Lutjet që devotshmëria e Krishtërve ia ka kushtuar njinisë të Hyjit.

[torrkerry]

PËR TY, O ATË!

Për ty, o Atë, që më ke përkundur që prej lindjes time në këtë botë...
Për ty, o Atë, që më ke udhëhequr ndaj një nëne
që të më japë dashurinë që më nevojtet...
Për ty, o Atë, që m’i ke dhënë aq shumë gëzime...
Për ty, që më ke mbartur në krahët e tua
kur gjestet e dashurisë sate nuk i pava fare...

Për ty, o Atë, që i mbajte barrat e mia në ato momente të turbullta...
Për ty, o Atë, që për mua e hap gjithnjë rrugën e shpresës,
edhe pse pas një periudhe të errët...
Për ty, o Atë, që m’a ke dhuruar jetën...
Për ty, o Atë, për të cilin unë jetoj...
Për ty, o Atë...gjithçka jam dhe kam...

Abba! O Atë.
Unë të dua, o Atë.

RAPHAELLE

Torrkerry

[torrkerry]

O HYJ, DORËHAPUR I MREKULLUESHËM!

O Hyj, dorëhapur i mrekullueshëm,
më jep gjithçka,
sipas mirësisë tënde të pamasë.
O Hyj, Ti qe je,
më jep gjithçka je,
pa kushte dhe kufizime
Unë... nuk jam asgjë.
Ti, o Hyj, je gjithçka.
Më jep gjithçka mua
që nuk jam asgjë,
që kam nevojë për gjithçka,
e që si Kananease e Ungjillit
jam gati të haj droncat
e rrëna nën tavolinë.
Ti nuk qe kopracak dhe dorështrënguar
kur i ke krijuar yjet,
që shkëlqejnë në qiell.
Ti nuk qe pa lavdi
kur i ke ndarë ujërat
që “ishin përmbi kupën e qiellit,
prej ujërat që ishin nën kupën e qiellit”.
Bëji përsëri edhe sot
prej hiçit të gjitha gjëra.
Ja ku jam, derdh mbi mua
gjithçka të pëlqen
me bollëk,
si vetëm ti di ta bësh.

ERNEST HELLO

Torrkerry

[torrkerry]

SA E MIRË ËSHTË QË TË JEM FËMIJU YT.

O Atë, Ty po të lutem unë këtë mbrëmje
me një besim të sigurt dhe të qetë.
Biri yt më ka mësuar që Ti je Ati im...
Pra, unë vij tek Ti vetëm për të thënë Ty
thjeshtësisht që unë jam djali yt,
dhe unë e them këtë seriozisht,
por edhe me gëzim, duke buzëqeshur
dhe duke kënduar sepse e bukur është
o Atë, të jem fëmija yt.
Por kjo është edhe një gjë shumë serioze,
sepse Ti më ke dashur aq shumë
dhe unë përkundrazi shumë pak!

O Atë, bëj me mua çka Ti don.
Vullneti yt, unë e di mirë,
është që të jem i ngjajshëm
me Birin tënd të Vetëm,
Vëlla im i madh, që ma ka mësuar emrin tënd.
Bëj, o Atë, që ta përshkoj rrugën e Tij.
Mua më mungojnë forcat për këtë,
por unë e kam forcën tënde.


O Atë, ja ku jam:
puno në mua, si të pëlqen Ty,
edhe duke pritur dhe duke krasitur,
sipas vullnetit tënd.
Asnjëherë nuk do të kem frikë prej teje,
kurrë nuk do të mendoj se më ke harruar;
dhe nëse kryqi do të më dukej shumë i rëndë,
unë do të ripërsëris i palodhur pandërprerë
se unë besoj në dashurinë tënde
dhe se unë pranoj ta kryej vullnetin tënde.

Unë e di, o Atë,
nuk kam mbaruar akoma të hidhëroj Ty,
por Ti nuk do të mbarosh kurrë të më falësh.
Për sa i përket dashurisë,
gjithnjë Ti do të më mund mua;
Por jo për gjithmonë, sepse Ti do të më japësh hirin tënd.
Ti do ta derdhësh në zemrën time dashurinë tënde,
Birin tënd fale të cilit gjithçka për mua do të jetë e mundshme.

ATË PIERRË LYONNETI

Torrkerry

[torrkerry]

Anuloj për një gabim.

[torrkerry]

UNË SHPRESOJ NË TY

Nga thellësia e mjerimit tim,
o Zot i përsosur dhe i shenjt,
unë shpresoj në ty.
Nga thellësia e vdekjes time,
o Hyj i panjohur,
unë të dua.


O Atë, që të gjithë i pret,
zemra e të cilit rri në përgjim,
për të përqafuar birin e larguar,
dhemshuria jote,
si një lumë që del nga shtrati,
le t’i mbulojë shkretëtirat e mia.
Unë shpresoj në ty.

O Atë, që më fal gjithçka,
që harron gjithçka
s’ka vlerë në birin tënd:
Hyj i mirë,i dashur,
i ngadalshëm në zemërim,
o Hyj që pa zhurmë më kërkon,
në ty gjej paqe e dashuri.
Në Ty unë shpresoj.


O Atë, falë mëshirës tënde,
çdo agim njeriu merr guxim,
kur paqja rilulëzon,
si drita e ndriçon ditën,
pas një nate të errët e turbulltë.
Unë shpresoj në ty.

Në mjerimin tim,
Hyj i përsosur dhe i shenjt,
unë shpesoj në ty.
Nga thellësia e vdekjes time,
o Hyj gjithnjë i panjohur,
unë të dua Ty.

ALAIN LERBRET

Torrkerry

[torrkerry]

ZOTI ME NE.

Zoti me ne, ti e ndërton drejtësinë dhe paqen
edhe pse jemi në luftë, intolerantë, të inatosur.
Na mëso të të pranojmë ty pa manipulime,
që ta ndërtojmë me ty një botë më vëllazëror;
keshtu shkretëtirat tona, të rrënjosura në zemrat tona,
do të ndërrohen në kopshtët e gjelbëruar.


Zoti me ne, je ti shpresa jonë gjithmonë,
sepse ti na jep një etje për çlirim.
Bëj që ta ndiejmë urin për shëlbimin tënd,
që, me Marinë, të shijojmë gëzimin
e bashkimit me ty një ditë në mbretërinë tënde.

Zoti me ne, ti vjen gjithnjë të na shëlbosh
me dashuri të çarmatosur të Jezusit fëmije.
Ji ylli ynë gjatë natës të dyshimeve tona,
Shpalle ardhjen tënde me shenja faljeje,
Ti, Zoti me ne, nga Betlemi deri në varrin bosh.

JACQUES GAUTHIER

Torrkerry

[torrkerry]

URATA PËR SHËRBIM.

O Zot,
bëj që t’i shërbëjmë vëllezërit tanë
të cilët jetojnë dhe vdesin në varfëri
dhe në uri në botën mbarë.
Lëri në kujdesin tonë:
jepu atyre bukën e përditshme
së bashku me dashurinë tonë
plot mirëkuptim,
Paqe dhe gëzim.
O Zot, më bëj mua vegël të paqes tënde,
që të mund ta barti dashurinë ku është mënia,
shpirtin e faljes ku është padrejtësia,
harmoninë ku është përçaria,
fenë ku është dyshimi,
shpresën ku është dëshpërimi,
dritën ku është mjegullimi,
gëzimin ku është pikëllimi...
Amen.

NËNË TEREZE

Torrkerry

[torrkerry]

MA JEP PAQEN…


O Zot, Ati im,
mos lejo që bota të më rrëmbejë mua
dhe të më largojë prej teje.
Shih si zemra ime digjet dhe shkrihet nga dashuria,
Zemra ime që e derdh gjakun për Mbretin e vet.


O Zot, Ati im,
dëgjojë zërin tim që përshpërit
shpresën dhe besimin që më shtynë në veprim.
Bëj që të rrezohen murët
të kësaj indiference që më trazon.

O Zot, Ati im,
unë afrohen tek ti për ta kërkuar paqen,
atë paqe që fshihet në brendësinë time.
Shumë mundime dhe stuhi
e errësojnë gjithnjë gëzimin tim.

Bëj, o Zot, Ati im,
që dashuria jote dhe falja jote
ta lehtësojnë ndërgjegjen time
dhe që jeta ime të jetë dhurata
që ua jep kuptim vuajtjeve të mia.

O Zot, Ati im,
unë jam vetëm një mëkatar shkretë.
Pra, e vetja shpresa ime je ti.
M’i hap duart e tua atërore
që të më braktis krejt ne ty.

FLORENCE SAILLEN

Torrkerry

[torrkerry]

URATA PËR BIBEL.

O Zot,
bëj që çdo njeri në këtë botë ta njehë Biblën.

Zgjoje në ta urinë për Fjalën tënde.
Bëj që ajo të jetë buka jonë e përditshme.
Ata që dinë të lexopjnë
ta shijojnë Ungjillin me sytë e tyre.
Ndërsa ata që s’dinë të lexojnë
ta shijojnë atë në jetën tonë!

Por mbii të gjitha
– kur do ta njohim vullnetin tënd -,
s’lypin asgjë tjetër
përpos të zbatohet
në ne dhe në botën mbarë.
Amen.

NËNA TEREZE

Torrkerry

[torrkerry]

O ZOT, HYJ I MWSHIRSHWM…..


Ti, o Zot, Hyji i mëshirshëm e i dhimbshëm,
i ngadalshëm në zemërim, plot dashuri e duresë,

Shiko mbi mua e ki mëshirë për mua,
jepi fuqi shërbëtorit tënd
dhe shpëtojë birin e shërbëtorës sate.

Bëj për mua një shenjë mirësie,
që të shohin urryesit e mi e të turpërohen
se ti, o Zot, më ndihmon e më ngushëllon.

Psalmi 86,15-17.

Torrkerry