URATË PËR KOHË.
O Zot, ne të falënderojmë për kohën.
Kur ti e lëshon shiun në tokë
ne të falënderojmë.
Kur ti bën të ndriçojë dielli
ne të falënderojmë.
Kur ti e vërsul stuhinë
ne shpresojmë në ty.
Kur ti e dërgon acarin
ne kërkojmë ngrohtësi në dashurinë tënde.
O Zot,
Krijuesi i diellit, hënës dhe yjve,
frymës, stuhisë dhe detit,
ne e dimë se në qendër të të gjithave
aty je ti – së bashku me ne.
Falëminderit për kohë,
o Zot.
Amen.
Nënë Tereze
Torrkerry
O ZOT, UNË TË LAVDËROJ NJË MIJË HERË...
O Zot, unë të lavdëroj një mijë herë,
unë të falënderoj një mijë herë,
unë të bekoj një mijë herë,
sepse Ty të ka pëlqyer të më krijosh
në shëmbëlltyrën dhe në përngjasimin tënd,
të më zbukurosh dhe të më pasurosh
me hirin tënd që më bën bir tënd të vërtetë,
të më paijsësh me arsyen,
dhe të më bësh të aftë për lumturinë e amshueshme.
MADAME ACARIE
Torrkerry
O PASQYRË E PANJOLLË.
O pasqyrë e panjollë,
shkëlqim i lavdisë së amshuar,
Fjala plotë dashuri,
o Jezusi im i ëmbël,
shëmbëllesë e Atit,
imazh i mirësisë së Hyjit,
ide e amshuar e të gjitha gjërave,
në të cilën shkëlqejnë
dhe duken të gjitha kreatyra,
në të cilën shihen
dhë kundrohen të gjithë njerëzit,
a nuk i sheh Ti të gjitha vështirësitë e tyre?
E atëherë pse nuk i ndihmon të gjithëve?
O Ti, Zoti im,
bujar dhuruesi i të gjithë të mirave,
a ua jep me bollëk hiret e tua
atyre që me nxitim i kërkojnë ato?
Dashuria e pakufishme,
na e jep veten neve,
dhe ne do të kemi gjithçka”.
MADAME ACARIE
Torrkerry
O ZOT HYJ IM.
O Zot Hyj im,
zjarrë flakë dashurie,
më tërhiq tek Ti
që të digjem
në këtë zjarrë
gjithmonë të ndezur të dashurisë sate,
dhe bëj që prej kësaj flake
të shkrihem krejtësisht...
O fuqi, shumë admirueshme,
urtia dhe mirësia e Zotit dhe Hyjit tim,
bëj që sipas vullnetit tim
prej çdo krijese të mund të nxjerr një shpirt,
dhe prej çdo shpirt,
në veçanti prej shpirtit tim,
bëj që unë të mund
të ndërtoj për Ty një mbretëri qiellore,
në të cilën Ti mund të kesh gëzim dhe paqe,
në vend të vuajtjeve të panumërta
dhe të hidherimeve dhe dhembjeve
që Ti i ke duruar për mua.
Më hap, po të lutem,
pasurit e mëdha
e hyjnisë tënde shumë të adhurueshme,
dhe, të lutëm, më merre në Ty,
që të banoj në Ty.
MADAME ACARIE
Torrkerry
O ZOT I DASHUR!
O Zot i dashur,
Ti që njeh gjithçka,
Në Ty çdo njeri ndryshohet,
Në Ty çdo krijesë gjen jetën,
Ti që i njeh zemrat e të gjithëve
dhe gatishmërinë e tyre ndaj Teje,[...]
në duart Tua janë kohërat tona,
epokat tona, ngjarjet tona,
të mirat tona, shëndetin tonë!
Ne nuk mund të bëjmë asgjë
pa Ty që i njeh mirë tërë nevojat tona.
Pra, unë po të lutem, ndihmoji të gjithë:
ndihmoji ata që të luten.
Për të gjithë, o Zot, unë po të lutem,
më dëgjo, o Zot, bëj që të plotësohen
dëshirat e mia: ndihmoji!
MADAME ACARIE
Torrkerry
KAH PO E SHOH KËTË LULE.
O Zot im Zot
ka po e shoh këtë lule
në të cilën vdekja dhe jeta
shëtisin dorë për dore
duke i kënduar oda ujit
m'është e qartë
se duhet jetuar
dhe duhet parë këtë mrekulli.
MIRKO GASHI
Torrkerry
PËRCILLI KUSHTET...
Po të lutemi, o Zot,
përcilli me dashuri qiellore
kushtet e popullit tënd,
që po të lutet:
të kuptojë çka i lypet të bëjë
dhe atë ta zbatojë me dashuri.
NGA LITURGJIA
Torrkerry
O ZOT, NUK KAM BËRË VETEN.
O Zot, Hyj im, nuk kam bërë veten.
Ti, o Zot, më ke krijuar.
Atëherë, sepse ti më ke bërë,
dua ta pres me duresë dorën e artistit
që bën gjithçka në momentin e volitshëm.
Për këtë, o Zot, më ndihmo.
Dua të paraqes një zemër të butë,
që të jem në dispozicionin tënd
për ta marrë formën që më jep një artist i atillë.
O Zot, që ta kujtoj gjithnjë
Që u lava me Ujin tënd,
e që në mungesë të kësaj uji,
duke u tharë, unë nuk do të isha më i aftë
për të pranuar shenjat e gishtërinjve tuaj.
IRENEU NGA LYON
Torrkerry
O Zot, Hyji im!
O Zoti im Jezu Krisht, Hyj im,
ti u tregove i butë ndaj mëkateve tona
dhe na ke udhëhequr deri në këtë orë
në të cilën ke vdekur në kryq jetëdhënës,
duke ia hapur rrugën e Parajsës ,kriminelit të mirë.
dhe duke e shkatërruar vdekjen tonë me vdekjen tënde.
Ji i mëshirshëm me ne mëkatarë,
të padenjë të jemi shërbëtorët e tu,
sepse kemi mëkatuar dhe kemi bërë padrejtësi;
nuk jemi më të denjë t’i drejtojmë sytë kah Ti
dhe t’i shikojmë qiejt të lartë
sepse e kemi braktisur rrugëm e drejtësisë tënde
dhe i kemi ndjekur dëshirat e prujta të zemrës tonë.
Por i lutemi mirësisë sate,
me të cilën asgjë nuk është e ngjajshme:
na fal, oZot, na shpëto sipas bujarisë të mëshirës sate
dhe ma shpëto për shkak të Emrit tënd të shenjt:
bëj që ditët tona të mos kalojnë në kotësi.
Na liro nga duart e armikut,
na i fal mëkatet tona,
dhe pushtoje krenarinë e mishit tonë
që ta zhveshim njeriun e vjetër
e ta veshim njeriun e ri,
që të jetojmë për ty, mbreti ynë dhe mbrojtësi ynë;
e kështu, duke i kryer të gjitha urdhërimet e tua,
do të arrimë në pushimin e amshueshëm,
ku është banesa e të gjithë atyre që janë të lumtur.
Je ti, pra, gëzimi ynë i vërtetë,
dhe lumturia e të gjitë atyre
që të duan ty, o Krisht Hyji ynë.
Ty të lavdërojmë së bashku me Atin e amshuar
dhe me Shpirtin Shenjt, të mirë dhe jetëdhënës,
tani e përgjithmonë, në shekuj të shekujve. Amen.
SHËN BAZILI I MADH.
Torrkerry
UNË TË ADHUROJ.
O Hyj, unë të adhuroj
me gjithë zemër.
Tërë ditën time ta kushtoj Ty:
është për Ty.
Më ndihmo
që të jem i urtë!
Bekoje Babain, Nënën,
dhe të gjitha ata që i dua.
NJË FËMIJË.
Torrkerry
Regullat e Postimit
Përgjigju Duke Cituar
Krijoni Kontakt