Lutjet që devotshmëria e Krishtërve ia ka kushtuar njinisë të Hyjit.

[torrkerry]

URATA NË RAST RREZIKU.

Te Ti, o Zot, i latësoj shpirtin tim!
Hyji im, në ty shpresoj: mos lejo të turpërohem!

Të mos ngihen në mua armiqtë e mi,
dhe askush që shpreson në ty, mos u turpëroftë!
Turpi i mbuloftë ata që për asgjë tradhtojnë.

Bëj t’i njoh, o Zot, udhët e tua
e m’i mëso shtigjet e tua.

Më drejto me të vërtetën tënde dhe më mëso,
sepse ti je Hyji im, shëlbuesi im, në ty shpresoj gjithmonë.

Të të bien në mend mëshirat e tua,, o Zot,
dhe dashuria jote që është e amshueshme.

Mos i kujto fajet e rinisë sime e paudhësitë:
të të bie në mend për mua sipas dashurisë sate
- për hir të mirësisë sate, o Zot….

Pashë Emrin tënd, o Zot,
ma fal mëkatin: njëmend është i madh...

Më shiko, o Zot, e ki dhembje për mua,
sepse jam i vetmuar e i mjerë.

Lartësoji dhembjet e zemrës sime
e më nxirr nga vështirësitë e mia.

Shihe përvujtërimin tim dhe mundimin
dhe m’i fal të gjitha fajet e mia.

Shikoji armiqtë e mi se ç’u shumuan
dhe më urrejnë me urretje të tërbuar!

Ruaje shpirtin tim dhe më shpëto:
mos lejo të turpërohem pasi jam nën dorën tënde.

Le të më mbrojë pafajësia dhe drejtësia,
sepse në ty e kam vënë shpresën.

Shpëtoje, o Hyj, shërbëtorin tënd,
prej të të gjitha vështirësive të tija.

NGA PSALMI 25

Torrkerry.

[torrkerry]

KRESHMËT E PËRHIME.

O Hyj im, o Hyj im,
vetëm ti mund të më mësosh
që nën hi
Zjarri duron më shumë.

Hiri është fshetësirë ku zjarri dremit
tërë natën duke e pritur zgjimin e vet herët në mengjes.
Zjarri digjet mbytur nën hi...
Të shënuar me hi në fillim të Kreshmëve,
ne ishim shënuar tashmë
për rizgjimin e Zjarrit!
Zjarri në ne është ndezur...
Ai pret që të rilind nga hiret e veta!
Kreshmët janë kjo pritje të gjata!
O Hyj im! O Hyj im,
nëse po ty të pëlqen,
nën hi i vë zemrat tona
në gatishmëri të madhe!
Bëj që të digjet në ne Zjarri i Pashkëve!

NJË I RIU

Torrkerry

[torrkerry]

LUTJE E ESTERËS.

I bekuar je, o Hyji i Abrahamit, Hyjii Izakut e Hyji i Jakobit!
Ma dëgjio uratën time, që jam qyqevetëm
e që nuk kam tjetër Mbrojtës përveç teje, o Zot,

sepse vetë veten po e vë në rrezik.

Unë mësova prej librave të të parëve të mi, o Zot,
se ti e shpëtove Noehin nga ujërat e përmbytjes.

Unë mësova prej librave të të parëve të mi, o Zot,
se Abrahamit ndër treqind e tetëmbëdhjetë bura
ia lëshove në dorë edhe nëntë mbretër.


Unë mësova prej librave të të parëve të mi, o Zot,
se Jonën e shpëtove nga barku i përmbindshit.

Unë mësova prej librave të të parëve të mi, o Zot,
se ti i shpëtove nga furra e zjarrit Ananinë, Azarinë e Misaelin.

Unë mësova prej librave të të parëve të mi, o Zot,
se ti e nxore shëndosh e mirë Danielin nga shpella e luanëve.

Unë mësova prej librave të të parëve të mi, o Zot,
se Ezekinë, mbretin jedenjve,
të dënuar me vdekje, por që t’u lut, e përdëllove
dhe i dhurove edhe pesëmbëdhjetë vjet jetë.

Unë mësova prej librave të të parëve të mi, o Zot,
se Anës, që t’u lut me gjithë shpirt,
ia dhe fatin e bardhë t’i lindë djalë.

Unë mësova prej librave të të parëve të mi, o Zot,
se ti i shpëton të gjithë ata
që ty të pëlqejnë njëherë e për gjithmonë.

E tash, më ndihmo edhe mua që kam mbetur qyqevetëm,
e që s’kam askënd tjetër përveç Teje, o Zot, Hyji im.

Ti e di se shërbëtoria jote e ka urryer shtratin me të parrethprerët.

Ti e di, o Hyj, se nuk kam ngrënë nga tryeza e malkuar
dhe se nuk kam pirë verën e njomjeve të tyre.

Ti e di se nga dita e lartësimit tim
nuk kam pasur tjetër gëzim, o Zot, përveç Teje.

Ti e di, o Hyj,
se edhe këtë petk që ma rrethon kokën time
e urrej porsi zhelen e larjes mujore
dhe s’e veshi në ato ditë që më përkasin vetëm mua.

E tash, ndihmoj bonjakes sate:
vëre në gojën time fjalën e përshtatshme për luanin,
më bëj të hirshme përpara tij,
shndërroje zemrën e tij ta urrejë shtypësin tonë,
për shfarrosjen të atij e të atyre që mendojnë si ai.

Na çliro nga dora e armiqve tanë:
shndërroje vajin tonë në gëzim,
dhembjet tona në shëndet.

Sulmuesit kundër pjesës sate, o Hyj,
ndëshkoji në mënyrë shembullore.

Duku, o Zot, dëftohu, o Zot!

NGA LIBRI I ESTEREËS 4,17q-17kk.

Torrkerry

[torrkerry]

KRESHMET E PËRHIME.


Ti ma ke dhënë veten si dashuri
dhe si dhuratë jetën time,
Ti ma ke dhënë paqen dhe faljen
Ti ma ke dhënë luftën
Dhe shpëtimin e botës.
Ti ma ke dhënë gëzimin dhe të ardhjen e botës


Por unë i kam harruar dhuratat e tua.
Dhe gjithçka e marrë prej teje u bë tym
për shkak të indiferencës time,
sepse unë vetë e desha këtë,
e ky është mëkati im.

Mbeten vetëm hiret e bukurisë të kaluar
dhe në zemrën time mbeten vetëm
mbeturinat e qenies time
që e kishe bërë për veprat më të larta.

Shiko, o Zot, siç jam.
Ja, gjithçka mbetet në mua
prej pasurisë të lërë si trashëgim prej teje.

Por, jam i sigurt, o Zot,
që në sytë e tu, me të vërtetë,
asgjë nuk është e humbur për gjithnjë
dhe edhe hiret dhe mbeturinat
e mbajnë fuqinë përftuese.

Kështu do të çohem në këmbë sot,
do t’i marrë hiret e mia
dhe do t’i ndërroj ata
në një tokë pjellore
gati më parë për të mbjellat
dhe më pas për një korrje të bollshme.

Sepse hiret e mia
do të bëhen toka e re
që unë do të krijoj
që të jetë e pllehëshme dhe e banuar.


Hiret e mia,
të pasuruar prej dashurisë sate
do të jenë toka ime e re
ku ungjilli do t’i përhapë
rrënjat e veta
në të gjitha drejtime.

Shikoji, o Zot,
hiret në ballin tim!
Ato në duart e mia
janë tashmë premtimi
i korrjes së ardhshme!

Torrkerry

[torrkerry]

O JEZUS...

O Jezus, je themeluesi
i agjërimit të kreshmëve,
mëngjillet na i mësove
për shërim të mendjeve.

Bëju tahsti krah Kishës,
pendesës qëndroji pranë,
shtrirë përdhe të lutemi
të falësh mëkatet tanë.

Ti fajet e ribëra
shlyeji me hirin tënd,
e rojën kah e ardhmja
me shumë butësi përdore.

Të shpërblyer nga vepra
vjetore të pendimit,
të shkojmë në gëzimet e Pashkëve
të denja për kremtimin.

Ty gjithësia e sendeve
t’adhuroftë, Trini e mëshirshme,
me faljen tënde të përtërirë,
të këndojmë një këngë të re. Amen.

NGA LITURGJIA E ORËVE

Torrkerry

[torrkerry]

O Hyj,
ti që na urdhërove të dëgjojmë Birin tënd të dashur,
denjohu të na ushqesh shpirtin me fjalën tënde,
kështu që, me kuptim shpirtëror të pastruar,
t'i gëzohemi kundrimit të lavdinë sate.

NGA LITURGJIA

Torrkerry

[torrkerry]

PROVANIA E ZOTIT...

O Zot, Hyji ynë,
pasi fuqinë tënde të madhe e ke gjithmonë në shërbim,
fuqisë së krahut tënd kush mund t’i bëjë ballë?

Mbarë bota para teje është pak pluhur në peshore
dhe prosi një pikë vese agimi që bie në tokë.

Por ti ke dhimbje për gjithçka,
pse gjithçka mundesh,
ti bën kinse s’i sheh mëkatet e njerëzve
që ata të pendohen.

Vërtet, ti do gjithçka është
dhe s’e urren asgjë që kë krijuar:
sepse, po ta kishe urryer ndonjë send,
nuk e kishe krijuar.

E si do të mbette në jetë ndonjë send,
po të mos doje ti?

Ose, si do ta ruante jetën,
po të mos e kishte thirrur ti në jetë?

Por ti i kursen të gjitha,
sepse janë të tuat,
o Zot, jetëdashës,

Sepse Shpirti yt i paprishshëm
ndodhet në gjithçka.

Për këtë arsye, pal nga pak,
i ndëshkon mëkatarët,
i ndëshkon dhe i qorton për mëkatet e tyre,
që ta lënë paudhësinë
e të besojnë në ty, o Zot.

(Urt 11,21- 12,2).

Torrkerry

[torrkerry]

SHENJTËRIA E AGJËRIMIT...

O Zot, na ndihmo të hymë
në pastërtinë e agjërimit,
që është shëlbimi i shpirtrave;
na ndihmo të të shërbejmë ty
me atë frikë që burimin e ka në nga dashurinë.
Bëj që ta derdhim në kokat tona
vajin e butësisë dhe të dashurisë
e që ti lajmë fytyrat tona
me ujin e pastërtisë.


Ne që agjërojmë në trup,
na mëso të agjërojmë edhe në shpirt,
t’i shlyejmë leqet e padrejtësisë,
t’i shkatërrojmë vendimet ndaj dhunës.
Na mundëso të japim bukën
atyre që kanë uri,
t’ia hapim shtëpitë tona
skamnorëve të pashtëpi,
që ta marrim prej Krishtit
dashurinë më e madhe.

TRADITA ORTODOKSE.

Torrkerry

[torrkerry]

URATA PËR TË FITUAR URTINË.

O Hyj i etërve të mi dhe Zoti i mëshirës,
ti që me anë të fjalës sate krijove rruzullin,
që njeriu e krijove më anë të urtisë sate
për të sunduar krijesat që ti i përftove,
për ta drejtuar botën me shenjtëri dhe drejtësi
dhe për të gjykuar gjyqin me shpirt të drejtë:
ma jep urtinë që rri në fron pranë teje
dhe mos më përjashto nga numri i fëmijëve të tu,
sepse jam shërbëtori yt,
biri i sklaves sate,
njeri i vogël dhe jetëshkurtër,
i paaftë për të kuptuar gjyq e ligj.

Sepse edhe po t’u gjente ndër bijtë e njerëzve
ndokush i përsosur,
por në qoftë se i mungon urtia jote,
do të vlerësohej për asgjë....

Me ty është urtia që i njeh veprat e tua,
që ishte pranë edhe atëherë kur e krijove rruzullin,
dhe e dinte çfarë është e pëlqyeshme në sytë e tu
dhe çfarë është e drejtë në urdhërimet e tua.

Dërgoje prej qiejve të tu të shenjtë,
çoje prej selisë së madhërisë sate,
që të jetë me mua e të mundohet krah për krah me mua
që të di çka është e pëlqyeshme para teje.

Ur 9,1-11.

Torrkerry

[torrkerry]

LUTJE PËR KREZHMET.

Bëj që zemra ime të dëshirojë Ty,
dhe duke të dëshiruar ty, që të të kërkojë Ty,
dhe duke të kërkuar Ty, që të tëgjejë Ty,
dhe duke të gjetur Ty, bëj që të dua Ty,
dhe sepse unë të dua Ty,
shpërblei gabimet e mia,
dhe sepse ti m’i shpërblen ato,
bëj, o Zot, që të mos kryej më.

O Zot, Hyj im,
jepia zemrës time pendimin,
shpirtit tim faljen dhe paqen,
syve të mi burimin e lotëve,
duarve të mia bujarinë e lëmoshës.


Ti që je Mbreti im,
fiki në mua dëshirat e mishit
dhe ndize zjarrin e dashurisë sate.
Ti që je Shëlbuesi im,
largoje prej meje mendjemadhësine
dhe për mëshirën tënde ma jep
shpirtin e përvujtërisë.
Ti që je Shpërblyesi im,
largoje prej meje çdo zemërim
dhe për mirësinë tënde
ma jep durimin e nevojshëm.

Ti që je krijuesi im,
Ç’rrënjose urrejtjen nga zemra ime,
dhe derdhe në të butësinë e shpirtit.
Ma jep, o Atë tejet i mirë,
një besim të fortë e të patundur,
një shpresë të sigurtë,
dhe një dashuri të pametë.

Ti që më udhëheq pandërprerë,
largoje prej meje krenarinë e shpirtit,
shthurjen e zemrës,
lajkat e gojës,
kryelartësinë e syve.

O Hyj i mëshirshëm,
unë ta kërkoj këtë nëpërmjet Birit tënd të dashur.
Bëj që të mund të jem i mëshirshëm,
që t’ia kushtoj të dobëtëve jetën time,
që të jem plot dhembshuri ndaj të pikëlluarve,
që të jem bujar ndaj më të varfërve.

SHËN ANSELMI NGA AOSTA.

Torrkerry