Lutjet që devotshmëria e Krishtërve ia ka kushtuar njinisë të Hyjit.

[torrkerry]

NËSE EKZISTON, BËJ QË TË SHOH.

O Zot,
unë nuk di të lutem.
Askush kurrë nuk më mësoi këtë.
Edhe tani nuk di çka të them:
po ti ekziston?
Nëse ekziston, pse nuk bën që unë të shoh?
Ndoshta pretendoj shumë?
Majet e maleve, detërat, lulet,
gjithë krijesat flassin për ty,
por unë nuk jam i aftë për të zbuluar.
Thuhet edhe se dashuria është
si një provë e ekzistencës tënde.
Ndoshta për këtë nuk të kam takuar:
nuk kam qenë i dashuruar kurrë në atë masë
që ta ndjej në atë dashuri praninë tënde.
O Zot, bëj që ta provoj një dashuri
që të më mbartë tek ti,
një dashuri të sinqerte, pa interes, besnike dhe bujare,
një dashuri që të jetë shenjë e dashurisë tënde.

SHEN AUGUSTINI.

Torrkerry

[torrkerry]

NDRIÇOJI SYTË E MI, O ZOT.

Ndriçoji sytë e mi, o Zot,
që të di çfarë është e pelqyeshme
përpara teje gjithëherë,
dhe unë do të jem i urtë.

Të mos bie ndër mend për mëkatet e rinisë time
dhe për injorancën time në të kaluaren,
dhe unë do të jem i drejtë.

Më udhëheq në jetën tënde
dhe unë do të jem i shenjtë.

Shen BERNARDI.

Torrkerry

[torrkerry]

UNË DËSHIROJ TË TË DUA TI, SI TI MË DO!

O Zoti im,
unë dëshiroj të dua të gjithë ata që ti i do.
Unë dëshiroj të dua me Ty vullnetin e Atit.
Unë nuk dua që asgjë ta largojë
zemrën time nga zemra jote.
Unë nuk dua që diçka të jetë në zemrën time
dhe të mos jetë edhe e zhytur në zemrën tënde.
Gjithçka ti e do, e dua edhe unë.
Gjithçka ti dëshiron, e dëshiroj edhe unë.
O Zoti im, unë ta dorëzoj ty zemrën time
që t’ ia ofrosh atë Atit
se bashku me zemrën tënde.
si diçka që është jotja
e që ti mund t’ia ofrosh sepse ajo është jotja.
Vullneti yt kryet në mua e në të gjitha krijesat e tua.
Nuk dua asgjë tjetër, o Zoti im, Amen.

CHARLES DE FOUCAULD.

Torrkerry

[torrkerry]

ATIT QË NA SHËLBON.

O ZOT, HYJI YNË,
Ati i gjithëpushtetshëm,
Vetëm ti je Shëlbuesi im.

Unë besoj në ty.
Besoj se je i gjallë këtu, tani
E se ti e ke çdo pushtet
Mbi mua dhe mbi jetën time.

Në çdo rrethanë je forca ime.
O Zot, ti je zotëruesi im.
Ti je Hyji im.

Ti je mbreti im.
Ti je e vetmja e mira ime.
Vetëm në ty
e gjej shëlbimin tim.

Në emrin tënd, o Zot,
Çdokush gjunjëzohet
Në qiell, në tokë dhe në nëntokë
Dhe çdo gjuhë le të shpallë:
“Ti, o Hyji, Zoti ynë,
Zoti për gjithmonë”. Amen.

Torrkerry

[torrkerry]

AKT BESIMI DHE DORËZIMI TEK JEZUSI.

O Zot Jezusi, unë besoj në ty.
Besoj se i ke marrë mbi veten mëkatet e mia.
Besoj se unë kam qenë i kryqëzuar me Ty
e se Ti tani jeton në mua.

O Zoti im, unë shpresoj në Ty.

Unë shpresoj se ti do të vazhdosh
ta manifestosh jetën tënde
në jetën time,
edhe pse çdo ditë e bëj
përvojën e mjerimit tim.

Shpresoj se do të më mbushesh çdo ditë më shumë
me dashurinë tënde të pakufi.

O Zot Jezusi, unë të dua shumë.
Të falënderoj sepse për dashurinë tënde për mua,
nuk më ke braktisur kurrë,
dhe nuk do të më braktisësh kurrë.
Unë ta dorëzoj vetveten në krahët e tua,
Gjithmonë do të kem besim në ty. Amen


Torrkerry

[torrkerry]

AKATHISTOS JEZUSIT SHUMË TË ËMBËL.

O Jezus, në pasurinë e mëshirës sate,
i ke thirrur tagrambledhës e mëkatarë.
E tani kthjelle fytyrën tënde edhe ndaj meje,
sepse edhe unë jam si ata,
dhe pranoje këtë këngë
si një parfum shumë të çmueshëm.

Jezus, forca kurrë e pamposhtur,
Jezus, dhembshuria e pakufishme,
Jezus, bukuria e shkëlqyeshme,
Jezus, dashuria e amshuar,
Jezus, Biri i Hyjit të Gjallë,
Jezus, ki mëshirë për mua mëkatar,

Jezus, më ndriço mua, që jam në errësirë,
Jezus, më pastro mua prej çdo faji tim,
Jezus, më prano përsëri tek ti,
me atë dashuri me të cilën
E pranoi Ati birin që u largua prej tij.
Jezus, Biri i Hyjit, ki mëshirë për mua.

HYMNI I TRADITËS ORTODOKSE
QË I ATRIBUOHET TEOKTISTOS.

Torrkerry

[torrkerry]

AKATHISTOS JEZUSIT SHUMË TË ËMBËL.

Duke folur për ty, o Jezus, shëlbuesi ynë,
Oratorët më të famshëm
S’gjejnë dot fjalë,
Nuk arrijnë të thonë
Si Ti je njëkohësisht
Hyji i amshuar dhe njeri i përsosur.
Por ne të habitur,
duke e adhuruar misterin,
me besim bërtasim:

Jezus, Hyji prej amshimit.
Jezus, mreti i mbretërve.
Jezus, Zoti i zotërinjve.
Jezus, gjykatës i të gjallëve
Dhe i të vdekurve,
Jezus, shpresa e atyre
që s’kanë më shpresë.
Jezus, ngushëllimi i atyre
që janë në pikëllim.
Jezus, lavdia e të përvuajturve,
Jezus, për dashurinë tënde ndaj meje,
Më shëro mua të mjerë.
O Jezus, largoje prej meje çdo dekurajim.
O Jezus, ndriçoji mendimet e zemrës time,
O Jezus, zgjoje në mua mendimin e vdekjes.

HYMNI I TRADITËS ORTODOKSE
QË I ATRIBUOHET TEOKTISTOS.

Torrkerry

[torrkerry]

RRI ME MUA, O ZOT.

Rri me mua, o Zot,
dhe unë do të filloj të shkëlqej
si edhe Ti shkëlqen:
do të filloj të shkëlqej deri kur
do të jem dritë për të tjerët.
Drita, o Zoti im, do të jesh vetë ti,
dhe do të vijë gjithherë vetëm prej teje.
Absolutisht asgjë nuk do të jetë fryti i fuqisë time:
Do të jesh Ti që do të shkëlqesh ,
nëpërmjet meje, mbi të tjerët.

Bëj që unë do të lavdëroj Ty
ashtu si Ty të pëlqen më shumë,
Duke shkëlqyer mbi të gjithë ata që janë përreth mua.
Jepiu atë dritë të gjithëve dhe edhe mua te mjerë.
Ndriçoji ata së bashku me mua, nëpërmjet meje.
Mi mëso t’ua përhap atyre lavdinë tënde,
të vërtetën tënde, dhe vullnetin tënd.
Bëj që ta shpall emrin tënd,
jo më fjalë, por me jetën,
me shembujt e jetës time,
me atë forcë tërheqëse ,
me atë ndikim plot me dashuri dhe solidariteti,
që e ka burim në atë që unë bëj,
me atë ngjashmëri time të ndjeshme me shenjtërit e tu,
dhe me atë plotësi të qartë të kësaj dashurie
që zemra ime e ka për ty.

JOHN HENRY NEWMAN.

Torrkerry

[torrkerry]

O HYJI...

O Hyji i gjithpushtetshëm dhe i amshuar,
po afrohet festa e lindjes së Birit tënd:
Ai deshi të bwëhej njeri
PREJ VIRGJËRËS MARI,
dhe u lidh përgjithmonë
me natyrën tonë njerëzore:
le ta dftojë mëshirën tënde kundrejt nesh.

NGA LITURGJIA.

Torrkerry

[torrkerry]

PËRBALLË ZUSIT TË KRYQËZUAR.

O Hyji, i tejetlart dhe i lavdishëm,
ndricoje zemrën time,
ma jep një besim të drejtë,
një shpresë të sigurtë,
një dashuri të përsosur.
Ma jep një përvujtëri të thellë,
ma jep një urti dhe një dijeni
që më nevojten që t’i kryej
me gëzim urdhëresat e tua.
Le ta largojë, po të lutem, o Zot,
fuqia jote e fortë dhe e ëmbël
mendjen time nga të gjitha gjëra.
Bëj që unë të vdes për dashurinë ndaj teje,
si ti ke vdekur
për deashurinë tënde ndaj meje.

SHËN FRANÇESKU NGA ASIZI.

Torrkerry