TY, O ZOT, TË PËRKET MADHËRIA E PUSHTET.
Ty, o Zot, të përket madhëria e pushtet,
lavdia, shkëlqimi dhe lartëmadhëria!
Sepse gjithçka në qiell e në tokë, janë të tuat!
Ty, o Zot, të përket mbretëria,
ti lartësohesh si kryet përmbi çdo gjë!
Prej teje vjen pasuria dhe lavdia, ti zotëron me gjithçka!
Në dorën tënde fuqia dhe pushteti.
Ti mumd të bësh gjithçka të madhërishme dhe qëndrueshme!
Prandaj, o Hyji ynë, po të madhërojmë
e po e lavdërojmë Ëmrin tënd të madhërishëm!
1Kro 29,11-13.
Torrkerry
LUTJA E SHËRIMIT.
O Jezu Krisht Zot, Shërues i plagosur:
më shëro me anë të plagëve të Tua (1Pt 2,24: Is 53,3-5).
O Jezu Krisht Zot, me gjakun tënd të paçmueshëm
m’i shlyej mëkatet e mia dhe mëkatet e të parëve të mi (1Gjn 1,17; Hb 9,22).
O Jezu Krisht Zot, jepma frytin e ringjalljes sate:
më mbuahs me Shpirtin tënd të shenjtë!
Torrkerry
LUTJA PËR SHËRIM TË TRUPIT.
O Atë, tani të drejtohem në mënyrë të posaçme.
Jam i krijuar me fuqinë tënde.
Çdo herë kur marr frymë,
çdo mëngjes kur zgjohem nga gjumi,
çdo sekond, çdo orë, unë jetoj me forcën tënde.
Ati im, të lutem, tani më prek me të njëjtën forcë,
sepse nëse më ke krijuar prej asgjëje,
ti sigurisht mund të më përtërish.
Më mbush me forcën shëruese të Shpirtit tënd.
Më liro nga çdo gjë që më ngarkon.
Rregullo çdo gjë që nuk funksionon.
Mënjano çdo qellizë joproduktive.
Hap çdo arterie ose venë të mbyllur.
Shëro çdo nerv dhe përtërij çdo pjesë të dëmtuar.
Bëj që të largohet çdo kallje dhe më liro nga çdo infeksion.
Le të kalojë ngrohtësia e dashurisë sate shëruese nëpër mua
dhe të përtërijë çdo pjesë të sëmurë,
ashtu që trupi im të funksionojë në atë mënyrë
që Ti e ke caktuar, kur e ke krijuar.
Atë, përterije shëndetin tim në trup dhe në shpirt,
ashtu që të mundohem prej tani të shërbej Ty tërë jetën.
Këtë po të lus në emër të Jezusit, Zotit tonë. Amen!
Torrkerry
AI, JEZU KRISHTI, ËSHTË I GJALLË!
Edhe pse kanë kaluar 2000 vjet
pas vdekjes së tij në Kryq
për të na shëlbuar gjithë;
edhe pse e kanë kryqëzuar,
dhe gjaku i tij u derdh
për shpërblim te mëkateve tona;
atyre që e ofendojnë,
edhe nëse e kanë poshtëruar shumë,
sepse ai ua shpalli atyre
që Hyji i donte shumë;
edhe nëse largohemi prej tij,
nuk e dëgjojmë atë,
i mbyllim sytë
për të mos parë fytyrën e tij;
edhe pse e injorojmë atë,
s’kemi besim në të,
kemi turp për mesazhin e tij;
edhe pse nuk e dëshmojmë të vërtetën,
e poshtërojmë gjithmonë
dhë e urrejmë atë,
Ai, po pikërisht ai, na do
çdo ditë më shumë
sepse ai është i Gjallë.
Torrkerry
KËNGA E DJELMOSHAVE...
I BEKUAR JE, O Zot, Hyji i etërve tanë,
Tesve i lavdishëm e tesve i lartësishëm në shekuj!
I bekuar emri i shenjt i lavdisë sate,
tesve i lavdishëm e tesve i madhërueshëm në shekuj!
I bekuar je në tempullin e lavdisë sate të shenjtë,
tesve i lavdishëm e tesve i madhërueshëm në shekuj!
I bekuar je në fronin e mbretërisë sate ,
tesve i lavdishëm e tesve i madhërueshëm në shekuj!
I bekuar je , ti që shqyrton humnerat e që rri mbi kerubinë,
tesve i lavdishëm e tesve i madhërueshëm në shekuj!
I bekuar je në kupën qiellore,
tesve i lavdishëm e tesve i madhërueshëm në shekuj!
(Dn 3,52-56)
Torrkerry
LUTJA NË ÇASTET E VUAJTJES.
O Zot, Hyji im, ma kumto, në këto ditë të vuajtjes, vullnetin tënd:
“Lotët e mi mblidhi në rrëshqin tënd! A thua s’janë të shkruar në librin tënd?” (Ps 56,9), “sepse e di mirë se Ti, huj im, je me mua” (Ps 56,10).
Më eja në ndihmë me nxitim.
Shkurtoji ditët e vuajtjes.
Më liro nga çdo fatkeqësi.
Më dhuro jetë të gjatë dhe paqe,
që të levdoj në paqe.
Më liro që të jem dëshmitari Yt.
Të falem nderit, o Zot, Hyj im!
Të lavdëroj, o Zot, Hyj im, për gjithmonë e jetës.
Torrkerry
KUSHTIMI I DITËS.
O Zot, Ati ynë,
po ta kushtoj krejt ditën e sotme.
Po t’i kushtoj lutjet, mendimet,
fjalët, veprat dhe vuajtjet e mia
në bashkim me Birin Tënd Jezu Krishtin,
i cili po Ta kushton vetveten
pandërprerë për shëlbimin e botës.
Shpirti i Shenjt,
i cili e ka udhëhequr Jezusin,
le të bëhet sot
edhe udhëheqësi im dhe fuqia ime
që të mund të dëshmoj dashurinë Tënde.
Në duart e tua, o Atë, ja tërë jeta ime.
Torrkerry
LUTJE E MËNGJESIT TË PASHKËVE.
Krishti u ringjall prej së vdekurish,
me vdekjen e vet e mundi vdekjen,
atyre që janë në varret,ai ua ka rikthyer jetën!
Le të gëzohemi ditën e Ringjalljes
sepse Krishti, dje i tallur dhe i pështyer,
kurorëzuar me fera, goshduar në kryq,
sot u çua nga varri.
Le të gëzohemi sepse Krishti i ndriçon
robërit e errësirave dhe e ferrit.
Le të gëzohemi në këtë pranverë të jetës
sepse një shpresë buron për viktimat
e luftërave, e termeteve,
për ata që vuajnë në trup dhe në shpirt.
Le të gëzohemi, sepse trishtimin e mundi Kryqi
dhe gëzimi e mbush botën.
Le të gezohemi, sepse zbriti Zoti
në thellësinë e tokës,
zbriti në brendësinë më e thellë
e zemrave të njerëzve,
ku struket çdo ankth vdekjeprurëse.
Ai i vizitoi ata, ai i ndriçoi ata.
Dhe vuajtje, ankthë, ferri u mundën,
të gëlltitur nga ajo humnerë dashurie
e hapur në zemrën e shporuar e Zotit.
Le të gëzohemi, sepse më të vërtetë
u ringjall Krishti, ai gëzimi i amshueshëm.
MICHEL EVDOKIMOV, MESHTAR ORTODOKS.
Torrkerry
KËNGË FALËNDERIMI.
Të dua, o Zot, fuqia ime!
Ti, o Zot, je Qeta ime, Kështjella ime, Streha ime, Shpëtimi im!
Perëndia im, Ndihmëtari im, në të shpresoj!
Ti je mbrojtësi im, fuqia e shpëtimit tim, ndorja ime!
......
Ti je i mirë me njeriun e mirë,
me të pafajshmin je i pafajshëm,
me të mbrapshtin ti je i squet.
O Zot, ti e ndez dritëzen time,
ti, o Hyj, e ndriçon terrin tim.
Me ty do t’i sulmoj turmat e armiqve,
me ndihmën e Hyjit tim do t’i kapërcej muret.
......
Ti ma dhe mburojen e shpëtimit tënd
e dhjathta jote me ndihmoi,
mirësia jote më rriti.
Ti i zgjeron hapat e mi nën mua
e këmbët e mia më nuk më merren.
... ...
Qoftë bekuar Qeta e strehimit tim!
Qoftë madhëruar Hyji, Shpëtimtari im!
Hyji që ma bën të mundshme të shpaguhem!
......
Prandaj, o Zot, do të lavdëroj përgjithmonë,
himne gezimi do t’i këndoj Emrit tënd!
NGA PSALMI 18.
Torrkerry
LUTJA E TË VETMUARIT.
O Zot, Atë i amshuar,
më mbush me dashurinë
dhe dashamirësinë tënde të pakufi.
Bëj që të jem i kyçur në dashurinë tënde.
Më liro nga ndjenjat e pikëllueshme
se jam i padëshiruar.
Ti je streha ime.
Atë i dashur,
unë e shpall me falënderim
se ke dërguar të vetmin Birin tënd
Jezu Krishtin për shpëtimin tim.
Jezusi im i dashur,
unë të lavdëroj,
që më ke pastruar nga mëkati
dhe më ke dhuruar dinjitetin e fëmijës së Zotit,
me anë të vdekjes Sate në Kalvar.
Oh! Shpirti Shenjt,
dashuria e Zotit, eja e më mbush!
Le të ndizet në mua flaka e dashurisë së Zotit
dhe kurrë të mos fiket. Amen.
Torrkerry
Regullat e Postimit
Përgjigju Duke Cituar
Krijoni Kontakt