O ZOT, TI JE HYJI IM!
O Zot, ti je Hyji im!
Do të të lartësoj.
Emrin tënd unë do t’i këndoj:
i çove në vend synimet e mrekullueshme.
Ti u bëre fuqia e të varfërit
në nevojë të tij,
fuqia e skamnorit
në vuajtjen e tij.
NGA LITURGJIA E ORËVE.
Torrkerry
O HYJ I TEJETLARTË DHE I MËSHIRSHËM!
Po të bekojmë,
o Hyji i tejetlartë dhe Zot i mëshirshëm,
që bën me ne gjithmonë
gjëra të mrekullueshme dhe të pahulumtueshme,
të lavdishme dhe të tmerrshme, të panumërta.
Ti na ke dhënë gjumin
për të pushuar në dobësinë tonë
dhe për t’i lehtësuar lodhjet e mishit plot me shqetësime.
Të falendërojmë
sepse nuk bëre që të humbasim
për mëkatet tona,
por si gjithmonë u dëftove mik i njerëzve
dhe na ke çliruar nga dëshpërimi,
që të lavdërohet fuqia jote.
Për këtë, o Atë i mirë,
i lutemi mirësisë tënde të pakufishme:
ndriçoji mendimet, sytë, dhe inteligjencën tonë,
dhe zgjoji ata nga gjumi i rëndë i përtacisë.
Hapi buzët tona
që të të lavdërojnë Ty,
dhe pandërprerë të mund
ti këndojmë Ty
e të dëshmojmë Ty, o Hyj,
që je lavdëruar në të gjithë dhe nga të gjithë:
Atë që je prej amshimit,
me njëlindurin Birin tënd
me bashkim me Shpirtin tënd
tre herë e shenjtë, e mirë dhe jetëdhënës,
tani e përgjithmonë,
në shekuj të shekujve. Amen.
SHËN BAZILI I MADH.
Torrkerry.
LUTJA E MËNGJESIT.
O Zot,, ne besojmë se Ti je këtu,
Ty të lutemi dhe të duam me krejt zemër e shpirt.
Ti na krijove,
Ti na shëlbove nëpërmjet të vdekjes së Birit tënd
dhe na shenjtërove nëpër hirin e Shpirtit tënd të shenjtë.
Ti na ruajte natën që shkoi.
Ne po të falënderojmë me përvujtëri për këtë hir
dhe për të gjitha hiret tjera që i ke zbrazur mbi ne.
Po t’i kushtojmë gjitha mendimet tona,
fjalët dhe punët,
dhe po të përbëjmë,
që të na mbash afër me hire
për të kryer gjithnjë vullnetin tënd.
Engjëjt e tu dhe shenjtërit të luteshin për ne.
Nëna e shenjtë e Zotit, jepna bekimin tënd. Amen.
Nënë TEREZE
Torrkerry
LUTJE ZOTIT TONË.
O Zot, shumë i dashur dhe i mëshirshëm,
Hyji im, Jezu Krisht,
për dashurinë tënde të pamasë
zbrite nga qielli
dhe u mishërove
për ta shëlbuar botën mbarë.
Më shpëto edhe mua, o Shpëtimtar,
me hirin tënd, po të lutem.
Nëse me të vërtetë
Ti do të më shpëtoje për veprat e mia,
nuk do të ishte më hiri,
nuk do të ishte më një dhuratë,
por një detyrë:
je jashtëzakonisht i madh
në bujarinë tënde
dhe i pashprehshëm në mëshirën tënde.
Ai që beson në mua
-ke thënë, o Krisht –
do të jetojë
dhe nuk do të shijojë vdekjen kurrë.
Nëse pra besimi në Ty
i shpëton të dëshpëruarit,
unë besoj, dhe të lutem:
“Më shpëto, Ti, Hyji im dhe Krijuesi im.
Qe besimi të llogaritet për mua
në vendin e veprave, o Hyji im,
sepse Ti nuk do t’i gjesh në mua vepra
që mund të më shfajësojnë.
Që ky besim t’i zëvendësojë të gjitha vepra,
le të jetë ai që jep përgjigje,
që më shfajëson,
që më bën pjesëmarrës
i lavdisë tënde të amshueshme.
O Fjala e amshueshme e Hyjit,
bëj që të mos më rrëmbejë shejtani
e që të mos krenohet
për rrëmbimin tim
prej duarve të tua
dhe prej vathës tënde.
Nëse e dua atë, më shpëto,O Zot!
dhe nëse nuk e dua atë,
o Krisht Shëlbuesi im,
hajde sa më shpejtë në ndihmë,
që të mos jem i humbur.
Sepse Ti, që nga krahërori i nënës time,
je Hyji im.
Bëj që tani të të dua Ty,
si më parë e kam dashur mëkatin;
e bëj që të shërbej Ty pa pakujdesi,
si më parë e kam shërbyer shejtanin lajkatues.
Gjithmonë më shumë
unë do të shërbej Ty,
o Zot dhe Hyji im, Jezu Krisht,
të gjitha ditë e jetës time,
tani dhe gjithmonë,
në shekuj të shekujve. Amen.
SHËN BAZILI I MADH.
Torrkerry.
LUTJA E MËNGJESIT.
O zemra e shenjtërueshme e Jezu Krishtit,
Ti na zgjodhe përplot hir në mëshirën tënde të pakufij.
Pra po të dhurohem krejtësisht për çdo shërbim tënd.
Merri tash dhe në çdo kohë të jetës sonë
flitë, mendimet, mundimet, haretë dhe kujdeset.
Jepi kësaj bashkësie
shpirtin e lutjes,
shpirtin e rregullit,
shpirtin e vetëmohimit,
shpirtin i mëshirës.
Të forcuar prej dashurisë sate,
jepna hirin të jetojmë të bashkuar
dhe në fund të jetës sonë ngritna te vetja në Qiell.
Qoftë lëvduar e nderuar shenjtja Trini
Tash e përghithmonë.
Amen.
NËNË TEREZE
Torrkerry
LUTJE E MBRËMJES.
O Zot, Hyj im,
kam mëkatuar në këtë ditë,
me fjalë, me vepra, me mendime:
Ti që je i mirë dhe miku i njerëzve,
m’i fal mëkatet e mia.
Me jep një gjumë të qetë
dhe jo angështuar.
Dërgojë Engjëllin tënd
që të më mbrojë,
që të më çlirojë prej çdo gjëje të keqe,
Ti që je mbrojtësi
i shpirtrave tonë dhe i trupave tonë.
Bëj që të lavdërojmë,
o Atë, o Bir dhe Shpirt i shenjtë,
tani e përgjithmonë,
në shekuj të shekujve. Amen.
SHËN MAKARIU I MADH
Torrkerry
LUTJE SHPIRTIT SHENJTË.
Mbreti qiellor,
Ngushëllues,
Shpirti i të vërtetës,
që je i pranishëm gjithkund
dhe gjithçka e mbush me dhuratat e tua,
Peshtaf i të gjitha të mirave,
dhe Jetëdhënës,
hajde dhe bano tek ne,
e na pastro prej çdo njolle mëkati
dhe shpëtoji,
o i miri dhe i madhi në dashuri,
shpirtrat tona.
SHËN BAZILI I MADH
Torrkerry.
LAVDI E ZOTIT.
O Zot i madh i jetës,
atdhenë n’a shpëto,
o drit’ e së vërtetës
e mbro nga cilido.
Prej teje Shqipërija,
pret drit’ e lulëzim,
prej teje vjen lumrija,
je shpresë, je gëzim.
Flamurin Ti bekona,
të shejtin Arbëror,
fatbardhësi dhurona,
t’a shohim madhështor.
Një shpirt të ri Shqiprisë
o Perëndi i fal,
prej xgjedhës e robrisë
e përsërit e gjall.
Ti je i kombit shpresa,
Shqiptari me ty rron,
Ti je për të mburresa,
me ty gjithkush e dron.
O Zot, të qofshin falë,
ngjat dorën Ti mbi ne,
për ty s’mjaftojnë fjalë
mburrona Komp, Atdhe!
KRISTO FLOQI
Torrkerry
MBRET I FORTË, HYJ I VËRTETË...
Mbret i fortë, Hyj i vërtetë,
që sundon të gjitha sendet,
me ndriçim paijs mëngjesin
dhe me zjarr shkëlqe mesditën.
Shuaji flakët e shamatave,
flake zjarrin e dëmprurësve,
jepu trupave shërimin,
dhe të vërtetën paqe zemrave.
Bëj, o Atë tërë drejtësi,
dhe ti Bir baras me Atin,
bashkë me Shpirtin Ngushëllimtar
që mbretëroni ndër gjithë shekujt. Amen.
NGA LITURGJIA E ORËVE
Torrkerry
LUTJE JEZU KRISHTIT...
O i gjithpushtetshmi,
Fjala e Atit,
Ti që si Ati je i përsosur,
Jezu Krisht,
për mëshirën tënde e stërmadhe,
mosu largoh kurrë prej meje, shërbëtorit tënd,
por pandërprerë pusho në mua.
O Jezu Krisht,
Bari i mirë i deleve të tua,
mos më braktis
në mashtrimet dhe ngashënjimet e gjarpërit
dhe në dëshirat e Shejtanit,
dhe mos më braktis
sepse në mua është fara e kalbësirës.
Ti. pra, o Zot,Hyj i adhurueshëm,
Mbret i shenjtë,
Jezu Krisht,
më shpëto në gjumë
nëpërmjet dritës së vazhdueshme
të Shpirtit tënd të Shenjtë:
me të i ke shenjtëruar nxënësit e tu.
Ma jep edhe mua,
shërbëtorit tënd të padenjë,
shëlbimin tënd;
ndriçoje mendjen time
me dritën e kuptimit të Ungjillit tënd;
përforcoje shpirtin tim
me dashurinë e Kryqit tënd,
zemrën time me çiltërsinë e Fjalës tënde,
trupin tim me pasionin tënd shëlbimprurës.
Mbroje mendimin tim
me përvujtërinë tënde
dhe bëj që të ngrihem përsëri,
në kohën e përshtatshëme,
për lavdinë tënde.
Ti që je mjaft i lavdëruar
me Atin tënd që është prej amshimit
dhe me Shpirtin Shenjtë
për të gjithë shekuj të shekujve.. Amen.
SHWN ANTIOKU
Torrkerry
Regullat e Postimit
Përgjigju Duke Cituar
Krijoni Kontakt