Lutjet që devotshmëria e Krishtërve ia ka kushtuar njinisë të Hyjit.

[torrkerry]

DËGJOJE, O ZOT, LUTJEN TIME.

Dëgjoje, o Zot, lutjen time;
nga frika ndaj armikut,
liroje jetën time.

Më ruaj nga shoqëria e rebeleve
dhe nga kundërshtimi i të këqijve:
ata e mprehin si një shpatë gjuhën e tyre
dhe i gjuajnë me fjalë të këqija
që depërtojnë si shigjeta.

Kundërshtojnë atë që është i përsosur,
e sundojnë atë papritmas
dhe nuk kanë frikë.

Këmbëngulin në planin e tyre vetëm për të keqen,
vënin re për t’i fshehur leqet,
duke menduar që askush nuk do t’i shohë.

Bluajnë në mendimin e tyre gjëra të mbrapshta
që pastaj i kryejnë, dhe çdonjëri prej tyre
i ruajnë sekretët e veta në fshehtësinë e zemrës.

Por Hyji do t’i shpojë papritmas
me një shigjetë të shpejtë dhe do t’i dëmtojë.
Po, gjuhët e tyre do të jenë shkaku i humbjes së tyre
dhe ata që do t’ a shohin rënien e tyre,
do t’i mbulojnë me turp.
E të gjithë njerëzit, duke i parë, do të thonë:
Kjo është vepra e Zotit.
Dhe do të kuptojnë që është vepra e Tij.
Njeriu i drejtë do të gëzohet me Hyjin
dhe do të ketë besim në Të.
Dhe të gjithë ata që do ta kenë zemrën e pastër,
do të jenë të lumtur.

Nga THE BOOK OF COMMON PRAYER.

Torrkerry.

[torrkerry]

MË LIRO NGA POSHTËRIMI DHE TURPI!

Bëja këtë të mirë shërbëtorit tënd:
që të jetoj e ta mbaj fjalën tënde.

M’i hap sytë të shikoj
mrekullitë e ligjit tënd.

Ravgues jam unë përmbi dhe,
mos i fsheh para meje urdhërimet e tua.

Shpirti im meket gjithherë
prej dëshirës së qjyqeve të tua.

Ti u kërcënohesh krenarëve:
të mallkuar janë ata që u shmangen urdhërimeve të tua.

Më liro nga poshtërimi e turpi,
sepse i ruaj dëshmitë e tua.

Nëse edhe princat bëjnë mbledhje e flasin kundër meje,
shërbëtori yt ushtrohet në rregulloret e tua.

Sepse dëshmitë e tua janë kënaqësia ime,
rregulloret e tua këshilltarët e mi.


Ps 119,17,24.

Torrkerry

[torrkerry]

O HYJI I AMSHUAR, MBRETI I GJITHËSISË!

O Hyji i amshuar, mbreti i gjithësisë!
nga froni yt shumë i lartë,
ule shikimin e Pranisë tënde plot dashuri
kah qielli dhe toka.
Forca dhe fuqia janë të tuat;
vetëm nëpërmjet teje,
gjithçka lartësohet dhe konfirmohet.
Nga vendi yt i shenjtë, o Zot,
bekoje dhe mbroje Republikën Franceze
dhe popullin Francez.

Jepi vendit tonë të dashur siguri dhe lumturi
që të mund të gëzojë një paqe të plotë. Amen.

Bëj që Franca të përparojë nëpërmjet punës,
arsimit dhe harmonisë shoqërore
dhe që të kursejë gjithmonë nderin e saj
ndër të gjitha kombet. Amen.

Bëj që rrezet e dritës Tënde t’i ndriçojnë
dhe t’i udhëheqin ata që na qeverisin:
bëj që mëshira dhe hiri
të jenë gjithmonë në zemrat e tyre. Amen.

Pranoji me pëlqim lutjet tona:
bëj që fjalët e gojës tonë
dhe mendimet e zemrës tonë
të gjejnë hirin dhe pëlqimin prej Teje,
o Hyji i amshuar, Krijuesi ynë, Shpëtimtari ynë.
Amen.

HEBRENJTË FRANCEZË PËR ATDHEUN.

Torrkerry.

[torrkerry]

O HYJI, O HYJI IM, UDHA E SE VERTETES!

Shpirti im hiqet zvarrë nëpër pluhur:
më përtërij sipas zotimit që më dhe.

I kam treguar udhët e mia e ti më dëgjove:
m’i mëso rregulloret e tua.

Bëj ta kuptoj udhën e urdhërimeve të tua
e do t’i kujtoj mrekullitë e tua.

Prej trishtimit shpirti im qan me lot,
më forco shpirtërisht sipas premtimit që më dhe.

Më mbaj larg nga udha e gënjeshtrës,
më pajis me Ligjin tënd.

E kam zgjedhur udhën e së vërtetës,
në zemër i kam urdhërimet e tua.

Jam lidhur pas vendimeve të tua, o Zot,
mos lejo të turpërohem.

Vrapoj udhës së urdhërimeve të tua,
sepse ti ma ke shndritur zemrën.

Ps 119, 25-32.

Torrkerry

[torrkerry]

ME SHPETO, O HYJI IM!

Ma trego, o Zot, udhën e ligjeve të tua,
dhe unë do ta mbaj gjithmonë.

Më jep kuptim që ta mbaj Ligjin tënd
e do ta zbatoj me gjithë zemrën time.

Më prij udhës së urdhërimeve të tua,
sepse në të e kam kënaqësinë time.

Prire zemrën time drejt urdhërimeve të tua
e jo drejt lakmimit të pasurisë.

Largoji sytë e mi të mos e shohin kotësinë,
më përtërij në udhën tënde.

Plotësoja shërbëtorit tënd premtimin tënd
që ua dhe atyre që të druajnë.

Më shpëto nga çnderimi që aq fort i trembem,
sepse gjyqet e tua janë të mrekullueshme.

Oh, sa fort i dua urdhërimet e tua,
më përtërij në drejtësinë tënde!

Ps 119, 33-40

Torrkerry

[torrkerry]

O MËSUES IM I ËMBEL!

O Mësues im i ëmbël, jepnu një farë vlerë
këtyre lotëve të mia, dhe e pastroni
që të jetë e çiltër një ujë aq të turbullt.
Bëni këtë edhe vetëm me qëllim
që askush tjetër si unë të mos bie në tundim,
duke i shprehur mendimet të dyshimta.

Nga thellësia e shpirtit tim ju kam thënë:
O Zot, pse edhe shumë mëkatare
dhe e devotshme vetëm me fjalë,
Ju me pasuroni me hiret që i refuzoni
shpirtrave më të shenjtë që Juve u dorëzohen,
dhe që ju kanë shërbyer me besnikëri
qysh prej fëmijërisë së tyre?
Tani e kuptoj arsyen e sjelljes Tuaj ndaj meje!
Unë isha e dobët dhe Ju ma keni ofruar këtë ndihmë!

Ata shpirtrat ishin të fortë dhe pa interes Të donin.
Dhe pa këta hire, dukeshin heroikë në shërbimin Tuaj,
dhe qëllimi juaj ishte që ta kishin shpërblimin e plot
në momentin e kalimit në botën e amshuar.

Por Ju e dini, o Hyji im, që nga thellësia e zemrës time,
një lutje plot ofshame ngjitej tek Ju.
Unë i falja njerëz që shpifnin kundër meje,
duke ditur që kishin më shumë se një arsye
për ta bërë këtë.
Edhe atëherë, kjo është e vërtetë, mirësia Juaj
i vinte në ndihmë dobësisë time:
nuk ju ofendova më si më përpara,
dhe këmbëngula për të evituar gjithçka
që të mundte t’ju jepte dhimbje.

Menjëherë pas dhurimit të kësaj besnikërie
Ju, o Hyji im, keni filluar t’ua jepni me bujari
dhuratat tuaja shërbëtores Tuaj.
Nga ana ime, Ju keni pritur vetëm, kështu më duket,
pak vullnetin dhe përgatitjen, dhe për këtë
keni qenë gati të më pasuroni me çdo dhuratë
dhe keni bërë gjithçka që nevojitej
që këto dhurata të njiheshin.

SHENJTA TEREZA NGA AVILA.

Torrkerry

[torrkerry]

MA JEP, O ZOT, MËSHIRËN TËNDE!


Ma jep, o Zot, mëshirën tënde,
shëlbimin tënd sikurse m’u zotove.

Do t’u përgjigjem atyre që më poshtërojnë
se shpresoj në fjalën tënde.

Kurrë mos e hiq prej gojës sime fjalën e së vërtetës,
sepse kam besim në gjyqet e tua.

E unë do ta mbaj Ligjin tënd përherë,
në shekuj e në jetë të jetës.

Do të eci udhës së gjerë,
sepse i kërkoj urdhërimet e tua.

Para mbretërve do të flas për dëshmitë e tua
e nuk do të më vijë turp.

Do të kënaqem në urdhërimet e tua,
që aq shumë i kam për zemër.

I lartësoj duart e mia drejt urdhërimeve të tua që i dua,
e do t’i bluaj në mendje rregulloret e tua.


Ps 119, 41vv.

Torrkerry

[torrkerry]

ME TË DREJTË...

Me të drejtë, o Hyji i shumë i lartë,
Bota i këndon lavdet e tua,
Dhe e gjen ngushëllim duke të lavdëruar.
Shpirtrat e këqij prej frikës ikin,
por një mori e madhe shenjtërish
përulen në adhurim para teje.

E pse nuk do të duhet të nderojnë Ty,
o Zot i madh? Ty që je Kreator i gjithësisë,
Sundimtar i të gjitha krijesave,
Ty, streha e amshuar dhe e pakufishme
e rruzullit mbarë.
Ti je Ai-që-është, Ti je Ai-që-nuk- është,
dhe gjithçka është përtej këtyre emrave.

Ti je Hyji i zanafillës,
Zotërues i gjithë njerëzimit
qysh më përpara ekzistencës së njeriut.
Ti je Visari më i madhërishëm
i këtij universi të pakufishëm.
Ti je Ai që njeh gjithçka,
dhe i vetmi që duhet të njihet prej të gjithëve.
Ti je vendi i pushimit së fundit.
Ti je i pranishëm gjithkund,
në Ty gjitha gjërat përmblidhen.

Hyji i erës dhe i detit,
i zjarrit dhe i vdekjes!
Zotërues i hënës së vetmuar,
Ti je kreator, Ai që është
më përpara të gjithë gjërave!
Qofsh i nderuar, qofsh një mijë herë i adhuruar,
e për gjithmonë i nderuar dhe i adhuruar!

Qofsh i nderuar, Ti që je përpara dhe mbrapa meje,
Ti që je gjithkund, o Ti që je gjithçka!
O Hyji i gjithëpushtetshëm,
fuqia e të cilit nuk mund të matet,
Ti je pronar i gjithçkaje,
dhe për këtë je gjithçka.

Për një pretendim të madh,
e ndoshta për miqësinë,
kam thënë shpesh herë:
“O Zot,Hyji im, Miku im!”.
Por e bëra duke e injoruar madhërinë tënde.

Dhe nëse për mendjelehtësi
nuk të kam respektuar si duhet,
kur isha vetëm, apo në praninë e të tjerëve,
dhe nëse shpotitem me Ty
në lojë, në ëndrra dhe në festa gëzime,
për mëshirën tënde unë të kërkoj faljen
Ty që je mirësia e përhapur gjithkund.

Ati i gjithë botës, Mjeshtër i madh,
Fuqia dhe Madhëria pa kufi,
si mund të jetë dikush i ngjashëm me Ty?
Si mund të jetë një tjetër më i madh se Ti?

Unë përulem para teje,
dhe bie përmbys në adhurim para teje,
dhe me afsh e kërkoj Hirin tënd,
o Zot i plotfuqishëm dhe i lavdishëm!
Ma jep Hirin tënd, o Zot,
si një baba birit të tij,
si një fejuar fejuarës të tij.

KËNGA LAVDIE TË ARJUNA-S
BHAGAVAD-GITA, XI,36-44.

Torrkerry.

[torrkerry]

Ma jep, o Zot, mëshirën tënde.

Ma jep, o Zot, mëshirën tënde,
shëlbimin tënd sikurse m’u zotove.

Do t’u përgjigjem atyre që më poshtërojnë
se shpresoj në fjalën tënde.

Kurrë mos e hiq prej gojës sime fjalën e së vërtetës,
sepse kam besim në gjyqet e tua.

E unë do ta mbaj Ligjin tënd përherë,
në shekuj e në jetë të jetës.

Do të eci udhës së gjerë,
sepse i kërkoj urdhërimet e tua.

Para mbretërve do të flas për dëshmitë e tua
e nuk do të më vijë turp.

Do të kënaqem në urdhërimet e tua,
që aq shumë i kam për zemër.

I lartësoj duart e mia drejt urdhërimeve të tua që i dua,
e do t’i bluaj në mendje rregulloret e tua.

Ps 119, 41-48.

Torrkerry

[torrkerry]

NE GJYQET E TUA, NGUSHELLIM!

Të të bjerë ndër mend zotimi që i dhe shërbëtorit tënd,
me të cilin më ke dhënë shpresë.

Në vështirësinë time e kam këtë ngushëllim
sepse fjala jote ma përtëriti jetën.

Krenarët po më përqeshin së tëpërmi,
por unë nuk i shmangem Ligjit tënd.

I kujtoj, o Zot, gjyqet e tua të lashta
dhe në to gjej ngushëllim.

Unë zemërohem tepër në mëkatarë
që i shmangen Ligjit tënd.

Këngë janë për mua urdhërimet e tua,
në dheun e shtegtimit tim.

Natën e kujtoj, o Zot, Emrin tënd,
dhe e zbatoj Ligjin tënd.

E mua më ndodh kështu,
sepse i mbaj urdhërimet e tua.

Ps 119, 49-56