pasqyre librit tim

[lisjana]

ne driten perverse te botes doli dhe libri im i pare... sa gjynaf me vjen per te; realiteti eshte i eger.haha lol

titulli: Xanax (kur dhimbja nuk mbaroi)
autor: Lisiana F.Demiraj
sexi: i pa percaktuar; do thoja eshte nje eksperiment letrar, dialog mes dy personazhesh, ku shpesh njeri prej tyre pergjigjet me poezi
nr faqeve: 64
cmimi: 200 lek te reja
lokalizimi: neper librarite e pg, libraria kadare ne tr
mesazhi: universal...

p.s.xanax = alprazolam, benzodiazepine qe perdoret ne rastet e crregullimit te pergjithshem te ankthit

shpresoj tju pelqeje...

[desaparacidos]

Pergezime Lisiana. shpresoj & une te na pelqeje, megjithese kjo ideja dialog mes dy personazhesh, ku shpesh njeri prej tyre pergjigjet me poezi me duket pak si vullgare dhe e abuzuar. Por natyrisht po flas pa patur librin ne dore, apo mbi tavoline.

Cfare jane librarite e pg?

[mondishall]

Pergezime Lisiana. shpresoj & une te na pelqeje, megjithese kjo ideja dialog mes dy personazhesh, ku shpesh njeri prej tyre pergjigjet me poezi me duket pak si vullgare dhe e abuzuar. Por natyrisht po flas pa patur librin ne dore, apo mbi tavoline.

Cfare jane librarite e pg?

Eksperiment eshte, deklaron autorja dhe si i tille duhet ndjekur e kuptuar e pastaj konkluduar. Sikur te na sillte ca pjese ketu ne forum, mire do ishte. Uroj suksese ne krijimtari!

[desaparacidos]

e pra, se ate doja me thene edhe une po pastaj me doli nga mendja
lisiana, nese do nje masakrim model na sill noj cope ketej

[lisjana]

Pergezime Lisiana. shpresoj & une te na pelqeje, megjithese kjo ideja dialog mes dy personazhesh, ku shpesh njeri prej tyre pergjigjet me poezi me duket pak si vullgare dhe e abuzuar. Por natyrisht po flas pa patur librin ne dore, apo mbi tavoline.

Cfare jane librarite e pg?

e vleresoj mendimin e lire dhe nuk jam une si autore qe do e cilesoj nese eshte vulgare apo jo por lexuesi, gjithsesi une vete do thoja risi , ndaj e percaktova si eksperiment, po nis dicka me poshte...

[lisjana]

po nis nje pjese, vetem se eshte e shkeputur nga mesi nderkohe qe eshte vazhde e nje mendimi dhe ka nje ide ne vazhdimesi; dua te them nuk e percjell mesazhin teresor por ndoshta jep nje ide per ndertimin strukturor dhe stilin e poezive

P- Mendoje shpesh?

2227- Jo për absurdin.

P- Për kë?

2227- Për kohën.

P- Ç’marrëdhënie kishe me kohën?

2227- Ajo gjithmonë ma kalonte.

P- Pse?

2227- Nuk plakej.

P- Pra për kohën, nuk kishte kohë?

2227- Jo, kishte.

P- Si?

2227- Kishte.

P- Ku e dalloje?

2227- Ajo kalbej.

P- Kohë e kalbur?

2227- * * *

Kohë e kalbur,
Vetmitare.
Unë ec
Pa rrip
Ne makinën e shpresës.
Koha,
Në qoshet e saj
Ka zenë merimanga.
Ah, kohë e kalbur.
Kohë e kalbur,
Vetmitare.

P- Ç’është vetmia?

2227- Etikë.

P- Po etika?

2227- Çështje shpirtërore.

P- Po shpirti?

2227- Si e do përgjigjen?

P- Ta ndryshoj pyetjen?

2227- Mua më pëlqente shpirti i Makbethit.

P- E dashuroje?

2227- Jo, e ndjeja.

P- Si?

2227- Makbethur…

Surpriza të trishta përkrah fatit të shumtë
Buzëqeshja që kullon gjak pasi ka lindur
Thika vrastare që të dënon me jetë
E përpjeta që shterr gazin e tatëpjetës
Hijet e së shkuarës që të përdhunojnë shpirtin
Frika e të ardhmes që të mbyt të tashmen
Qetësia e natës që të gërryen veshët
Kujtimet që të kafshojnë zemrën
Pesha e ndërgjegjes që paraprin piskamën
Dhe shpirti vdes, për t’u endur ngado pa gjetur prehje…

P- A është vdekja prehje?

2227- Ka pyetje që nuk i bëj.

P- Nga frika e zhgënjimit?

2227- Nuk është momenti.

P- Ç’marrëdhënie ke me momentin?

2227- Më të mira se me kohën.

P- Momentin e kthen?

2227- Kohën nuk e zotëroj.

P- Koha është refreni yt?

2227- Pikë referimi.

P- Ku është ndryshimi?

2227- Nuk i këndoj vetëm kohës.

P- Një frymëzuese tjetër?

2227- Një pafuqi.

P- Moszotërim?

2227- Mosnjohje.

P- Këngë për kë?

2227- Këngë për natën

Kur vjen nata...
.................................................. ................

Kur nata qesh,
S’po di në tallet apo kënaqet.
S’po di më asgjë.
Nuk të gënjej ty,
S’po di më asgjë, jo.

Kur nata qesh
S’po di të gënjej.
Kam frikë nga ajo që vjen pas
Eshtë si nata ajo.
Nuk të gënjej,
Është si nata.

Nuk e di a është e vërtetë ajo që vjen pas
S’po di më asgjë
Asgjë, jo, kur nata qesh.



.................................................. ................

Kur nata qan,
Kam frikë mos mbytem në lotët e saj.

Kur nata qan,
Kam frikë mos mbytem në lotët e saj
E krejt të humbas.

Kur nata qan,
Kam frikë nga ajo që vjen pas.
Eshtë si nata ajo,
Nuk të gënjej
Eshtë si nata.

E ndjej se nuk po di
Veç po ndjej frike
Frikë, po, kur nata qan.


.................................................. ................

Kur nata hesht
E di se kërkon ta kuptoj.
(E mora natën pa mimikë
E mbylla në çmëndinën time.)

Kur nata hesht,
E vë nën hipnozë
Dhe dua ta kuptoj.

Kur nata hesht
Kam frikë nga ajo që do zbuloj
Është si nata ajo
Nuk të gënjej, se nuk po di
Si ftohtësia, po, kur nata hesht.


.................................................. ................

I ndeza një qiri
Arkivolit të ditës
Dhe i hapa kapakun
I mora kafkën,
Sinqerisht e respektova.

I ndeza një qiri vetes
Të ndricoja fletën

E ndeza nje qiri
Për nder të kotësisë

Nuk kisha qiri të katërt.
.................................................. ................

Kur vjen nata...

[mondishall]

Interesante vertet. Jam kurioz per gjithe pjesen. Urime lisjana!

[Preng Sherri]

Porsi mondishall edhe uë e gjejë që ky eksperimenti i lisjanës është shumë - shumë interesant!

[lisjana]

ju falenderoj mondishall dhe Preng Sherri
ndjehem shume mire me vleresimin tuaj
ju pershendes shume