.

Para se sprovova vuajtjen u enda larg teje,
por tani unë e mbaj fjalën tënde.

Ti je i mirë e bën mirë,
ma mëso vullnetin tënd.

Krenarët përbluajnë kundër meje tradhti,
por unë me gjithë zemër do t’i mbaj urdhërimet e tua.

U trash zemra e tyre si dhjami,
ndërsa unë kënaqem në Ligjin tënd.

Është mirë për mua që vuajta,
kështu do ta mësoj vullnetin tënd.

Më i mirë është për mua Ligji yt
se me mijëra ar e argjend.

PS 119, 65VV.

Torrkerry

[torrkerry]

E NDEROJ DHE E ADHUROJ HYJIN E TEJET LARTË.

E nderoj dhe e adhuroj Hyjin e tejetlartë
dashamirësia e të cilit nuk krahasohet.
O Hyji, ma jep hirin që t’ia arrij urtisë supreme:
për këtë largojë prej meje atë që mund të më pengojë
ta arrij këtë qëllim!
O Hyji i tejetlartë, më jep atë që të lyp
me afshe më të thella të zemrës sime.
Prej teje shikimin e përsosur e kërkoj,
dhe esencën e urtisë tënde , o Mësues,
jepua atyre që e kërkojnë.

Fuqia dëpërtuese e syrit
bën të shihen gjerat,
por syri nuk mund ta shohë veten,
zjarri mund ta djegë gjithçka për rreth,
por nuk mund të djegë veten.
Edhe vetë mendja nuk mund ta gjejë mendjen,
sepse Ti vetë, o Hyji i gjithmbarshëm,
je Mendja, je Zjarri, dhe je Syri.

SHARAPA, NJË DIJETAR INDIAN, SH. XI.

Torrkerry

[torrkerry]

SHPRESOVA NË FJALËN TËNDE.

Duart e tua më bënë e më dhanë trajtë,
më jep kuptim t’i mësoj urdhërimet e tua.

Kur më shohin ata që ty të druajnë, gëzohen,
sepse shpresova në fjalën tënde.

E di, o Zot, se gjyqet e tua janë të drejta,
me plot të drejtë më përule.

Le të më ngushëllojë, pra, mëshira jote
sipas premtimit që i dhe shërbëtorit tënd.

Ardhtë mbi mua mëshira jote e do të jetoj,
sepse Ligji yt është kënaqësia ime.

Le të turpërohen krenarët pse dijekeqas më poshtërojnë,
e unë do t’i kujtoj urdhërimet e tua.

Le të sillen drejt meje ata që ty të druajnë,
ata që i njohin dëshmitë e tua.

U përsostë zemra ime në rregulloret e tua,
që kurrë të mos trupërohem.


PS 119, 73-80.

Torrkerry

[torrkerry]

MË PËRTËRIJ PASHË DASHURINË TËNDE...

Po më shkrihet shpirti në pritje të shëlbimit tënd,
kam besim të plotë në premtimin tënd.

Sytë po më shteren prej dëshirës së fjalës sate
e them: “Kur do të ma japësh ngushëllimin?”

U bëra si rrësheku në tym,
por nuk i harrova rregulloret e tua.

Po edhe sa ditë do të rrojë shërbëtori yt?
Kur do t’i gjykosh përndjekësit e mi?

Më hapën gropa krenarët
që s’jetojnë sipas Ligjit tënd.

Të gjitha urdhërimet e tua janë të vërteta;
dijekeqas më kanë salvuar: deh, më eja në ndihmë!

Për pak sa s’më rrëzuan përdhe,
megjithatë unë nuk u shmangem urdhërimeve të tua.

Më përtërij pashë dashurinë tënde
e unë do t’i ruaj dëshmitë e gojës sate.


Ps 119, 81-88.

Torrkerry

[torrkerry]

YTI JAM: DEH, TI MË SHPËTO!

E amshueshme është, o Zot, fjala jote,
e qëndrueshme porsi qielli.

Brez pas brezi e vërteta jote;
e themelove tokën dhe ajo qëndron.

Me urdhrin tënd gjithçka qëndron deri më sot,
sepse çdo gjë është në shërbimin tënd.

Po të mos ishte Ligji yt kënaqësia ime,
do të kisha mbaruar në mjerimin tim.

Kurrë e për këtë jetë s’do t’i harroj urdhërimet e tua,
në saje të tyre ti më mban në jetë.

Yti jam: deh, ti më shpëto,
sepse i kërkoj me zell urdhërimet e tua.

Të mbrapshtët mundohen të më humbasin;
por unë i kujtoj porositë e tua.

Çdo përsosmërie unë i shoh kufirin:
por Ligji yt kufi nuk ka.

Ps 110,89-96.

Torrkerry

[torrkerry]

O ZOT, MOS MË BRAKTIS!

Këndoni kënget e vajtimit për mua,
Engjëj dhe Kryeëngjëj,
Prefetë, Apostuj dhe Martirë,
ju të gjithë që e dëshmuat fenë me një jetë të shenjtë
apo duke jetuar në virgjërinë,
dhe pastaj më varrosni!

O Zot Jezu Krisht, të lutem,
mos më braktis
në momentin në të cilin
shpirti do të largohet prej trupit:
bëj që djajtë të mos vijnë të më takojnë!
Bëj të mos më bëjnë keq!

NGA VEZHGIMI I ESDRËS,
NJË APOKRIFË I SH. II.

Torrkerry.

[torrkerry]

E URREJ CDO GENJESHTER.

Sa shumë e dua, o Zot, Ligjin tënd:
gjithë ditën e bluaj me mend!

Urdhri yt më bëri më të dijshëm se armiqtë e mi,
sepse gjithmonë është me mua.

Jam më i dijshëm se të gjithë mësuesit e mi,
sepse i kujtoj urdhërimet e tua.

Më i dijshëm jam edhe se pleqtë,
sepse i mbaj urdhërimet e tua.

Larg i mbaj këmbët e mia nga çdo udhë e së keqes
për t’i ruajtur urdhërimet e tua.

Nuk u shmangem gjyqeve të tua,
sepse ti ma dhe Ligjin.

Sa të ëmbla janë për qiellzën time fjalët e tua,
më të ëmbla se mjalti për gojën time.

Me anë të urdhërimeve të tua fitoj urtinë,
prandaj urrej çdo udhë gënjeshtre.


Ps 119,97-104.


Torrkerry