Lutjet që devotshmëria e Krishtërve ia ka kushtuar njinisë të Hyjit.

[torrkerry]

O HYJI IM!

O Hyji im,
Nëse unë të dua,
asgjë nuk më peshon.
Nëse unë të kam Ty,
asgjë nuk më mungon.
Nëse Ti je më mua,
nuk ka për mua vetmi.
Nëse nuk ndahem prej teje,
nuk ka për mua mërgim.
Nëse Ti nuk më largon nga fytyra jote,
unë nuk do të jem kurrë pa shpresë.
Nëse Ti nuk e tërhiq Shpirtin tënd prej meje,
unë nuk do të jem kurrë padashuri.
Nëse Ti do ta përkulesh mbi mua fytyrën tënde,
unë nuk do ta njohë fare ankthin.
Nëse do të më ushqesh më mishin tënd,
unë nuk do ta njoh fare vdekjen.
Nëse do të të zbulosh përpara meje,
unë do të zgjohem në dritë.
Nëse dora jote e prek shpirtin tim,
do të ngazëllehem në gëzim të përjetshëm.
Madeine Danielou
Torrkerry

[torrkerry]

ZOT, PRITI LUTJET TONA…

Zot, priti lutjet tona
prej shpirtit që t’i çohim;
pranë engjellin dërgona
që rrugën drejt ta shohim.
Se jotja është fuqija
nderimi edhe lavdija;
dhe, Ty të lutemi Mbret:
të fortë plot pushtet.

Dhurona mirësitë
prej qiellit, prej së larti,
ndritna o Zot me dritë
si ti di o mendjelarti.
Bekimin Tënt të shenjtë
dhuratën më të shtrenjtë,
të plotë nepnae sot
çdo ditë’edhe çdo mot.

O shtylla e jetës sonë
ndaj Tynë syt’ i shtiem;
na ruaj gjithëmonë
me gjugnjë Ty të biem;
fuqi më tepër s’kemi
të mitur, foshnja jemi;
dhe zemra kaq’ na di
po, falna o Përendi!

ALEKSANDËR SOTIR DRENOVA – ASDRENI

Torrkerry

[torrkerry]

AKT DHURIMI ZOTIT TË MËSHIRSHËM.

O Zot, ja që janë tashmë 65 vjet
që ti ma ke dhënë si dhuratë të paçmueshme këtë jetë.
Dhe pas lindjes time, askurrë nuk ke ndërprerë
të më plotësosh me hiret e tua në dashurinë tënde të pakufishme.
Gjatë këtyrë viteve u përzien gëzimet e mëdha,
Sprovë, suksese, falimentime, probleme shëndetësore, pikëllime,
si ndodh edhe për çdo njeri.
Me hirin tënde dhe me ndihmën tënde,
unë kam pasur mundësi t’i kapërcej
këto pengesa për të përparuar ndaj Teje.
Sot unë ndjehem i pasur me eksperiencat e mia
dhe me ngushëllime për faktin që kam qenë i dashuruar prej teje.
Shpirti im të falënderon me këngë hareje.
Por unë i takoj çdo ditë njerëz të moshuar
që ti i sprovon në një mënyrë shumë të ashpër:
ata janë paralizuar, hendikepuar, pa forcë
dhe shpesh herë nuk kanë më forcën për të lutur Ty.
Tjerët kanë humbur përdorimin e aftësive mendore të tyre
dhe nuk mund më të të takojnë Ty
nëpërmjet botës të tyre jo reale.
Unë i shikoj këta veta duke më thënë:
“E nëse kjo do të më ndodhë mua?
E nëse unë do të isha kështu?”.
Atëherë, o Zot, ndërsa unë i zotëroj
të gjitha aftësitë e mia lëvizëse dhe mendore,
pëpara që do të më ndodh një fatkeqësi të tillë,
unë të ofroj pranimin e vullnetit tënd të shenjtë,
dhe qysh prej tashit unë dua që,
nëse do të më ndodh njëra apo tjetra e këtyre sprovave,
ajo mund të shërbëjë për më të madhe lavdinë tënde
dhe për shpërblimin e shpirtrave.
Qysh prej tashit, unë të kërkoj edhe
që t’i ndihmosh ata që do të kenë si detyrë
të më ndihmojnë në sëmundjen time.
Nëse një ditë sëmundja do ta ketë
të mposhtur trupin tim
duke e anuluar të menduarin tim,
qysh prej tashit, përulja ime është përpara teje
e do të vazhdojë në një adhurim të heshtur.
Nëse një ditë një gjendje pavetëdishmërie të vazhdueshme
do të më përplasë, unë dua që çdo çast i jetës time
të jetë vetëm një akt adhurimi dhe falënderimi
e që edhe frymëmarrja ime e fundit
të jetë një shenjë dashurie ndaj teje.
Shpirti im, i udhëhequr në këtë çast nga dora amërore e Marisë,
do të paraqitet përpara teje për të kënduar lavdërimet e tua për amshim.
PAPA GJON PALI I DYTË
Torrkerry

[torrkerry]

TË GJITHA KOMBET.....
Të mëdha dhe të madhërueshme
janë veprat e tua, o Zot,
Hyj, o i Gjithpushtetshëm!
Të drejta dhe të vërteta
janë udhët e tua,
o Mbreti i popujve!
Kush të mos të druajë Ty, o Zot,
dhe kush të mos e lavdërojë Ëmrin tënd?
Ti i vetmi je i shenjti!
Të gjitha kombët do të vijnë
dhe do të adhurojnë para teje,
sepse gjyqet e tua u dëftuan të drejta.
(Zb 15, 3-5).
Torrkerry

[torrkerry]

LUTJET E MËNGJESIT.
Të zgjuar nga gjumi,
biem përmbys para Teje,
o Zot i mirë dhe i mëshirshëm
dhe Ty të këndojmë himnin e Engjëjve,
o Hyj i gjithpushtetshëm:
Shenjtë, shenjtë,shenjtë je Ti, o Hyji im.
Për ndërmjetësinë e Nënës tënde, ki mëshirë për mua.
LAVDI Atit e Birit e Shpirtit Shenjtë,
Si ka qenë në fillim,ashtu tash,
e për gjithmonë e jetës. Amen.

O Zot, Ti që më ke zgjuar nga gjumi,
ndriçoje mendjen time
dhe hapi buzët e mia dhe zemtën time
që të mund të këndoj Ty,
Trini e Shenjtë, Shenjtë, shenjtë shenjtë je Ti, o Hyji im.
Për ndërmjetësinë e Nënës tënde, ki mëshirë për mua.
O Zot, ki mëshirë për mua, mëkatarë (12 herë)

I zgjuar nga gjumi, unë të falënderoj,
o Trini e Shenjtë,
që në mirësinë tënde të pamasë dhe e durueshme,
nuk u zemërua me mua, i plogët dhe mëkatar,
dhe nuk më ke denuar për mëkatet e mia ,
por si gjithmonë ke pasur mëshirë për mua,
duke më shkundur nga pandjeshmëria ime
që qysh prej fillimit të ditës,
të jem gati ta adhuroj gjithpushtetsinë tënde e lavdishme.
E tani, ndriçoj sytë e mendjes time
që ta dëgjoj e ta persiatë fjalën tënde,
t’i kuptoj urdhërimet e tua
dhe ta kryej vullnetin tënd
dhe hape gojen time
që të lavderoj ty me gjithë zemër
dhe t’i këndoj emrit tënd të shenjtë,
Atit e Birit e Shpirtit Shenjtë,
tani e përgjithmonë
e për të gjithë shekuj të shekujve. Amen.

NJË LUTJE E KISHËS ORTODOKSE
Torrkerry.

[torrkerry]

O ZOT JEZU
O Zot Jezu,
Unë besoj në ty. Ti je Biri i Hyjit
Dhe shpëtimtari i botës.
Të falënderoj për ardhjen tënde në botë,
sepse me vdekjen tënde shërblimtare në kryq
Ma ke dhënë mundësi që ta kem jetën e përjetshme.
Te lutem, m’i fal të gjitha mëkatet e mia.
Unë do të ndjek ty për terë jetën time.
Të lutem, më mbush plot e përplot me Shpirtin tënd
dhe më udhëhiq në rrugën time.
Këtë e dëshiroj me gjithë shpirt e zemër time.
Amen.

Anonim

Torrkerry

[torrkerry]

UNË BESOJ NË TY, BIRIT TË HYJIT.
O Zot Jezu,
Unë besoj në Ty, që je Biri i Hyjit.
Të falënderoj për vdekjen tënde në kryq
për shërblimin e mëkateve të mia.
Të lutem që t’i falësh të gjitha mëkatët e mia
dhe që të më japesh si dhuratë jetën e pasosur.
Të pyes, me jetë e me zemër,
që të jesh Zoti im dhe shpëtimtari im.
Jam gati të shërbej për gjithmonë.

ANONIM

Torrkerry

[torrkerry]

THIRRJE ZOTIT TË MIRË.

Po të thërrës Ty, Zoti im,
shpirtbutësia ime më e madhe,
që më ke bërë të jetoj
dhe nuk e ke harruar atë
që të ka harruar Ty.
Po të thërres brenda këtij shpirti
që e ke zgjuar me dëshirën
për ta përgatitur për të të pasur Ty aty brenda.
Mos e braktis tani që thërret,
Ti që e ke përgatitur këtë thirrje,
sepse me një zë të harmonishëm,
në një thirrje gjithnjë në rritje,
më ke ndjekur këmba-këmbës,
me qëllim që të dëgjoja nga larg
dhe të të drejtoesha Ty,
që më thërrisje e të të lutesha.

Ti, o Zoti im,
i ke fshirë të gjitha fajet e mia,
për të mos paguar veprën
që kam krijuar me këto duar,
ke fshirë tradhtinë time ndaj qenies tënde
dhe ke përgatitur të gjitha meritat e mia
për të paguar veprën e duarve të tua,
të cilat më kanë bërë të jetoj.
Përpara se unë të jetoja, ishe Ti
dhe unë nuk isha para se Ti
të miratoje që unë të jetoja.
Unë jam në sajë të mirësisë tënde
që paraprin gjithçka që më ke bërë të jem,
si dhe atë nga e cila ke nxjerrë këtë qenie.

Ti nuk kishe nevojë për mua,
as unë nuk jam një e mirë e tillë,
që Ti të përfitosh nga unë,
Ti që je Perëndia ime, dhe Zoti im,
jo sepse shërbimi im të shpëton nga lodhja e punës,
ose sepse mjeshtëria jote
nuk mund të bëjë dot pa nderimet e mia,
as që unë të të lëvroja pothuajse sikur Ti të ishe toka
e të ngeleshe i palëvruar pa adhurimin tim.
Unë duhet të të shërbëj e të të lëvroj Ty
për të qenë unë mirë,
sepse nga Ti më vjen e gjithë mirëqenia,
me të cilën jam i lumtur unë.

SHËN AUGUSTINI

Torrkerry

[torrkerry]

NGJATJETIMI I NXANËSVE.

I qofshim falë Zotit
për ditën që na pruri
me nder edhe lavdim,
kjo dita e motmotit
kurorë sot na thuri
me lule plot shkëlqim.

Gëzim të paanë ndjejmë
ndë zemër një dëshirë
për sa fituam ne,
as mundin t’ia çpërblejmë
ë Lartit Atit mirë
ndë t’errët që s’na le!

Atij pra ashurime
t’i sjellim ne përditë
si njëj mëshirë plot,
me falje edhe bekime
për gjithë mirësitë
që na i fal si Zot.

Si nxanëse të urta
ne rrokim sot mësimin
që mendje e ndriton,
nuk jemi zemërgurta
por duam përparimin
që shpirtin lartëson.

ALEKSANDËR SOTIR DRENOVA – ASDRENI.

Torrkerry

[torrkerry]

PA TY, NUK DO TË ISHA ASGJË.

Nëse nuk do të isha i yti, o Krishti im,
do të isha i humbur .
Kam lindur dhe u zhduka,
haj bukë, flej gjumë, pushoj, dhe ecë,
sëmurem, shërohem, më kaplojnë
dëshira dhe shqetësime të panumërta.
Kënaqem me diellin e me gjithçka toka prodhon;
pastaj vdes dhe mishi ndërrohet në pluhur,
si i ndodh të gjitha kafshëve të pafajshme.
Por unë, çfarë kam më shumë se ato?
Asgjë përveç Ty, o Zoti im.
Nëse nuk do të isha i Yti,o Krishti im,
do të isha një njeri që ka marrë fund..

SHËN GREGORI I NACIANCIT.
Torrkerry