O HYJI IM!
O Hyji im! Ndër këmbët tua
i vë fitoret e mia.
Amleti, Lear, përkuleni në gjunjë!
Në gjunjë edhe Romeu!
Përkulen flamurët e mia,
përballë teje, o Hyji plotë lavdi!
Sepse ata i këndojnë njeriut,
Dhe nga varri ti, o Hyj, na jep përgjigje.
VIKTOR HUGO
Torrkerry
O ZOT, HYJI IM!
O Zot, po të lutem,
jepma forcë dhe guxim
për ta shqyrtuar zemrën time
dhe trupin tim
pa turp.
CHARLES BAUDELAIRE.
Torrkerry
SHPIRTI IM TË DËSHIRON TY, O ZOT.
Shpirti im të dëshiron ty, o Zot,
e të kërkon me lot në sy.
Si do të mund të mos kërkoj ty, o Zot?
Me Ty shpirti im ishte i lumtur dhe në paqe,
dhe armiku nuk kishte pushtet në mua.
Tani i ligu më ka mposhtur,
dhe me goditjet e tija, shpirti im po lëkundet.
Shpirti im të dëshiron Ty, o Zot,
të dëshiron me të gjithë afshët e zemrës.
Shpirti im të dëshiron Ty, o Hyji, dhe asgjë mbi tokë
më jep një lumturi më të madhe.
Përpos Teje, o Zot, askush, asgjë
nuk mund ta ngushëllojë shpirtin tim.
Dua ta shoh Zotin dhe ta ngop shpirtin tim
me prezencën e tij.
O Hyji, nuk mund të harroj Ty,
dhe në vuajtje të mia të madhe,
Ty unë të thërras në ndihmë!
O Zot, Hyji im, ki mëshirë për mua.
PADRE SILUANE
Torrkerry.
HYJI QË BANON NË ÇDO NJERI.
O Hyji i shpirtrave tanë,
që banon në çdo njeri,
Ti që më ke shpërblyer,
që më ke shpëtuar me bijtë e mi
nga ujërat e përmbytjes,
Ti që nuk ke dashur që të humbshim
si bijtë e dënimit,
sepse mëshira jote ndaj nesh u bë e madhe,
dhe e madhe u bë edhe dhembshuria jote ndaj meje,
bëj që hiri yt të jetë e ndjeshëm në bijtë e mi,
dhe që shpirtrat të këqij të mos kenë pushtet mbi ta,
duke i shfarosur në tokë.
Më beko mua, dhe bekoi bijtë e mi.
LUTJA E NOHEUT, nga fragmente te Qumran-it.
Torrkerry
TË PËRSHENDES TY, PTAH.
Unë të përshëndes Ty, o Pëtah,
o hyji i madh, forma e të cilit është e fshehur!
Ti në paqe zgjohesh nga gjumi,
o Atë i etërve së të gjithë hyjnive!
Zgjohet dielli i shkëlqyeshëm i qiellit,
zgjohet në paqe ai që e themeloi
këtë vend, malet dhe shkretëtirat,
dhe bën që gjelbërohen me ujin
që zbret prej qiellit.
Në paqe!...
Zgjohet ai që është prej amshimit,
zoti që jep vazhdimisht ushqimin
atyre që e duan atë.
Në paqe!
Himni Pëtah-it, hyjit të Egjiptit.
Torrkerry
U MADHËROFTË...
U madhëroftë dhe u shenjtëroftë
emri yt i madh,
në botën që ti e krijove sipas pëlqimit tënd!
Ardhtë mbretëria jote gjatë kësaj jete tonë,
dhe të gjithë ditëve tona,
dhe gjatë jetës të njerëzimit mbarë
në këtë kohë të tanishme dhe në t’ ardhmen!
U bekoftë, u lavdëroftë, u nderoftë ,
u madhëroftë dhe u këndoftë
emri yt i shenjtë. U bekoftë!
Sepse emri yt, o Zot, është mbi
dhe përtej çdo bekimi, himni, lavdërimi
që shqiptohet në këtë botë!
Dhe që të gjithë të thonë: Amen!
LUTJA ARAMAIKE me të cilën mbyllet çdo ditë lutja në Sinagogat.
Torkerry
O TI QË TË GJITHË TE DUAN.
O Ti që të gjithë zemrat të duan,
nuk ka asnjë si Ti!
Prandaj ki mëshirë për mëkataren
që sot tek Ti drejtohet.
O Shpresa ime dhe pushimi im,
dhe gëzimi im,
zemra nuk mund të dojë askënd
përpos Teje, më shumë se Ty.
Rabi’a al-Adawiyya.
Torrkerry
O ZOT I LOTËVE.
Mos na përplas në fëmijët tanë,
dhe as në zgjatjen e ditëve tona.
Mos je i pandjeshëm, apo zemërgur.
Mos u bëje të keqen kafshëve tona,
dhe as kuajve tanë.
Mos i përdhos heronjtë tanë
në hidhërimin tënd,
O Zot i lotëve.
Lutje RUDRËS, Hyjit të errësirës, të varrezave,...
Një hyjni hindus së bashku me Shivën dhe Kali-n.
Torrkerry
Lutja per Shkrimtaret
"Ati Yne qe je ne qiell,
jepna fuqine ta mbajme gojen te mbyllur
kur s'kemi per te thene gje!
Falna durimin te thellojme nje pune
perpara se te shkruajme mbi te!
Frymezona me nje ndjenje te mbrehte te drejtesise
qe te flasim jo vetem ne paanesi
po edhe te sillemi ashtu!
Shpetona nga grackat e gramatikes,
nga shtrembërimet e gjuhës
dhe lajthitjet e shtypit.
Ashtu qoftë.
FAIK KONICE.
tORKERRY
PREZENCA JOTE.
Si do të jetë e ëmbël prezenca jote,
Ti që je e mira më e madhe!
Do të afrohem me heshtje te ti
Dhe do ti zbuloj këmbët e tua
Që Ti të përkulësh për t’u bashkuar me mua...
Unë do ta mohoj çdo gëzim
Deri kur nuk do të jem i lumtur
Ndër krahët e tua.
Dhe tani, po të lutem, o Zot,
Mos më braktis kurrë për jetë
Në vetminë time,
Sepse në këtë vetmi
Mund ta humbas shpirtin tim.
SHËN GJONI I KRYQIT/
Torrkerry
Regullat e Postimit
Përgjigju Duke Cituar
Krijoni Kontakt