Lutjet që devotshmëria e Krishtërve ia ka kushtuar njinisë të Hyjit.

[torrkerry]

HYJI QË BËN MREKULLIRA.

Ti që liron prej së keqes,
që i shëron sëmundjet,
mjeku që e shëron syrin
që nuk ka mjekim,
që i hap sytë,
që e shëron verbësinë.
Ti je Hyji im,
Ai që e shëlbon atë që ai e don,
duke e liruar nga fatin fatal,
sipas vullnetit së vet.
Sy dhe veshë ti ke,
edhe pse je shumë larg
prej atij që ti e don.
I pafuqishëm është djalli
Kur shqiptohet emri yt.
Ajri ndryshon drejtimin e vet,
stuhia largohet në vendet e tjera...
dhe ti pajtohësh të na japë qetësi,
kur ne kujtohemi për ty.
Hyji, fjala e të cilit është e dobishme
kur dridhemi nga frika,
Hyji,flladi dhe freskia për atë
që të therret në ndihmë,
Hyji, që përmbytsin në det e shpëton,
Hyji i mëshirshëm dhe plot mirësie
në të gjitha planet e tua,
Ty të përket njeriu i nënshtruar,
i përvuajtur në aspiratat e tij.
O Hyji, ti je më i dobishëm se miliona
për atë që të ka në zemër.

SH.XIII, NGA EGJIPTI.

Torrkerry

[torrkerry]

O HYJ, BUKURIA E DITËS.

O Ti, bukuria e ditës! O Ti, mali i tejetlartë!
O Ti, zemra e Qiellit dhe e Tokës!
O Ti, dhuruesi i pasurive, i shiut gjallërues veror,
i misrit në pranverë, i bijve dhe i bijave!
Kthjelle fytyrën tënde ndaj nesh,
dhe me bujari shpërndaji mbi ne lavdinë e pasuri!
Jepu fëmijëve tanë dhe punëtorëve tanë jetë dhe përparim!
Që të shumëfishohen dhe të rriten
ata që në emër të të gjithëve kanë detyrë
të të ushqejnë dhe të të mbrojnë,
ata që prej teje e kërkojnë ndihmën në udhëtimin e tyre,
në fushat, në brigjët e lumenjve, në malet, nën pemët...

Jepjua atyre bij dhe bija!
Që të mos kenë fatkeqësi!
Që të mos dëpërtojë i ligu as përpara as pas tyre.
Që të mos tradhtojnë, që të mos pësojnë plagët.
Që të mos skelin kurorën! Që të mos u mungojë
atyre guximi as në fillim as në fund të udhëtimit.
Që të mos gjejnë pengesa as diçka tjetër
që të mund t’i bëjë diçka të keqe.
Që të mos njohin as fatkeqësi , as aksidente!
Që të jetë e lumtur ekzistenca e atyre
që i sjellin substancën dhe ushqimin
kah goja jote, në prezencën tënde.
Ti, Zemra e Qiellit dhe e Tokës!
I pasur me lavdi! Ti dhuruesi i shiut!
Ti mbjellësi! Ti, kupa e Qiellit,
Sipërfaqja e Tokës! Ti që je gjithkund dhe gjithçka,
bëj që të mbretërojnë vetëm paqja dhe qetësia
përballë fytyrës tënde, në prezencën tënde, o Hyj.

Lutje e MAYAVE QUICHE’.

Torrkerry

[torrkerry]

PËR DASHURI!

O Hyji, nëse është për frikën e ferrit
që unë të shërbej Ty,
më deno që të digjem ndër flakët e tij!
Dhe nëse është për shpresën e Parajsës
që unë të shërbej, më pengo që të hyj në të.
Por nëse është vetëm për ty, për dashurinë tënde
që unë të shërbej, mos më refuzo
kundrimin e fytyrës sate.

Farid al-Din ‘Attar (1150-1220).

Torrkerry

[torrkerry]

PËRSHENDETJE E MENGJESIT.

O Hyj, pranoje përshendetjen time në mëngjes!
Sot është dita e zgjedhur prej nesh!
Sot do të dalim për të mbjellur,
do të dalim për ta kultivuar tokën!
O Hyj, bëj që të mbijë misri,
tashmë mbijnë ata tetë fara!
Tashmë edhe mbijnë tranguj e nentë.
Jepja një grua atij që nuk e ka.
Atij që ka një grua pa fëmijë,
jepja një fëmijë.
Mbroji njerëzit nga ferrat,
nga kafshimi i gjarpërit,
nga stuhija që sjell vdekje,
derdhe shiun,
si derdhet uji në legen!
Hyji im! Eja!

Lutje e DOGON-VE, Afrika perëndimore.

Torrkerry

[torrkerry]

O HYJI I GJITHEPUSHTETSHËM!

O Hyji i gjithëpushtetshëm,
unë po të lutem.
bëj që fushat të jenë të pëlleshme,
dhe që lulëzojnë në dritën e diellit.
Bëj që grunarët të jenë plot
me misrin e artë,
bëj që të gëzohemi për bujarinë
e melit, e grurit dhe për të gjitha mbjellat e tokës.
Që të mund Zoti i amshueshëm
dhe të gjithë shenjtërit e tij qiellorë
të bëjnë që vendet dhe fushat tona
të jenë të lirë nga armiqtë,
dhe që të jenë mbrojtur prej çdo të keqeje
dhe prej çdo magjie të shpërndara nëpër fusha.

Tani unë i lutem Zotit
që e qeveris rruzullin tokësor,
që asnjë magjistar të jetë aq i fort,
as asnjë njeri aq i fuqishëm
për ti shfuqizuar këto fjalë.

Një LUTJE NË ANGLI (1075)
ntëë fillim të ungjillizimit.

Torrkerry

[torrkerry]

JAM I LUMTUR, O ZOT...

Dhe nëse jam i lumtur
në shpresë se do të të shoh,
mendimi që unë mund të të humb ty,
më mbush me dhëmbje.
Duke jetuar me një dhembje kaq të madhe,
dhe duke shpresuar si shpresoj,
unë vdes sepse nuk vdes.

Më liro nga kjo vdekje,
o Hyji im, dhe ma jep jetën.
Mos më shtrengo fort
me këtë leqe vdekjeprurëse!
Shiko! Vuaj shumë nga dëshira
që menjëherë të të shoh!
Dhe dhembja ime është aq e fortë
që unë vdes sepse nuk vdes.

Qysh tani vdekjen time do ta qaj,
dhe për jetën time do të kërkoj faljen
për gjithë kohën në të cilën
do të jem skllevër i mëkateve të mia.
O Hyji im, dhe kur do të ndodhë kjo?
Kur do të mund të them me të vërtetë:
Unë do të jetoj, për të mos vdekur kurrë!

SHËN GJONI I KRYQIT.

Torrkerry

[torrkerry]

QOFSH LËVDUAR HYJI IM I AMSHUAR!

Qofsh lëvduar, Hyji im i amshuar,
mbreti i gjithësisë, që bën që të zbresë
gjumi mbi sytë e mi dhe mbi qëpallat e mia.
O Hyji im i amshuar dhe Hyji i etërve të mi,
më bëje hir që të bëj gjumë në paqe
dhe që në paqe të zgjohem.
Bëj që pushimi im të mos jetë i shqetësuar
as nga imazhet e këqija,
as nga ëndrrat që më parashikojnë diçka të keqe,
as nga mendime të papastra.

Bëj që gjumi im të jetë ai i pafajesisë.
Në ditën e re që lind, jepjua përsëri
dritën syve të mia, që të mos flija në gjumin e vdekjes,
sepse je Ti që jep dritën qëpallave të syve.
Qofsh lëvduar, o Hyji i amshuar,
që bën të shkëlqejë lavdia jote
në rruzullin mbarë tokësor.

LUTJE HEBRAIKE E MBRËMJES.

Torrkerry

[torrkerry]

UNË TË PËRSHENDES, O ZOT I MADH!

Unë po të përshëndes, o Zot i madh!
Erdha para teje, o mësues im,
për ta kundruar përsosmërinë tënde.
Unë të njoh,
dhe i njoh emrat e 40 shpirtrave
që janë me ty...
Ja, erdha në prezencën tënde,
unë e mora gjithçka që është e drejtë,
për ty e kam braktisur të keqen,
nuk i kam bërë padrejtësi kundër njerëzve.
Nuk i kam keqtrajtuar njerëzit.
Nuk kam bërë mëkatet në “Vendin e së Vërtetës”.
Nuk kërkova ta njohë atë që nuk duhet të njihet.
Nuk bëra asgjë të keqe.
As një herë nuk e kërkova një kompensim
atij që duhej të punojë për mua.
Dhe emri im asnjëherë nuk u bashkua
me emrin e atyre që i marrin si skllevër
vëllezërit e tyre, njerëz të barabartë me veten.
Nuk kam blasfemuar kundër Zotit.
Varfanjakun nuk e bëra më të varfër.
Nuk e bëra atë që është e papranueshme për Ty.
Nuk e ofendova asnjë skllevër në praninë e pronarit tij.
Askënd nuk e bëra të vuajë.
Për fajin tim askush nuk vuajti për urinë
dhe askush nuk derdhi lotët.

Askënd nuk e vrava.
Askujt nuk i kam dhënë urdhrin që të vrasë.
Nuk mora asgjë nga ofertat e tempullit.
Nuk e kam përlotur bukën e Hyjnive.
Nuk e vodha ushqimin e të lumturve.
Nuk bëra kurvëri në vendet e shenjta
të Hyjit e qytetit tim.
Nuk i kam mashtruar blerësit në tregun
duke i falsifikuar veglat për ti matur gjërat.
Nuk e kam zvogëluar fushën.
Nuk kam mashtruar në tokën.
Jam i pastër!

Nga LIBRI I TË VDEKURVE!
Në Egjiptin e lashtë.

Torrkerry.

[torrkerry]

I BEKUAR JE, O ZOT.

Si do ta ruajë të pastër djaloshi udhën e vet?
Duke i zbatuar fjalët e tua.

Të kërkoj me gjithë fuqinë e shpirtit tim:
mos lejo t’u shmangem urdhërimeve të tua.

Fjalët e tua i fsheha në zemrën time,
që të mos gaboj kundër teje.

I bekuar je, o Zot,
ma mëso vullnetin tënd.

Me buzët e mia i shpall një nga një
të gjitha qjyqet e gojës sate.

Më shumë i gëzohem udhës së dëshmive të tua
se pasurisë tejet të madhe.

Do të ushtrohem në urdhërimet e tua,
do t’i kujtoj udhët e tua.

Do të kënaqem në rregulloret e tua,
s’do ta harroj fjalën tënde.

Ps, 119,9-16.

Trrkerry

[torrkerry]

LAVDI TY, O HYJI!

Lavdi Ty, o Hyji,
Shenjtëria është e mira më e madhe!
Lumturia është e mira më e madhe!
Lumturia e kompenson të shenjtin
Me shenjtërinë më të lartë!

Besimtarit tënd jepi lavdi dhe pasuri!
Jepi shëndetin e trupit,
Lumturinë në këtë botë tokësore,
Sundimin mbi trupin e tij!

Jepi atij një hir e një gëzim të ligjshëm,
Hirin e një trashëgimit të pasardhësve
Të pajisur me inteligjencë të mirë!

Jepi hirin e një jetë të gjatë,
Hirin që i nevojitet për një jetë
Të virtytshme dhe të drejtë,
Pëlleshme dhe të lumtur.

Që ky hir që unë e kërkoj,
Të më jepet si unë e dëshiroj!
Eja në ndihmë, o Zoti im,
Eja në ndihmë, o Zoti im!


LUTJE AHURA MAZDA-S,
Hyjit suprem të religjionit iranik
Përpara sundimit islamik.

Torrkerry