Lutjet që devotshmëria e Krishtërve ia ka kushtuar njinisë të Hyjit.

[torrkerry]

O ZOTI IM...

“Zoti im,
sipas vullnesës time të lirë
e me ndihmën e dashurisë sate,
unë dua të rrij këtu, nëpër rrugë me të varfërit
për të përmbushur dëshirën tënde.
Nuk dua të kthem mbrapa:
komuniteti im janë të varfërit;
siguria e tyre është siguria ime;
shëndeti i tyre është shëndeti im.
Shtëpia ime është shtëpia e të varfërve.
Jo thjeshtë e të varfërve,
por e më të varfërve ndër të varfër.
Të atyre që nuk u afrohemi
pse kemi frikë nga ndyrësia dhe infektimi.
Të atyre plotë me sëmundje e epidemi.
Të atyre që nuk mund të luten
për arsye se nuk kan një copë stof.
Të atyre që nuk mund të han,
pse e kanë humbur fuqin të ushqehen.
Të atyre që nuk ja dalin të qajnë
se i kanë derdhur të gjithë lotët.
Të atyre që luajnë në kalldërmet e rrugëve,
duke ditur se po vdesin,
ndërsa të gjithë të tjerët u kalojnë pranë,
pa u kushtuar atyre kujdes.
Të atyre që kan nevojë jo aq shumë për një shtëpi me tulla,
por për një zemër që i kupton.
Të atyre që janë të uritur, jo aq shumë për ushqim,
sesa për fjalën e Hyjit.
Të atyre që kanë nevojë jo aq shumë për tu veshur,
po për dinjitet, pastërti e drejtësi.
Të atyre që janë të braktisur, të padëshiruar,
ata që nuk i do askush,
që kanë pësuar në rrjedhën e jetës,
për asrye se edhe ata janë të varfër:
më të varfërit shpirtëror ndër të varfër,
në ngjasimin e të cilëve Ti, Zoti im, fshehesh,
duke pasur etje për dashurinë time,
saktësisht ashtu siç fshihesh në bukën e Eukaristisë “.

NËNË TEREZE

[torrkerry]

O ZOT, TI JE BURIMI I JETËS...

Mirësia jote, o Zot, deri në qiell,
bujaria jote deri ne majë të reve!
Drejtësia jote si malet më të lartat,
gjyqet e tua porsi humnera e madhe:
njerëz e kafshë ti, o Zot, i shpëton.

Sa e çmueshme është mëshira jote, o Hyji!
Njerëzit strehohen nën hijen e krahëve të tu.
Ngihen me begatinë e Shtëpisë sate,
u shuan etjen nga perroi i kënaqësisë sate.

Sepse tek ti është burimi i jetës,
në dritën tënde ne shohim dritën.

Shtrije mëshirën tënde mbi ata që të njohin,
drejtësinë tënde mbi ata që zemrën e kanë të pastër.
Mos më shkeltë këmba e madhështorit,
mos më grahtë dora e mëkatarit.

Këtu u kthyen bakëqijtë,
ranë e më s’mund u ngritën!

NGA PSALMI 36

torrkerry

[torrkerry]

Lutja për të fituar përvujtërinë e shpirtit.

O Zot, unë vij tek ti si një fëmijë,
Si ai fëmijë që ti do që unë të jem,
Si ai fëmijë që mund të jetë
Ai që e braktis veten në duart e tua.

Unë i bie mohit gjithcka që i paraqet krenarisë time,
E që, ne praninë tënde, është për mua dicka e turpe.
Unë të dëgjoj, dhe t’ia nënshtroj ty zemrën time.
Amen.

ANDRE GIDE.

Torrkerry

[toni77_toni]

Lutja për të fituar përvujtërinë e shpirtit.

O Zot, unë vij tek ti si një fëmijë,
Si ai fëmijë që ti do që unë të jem,
Si ai fëmijë që mund të jetë
Ai që e braktis veten në duart e tua.

Unë i bie mohit gjithcka që i paraqet krenarisë time,
E që, ne praninë tënde, është për mua dicka e turpe.
Unë të dëgjoj, dhe t’ia nënshtroj ty zemrën time.
Amen.

ANDRE GIDE.

Torrkerry

Torrkerry vëlla, pershendetj dhe qoftë lavduar Krishti.

Ka kohë qe nuk ishit aktiv në forum, por ajo nuk do te thotë se ti nuk ishe i pranishem, ti gjithnjë ishe i pranishem me shkrimet dhe artikujt qe ke postuar ne kete forum sepse ato u lexonin dhe do te lexohen.

Uroj suksese ne punen e re qe keni filluar dhe ndihmen e Zotit.

perzemersisht
toni77

[torrkerry]

TË BRAKTISESH NË DUART E ATIT.

O Zot, më jep gjithçka me udhëheq tek Ti.
O Zot, merre gjithçka më largon prej Teje.
O Zot, më shkëput edhe mua nga vetja,
Dhe bëj që të jem krejtësisht i yti.

Shen Nikolla nga Flue.

Torrkerry

[torrkerry]

BËJ, O ZOT, QË TË DUA TY.

Më jep, o Zot, veten tënde.
ma kthe veten tënde.
Unë të dua, por, nëse kjo është pak,
bëj që të të dua më shumë.

Nuk mund të masë, që ta di me saktësi,
sa më mungon nga dashuria e nevojshme
për ta hedhur jetën time në përqafimin tënd,
dhe për të mos e larguar nga aty
derisa ti të më kesh fshehur
“në fshehtësinë e fytyrës sate”.

Vetëm këtë e di:
se, jashtë Teje,
gjithçka është e keqe për mua,
dhe jo vetëm ajo që gjendet jashtë meje
por edhe ajo që unë kam brenda .,
dhe se çdo pasuri e imja,
që nuk është Hyji im,
është varfëri..

SHEN AUGUSTINI.

Torrkerry

[torrkerry]

O ZOT. ZOTI IM!

O Zot, Zoti im,
shikoj lulet qe celen cdo dite.
Shikoj qiellin, diellin, henen dhe yjet.
Per mijera dhe mijera shekuj
ne lartesi rine ne vendin e tyre
e nuk e shkelin as nje urdher tend.
Dhe une. qe jam akoma shume i ri
i shkela shume here urdherimet e tua.
Me fal, o Zot. Ki meshire per mua.

MICHELE MAGONE

Torrkerry

[torrkerry]

NDERI E MADHËRIA TY, O MBRET I GJITHËSISË!


Të bekojnë ty, o Zot, të gjitha veprat e tua!
Nderi e madhëria ty, o mbret i gjithësisë!

Të bekojnë ty, o Zot qielli dhe toka!
Nderi e madhëria ty, o mbret i gjithësisë!

Të bekojnë ty, o Zot, engjëjt e tu!
Nderi e madhëria ty, o mbret i gjithësisë!


Të bekojnë ty, o Zot, ujërat që janë përmbi qiell!
Nderi e madhëria ty, o mbret i gjithësisë!

Të ghitha fuqitë e tua të bekojnë ty, o Zot!
Nderi e madhëria ty, o mbret i gjithësisë!

NGA LITURGJIA.

Torrkerry

[torrkerry]

TË BEKOJ, O ZOT.

Do të bekoj, o Zot, në çdo kohë.
Në gojën time lavdia jote per gjithmonë.
Do të të shërbëj ty, o Zot,
në shenjtëri dhe drejtësi
çdo ditë të jetës sime.
Rri me mua, o Zot,
Në zemër time, në shpirtin tim.

Nga LITURGJIA

Torrkerry

[torrkerry]

Lutje për ripërtëritje të Izraelit




Dëgjo ti, o Bariu i Izraelit,
ti që i prin Jozefit si grigjës,
ti, që rri në fron mbi kerubinë, shkëlqe
para Efraimit, Beniaminit e Manseut:

zgjoje pushtetin tënd dhe eja në ndihmë
për të na shpëtuar!

O Hyj, deh, na përtërij,
kthjelle fytyrën tënde e na shëlbo!

O Zot, Hyji i ushtrive, deri kur do të hidhërohesh
në lutjen e popullit tënd?

Deri kur do të na ushqesh me bukë lotësh,
e do të na japësh të pimë ujë lotësh me shumicë?

Na bëre shkak grindjeje për fqinjët tanë
e armiqtë tanë po qeshen me ne.

O Hyj i ushtrive, deh, na përtërij,
kthjelle fytyrën tënde e na shëlbo!

Vreshtin nga Egjipti e nxore
e, për ta mbjellë atë, paganët i dëbove.

Tokën ia përgatite,
lëshoi rrënjë dhe e mbushi tokën.

U mbuluan malet me hijen e tij,
me gema të hardhisë u mbushën cedrat e Hyjit,

pinjollët e tij arritën deri në det,
shermendet i hodhi deri në Lumë.

Gardhin pse ia theve
që ta vjelë çdo kalimtar?

E dëmtoi derri i egër,
e kulloti çdo egërsirë.

Kthehu, Hyji i ushtrive,
shikoje nga qielli e shihe,
eja, shihe këtë vreshtë

dili zot se ti vetë e mbolle:
djalit që për vete e rrite.

Ata që e dogjën dhe e prenë
le të sharrojnë prej kërcënimit të fytyrës sate.

Dora jote qoftë mbi njeriun e të djathtës sate,
mbi birin e njeriut që për vete e rrite.

Kurrë më nuk do të largohemi prej teje:
na përtërij e do ta thërrasim Emrin tënd.

O Zot, Hyji i ushtrive, deh ti, na përtërij,
kthjelle fytyrën tënde e na shpeto!

Ps. 80

Torrkerry