Lutjet që devotshmëria e Krishtërve ia ka kushtuar njinisë të Hyjit.

[torrkerry]

PAQIA E VËRTETË.

Na jep, o Zot, paqen e vërtetë,
që është një dhuratë që zbret nga lartë,
dhe na liro nga paqia e rreme,
që është një produkt i egoizmit tonë.
Na jep atë paqe që na bashkon si miq,
dhe na liro nga paqia e vetmisë
dhe e mospranimit të të tjerëve.
Na jep atë paqe që thellohet në vuajtje,
dhe na liro nga paqia që pushtohet nga vështirësitë.
Na jep paqen që e duron falimentimin,
dhe na liro nga paqia që dehet nga sukseset.
Na jep atë paqe që bën të rritet shpresa,
dhe na liro nga paqia
që ushqehet me përbuzje për të tjerët.
Na jep paqen e të përvuajturve,
dhe na liro nga paqia e prepotenteve.

AUBERT COLLARD.

Torrkerry

[torrkerry]

O ATË I QIELLIT.

O Atë i qiellit,
që na dhe një shëmbëllesë të jetës
në familjen e Nazaretit.
Na ndihmo, o Atë i dashurisë, ta bëjmë familjen tonë një Nazaret të dytë,
ku mbretërojnë dashuria, paqja dhe gëzimi.
Bëj të kem një familje të lutjes,
të dhënë pas euharistisë
dhe jetës gjallëruese.
Na ndihmo të jemi së bashku në gëzime,
së bashku në dhimbje,
së bashku në hiret e lutjes familjare.
Na mëso të shohim në anëtarët e familjes sonë
Krishtin, atë të vuajturin.
Na ndihmo që të kthehet në zemra tona
përvujtëria si e zemrës së Jezusit.
Na ndihmo t’i kryejmë detyrat tona familjare.
Na ndihmo, Atë i dashurisë,
ta kryejmë çdo gjë me buzëqeshje.
O zemrës e dëlirë e Marisë, shkaku i gëzimit tonë,
lutu për ne.
Shën Jozefi, lutu për ne.
Shenjtërit Engjëjt e Rojës,
jini gjithnjë me ne,
duke na mbrojtur e dalur zot.
Amen.

NËNA TEREZE

Torrkerry

[torrkerry]

SI DO TË DOJA QË TI TË VISH.
Une do të doja të vish më vonë,
që të kem akoma kohë për ta shpallur lajmin tënd,
që t’ia sjell dashurinë tënde të tjerëve.
Une do të doja të vish më vonë
që ta njoh menjëherë, në burim të saj,
ngrohtësin e dashurisë tënde.

Une do të doja të vish më vonë
që të mund të ndërtoj në pritje,
një mbretëri solidariteti dhe kujdesie ndaj të varfërve.
Une do të doja të vish më vonë ,
që të jem menjëherë në bashkim
të plotë dhe përfundimtar me Ty.

Une do të doja të vish më vonë ,
që të kem kohë për të pastruar
në lutje, me vepra pendestare
dhe në jetën e krishterë,
ekzistimin tim të mjerë...
Une do të doja të vish më vonë
që të pranohen prej teje, mëkatarët siç jam,
në mëshirën tënde të pakufishme.

Une do të doja të vish më vonë ,
sepse është e bukur të jetojmë
duke ditur që Ti vetë na beson një detyrë,
që ti vetë na thërret t’i marrim përgjegjesitë tona.
Une do të doja të vish më vonë,
që të jem në gëzim të plotë.

O Zot, nuk e di çka dua,
por për një gjë jam i sigurt:
për mua gjëja më e mirë është
që ta kryej vullnetin tënd.
Më ndihmo që të jem gati ta kryej gjithmonë,
në çdo kohë dhe situatë
vullnetin tënd, sepse në të, o Zot,
tregohet dashuria jote për ne
tani e në momentin e vdekjes tonë. Amen.

Torrkerry

[torrkerry]

TI PO VJEN GJATË NATËS.

Ti po vjen gjatë natës,
por në zemrën tonë gjithmonë është natë:
pra hajde gjithmonë, o Zot.

Ti vjen në heshtje,
ne nuk dimë më të bashkëbisedojmë:
e pra hajde gjithmonë, o Zot.

Ti vjen vetëm.
por çdonjëri prej nesh është gjithmonë më i vetëm:
e pra, hajde gjithmonë, o Zot.

Hajde, Biri i Paqes,
ne nuk dimë më çfarë është paqja:
e pra, hajde gjithmonë, o Zot.

Hajde e na liro.
Në jemi gjithmonë e më shumë skllevër.
E pra hajde gjithmonë, o Zot.

Hajde e na ngushëllo.

Ne jemi gjithmone më shumë në trishtim:
e pra hajde gjithmonë , o Zot.

Hajde e na kërko.
Ne jemi gjithmonë e më shumë të humbur:
e pra, hajde gjithmonë, o Zot.

Hajde ti që na do:
askush nuk rron në bashkim me vëllaun e vet,
nëse përpara nuk rron në bashkim me Ty, o Zot.

Ne jemi gjithë larg prej teje, të hutuar,
nuk dimë çfarë jemi dhe duam.
Hajde, o Zot, hajde gjithmonë në ne, o Zot.

Torrkerry

[torrkerry]

TI ME SHENJË...
O Hyj, ti me shenjë e mrekullueshme të Virgjërës që lind,
ia zbulove botës shkëlqimin e lavdisë sate;
na ndihmo ta kremtojmë me fe të gjallë misterin e kishërimit
e gjithmonë të marrim pjesë në të me përkushtim të sinqertë.

NGA LITURGJIA E ORËVE

Torrkerry

[torrkerry]

JEZUSI FËMIJË.
Fshji. o Jezus fëmijë, lotët e foshnjave
përkedhele të sëmurin dhe të moshuarin!
Shtyji njerëzit t’ i dorëzojnë armët
e të shtrengohen me njëri-tjetrin
në një përqafim të përgjithshëm paqeje!
Ftoji popujt, o Jezus i mëshirshëm,
që t’i shkatërrojnë muret e krijuara
nga varfëria dhe papunësia,
nga injoranca dhe indiferenca,
nga diskriminimi dhe intoleranca.
Je Ti, o Fëmijë hyjnor nga Betlehemi,
që na shpëton duke na liruar nga mëkati.
Je Ti shpëtimtari i vërtetë dhe i vetëm
që njerëzimi shpesh herë kërkon me të prekur.
Zoti i Paqes, dhuratë e paqes për njerëzimin mbarë,
eja dhe jeto në zemrën e çdo njeriu,
dhe në çdo familje.
Je Ti paqia jonë dhe gëzimi ynë! Amen.

DAVIDE MARIA TUROLDO

Torrkerry

[torrkerry]

O Hyj,
kur njeriu ra në skllavërinë e vdekjes,
Ti e shpërbleve me ardhjen e Birit tënd:
bëj, po të lutemi,
pasi besojmë të bindur në mishërimin e tij
dhe pasi e dëshmojmë mishërimin e tij,
të kemi pjesë në jetën e tij të pavdekshme. Amen.

NGA LITURGJIA

Torrkerry

[torrkerry]

LUTJE E KRISHTLINDJES
O Hyj,
që mrekullisht na krijove në përgjasimin tënd,
dhe më mrekullisht na ripërtërive dhe na shpërbleve,
bëj që të marrim pjesë në jetën hyjnore të Birit tënd,
i cili sot e mori natyrën tonë njerëzore.
Ai që është Hyj dhe jeton e mbretëron me Ty
në bashkim me Shpirtin Shenjt
për të gjithë shekuj të shekujve. Amen.

NGA LITURGJIA

Torrkerry

[F-14]

[QUOTE=torrkerry;1988765]Eshtë një temë e kushtuar lutjes.
Do të gjeni lutjet më të bukura që tradita e krishterë ia ka kushstuar Hyjit,
Atit të Gjithëpushtetshëm, krijuesit të qiellit e të tokës
Të gjithë mund të shkruajmë këtu lutjet që devotshmëria e të krishterëve ia ka kushtuar njëshmërisë së Zotit.

Filloj me këto tre lutje.

LAVDE TE HYJIT TË TEJETLARTË

ATI YNE
Ati ynë që je në qiell,
u shenjtëroftë emri yt,
ardhtë mbretëria jotë,
u bëftë vullnesa jote,
si në qiell ashtu në tokë.
Bukën tonë të përditshme
na e jep sot.
Na i fal fajet tona,
si i falim ne fajtorët tanë.
E mos na ler të biem në tundim.
Por na liro nga i keqi.
JEZUSI


PARA PUNE
Veprimeve tona, po të lutemi, o Zot, na e del para me frymën tënde
dhe na i përcjell duke na ndihmuar, që çdo uratë apo veprim ynë,
prej teje të zëjë fill, e nëpër ty i filluar, të marrë fund. Amen.
Nga MESHARI ROMAK.


KANTIKU I VELLA DIELLIT.

I tejetlartë, i gjithëpushtetshëm,, Zot i mirë,
të tua janë lavdet, nderi, lavdia e çdo bekim.

Vetëm Ty, i Tejetlartë, të kanë hije,
dhe asnjeri nuk është i denjë të të përmendë.

Qofsh lëvduar, Zoti im, me të gjitha krijesat e Tua,
veçanërisht për Zotin tim vëlla Diellin,
i cili është i shndritshëm, nëpërmjet tij ti na ndriçon.

Ai është i bukur dhe rrezëllues, me shkelqim të madh;
shëmbëllimi yt është, o i Tejetlartë.

Qofsh lëvduar, Zoti im, për motrën Hënë dhe Yjet:
në qiell i ke krijuar të qarta dhe të çmueshme dhe të bukura.

Qofsh lëvduar, Zoti im, për motrën Erë
dhe për motin e vrenjtur dhe të kthjellët e për çdo stinë,
nëpërmjet të cilës përkrah krijesat e tua.

Qofsh lëvduar, Zoti im, për vëlla Ujin,
i cili është fort dobishëm e i përvuajtur dhe i çmueshëm e i dëlirë.

Qofsh lëvduar, Zoti im, për vella Zjarrin,
nëpërmjet të cilit ndriçon për ne natën:
ai është i bukur dhe i hareshëm, i fortë dhe i fuqishëm.

Qofsh lëvduar, Zoti im, për motrën tonë Tokën nënë,
e cila na ushqen e na mban,
dhe prodhon çdo lloj fryti me lule dhe barëra shumëngjyrëshe.

Qofsh lëvduar Zoti im,
për ata që falin për dashurinë tënde,
dhe durojnë sëmundje dhe mundime.

Lum ata që do të durojnë në paqe,
sepse prej Teje, o i Tejetlartë, do të kurorëzohen.

Qofsh lëvduar, Zoti im,
për motrën tonë Vdekje trupore,
nga e cila askush nga të gjallët nuk mund të shpëtojë:

vaj për ata që do të vdesin në mëkat mortar;
lum ata që ajo do t’ i gjejë në vullnetin tend tejet të shenjtë,
sepse vkekja e përjetshme nuk do ta cenojë.

Lavdërojeni dhe bekojeni Zotin tim e falënderojeni
dhe shërbejini me përvujtëri të thellë.

AMIN.

[torrkerry]

LAVDI TY, O ATË!

Lavdi Ty, o Atë,
që e shpall gjithëpushtetsinë tënde
në një fëmijë të vogël,
dhe i fton të përvuajturit dhe të varfërit
që t’i shohin e t’i dëgjojnë gjëra e mrekullueshme
që ti i kryen në heshtjen e natës,
larg nga zhurmat e mendjemëdhenjëve
dhe nga vepra e tyre.

Lavdi Ty, o Atë,
që për t’i ushqyer me manën e vërtetë
të uriturit, e ke vënë Birin tënd, të parëlindurin,
si bar në një grazhd, dhe e jep
si një ushqim për jetën e pasosur:
Sakrament të shëlbimit dhe të paqes. Amen

ATË ANTONIO RUNGI

Torrkerry