Lutjet që devotshmëria e Krishtërve ia ka kushtuar njinisë të Hyjit.

[torrkerry]

DO TË VIJ TEK TI.

Unë besoj, po unë besoj se një ditë, në ditën tënde, o Zoti im,
unë do të afrohem tek Ti me hapat e mi të lëkundëshm
me të gjitha lotët e mi në duart e mia,
dhe me këtë zemër të mrekullueshme që na ke dhuruar Ti,
këtë zemër mjaft të madhe për ne sepse ajo është bërë për Ty…

Një ditë unë do të vij dhe Ti do ta lexosh në fytyrën time
të gjithë vështirësitë, të gjitha luftërat,
të gjitha falimentimet të ecjeve për lirinë.
Dhe Ti do t’i shohësh të gjitha mëkatet e mia.

Por unë e di, o Hyj im!
Mëkati nuk është diçka e rëndë
kur ne rrimë përballë teje.
Sepse përpara njerëzve mund të jemi poshtëruar,
por përpara teje është gjë e mrekullueshme të jemi të varfër.
Sepse jemi të dashuruar shumë.

Një ditë, në ditën tënde, Hyj im, do vij tek Ti.
Dhe në shkëlqim vërbues të ringjalljes time,
do ta di në fund fare që dashuria ime je Ti,
që edhe liria ime je gjithmonë Ti.

Unë do të vij tek Ti , dhe do ta shpall me një zë të plotë
tërë të vërtetën e jetës tonë këtu në tokë.
Unë do të shpall me një zë që vjen nga fillimi i ditëve:
O Atë! Kam provuar të jem një Njeri,
dhe ja, unë jam biri yt.

JACQUES LEKLERCQ

Torrkerry

[torrkerry]

NDAJ TJETRIT

Ndaj Teje pa pushim
unë ecënj,
e n’errësi Të kërkonj.

Në mest të mjegullës Të thrres
e Dritën tënde pres,
o Diell,
e këdonj
me zën’ e rruzullimit
eten e pambarimit,
o Agim
i shpirtit t’im.

Tjetër tesh më nuk jam përveç dëshirit,
dëshir i thellë,
n’për mijra vokullash i rrjedhur
prej rrjedhjeve t’ kaluara,
prej zëmrave t’bashkuara.
E mbrënda ktu të gjiri,
nani e mbledhur,
Tjetrin lakmon me mua
njerzia,
e noerit’ e mia
pas valevet i qellë
e revet pas m’i sjellë.

Tjetrin kërkonj.
Amshorin.
Tjetrin lakmonj,
T’Pasosmin.

E njo durimin t’im,
pamundjen t’ime:
Nisja Ti je dhe Sosja e Gjithesisë,
e sëndevet burojnjë,
i qënjevet pushim.
Por si dëshiri im
kufinj të tillë do t’kapë?
Kush mund po mendjes s’ime
flutrore pendtë t’i japë?

Ju që vështroni rytmin e Hyjnisë
nëpër dridhjet e hyjvet
e nëpër hjet e natës tinezime
kërkoni;
ju që ndigjoni zhurmën e qetësisë,
e fjal’ e ushtime
në shtrush hetoni
që gjeth’ i veshkur bën,
m’kallzoni!
Nën mjegullën i krrusur
u nisa,
e kacarahjit lart u ngjita.
O ferrat e lulzuar!

Nën vapën i molisur
u ngrita,
e poshtë te fusha zbrita.
O cinxërat ture kënduar!
Ditën po nata përcjellë
e natën po dita përzë.
Afër Vdekjes, njo, cinxëra po këndon,
i Amshorit lakmi.

Tash rrugën e di,
o i Mir’.
Ku Gjella me Vdekjen po puthen
Ti rri.

DUSHKO VETMO

Torrkerry

[torrkerry]

FALEMINDERIT PËR JETËN TIME ME TY, O HYJ KUJDESTARI IM.


Në librin e hapur të jetës time,
në një faqe të re dhe të bardhë,
së bashku ne shkruajmë, me shkronja të arta:
…(një datë domethënëse të jetës tënde)…

Ja, tani përgjithmonë
dora jote, duke e udhëhequr dorën time,
unë të lejoj që ti ta shkruash jetën time,
jetën time me Ty, o Hyj Kujdestari im.

Dhuratë e mrekullueshme është Dashuria jote.
Unë braktisem, pa kushte, në duart e tua.
faleminderit që ta plotësosh jetën time,
jetën time me Ty, o Hyj Kujdestari im.

Me mu Ti e përshkon rrugën
që hapet përpara meje sot dhe nesër.
Faleminderit që e udhëheq Ti jetën time,
jetën time me Ty, o Hyj Kujdestari im.

Ripërsëris në mua, çdo ditë,
atë mrekulli që është prezenca jote.
Faleminderit që e mbush me mijera të mira jetën time.
jetën time me Ty, o Hyj Kujdestari im.


Që të lutem, ti më fton gjithnjë.
Që jeta imë të këndojë në harmoni me Ty.
Bëj që jeta ime të jetë një këngë falënderjeje,
jeta ime me Ty, o Hyj Kujdestari im,
Jeta ime e akorduar me diapazon me jetën tënde
për amshim!

NJË MURGESHË KLASURE

Torrkerry

[torrkerry]

O ZOT, ZOTI IM...

Ti je i madh, o Zot,
dhe shumë i denjë për t’u lëvduar;
i madh është virtyti yt
dhe dituria jote është e pallogaritshme.
Dhe njeriu dëshiron të të lavdërojë,
një grimcë e krijimit tënd
që mban me vete fatin e tij të vdekshëm,
që mban mbi vete provën e mëkatit të vet
dhe provën që ti u bën ballë krenarëve.
E megjithatë, njeriu,
kjo grimcë e gjithësisë së krijuar nga ti,
do të të lavdërojë.
Ti vetë e nxit të kënaqet me lavdet e tua,
sepse për vete na krijove
dhe zemra jonë nuk gjen pushim
deri sa të pushojë në ty.

SHËN AUGUSTINI

Torrkerry

[torrkerry]

“ATI YNË” I IMI.

O Atë, që ke kujdes për mua,
dëgjoje lutjen time
dhe më jep aftësi ta dëgjoj
edhe përgjigjen tënde.
Mësomë ta kryej vullnetin tënd
në bashkim më miqtë e mi
por edhe me ata që nuk i njoh
dhe i takoj rastësisht në jetën time.
Faleminderit që ma jep forcën
që t’i plotësoj gjithnjë detyrat e mia.
M’ i fal pa kushte fajët e mia,
dhe më ndihmo që edhe unë t’i fal
ata që më kanë shkaktuar vuajtje mua.
Bëj që të mos bie në tundim që të veproj keq.
Më ndihmo që të mos them
apo të mos mendoj asgjë të keqe
mbi ata që më rrethojnë.
Ma jep gëzimin që ta njoh
fuqinë tënde në botën mbarë,
tani e për gjithmonë në shekuj. Amen.

ELIANE

Torrkerry

[torrkerry]

RUAJE, O ZOT…

Ruaje, po të lutemi, o Zot,
me dashuri të vazhdueshme
këtë familje,
dhe, pasi kjo mbështetet vetëm
në shpresën e hirit tënd,
ta gëzojë gjithherë
ndihmën e mbrojtjes sate.

NGA MESHARI ROMAK.

Torrkerry

[torrkerry]

ATI YNË.

Ati ynë,
Ati i të gjithë njerëzve,
Ti që bën që të gjithë të jemi vëllezër,
Hyji. dashuri, krijuesi,
gjithmonë afër
dhe njëkohësisht i papashëm,
i amshueshëm i mistershëm!

Bëj që të gjithë të të njohin Ty si person.
Na ndihmo që të duam njëri-tjertrin
dhe vazhdo të na udhëheqësh
në ecjen tonë kah Ti.
Na e jep sot bukën e mjaftueshme çdo ditë,
atë forcë dhe ushqim që na nevojtet
që të jetojmë denjësisht.

Kur ne të ofendojmë Ty,
kur ne largohemi prej Teje,
na i fal mëkatet tona
si i falim ne fajtorët tanë.
Dhe, po të lutemi,
na ndihmo
që të mos largohemi
prej rrugës që na çon tek Ti.
Na ndihmo
që të mos mëkatojmë më
dhe na bëj të lirë dhe të fortë
sa që na mjafton
për të refuzuar të keqen.

NJË I RI.

Torrkerry

[torrkerry]

O ATI IM, MË UDHËHEQ MUA.

Ati im,
më udhëheq atje ku vullneti yt do që unë të shkoj.
Më jep që të jetoj në dritën tënde
dhe që ta ngroh zemrën time
që ajo të jetë e përvëluar
dhe t’i ngroh ata që i takoj.
Qoftë i bekuar emri yt,
për të gjithë hiret që m’i jep,
edhe pse unë jam hiq.
Qoftë i bekuar emri yt
për të mirën që Ti më ke dhënë,
për mëshirën që më tregove,
duke më ngritur deri te zemra jote.
Amen.

NJË I PANJOHUR
Torrkerry

[torrkerry]

ATI YNË.
Nëpërmjet Birit tënd, o Hyji im,
ti më ke thënë që të lutem
me këto fjalë të reja: “O Atë,…Ati im”.

Kështu Ty nuk të pëlqen “I Amshueshëm”
me të cilin unë flisja me frikë dhe tmerrë.
Hyji i ushtrive, Hyji i hakmarrjes
dhe Hyji i zemërimit
u bë Hyji i dhëmbshurisë
për të përgatitur kthimin tim.
Ti, o Hyj, nuk je më “Ai që jam”,
por ai “që është dashuria”.

Pse atëherë duhet të bëlbëzoj fjalë të kota
nga momenti që ti i njeh të gjitha nevojat e mia!
Pse duhet të brengosem për të nesërmën,
nga momenti që ti je me mua
dhe do të rrish gjithmonë me mua!

O Atë, Ati im! Sa i bukur është emri yt!
Sa e madhe është mbretëria jote!
Sa e ëmbël është vullnesa jote!
Si do të mund të humb akoma kohën time
duke të kërkuar diçka për mua,
nga momenti unë e kam fytyrën tënde
që ta kundroj gjithnjë dhe gjithkund,
dhe fjalët e tua për t’i përsjas,
për t’i kuptuar dita ditës sa më mirë!

Tani nuk jam më unë që lutem:
unë duhet të dëgjoj ty!
Tani jam unë që duhet të mendoj për ty
gjithçka ti mendon për mua.
Kështu vjen për mua buka jote e përditshme
dhe faljen tënde së bashku me ndihmën tënde.

O Atë, Ati im! Ti je në mua,
rreth meje dhe mbi mua.
Ti je bariu i jetës time;
kur të kam Ty, asgjë nuk më mungon më!
Më mëso që të dëgjoj Ty
kur ti këndon në zemrën time.
Më mëso të them pandërprerë,
O Atë: “Amen, Ashtu qoftë”.

HILAIRE LEONARD-ETIENNE.

Torrkerry

[torrkerry]

ATI I AMSHUESHËM.

O Atë i amshueshëm,
o Bukuri e amshueshme,
o Urti e amshueshme,
o Mirësia e amshueshme,
o Dashuri që marrëzisht na don,
a ke ti nevojë për kratyrën tënde?

Po, unë mendoj se po.
sepse Ti vepron
si nëse nuk do të ishte e mundur
për Ty të jetosh pa atë.
Edhe pse Ti je Jeta,
Burimi i çdo jete,
edhe pse pa Ty
asgjë nuk mund të jetojë.

Pse, pra, Ti e don kaq marrësisht kratyrën tënde?
Pse, nga momenti që ajo largohet prej teje,
je aq e kujdesëshëm për shpëtimin e saj?
Pse e kërkon Ti atë?
Sa më shumë ajo largohet,
sa më shumë ti vrapon afër saj;
A do të kishe pasur mundësi
të jesh më afër asaj
që kur erdhe në botë,
me të njëjtin mish,
që Ti ia kishte dhënë asaj?

Shënjtja KATARINA E SIENËS.

Torrkerry