Lutjet që devotshmëria e Krishtërve ia ka kushtuar njinisë të Hyjit.

[torrkerry]

ZOTIT TË GJALLË, QË RRON PËRGJITHMONË.

O Zot, unë të lavdëroj,
Sepse ti më vjen në ndihmë kur ndalem,
Më kërkon kur ndjehen i humbur,
më çon në këmbë kur jam rrëzuar.

Unë të lavdëroj sepse je Hyji i gjallë
Gjithnjë në kërkim të njeriut:
Jo një hyj që mënjanohet,
por një Hyj që gjithmonë afrohet,
që gjithmonë është duke ardhur,
Hyji i vërtetë, i gjallë, Zoti i jetës.

Unë të lavdëroj sepse je i durueshëm
Dhe nuk zemërohesh kurrë,
edhe kur ne, të zhgënjyer, dorëzohemi.
Ti rifillon gjithmonë, pa u lodhur,
Marrëdhëniet e tua me ne,
Duke e kthyer ndaj nesh fytyrën tënde,
Që ta gjejmë përsëri ngrohtësinë
E shoqërisë dhe dashurisë tënde,
O Hyj i gjallë, pa lodhje na kërkon.

ANDRE DUMAS.

Torrkerry

[torrkerry]

LUTJE PËR KRISHTLINDJEN.

O Fjalë e mishëruar, që edhe një herë
e ndan me ne gëzimin e lindjes tënde,
na mëso që t’i ndajmë me të tjerët
projektet tona paqeje dhe solidariteti.

Ti që në shpellën e Betlehemit
ua ke paraqitur njerëzve të çdo kohe
një ecje dashurie dhe pajtimi.
Ndriçoje njerëzimin e sotëm që ta gjejë
rrugën që na çon në takim të të tjerëve,
në dialogun, në dashurinë, në respektin e thellë.

O Hyj i vogël dhe i madh, që me përvujtëri më të ndjeshme
ke treguar në vetveten rrugën kryesore që çon në të vërtetën,
na ndihmo që të zhduket nga kjo botë mendjemadhësia,
falsiteti dhe çdo lojë gënjeshtrash
që janë shkaku i çdo të keqe të botës moderne.

Ti që e sheh zemrën në thellësinë e vet,
ndërroji mëritë personale tona
në ndjënja dhe sjellje vëllazërore,
që japin gëzime të vërteta
duke ndërruar Krishtlindjen në një festë të vërtetë.

O Mesi i pritur nga shumë shekuj,
dhe i ardhur kur u plotësua koha,
udhëhiqe njerëzimin mbarë në mileniumin e tretë
që të mbretërojë një drejtësi më e sigurtë
për çdo njeri të kësaj bote.

Ti që di gjithëçka e që mund gjithçka,
ti e di çfarë presim të gjithë ne
edhe në këtë përvjetor të ardhjes tënde:
bëj që të lindë në zemrat e të gjithë njerëzve të botës
një rreze e dashurisë tënde të pakufishme
dhe të mirësisë sate të pamasë.

Mos lëjo, o Jezus, Biri i njeriut,
që asnjë fëmijë, asnjë i ri, i rritur dhe i moshuar
në këtë botë të vazhdojë të vuajë
për paudhësinë që mbetet në zemrën e disa njerëzve.

Bëj që shumë zemra të prekura nga urretja e nga vdekja,
të mund të duan e të falin armiqtë e tyre,
si ke bërë edhe ti duke ia falur Magdalenes mëkatet,
por edhe duke ua falur mekatin
atyre që të kanë kryqëzuar
dhe keqëbërësit të mirë,
të vdekur në Kryq afër teje në Malin Golgota.

Nga shpella e Betlehemit
edhe këtë vit, bëj që të shpërndahet në gjithë botën
drita e Lindjes tënde, që është gjithmonë
shkaku i shpresës dhe i paqës për të gjithë.

GJON PALI I DYTË

Torrkerry

[torrkerry]

KRISHTLINDJA, DITA E LAVDISË.

Krishtlindja, ditë e lavdisë dhe e paqes.
Në natën e errësirës,
ne e presim dritën,
që e ndriçojë botën.
Në natën e errësirës,
ne e presim dashurinë
që ta ngrohtë botën.

Në natën e errësirës
Ne e presim një Atë,
që të na lirojë nga e keqja.
Në natën e errësirës
ne e presim mëshirën.
Ne e presim Hyjin.

ANNA MARIA CANOPI

Torrkerry

[torrkerry]

O KRISHT, SHËLBUESI I TË GJITHËVE.

O Krisht shëlbuesi i të gjithëve,
prej Atit, Bir i vetëm,
ve+ Ti para fillimit,
u linde e me gojë s’shprehet.

Ti dritë, shkëlqimit i Atit,
Ti shpresë për jetë e të gjithëve,
dëgjo lutjet që nxjerrin
shërbëtoprët e tu nëpër botë.

Kujto, o Autor, shëlbimi,
se dikur more trajtën
e trupit tonë, kur të lindi
një Virgjër e paprekur.

Kjo ditë e tashme dëshmon
që rrjedh në rreth të vitit,
për boten erdhe shpëtim
veç Ti nga froni i Atit.

Këtë qielli, toka, deti,
Çdo gjë që ndër to ndodhet,
Ty autor tw ardhjes sate
lavdërojnë me këngë të hareshme.

Dhe ne që u shpërblyem
me gjakun tënd të shenjtë,
në ditën e lindjes sate,
se bashu himn të ri këndojmë.

TY të çoftë lavdia, o Jesus,
që u linde nga Nënë Virgjër,
me Atin e më Shpirtin
jetëdhënës në shekuj të shekujve. Amen.

NGA LITURGJIA E ORËVE.

Torrkerry

[torrkerry]

NDËRSA HESHTJA E MBULONTE TOKËN...

Ndërsa heshtja e mbulonte tokën,
dhe nata ishte në gjysmën e saj
Ti ke zbritur, o Fjala e Zotit,
Në vetmi dhe më heshtje më të thellë

Krijimi të shpall ty me heshtjen e tij,
Gjithnjë profetet të paraljmëruan,
Por misteri ka tani një zë,
Me të qarët e tua të para
Heshtja duket edhe më e thellë.

Përpara këtij misteri të madh
Edhe ne shtangur rrimë në heshtje:
Heshtja nuk thehet, këndohet:
Zemra lë ta dëgjojë këtë Fjalë
Që mrekullisht njerëzisht jehon.

Ty, o Jezus, mrekullia e botës,
Hyj i gjallë në zemrën e njeriut,
Hyj i fshehur në një trup të vdekshëm
Ti dashuria këndon në hestje

DAVID MARIA TUROLDO

Torrkerry

[torrkerry]

JEZU KRISHT, SHKËLQIM I LAVDISË HYJNORE.

Shkëlqim jetëdhënës i Hyjnisë s’amshueshme,
o Krisht, ti vjen ndër ne ndriçim i jetë,
Ti njerëzve u sjell ndër sëmundje mjet shërimi,
o derë shpëtimi.

Jehojnë mbi tokë vallet e engjëllorëve
me këngë qiellore, shekuj të rinj ligjërojnë,
lavdi për Atin dhe për mbarë njerëzimin
gëzime e paqe.

Ndonëse vogëlush, Ti sundon rruzullimin,
fryt i Virgjërës Shenjte, pa farë njolle,
o Krisht, tashmë sunduesi i mbarë botës
gjithmonë i dashur.

Ti linde të na japësh qiejt për atdhe,
Ti me mishin tonë u bërë një nga ne;
mendjet përtëriji e zemrat lidhi
me prangat e dashurisë.

Çetat krenare i këndojnë ja një zëri,
shoqëruar nga Engjëjt me gojë të gëzueshme
Atit me Ty e dashurisë së barabartë,
këngët e lavdit. Amen.

NGA LITURGJIA E ORËVE.

Torrkerry

[torrkerry]

TE DEUM LAUDAMUS...

Ty, o Hyj, të lavdërojmë, * ty, o Zot, të dëshmojmë.
Ty, Atin e amshueshëm * bota mbarë të adhuron.

Ty të gjithë engjëjt * ty qielli e fuqitë të gjitha,
Ty kerubinët e serafinët * pa ndërprerë po këndojnë:

Shenjt, shenjt, shenjt * Zoti, Hyji Sabaot!

Plot qielli e toka janë * me madhërinë të lumturisë sate.
Ty i apostujve * kori i lavdishëm,

Ty i profetëve * numri i nderueshëm,
Ty e martirëve * të levdon ushtria.

E për rrethin e tokës * të dëshmon shentja Nënë Kishë.
Ty, o Atë * i madhërisë së pamasë,

Dhe të ndërueshmin e të vërtetin * të vetmin Bir,
Edhe shenjtin * ngushëllues Shpirt.

Ti, O Krisht, * Mbreti i lavdisë,
Ti që je i Atit * Bir i amsheshëm.

Ti që, për të marrë mbi vete çlirimin e njeriut*
Nuk e pate n’iri kraharorin e Virgjërës.

Ti që, pasi e theve thimthin e vdekjes,*
Ua çile besimtarëve Mbretërinë e qiellit.

Ti që rri në të djathtën e Zotit * në lavdinë e Atit.
Besojmë se do të vish * porsi gjykatës,

Ty pra, po të lutemi që t’u ndihmosh shërbëtorëve të tu*
Të cilët i shpërbleve me gjakun tënd të paçmueshëm.

Bëj që në lumturinë e amshueshme *
Të numërohemi ndër shenjtër të tu.

Shpëtojë popullin tënd, o Zot, *
E bekoje trashëgimin tënd!

Ti ata sundoji * e lartësoji deri në amshim.
Për gjithë ditë të lume * ne ty të bekojmë.

Dhe emrin tënd e lavdërojmë për jetë * e jetë të jetës.
Denjohu, o Zot, në këtë ditë * të na ruash pa mëkat.

Ki dhimb për ne, o Zot, * ki dhimb për ne!
Dhembshuria jote qoftë mbi ne, o Zot,

Sikurse po shpresojmë në ty *
Në ty, o Hyj, shpresova * e kurrë nuk do të turpërohem.

NJË HIMN I VJETËR.

Torrkerry

[torrkerry]

LUTJE JEZUSIT TË VOGËL.

Nata fillon
dhe ndriçon ylli
që na tregon rrugën.

Jam përpara teje,
Jezusi fëmijë, i shenjtë!
Ti, mbret i gjithësisë,
Ti na ke mësuar
që të gjithë të jemi njëlloj,
që na dallon vetëm mirësia,
ky thesar i madh,
i dhuruar të pasurve dhe të varfërve.
Jezus, bëj që të jemi të mirë,
që zemra ta ketë vetëm dashurinë.
Bëj që dhurata jote
të shtohet në mua çdo ditë
dhe përreth ta shpërndaj
atë në emër tënd.

UMBERTO SABA
Torrkerry

[torrkerry]

DRITA, PAQJA DHE DASHURIA.

O Jezus, ti je drita!
Ti ke shikuar poshtë
Dhe e ke parë errësirën.
“Atje dëshiroj të shkoj”,
ke thënë ti, drita jonë.

O Jezus, Ti je paqja!
Ti ke shikuar poshtë
dhe i ke parë luftërat.
“Atje dëshiroj të shkoj”
Ke thënë Ti, Paqja jonë.

O Jezus, Ti je dashuria!
Ti ke shikuar poshtë
dhe e ke parë urretjen:
“Atje dua të shkoj”
Ke thënë ti,
që je dashuria.

Kështu u duk drita
që e pushton tokën;
u duk paqja,
që ofron pushim;
u duk dashuria,
që e dhuron jetën.
“E Fjala u bë njeri,
dhe banon ndër ne”.

GIUSEPPE PELLEGRINO

Torrkerry

[torrkerry]

LERTËR DREJTUAR JEZUSIT.

Jezusi i dashur, të lutem,
jepja shëndetin nënës dhe babait;
disa para të varfërve,
Sjelle paqen në botë gjithëkund,
Një shtëpi atyre që nuk e kanë atë,
Dhe të këqinjve mirësinë.
Dhe nëse për mua asgjë s’ka më,
do të jetë edhe kështu një festë e bukur.

MARIO LODI.

Torrkerry