URATA PËR KOHË.
O Zot, ne të falenderojmë për kohë.
Kur ti e lëshon shiun në tokë,
ne të falënderojmë.
Kur ti bën të ndriçojë dielli
ne të falënderojmë.
Kur ti e vërsul stuhinë
ne shpresojmë në ty.
Kur ti e dërgon acarin
ne kërkojmë ngrohtësi në dashurinë tënde.
O Zot,
krijuesi i diellit, hënës dhe yjve,
frymës, stuhisë dhe detit,
ne e dimë se në qendër të të gjithave
aty je ti – së bashku me ne.
Falëminderit për kohë.
O Zot. Amen.
NËNË TEREZE
Torrkerry
ATI YNË QË JE DASHURIA.
Ati ynë, që je dashuria.
të falënderojmë sepse na don
sipas shembëllesës tënde
dhe na ke dhënë edhe mjetet
për ta arritur këtë qëllim
duke na dhënë përgjegjësinë
për të realizuar këtë.
Ne i kërkojmë prej teje, gjithnjë
forcat që na nevojten
për të mos e ndërprerë rrugën.
Bëj që duke ecur vazhdimish,
të jemi sa më shumë të ngjashëm
me natyrën tënde të amshueshme.
Në ecjen tonë ne e kërkojmë
edhe ndihmën e Zojës.
nënës për gjithmonë virgjër.
Që ajo të na udhëheqë deri tek Ti.
SHËN ANSELMI
Torrkerry
O ZOT, KTHJELLE FYTYRËN TËNDE E NA SHPËTO.
O Zot, zgjojë pushtetin tënd dhe eja në ndihmë,
për të na shpëtuar.
O Hyj, deh na përtërij:
kthjelle fytyrën tënde e na shëlbo.
Dora jote qoftë mbi njeriun e së djathtës sate
mbi birin e njeriut që për vete e rrite.
Kurrë më nuk do të largohemi prej teje:
na përtërij e do të therrasim Emrin tënd.
O Zot, hyj im, deh ti na përtërij:
kthjelle fytyrën tënde e na shpëto!
NGA PSALMI 80
Torrkerry
MBRETËRIA JOTE ËSHTË NDËR NE.
O Zot, Hyj im,
mbretëria jote është ndër ne,
afër edhe pse e fshehur:
është një burrë, një grua
që duhet t’i duam,
për të cilët duhet të jetojmë.
Vullnesa jote kryhet në botë
gjithkund ku njëri për tjetrin
njerëzit jetojnë dhe vdesin.
Po të lutemi ne, o Zot:
bëj që ta kryejmë atë,
ngadalëngadalë, ditë pas dite.
Kështu ne shpresojmë
që mund të familjarizohemi me emrin tënd
dhe të mund të të gjejmë ty
Atin tonë, për amshimin.
NJË LUTJE E VJETËR
Torrkerry
O ZOT, NË TY UNË JAM I SIGURT.
O Zot, në ty unë jam i sigurt,
unë them: “Ti je Hyji im, në duart e tua fati im!
Më shpëto prej duarve të armiqve të mi
dhe prej atyre që më salvojnë.
Kthjelle fytyrën tënde ndaj shërbëtorit tënd:
më shpëto me mëshirën tënde.
O Zot, unë nuk do të turpërohem se ty të thirra në ndihmë,
por u turpërofshin bakëqijtë
dhe u plandosshin në nëntokë!
U thafshin buzët rrenacake,
që flasin kundër të drejt ahpër,
me kreni dhe plot përbuzje.
Oh, sa e madhe është mirësia jote, o Zot,
të cilën e ruan për ata që të druajnë,
e ke përgatitur për ata që shpresojnë në ty
në sy të bijve të Adamit.
Ti i fshe në strehën e fytyrës sate
larg nga ngatërresat e njerëzve,
i strehon në Tendën tënde
larg nga gjuhët ngatërrestare.
Qofsh i bekuar ti, o Zot, që më paiijse
me mirësi të mrekullueshme në qytet të fortë!
NGA PSALMI 31
Torrkerry
O MBRET, HYJI IM...
Do të lartësoj, o Mbret, Hyji im,
do të bekoj Emrin tënd
përgjithmonë e jetës.
Çdo ditë do të të bekoj
dhe do ta lavdërtoj Emrin tënd
përgjithmonë e jetës....
Le të lavdërojnë, o Zot, të gjitha veprat e tua
e le të bekojnë shenjtërit e tu.
Le ta tregojnë lavdinë e mbretërisë tënde,
le të kuvendin për pushtetin tënd,
për t’ua shpallur njerëzve gjithpushtetësinë tënde
dhe lavdinë e madhërisë sate.
Mbretëria jote është mbretëri e amsheshme
pushteti yt prej breznie në brezni....
Sytë e të gjithëve shpresojnë në ty,
ti u jep ushqim në kohën e duhur.
Ti e hap dorën tënde
he mbush me të mira çdo gjë të gjallë.
Davidi: nga psalmi 145
Torrkerry
O HYI I GJITHPUSHTETSHËM...
Po të lutemi, o Hyj i gjithpushtetshëm,
bëj që gjithmonë të jepemi pas së Vërtetës,
kështu që me fjalë e me vepra
të kyyejmë çka të pëlqen ty.
NGA LITURGJIA
Torkerry
SA TË DASHURA JANË BANESAT E TUA...
Sa të dashura janë banesat e tua,
o Zot i Rruzullimit!
Shpirti im shkrihet e meket
për pallatet e tua, o Zoti im...
O Zot, Hyji i ushtrive, dëgjo uratën time,
më veshtro, o Hyji i Jakobit.
Shiko, o Hyj, Mbrojtësi ynë,
shikoje fytyrën e të shuguruarit tënd!
Vërtet, më e mirë është një ditë në Shtëpinë tënde
se të tjera me mijëra!
Parapëlqej të qëndroj te pragu i shtëpisë tënde,
o Hyji im, më tepër se të banoj në tendat e mëkatarëve.
Sepse diell e shqyt je ti, o Zot,
ti më dhuron hirin e nderin.
Ti, o Zot, nuk ma mohon të mirat
mua që jetoj i pafajshëm.
O Zot Sabaot, lum njeriu që shpreson në Ty!
NGA PSALMI 84
Torrkerry
KI MËSHIRË PËR NE E NA BEKO!
O Hyj, ki mëshirë për ne e na beko!
Bëj që të ndriçojë fytyra jote mbi ne,
që në tokë të njihet udha jote,
në të gjitha kombet shpëtimi yt.
Të dhënçin lavdi mbarë popujt, o Hyj,
mbarë popujt e botës ty të lavdërofshin!
Le të galdojnë e le të brohorisin popujt,
sepse Ti popujt i gjykon me drejtësi,
sepse kombet mbi tokë ti i sundon.
Të lavdërofshin mbarë popujt, o Hyj,
mbarë popujt e botës ty të lavdërofshin!
Toka e dha frytin e vet:
na beko, o Hyj, Hyj ynë!
Na beko, o Hyj!
Frikë e paçin mbarë skajet e botës!
NGA PSALMI 67
Torrkerry
TI RRI GJITHMONË PRANË.
Në ditët tona, plot me kurthe,
Ku ne mendojmë se gjithçka lëkundet,
Ti je afër nesh, ti rri gjithnjë pranë.
Në fytyrën e kulluar dhe të tejdukshme
të një fëmije që buzëqesh,
Ti je pranë.
Në luftrat tona të përditshme
që ne i përballojmë me vendosmëri
Ti rri gjithnjë pranë.
Në gëzimet e madha të jetës tonë,
Ti je gjithmonë pranë.
Në raste vetmie dhe dëshpërimi,
krejtësisht afër nesh, ti rri gjithnjë pranë.
Në lumturinë e ndarë në familjen tonë,
ti je gjithnjë pranë.
Në dyshimet që nganjëherë na trondisin,
ti rri gjithnjë pranë
Në momentet e prehjeve shpirtërore dhe të lutjes,
Ti je në qendër të zemrës tonë,
Sigurisht ti je në ne.
Në sh’thurjet tona, në egoizmat tona,
Ti na shqyrton me vëmendje,
Ti na pret me durim me duart e hapura,
Ti rri gjithnjë pranë.
Në sukseset tona, ti je gjithmonë i pranishëm,
krejtësisht afër nesh, ti je pranë!
NJË I RI NGA SENEGAL.
Torrkerry
Regullat e Postimit
Përgjigju Duke Cituar
Krijoni Kontakt