Lutjet që devotshmëria e Krishtërve ia ka kushtuar njinisë të Hyjit.

[torrkerry]

O HYJ, MË EJA NË NDIHMË...


O Hyj, deh, më eja në ndihmë,
o Zot, nxito të më ndihmosh!

U marrofshin dhe u turpërfoshin
të gjithë ata që kërkojnë të ma marrin jetën.
U zmbrapsshin dhe u turpërofshin ata
që ma dëshirojnë të keqen!

U zmbrapsshin të turpëruar
ata që më thonë: “Mirë, shumë mirë!”

Le të galdojnë e le të gëzojnë
të gjithë ata që të kërkojnë ty,
le të thonë përherë: “I madh është Hyji!”,
ata që e duan shëlbimin tënd.

E unë jam i vobektë e skamnor:
o Hyj, shpejto të më ndihmosh,
sepse ti je ndihmëtari e shpëtimtari im,
o Zot, deh, mos vono!

Psalmi 70

Torrkerry

[torrkerry]

Himni për gjithëpushtetësinë e Hyjit

“Në duarë tuaja është pushteti e tmerri.
Ti e ruan paqen në lartësitë e tua.
Pse a mund të numërohen të gjitha gjëra që i ke krijuar?
Drita e jote mbi kë s’ndriçon?
E si njeriu i drejtë të jetë para Teje?
Bami i gruas si mund të jetë i pastër?
Deri hëna para teje s’bën dritë,
para teje as yjet të pastra s’janë,
aq më pak njeriu kalbësirë,
i njeriut bami ky krimb”!”

NGA JOBI, 25,1VV.

Torrkerry

[torrkerry]

LUTJE PËR TË DEHURIT.

Perëndia ime dhe Zoti!
Jepu të dehurve
sy të aftë të shohin
të keqen që fshihet nëpër gota.

Zgjoji, në mënyrë që të mundin
të kuptojnë rrënimin
që i bëjnë vetvetes dhe familjes,
shtëpisë dhe punës.

Bëji të përkorët,
o Zot, aq sa të shohin
që dashuria jote dhe dhembshuria
japin gëzim më të madh
e një jetë më të pasur
se ç’mund të japin të gjitha llojet e shisheve.

NBËNË TEREZE

Torrkerry

[torrkerry]

O Hyj,
Ti me shpërblim
e ngrite njeriun në shkallën më të lartë të denjësisë
sesa kur e krijove:
Të bie ndër mend kjo vepër e dashurisë sate
e mbaji në bekimin tënd përherë
të gjithë ata që ti i rilinde.

Nga LITURGJIA E ORËVE

Torrkerry

[torrkerry]

O HYJI,MBROJTËSI IM I FUQISHËM.

Në ndore tënde, o Zot,
askurrë mos u turpërofsha.

Më shpëto e më dil zot pashë drejtësinë tënde,
prire mbi mua veshin tënd e më shëlbo!

Ji për mua shkëmb mbrojtjeje,
kullë e pamposhtur për të më shpëtuar,
sepse ti je kështjella ime e strehimi im.

Hyji im, më shpëto prej dorës së mëkatarit,
prej dorës së derhuzdit e të dinakut.

Sepse ti, o Zot, je shpresa ime,
shpresa ime, o Zot, që prejrinisë sime.

Në ty jam mbështetur që prejkraharorit të nënës,
që prejprehrit të nënës ti je mbrojtësi im,
mburrja ime është gjithmonë në ty.

PSALMI 71,1-6.

Torrkerry

[torrkerry]

O ZOT, SHPEJTO TË MË NDIHMOSH!

Të thërras në ndihmë, o Zot,
Hyji im, mos rri shurdh ndaj meje,
sepse po ndenje shurdh ndaj meje
do të bëhem si ata që zbresin në varr.

Dëgjoje zërin e lutjes sime
kur me afsh të thërras në ndihmë,
kur i ngre duart e mia
në drejtim të Tempullit tënd të shenjtë.

Mos më merr me mëkatarë
e me ata që bëjnë të keqen:
flasin për paqe me të afërmit e vet,
kurse në zemër përbluajnë të keqen.

Shpaguaji sipas veprave të tyre,
sipas paudhësisë së veprimeve të tyre.
Shpaguaji sipas veprave të duarve të tyre,
jepu shpagimin si e meritojnë.

Qoftë bekuar Zoti
që e dëgjoi zërin e lutjes sime.

Shpëtoje popullin tënd e bekoje trashëgimin tënd:
priju e ngriji deri në amshim!

NGA PSALMI 29.

Torrkerry

[torrkerry]

BËJ TA FITOJMË HIRIN E NGJALLJES…

O Hyj i gjithëpushtetshëm dhe i gjithëdijshëm,
ti deshe që Biri yt t’i pësonte për ne
mundimet e kryqit
për të na çliruar nga pushteti i djallit:
bëj, po të lutemi, ta fitojmë hirin e ngjalljes.

NGA LITURGJIA E ORËVE

Torrkerry

[torrkerry]

O HYJ, NA JEP LIRINË E VËRTETË.

O Hyj,
ti e dërgove Birin tënd për të na shëlbuar
e për të na bërë bijtë e tu në shpirt,
shikoi me mirësi bijtë e bijat e tua
që besojnë në Krishtin:
na e jep lirinë e vërtetë
dhe rtrashëgimin e amshuar.

NGA LITURGJA E ORËVE.

Torrkerry

[torrkerry]

DO TË TË KËNDOJMË LAVDE, O HYJ.

Do të të këndojmë lavde, o Hyj,
do të lavdërojmë e do ta thërrasim Emrin tënd,
do t’i shpallim mrekullitë e tua.

“Kur unë të caktoj kohën
do të gjykoj me drejtësi.

Në dashtë, le të lëkundet toka
me të gjithë banorët e vet,
unë jam ai që ia kam forcuar shtyllat.

U thashë krenarëve: “Mos u krenoni!”
edhe të paudhëve: “Mos çoni krye!

Mos e lartësoni ashtu kokën tuaj,
mos folni kundër Hyjit poshtërsi!”

As prej lindjes, as prej perëndimit,
as prej shkretëtirës nuk vjen lartësimi,

sepse gjykatës është Hyji:
këtë e përul e lartëson atë.

Sepse në dorë të Zotit është gota
plot verë shkumuese me dra përzier.

Prej saj ai jep të pihet:
do ta pinë veç deri në fundërri mëkatarët,
krejtësisht do ta pinë deri edhe llumin”.

E unë do ta shpall përgjithmonë,
do t’i këndoj Hyjit të Jakobit.

“Kokën do t’ua thyej të gjithë keqbërësve,
kurse kokën e të drejtit do të lartësohet”.

PSALMI 75

Torrkerry

[torrkerry]

TI, O HYJ, JE LAVDIA IME…

Ki mëshirë për mua, o Hyj, ki mëshirë për mua,
sepse shpirti im mbështetet në Ty,
po strehohem nën hijen e krahëve të tu
derisa të më kalojë rreziku i pritës.

Do ta thërras në ndihmë Ty, Hyj i Tejetlartë,
Hyj që më bën mirë.

Do të ma dërgosh ndihmën prej qiellit e do të më shpëtosh,
do t’i turpërosh ata që më shtypin,
Ti, o Hyj, do ta dërgosh mëshirën e të vërtetën tënde.

Lartësohu, o Hyj, përmbi qiell,
përmbi mbarë tokën lavdia jote!

Zemra ime është gati, o Hyj,
gati është zemra ime:

do të këndoj, këngës do t’ia them!
Zgjohu, lavdia ime,
Zgjohu, o harpë e cetër,
dua ta zgjoj agimin!

Do të të lavdëroj ndër popuj, o Zot,
ty do të të këndoj ndër kombe.

Sepse u madhërua deri në qiell dashuria jote,
e deri në re e vërteta jote!

Lartësohu, o Hyj, përmbi qiell,
përmbi mbarë tokën lavdia jote!

NGA PSALMI 57

Torrkerry