Shkencëtari në portofolin tënd!

[RSHP]

Shumë mirë i grafikove shpenzimet mujore:
vajin e dëfrimeve dhe hidhërimeve,
esencat egzotike dhe brumërat e stomakut,
pëlhurat e mëndafshta dhe lëkurat e bullit,
qindarkat e lypësit dhe buqetat e të vdekurve,
vajin e llampës dhe këstin e çatisë së hipotekuar.

Pas gjithë këtij bilanci të imtë, të tepruan
nja pesë grosh për pushime verore.
Të vetmet shpenzime, që i shpëtuan penës tënde,
janë ato mrekullitë materialiste, që ai shkencëtari,
tani -ndërsa ti u shtrive në gjumë me mëndje të mpirë-
po dergjet gjithë natës si ufo ti shpikë.

Ato mrekullitë materialiste, që ti nesër,
kur ti ndeshësh në vitrinat vezulluese,
do të përhumbesh si epsh i çarkoduar.

Mrekulli, që do ta përmbysin buxhetin tënd familjar të mirëpeshuar,
si ato dyqind gramët e tepërta, atë barrën e peshëngritësit të tejsprovuar.


Rezart Palluqi

25—12—2005 [/CENTER]