O Hyji i gjithpushtetshëm dhe i amshuar,
shtoje në ne
fenë, shpresën e dashurinë:
dhe për të fituar çka na premton,
bëj të duam çka na urdhëron.
NGA MESHARI ROMAK.
Torrkerry
O Hyji i gjithpushtetshëm dhe i amshuar,
shtoje në ne
fenë, shpresën e dashurinë:
dhe për të fituar çka na premton,
bëj të duam çka na urdhëron.
NGA MESHARI ROMAK.
Torrkerry
LUTJE.
Unë s’dij me u lut, o Zot!
Emni i yt i zjarrtë m’i djeg buzët!
Por për trupin tim prej thengjilli,
për shpirtin tim që digjet kot,
falmë, o Zot, pak uzdajë
n’kët orë të tmerrshme të jetës s’eme,
kur jeta m’asht e randë,
e hidhun si gjak njeriu.
Jo hir, por paqë
kërkoj prej teje!
Por kur t’vijë ora e eme,
nji vdekje un due
që t’mos më zajë befas
si me tradhti,
që të jetë e rrjedhun natyrshëm,
si thahet bari ndër fusha,
si kputet fryti nga pema
kur asht i pjekun!
Kërkoj prej teje,
Zot, nji vdekje të butë!
ARSHI PIPA (1944)
Torrkerry
HIMNI I MRËMJES.
O DRITË, Trinia e lumnueshme
dhe Njënia kryesore,
tani dielli i zjarrtë tërhiqet:
derdhe ndër zemra dritën.
N’mëngjes me kangë të lavdeve,
e n’mbrëmje ty të lutemi
lumnia jonë ty lutëse
lavdroftë nëpër gjithë shekujt.
Krishtin dhe Atin lusim,
t’Krishtin dhe t’Atit Shpirtin:
Trini e fuqishme s’bashku
për t’gjitha ndiz të lutemi. Amen
NGA LITURGJIA E ORËVE
Torrkerry.
O ZOT, BURIM I JETËS.
Në Ty, o Zoti im,
e gjej burimin e jetës.
Për të tani kam etje
dhe atë e kërkoj në lutje.
Të kam parasysh, o Zoti im,
Ti je gjithmonë ai që kam në shpresë.
Nuk të shoh akoma Ty,
por jam i sigurt që do të kundroj Ty,
dashuria ime, shpresa ime,
kur do të jem për amshimin,
nën mbrojtjen e kraheve të tua.
Tani për tani, ja, o Zoti im,
janë përpara teje të gjitha dëshira të mia.
Bëj që të dehem me mjaftueshmërinë e shtëpisë tënde
dhe që etja ime. o Zoti im, të shuhet
në përroin e ëmbëlsive të tua ,
sepse tek Ti është burimi i jetës
dhe në dritën tënde do ta shoh dritën.
E kur, o Zot i amshueshëm,
do të ma mbush dëshirën time
me të mirat e tua,
bëj që të mos kem më nevojë
të të kërkoj Ty me psherëtima:
do të më mjaftojë, o Zot,
që të të zotëroj Ty vetëm, me gëzim.
Shën Augustini.
Torrkerry
NË TË GJITHA VËSHTIRËSITË TONA.
I bekuar je ti, o Zot,
në lartësitë e qiellit.
Ty të qoftë nderi dhe lavdia në shekuj,
deri në lartësitë e qiellit.
Ti, o Zot, mbretëron mbi gjithçka!
Ti, Ati i mëshirshëm,
Ti, Hyji që jep çdo ngushëllim,
Ti që na ngushëllon
në të gjitha vështirësitë tona.
Bëj, o Zot,
që edhe ne ta ngushëllojmë
të gjithë ata që gjenden në vështirësi,
me atë ngushëllim,
me të cilin Ti na ngushëllon ne.
NGA LITURGJIA E ORËVE.
Torrkerry
LUTJE 7
Soh, o Zot,
aty këtu në cepet e rrugëve
djem të vetmuar
të lundur si duket për zymtësi kronike
që u tremben shoqërive
e shoqëritë i druajnë
për heshtjen e tyre misterioze.
Bëj që të lindë në ta, o Zot,
gazi tregues i gëzimit të jetës
nëse jo këtu më
në një përmasë tjetër të rindërtuar
ku të ndalohet me ligj vetmia
e rrethoi me miq e me të qeshura
nga tallje të padëmshme
përgjithmonë.
ZEF SKIRO DI MARXHO (1994)
Torrkerry
O Zot, Hyji ynë,
i pasur me mëshirë,
në sajë të dashurisë së madhe,
me të cilën na ke dashur,
bëj që të ringjallemi me Krishtin,
ne që ishim të vdekur
për shkak të fajeve tona.
Ne mëkatuam kundër teje,
o Zot, Hyji ynë,
u sollëm si të patenzonë,
vepruan paudhësisht
në lidhje me të gjitha urdhërimet e tua.
Pra, o Zot, që je Hyji ynë,
ki mëshirë për ne,
na fal, na liro,
na shpëto.
Ti, o Zot, që je Hyji ynë,
na shenjtëro,
me fuqinë e Shpirtit tënd
dhe të Atit.
NGA LITURGJIA
(me ndryshime)
Torrkerry
ZOTIT
Zot, m’mende t’shkreta
Qi n’dyshym biren,
ban, kandshem t’i priren
rrezet e Fes.
Peshen, qi n’balta
i nzite me u shkry,
hiqjau, e n’Ty
ban qi t’ shpresojn.
Ti e din si shkimet
kjo jetë e nirit
si flaka e qirit,
Se asht voës në diell.
Prandej, Zot, shpirtin
qi n’dorë t’a lshue
tuj e ndihmue
banë për qiell.
VINÇENC PRENNUSHI
Torrkerry
BËJ, O ATË QË UNË TË GJEJ TY.
O Hyji,
unë të dua vetëm Ty,
unë të kërkoj vetëm Ty,
unë dua të të shërbëj vetëm Ty,
vetëm Ti do të jesh mësuesi im.
Largoj prej meje çdo kotësi
që unë të mund të njoh Ty.
Më thuaj ku të shikoj për të parë Ty.
Shpresoj që të kryej gjithçka
që ti pret prej meje.
Bëj, o Atë, që të kërkoj,
më ruaj prej çdo gabimi,
që në kërkimin tim,
asgjë, përveç teje,
të mos paraqitet para meje.
Nëse është e vërtetë
që të kërkoj vetëm Ty,
dhe asgjë tjetër përveç teje,
bëj, o Atë, që unë të gjej Ty.
Dhe nëse është akoma në mua
ndonjë dëshirë e kotë,
ma zhvesh Ti vetë prej saj
dhe bëj që unë të shoh sy më sy.
SHËN AUGUSTINI
Torrkerry
ZOTI E VETMJA SHPRESË.
Unë do të të njoh Ty,
që më njeh,
unë do të të njoh Ty
ashtu si ti më ke njohur mua.
Ti, fuqi e shpirtit, hyr tek ajo,
ngrije në latësinë tënde,
sepse pa njollë dhe pa rrudhë
të paraqitet Ty
për t’u zotëruar nga Ti.
Kjo është shpresa ime
dhe prandaj flas:
është kjo arsyeja
që unë gëzoj çdo herë
që gëzimi im është i vërtetë.
Ndërsa , o Zot, për gjërat e tjera,
në këtë jetë,
sa më shumë të qahet për to,
aq më pak janë të denja për vajtim,
dhe sa më shumë janë të denja për vajtim,
aq më pak qahet për to.
Ja, ti e do të vërtetën,
sepse kush thotë të vërtetën del në dritë.
Bëj, o Zot, që ta them tërë të vërtetën,
në shpirtin tim dhe para teje.
Sepse, o Zoti im, Hyji im, e di tani:
Vetëm Ti, o Zot, je e vërteta.
SHËN AUGUSTINI
Torrkerry
Regullat e Postimit
Përgjigju Duke Cituar
Krijoni Kontakt