Lutjet që devotshmëria e Krishtërve ia ka kushtuar njinisë të Hyjit.

[torrkerry]

MAGNIFIKAT…

Atëherë Maria tha:
“Shpirti im e madhëron Zotin,
shpirti im me hare i brohorit Hyjit,
Shëlbuesit tim,
sepse shikoi me pëlqim mbi shërbëtorën e vet të përvujtë
që se, që tani të gjitha breznitë do të më quajnë të lumtur,
sepse punë të mëdha bëri për mua Hyji I gjithpushtetshëm
– I shenjti është emri I tij!
Mëshira e tij brezni më brezni
për ata që e nderojnë.
E tregoi fuqinë e krahut të vet:
i hodhi postë qëllimet e krenarëve,
I rrëzoi princat prej fronëve të tyre e i lartësoi të përvujtët.
Me të mirta i mbushi ata që s’kishin ç’të hanë
e të pasurit i nisi duartthatë.
I ndimoi Izraelit, shërbërtorit të vet,
duke i sjellë në mend mëshirën
- si ua pati premtuar etërve tanë –
në të mirën e Abrahamit e të pasardhësve të tij në amshim”.

LK 1, 46-55.

Torrkerry

[torrkerry]

ATI YNË .

O Atë, ti që ke kujdesin për mua,
dëgjoje lutjen time
dhe më ndihmo që ta dëgjoj përgjigjën tënde.
Më mëso të veproj sipas vullnetit tënd
me miqtë e mi por edhe më ata që nuk i njoh
e që unë i takoj rastësisht në rrugë.
Faleminderit për forcën që më jep
Që t’i plotësoj të gjitha nevojat e mia.
M’i fal pa kushte të gjitha gabimet e mia
e më ndihmo që t’i falësh bujarisht
ata që bënë që të vuaj.
Më liro nga tundimi të bëj keq.
Më pengo që të them apo që të mendoj
Diçka të keqe ndaj të afërmit tim
Ma jep gëzimin e nevojshëm
që ta njoh fuqinë tënde mbi botën mbarë
tani e përghithmonë.


ELIANA

Torrkerry

[torrkerry]

MAGNIFIKAT…

Atëherë Maria tha:
“Shpirti im e madhëron Zotin,
shpirti im me hare i brohorit Hyjit,
Shëlbuesit tim,
sepse shikoi me pëlqim mbi shërbëtorën e vet të përvujtë
që se, që tani të gjitha breznitë do të më quajnë të lumtur,
sepse punë të mëdha bëri për mua Hyji I gjithpushtetshëm
– I shenjti është emri i tij!
Mëshira e tij brezni më brezni
për ata që e nderojnë.
E tregoi fuqinë e krahut të vet:
i hodhi postë qëllimet e krenarëve,
I rrëzoi princat prej fronëve të tyre e i lartësoi të përvujtët.
Me të mira i mbushi ata që s’kishin ç’të hanë
e të pasurit i nisi duar thatë.
I ndimoi Izraelit, shërbërtorit të vet,
duke i sjellë në mend mëshirën
- si ua pati premtuar etërve tanë –
në të mirën e Abrahamit e të pasardhësve të tij në amshim”.

LK 1, 46-55.

Torrkerry

[torrkerry]

O ZOT, HYJ I MËSHIRSHËM…..


Ti, o Zot, Hyji i mëshirshëm e i dhimbshëm,
i ngadalshëm në zemërim, plot dashuri e duresë,

Shiko mbi mua e ki mëshirë për mua,
jepi fuqi shërbëtorit tënd
dhe shpëtojë birin e shërbëtores sate.

Bëj për mua një shenjë mirësie,
që të shohin urryesit e mi e të turpërohen
se ti, o Zot, më ndihmon e më ngushëllon.

Psalmi 86,15-17.

Torrkerry

[torrkerry]

LAVDI I ZOTIT.

O Zot i madh i jetës,
atdhenë na shpëto,
o drit’ e së vërtetës
e mbro nga cilido.

Prej teje Shipërija
pret drit’e lulëzim.
Prej teje vujen lumrija,
je shpresë, je gëzim.

Flamurin Ti bekona,
të shejtin Arbëror,
fatbardhwsi dhurona,
t’a shohim madhështor.

Një shpirt të ri Shqiprisë,
o Perëndi i fal,
prej xgjedhës e robrisë
përsërit e gjall.

Ti je i kombit shpresa,
Shqiptari me ty rron,
Ti je për të mburresa,
me ty gjithkush e dron.

O Zot, të qofshim falë,
ngjat dorën Ti mbi ne,
për ty s’mjaftojnë fjalë
mburrona Komp, Atdhe!

KRISTO FLOQI

Torrkerry

[torrkerry]

SHPIRTIT.

Të lus, o Lajmës qielluar!
O frym e Zotit, Vetë Zot!
Me hirin tënd të pashterusr
që ka burim përjetësije,
hirplot, o Shpirt, nër gaze Ti je.
Dhe në mjerime je hirplot!

Ti botës sonë i prure lajmin
e një ëndërrimi të pafaj;
për mallin tënd me të pastajmin
Ti kuvendon që përmi botë,
dhe me gëzim i bie lotë,
i bie gaz në zi të saj.

Kur del mi male ylli i dritës
e shuhet nata prapa tij,
Ti me vështrimin vetëtitës
shkëlqen në fund të zemrës sime
dhe i bën prej këngës së një grime
një të përjetshme- harmoni.

Kur pat humbur jetë e dherit,
kur syri i lodhur m’u përgjum,
në shkëndijim të kondilerit
m’i shfaq ylberin e një rruaze...
Fatlum, e Shpirt, ti je nër gaze,
dhe nër mjerime je fatlum!


Sot hapa sytë që menate
e po këndoj si kurrëkush:
Drejt lartësirës së pamatë
ah, mëshiro, të ngjitë –i çmuar
prej gjirit tim të përveluar
fjalimi i mallit tim mjerush.

LASGUSH PORADECI.

Torrkerry

[torrkerry]

O ZOT, HYJ YNË!

Bëj, po të lutemi,
o Zot, Hyj ynë,
të të adhurojmë ty
me gjithë shpirt
dhe t’i duam të gjithë njerëzit
me dashurinë e Krishtit.

NGA LITURGJIA

Torrkerry

[torrkerry]

PERËNDISË.

Dikur kam gënjyer një vajzë,
me vajzën jam tallur,
o Perëndi i lashtë,
nga unë, që ty s’të besoj,
prano, të lutem, të falur!

Kam fshehur dikur të vërtetën
dhe fjalën s’kam mbajtur,
o Perëndi e sfilitur me jetën
nga unë, që ty s’të besoj,
prano, të lutem, të falur!

DRITERO AGOLLI

Torrkerry

[torrkerry]

SHPËTIMI VJEN PREJ ZOTIT!


Sa shumë janë, o Zot, ata që më salvojnë!
Sa shumë asi që po më çohen kundër!
Shumë janë ata që thonë për mua:
“As Hyji më nuk do ta shpëtojë!”

Por Ti, o Zot, je mbrojtësi im,
nderi im që lartë ma mban kryet!
Zërin tim e lartësoj te Zoti
Dhe më vështron prej malit të vet të shenjtë.

Unë bie në shtrojë e fle
e prape zgjohem sepse Zoti më ruan.
Jo, nuk i druaj njerëzit edhe me mijëra në qofshin
që përqark më rrethojnë porsi armiq.
Ngrihu, o Zot, më shpëto, o Hyji im!

Shpute ua pëlcet turinjve armiqve të mi,
Dhëmbët ua thyen mëkatarëve!
Shpëtimi vjen prej Zotit:
bekimi yt mbi popullin tënd!

PSALMI 3

Torrkerry

[torrkerry]

ZOTI KRISHTI IM.

Pse
Ziti Krishti im
bëre dheun, bëre qiellim
e i bëre mirë?

Pse
Zoti Krishti im
bëre burrin, bëre gruajen
e mua kriatur?

I bëre Ti se na do mirë.

Pse
Zoti Krishti im
bëre male, bëre lule
e i bëre mirë?

Pse
Zoti Krishti im
bëre fruta, marmellata
e çukullata?

I bëre Ti se na do mirë.


Pse
Zoti Krishti im
bëre turq e bëre arbëreshë
e ng’i bëre bashkë?

Pse
Zoti Krishti im
bëre gjuhë e bëre grikë
e jemi të ndarë?

ZEF KAKOCA

Torrkerry