Lutjet që devotshmëria e Krishtërve ia ka kushtuar njinisë të Hyjit.

[torrkerry]

O KRISHT, O HYJI I QIEJVE...

O Krisht, o Hyj i qiejve,
Shëlbuesi i madh i botës,
të gjithë me dhuratë të kryqit
nga ligji i vdekjes zgjidhe.

Duke u lutur po të lypim,
të ruash dhuntitë e tua,
që me mistere të shenjta
u fale të gjithë popujve.

Ti Qengji i butë, pa faje,
fli tokës i dhurove,
më gjakun tënd i lave
rrobat e gjithë shenjtorëve.

Që të shpërblyer me çmim
të trupit tënd të shenjtë,
në qiell duke u ngritur i solle,
ty të lavdërojnë në amshim.

O Zot, të lutemi
edhe ne na shto
se ne nga të gjithë popujt
bërë në mbretëri me Atin.
Amen.

NGA LITURGJIA E ORËVE

Torrkerry

[torrkerry]

SI ARI AGIMI I DRITËS

Si ari agimi i dritës,
qielli nga lavdet jehon,
bota prej shendit galdon
ferri ulërin nga grahmat.

Kur mbreti shumë i forti,
i shemb fuqitë e vdekjes,
nën këmbë ndrydhi tartarin,
të mjerëve u zgjidhi prangat.

Ai, që me rrasë të mbyllur
rreptësisht ruhet nga ushtari,
ngadhënjyes me zulmë fisnike,
ngrihet fitues nga varri.


Tashmë u çlirua ferri
prej dhembjesh e rënkimesh,
sepse u ngjall Zoti ynë
plot shkëlqim thërret engjëlli.

Përherë ti rrofsh ndër mendje,
o Krisht, gëzimi i Pashkëve,
dhe me hir të rilindur
në triumfin tënd bashkona.

Jezus, ty të qoftë lavdia
që shndrit me mundje të vdekjes,
bashkë me Atin e me Shpirtin
ndër gjithë shekujt burim jete. Amen.

NGA LIRURGJIA E ORËVE.

Torrkerry

[torrkerry]

LUTJA E PRINDËRVE.

O Zot, Atë i mëshirshëm,
unë t’i dorëzoj fëmijët e mi.
Askush tjetër nuk mund ta kuptojë
dhëmbjen dhe ankthin tim
dhe të më japë ndihmë më të mirë.
Me jep hirin që të mund t’i ngris fëmijët e mi,
sepse unë e di se pa ndihmën tënde,
përpjekjet e mia nuk do të sjellin fryt.
Pastroji veprat e mia
dhe më ndriço që t’i mësoj
e sidomos që t’ua jap gjithmonë shembullin e mirë.

Liroji nga mëkati,
mësoji që të rriten në dashuri,
ruaji nga shoqëria e keqe,
ndihmoju në mësimin e tyre,
bëji të njerëzishëm dhe të mëshirshëm
ndaj të varfërve, të dëmtuarve dhe atyre që vuajnë.
Ruaji në hirin shenjtërues dhe në shëndet të mirë,
ashtu që të mund të rriten në lavdinë e Zotit,
për të mirën e të tjerëve
dhe për kënaqësinë e prindërve të vet.
Unë të premtoj se prej tani
do të Të shërbej me besnikëri,
do të shpresoj në ty
dhe do ta përcjell këtë devotshmëri në të tjerët. Amen.

Torrkerry

[torrkerry]

LUTJA PËR VETVETEN.

Atë, të lutëm, hyr në zemrën time
dhe më liro nga ato përvoja jetësore
që më kanë ngarkuar.
Ti më njeh më mirë sesa unë vetveten.
Prandaj po të lutem që të sjellesh dashurinë tënde
në çdo skutë të zemrës time.
Kudo që në mua të zbulosh fëminë e lënduar,
më prek me butësi, më ngushëllo
dhe më liro nga çdo dhëmbje.
Kalo nëpër jetën time deri në momentin kur jam ngjizur
dhe liro trashëgiminë time trupore dhe shpirtërore,
që ka mundur negativisht të ndikojë në atë çast.

Bekoje fillimin ë zhvillimit tim në kraharorin e nënës sime
dhe largo çdo gjë që më ka lënduar deri në këtë kohë.
Kompenzo dallimin në mes të dashurisë që kam marrë
dhe dashurisë që më është nevojtur.

O Atë, të lutem, mbështjelle fëmjërinë time të hershme me dritën tënde
dhe shëro kujtimet që më kanë penduar.

Nëse pata nevojë për më shumë dashuri amërore,
dërgoje Nënën Marinë që të plotësojë atë që më mungon.
Nëse pata nevojë për më shumë dashuri amërore dhe siguri,
më trego se kam qenë i dëshiruar
dhe i dashur prej teje në mënyrë më të thellë;
më tërhiq kah vetja që të ndjej mbrojtjen e duarve të tua të forta.
Përtërije besimin tim dhe forcën time
që të ballafaqohem guximshëm me vështirësitë e kësaj bote,
sepse unë e di se dashuria e Atit tim
do të më ngrisë nëse rrëshqas dhe rrëzohem.
Të falem nderit, o Atë!

Torrkerry

[torrkerry]

O HYJ I MËSHIRËS...

O Hyj i mëshirës së pakufi,
ti e ringjall fenë e popullit tënd të shenjtë
me kremtimin e përvjetshëm të Paskeve:
shtoje në ne hirin tënd
që ta kuptojmë përherë e më mirë
vlerën e paçmueshme
të pagëzimit i cili na pastroi,
të Shpirtit Shenjt që na rilindi,
të gjakut i cili na shpërbleu.
....
Bëj që gjaku i dherdhur nga Biri yt në kryq
të jetë i fundit i derdhur nga njerëzit
për arsyes të urrejtjes dhe mizorisë.

NGA LITURGJIA

Torrkerry

[torrkerry]

PASHKËT: NJË LUTJE ME MARIE MAGDALENË.

“E kanë marrë Zotërinë, e nuk di ku e kanë vënë!”
E njëmend në këtë mëngjes akoma të errët,
në këtë mëngjes të trishtuar,
gjithçka duket që po ndryshon!

Bota përreth varrit bosh
duket si një parajsë.
Heshtja mashtruese zhduket.
Dhe ja, në mes luleve, kopshtari:
“Nëse e ke marrë ti, ma trego...”
Por, i habitur, e dëgjoj emrin tim.
Ai më therret, dhe unë jam aty.
Thirrja e tij më trondit mua,
duke ma ndezur zemrën,
që e ndjek forcën e Shpirtit të tij...

“Je Ti, je Ti, unë të njoh Ty, Rabbi!”
Trupi yt i lavdishëm shfaqet
duke e mbushur plot gjithësinë.

Kjo dashuri bën që për mua
të gjithë njerëzit të jenë vëllezërit e mi.
Ti je në ta, i padukshëm si në bukën
dhe në verën, si edhe në në çdo njeri.
Por ti je çdo njeri;
çdo figurë të pasqyron Ty!

CLEMENT OLIVIER

Torrkerry

[torrkerry]

LUTJA E SHËLBIMIT.

O Zot, eja në zemrën time.
Dëshiroj që të jesh zotëria i jetës sime,
që kështu të mund të jëm fëmijë i dritës
dhe të të njoh si Shëlbuesin tim personal,
sepse e di dhe besoj
që kë vdekur në Kryq për mëkatet e mia.
Je ringjallur përsëri nga të vdekurit ditën e tretë
dhe përsëri do të vish në lavdinë tënde.
Besoj në faljen tënde dhe dëshiroj që të më ndimosh
që të kundërshtoj çdo tundim,
i cili do të mund të më largonte
prej dashurisë sate të amshuar. Amen.

Torrkerry

[torrkerry]

LUTJA PËR SHËRIMI9 I TRUNGUT FAMILJAR.

O Zot, Ati im, më vjen keq
se nuk jam lutur më parë për të parët e mi,
anëtarët e familjes time.
O Zot, më prano për përfaqësues të të gjithë anëtarëve ,
të të parëve të familjes sime në të dy anët.
O Zot, po të shprehi keqardhjen për çdo vrasje, abort,
grindje familjare për shkak të trashigimisë,
që kanë shkatërruar lumturinë familjare.
Po më vjen keq dhe i bie mohit
çdo kontakti me praktikat okulte
e sidomos i bie mohit mëkatit kundër urdhërit të parë të Zotit
dhe nderimit të hyjnive të rrejshme.
O Zot, ki mëshirë për mua,
ashtu si edhe për të gjithë anëtarët e gjallë të familjes time.
Fali të gjitha mëkatët e të parëve të mi,
dhe më liro nga të gjitha varësitë negative.
Unë i lartësoj në dritën tënde të amshuar,
dhe të lus që ta ndiejnë dashurinë dhe faljen time.
Le ta përjetojnë edhe dashurinë e faljen tënde.

O Zot, merri që tani këta shpirtra në lumturinë tënde
dhe mëkatët e tyre mos ta rëndojnë më familjen time.
O Zot, ki mëshirë për të gjithë të parët e mi!

Torrkerry

[torrkerry]

O HYJ, DREJTËSIA IME!

Kur të të thërras në ndihmë, më dëgjo, o Hyj, drejtësia ime!
Ti që më shpëtove në vështirësi:
ki mëshirë për mua e ma dëgjo lutjen!
....
Ti ndikove në zemrën time më shumë gëzim
sesa kur të tjerëve u bëhet grurë e verë me shumicë!

Posa bie në shtrojë
gjumi menjëherë më merr në qetësi,
sepse vetëm ti, o Zot, ma jep pushimin e qetë.

NGA PSALMI 4

Torrkerry

[torrkerry]

LE TË GALDOJË PËRHERË, O HYJ...

Le të galdojë për herë, o Hyj,
populli yt,
sepse ti ia përtërive rininë e shpirtit.
Ti na e ktheve denjësinë e bijve të hyjit,
na forco në shpresën e lume
se do të ngjallemi.

NGALITURGJIA E ORËVE

Torrkerry