SHBA: "Berisha", regres, rrezikoni NATO-n

[RaPSouL]

Shqipëria rrezikon të mos bëhet brenda këtij viti anëtare me të drejta të plota në NATO për shkak të shqetësimeve serioze të disa kancelarive perëndimore, dhe veçanërisht të SHBA-së, rreth deformimeve që po ndodhin në jetën e institucioneve demokratike në vend.


Burime diplomatike amerikane thonë se SHBA janë të shqetësuara veçanërisht për përpjekjen për të vënë nën kontroll institucionet demokratike në vend

TIRANË- Shqipëria rrezikon të mos bëhet brenda këtij viti anëtare me të drejta të plota në NATO për shkak të shqetësimeve serioze të disa kancelarive perëndimore, dhe veçanërisht të SHBA-së, rreth deformimeve që po ndodhin në jetën e institucioneve demokratike në vend. Burime diplomatike zyrtare të SHBA-së të akredituara në vendin tonë zbuluan në një takim informal me gazetarët shqiptarë faktin se në Ëashington po rritet shqetësimi për hapa prapa në politikat qeveritare, të ndjeshme këto që nga pranvera e këtij viti, çka mund të rrezikojë mosratifikimin e anëtarësimit të Shqipërisë në NATO.

Referuar pikërisht takimit informal që u bë publik dje në një media të shkruara dhe ato televizive, thuhet se SHBA janë të shqetësuara veçanërisht për përpjekjen për të vënë nën kontroll institucionet demokratike në vend. Referuar pikërisht këtyre burimeve, shqetësimet e diplomatëve amerikanë në Tiranë mbështeten mbi një sërë zhvillimesh që ata i konsiderojnë negative prej pranverës së këtij viti, pas ngjarjes së Gërdecit dhe që kanë në themel të tyre, përpjekje të dyshimta për të dobësuar institucionet demokratike në vend dhe për të shtuar kontrollin mbi to. Dyshimet shkojnë deri te përpjekjet për të deformuar vullnetin e zgjedhësve në vitin 2009, dhe këtu shtohen dyshime të arsyeshme për infrastrukturën e zgjedhjeve, si dhe sulmet ndaj Misionit të OSBE në Tiranë.

Shqetësimet, të cilat janë shtuar dhe përbëjnë një arsye të fortë për të vënë në pikëpyetje ratifikimin nga disa vende perëndimore, përfshi SHBA, të anëtarësimit të Shqipërisë në NATO, po shqyrtohen me kujdes në Uashington, me qëllim që gjendja të mos rëndohet. Burimet diplomatike në Tiranë thanë gjatë një takimi informal me gazetarët shqiptarë se Shqipëria është një vend mik i SHBA dhe se presidenti Bush ka një simpati të veçantë për Shqipërinë. Presidenti i ka kërkuar Senatit të ratifikojë anëtarësimin e Shqipërisë në NATO dhe, nëse kjo bëhet sot, Senati mund ta votojë.

Por, sipas burimeve diplomatike amerikane, Senati mund të ndryshojë në favor të demokratëve në nëntor dhe pas kësaj presidenti Bush do ta ketë të vështirë të bindë Senatin për një votë pro, nëse nga Shqipëria nuk vijnë sinjale pozitive. Diplomatët amerikanë në Tiranë thonë se disa vende të Evropës Perëndimore janë shumë hezituese për ta dhënë këtë votë pas këtyre zhvillimeve, por SHBA është e interesuar ta japë, nëse në Tiranë reflektohet dhe gjërat përmirësohen shpejt. Diplomatët flasin për një shtim të imazhit negativ të Shqipërisë, sidomos muajt e fundit, për një degradim të imazhit të Kryeministrit pas skandalit në Kuvend me deputetin Balla dhe për një pozicion të vështirë në të cilin është vendosur diplomacia amerikane për ta konsideruar qeverinë shqiptare dhe mike të SHBA, dhe me devijime të forta demokratike sa i përket qëndrimit ndaj institucioneve demokratike në vend.

Prokuroria

Shqetësimi kryesor ka të bëjë me institucionin e Prokurorisë së Përgjithshme. Një projektligj, i cili pritet të futet me nxitim në axhendën e Kuvendit në vjeshtë, parashikon ulje të profilit të Prokurores së Përgjithshme dhe dobësim të vendimmarrjes së saj, si dhe rritje të ndikimit politik. Diplomatët amerikanë, të cilët kanë bërë demarshe ndaj Ministrisë së Drejtësisë për të kuptuar thelbin e kësaj iniciative, janë të shqetësuar, se kanë mbetur ende pa një përgjigje të qartë se çfarë qeveria ka ndërmend të bëjë me këtë gjë dhe kjo ka shtuar dhe më tepër dyshimet. Lidhur me Prokurorinë e Përgjithshme, përveç shqetësimeve publike që ka shprehur Ambasadori Amerikan në Tiranë, shikohet me shqetësim fakti që Kuvendi i Shqipërisë ka mbajtur një qëndrim poshtërues ndaj Prokurores kur ajo është paraqitur të raportojë, dhe ky konsiderohet sinjal i keq në Uashington.

Gërdeci

Shqetësimi i dytë, ka të bëjë me transparencën rreth skandalit të Gërdecit. Burimi diplomatik në Tiranë ka sqaruar për disa media, në një takim informal, se Uashingtoni nuk është i interesuar kush është fajtor apo deri sa lart shkon përgjegjësia, por është i interesuar vetëm të zbardhet e vërteta. Shtetet e Bashkuara të Amerikës e quajnë “gur prove” këtë proces për qëndrimin që qeveria mban ndaj drejtësisë, në një çështje ku zyrtarë të saj janë të përzierë. Shtetet e Bashkuara të Amerikës e kanë parë si një zhvillim shumë negativ, faktin që Kryetarja e Kuvendit, Jozefina Topalli ka fotokopjuar fjalimin e Fatmir Mediut në seancën e Kuvendit dhe i ka rekomanduar Prokurores së Përgjithshme të orientojë hetimet sipas deklaratave të zotit Mediu. “Kjo do të thotë, të diktosh hetimet dhe të kërkosh çfarë duhet hetuar e çfarë jo”,- citohet nga disa media, burimi diplomatik amerikan në Tiranë.

Më tej akoma, shqetësimi i SHBA shkon te raportet e deformuara të shumicës me Presidentin dhe rrëzimi në bllok i gjashtë kandidaturave të Gjykatës së Lartë.“Është e pamundur që, në gjashtë kandidatë, asnjë të mos jetë i mirë”, - tha burimi diplomatik, ndaj ai votim ishte sinjal negativ për imazhin e Shqipërisë, pasi shumica shihej qartë që po përpiqej të diktonte përbërjen e asaj gjykate, sipas shijeve të saj politike. Ata, po ashtu, shikojnë me dyshim sulmet ndaj Këshillit të Lartë të Drejtësisë dhe përpjekjes për ta vënë atë nën kontroll. Shqetësim serioz përbën dhe një përpjekje e kryeministrit Berisha për të ngritur një superagjenci Shërbimesh Sekrete, sipas modelit që ka drejtuar Këshilltari i tij i Jashtëm, Tom Ridge, në SHBA, pas 11 Shtatorit, një gjë që sipas burimeve diplomatike amerikane në Tiranë po shikohet si e panevojshme dhe më shumë akoma, me dyshim.



Shekulli

[RaPSouL]

Anëtari i kryesisë së PS-së, Pandeli Majko deklaroi dje se gjithçka lidhet me Gërdecin

Majko: Qeveria po fut në krizë marrëdhëniet me të huajt

TIRANË-Anëtari i kryesisë së PS-së, Pandeli Majko deklaroi dje se ngjarja e Gërdecit është më e rënda në historinë e Shqipërisë në demokraci, që pas vitit 1997. Në një prononcim për mediat, menjëherë pas reagimit të burimeve diplomatike amerikane në vendin tonë, Pandeli Majko ka deklaruar se qeveria me qëndrimin e saj po fut në krizë reale marrëdhëniet e Shqipërisë me ndërkombëtarët. Sipas Majkos, gjithçka lidhet me të vërtetën mbi Gërdecin. “Ngjarja e Gërdecit është ngjarja më e rëndë e ndodhur në Shqipëri pas ngjarjeve të ’97-ës dhe ka ndikuar shumë në marrëdhëniet e Shqipërisë me ndërkombëtarët. Në këtë mënyrë patjetër që kjo ngjarje do të ndikonte tek ndërkombëtarët”,- ka deklaruar Majko.

Më tej, ai ka shtuar se një kritikë e tillë e SHBA-së cenon shumë imazhin e Shqipërisë pasi elementet e kritikës kanë të bëjnë me marrëdhëniet e qeverisë me Presidentin dhe Prokurorinë e Përgjithshme. Po dje ka reaguar edhe Presidenti i Partisë Aleanca Demokratike, Neritan Ceka, i cili konstatoi se qëndrimet e fundit të diplomacisë së Shteteve të Bashkuara të Amerikës janë më vend. Sipas tij, bëhet fjalë për ekuilibra që kanë qenë të prishur muajt e fundit, veçanërisht mes Presidentit dhe Ekzekutivit por që duket të jenë kanalizuar. Duke iu referuar deklaratës së fundit të palës amerikane, Ceka shton se është një qëndrim i përhershëm i tyre sa i takon sistemit të drejtësisë. “Ajo është pika e forcës ku qëndron gjithë demokracia dhe balanca e pushteteve”,- tha Ceka.



Shekulli

[RaPSouL]

Ministri i Mbrojtjes, Gazmend Oketa deklaron pas qëndrimit të burimeve diplomatike

Reagon Oketa: Rruga për në NATO, e vështirë

TIRANË- Pas shqetësimit të SHBA-së, përcjellë përmes burimeve diplomatike amerikanë në vendin tonë, Ministri i Mbrojtjes, Gazmend Oketa ka deklaruar dje se politika shqiptare i ka të qarta reformat që duhet të ndërmarrë për anëtarësimin e plotë në NATO, duke besuar se ky proces do të realizohet brenda Samitit të ardhshëm. “Gjithë politika shqiptare, e ka të qartë se çfarë reformash duhet të ndërmarrë dhe jam i sigurt se bashkëpunimi pozitiv që ka qenë vazhdimisht përsa i takon anëtarësimit në NATO do të vazhdojë. Besoj se brenda Samitit të ardhshëm do të bëhet realitet”,- tha Ministri i Mbrojtjes në një interviste për mediat menjëherë pas reagimit të burimeve diplomatike në Tiranë, se gjithçka po rrezikohet si rezultat i disa hapave prapa që Shqipëria ka ndërmarrë.

Megjithatë edhe Ministri i Mbrojtjes, Gazmend Oketa pranon se rruga drejt anëtarësimit të plotë nuk është e lehtë. “Nuk është një rrugë e lehtë, përkundrazi është një rrugë akoma më e vështirë, pasi kërkesat janë akoma më të larta nga sa ishin para se të merrte ftesën për anëtarësim në NATO. Kur flitet për standarde të reja dhe nivele të reja është pak a shumë si një sportist i cili për të arritur një rekord të ri, duhet shumë mund e shumë stërvitje”,- tha ai.



Shekulli

[RaPSouL]

Rama: Këmbanat e alarmit bien për Berishën

Tiranë- Një ditë pas deklaratës së bërë nga diplomati amerikan për hapat pas të qeverisë “Berisha” dhe regresin në vend ka reaguar kreu i PS-së, Edi Rama. Sipas tij, të gjitha këmbanat e alarmit sot bien vetëm për Sali Berishën.


Tiranë- Një ditë pas deklaratës së bërë nga diplomati amerikan për hapat pas të qeverisë “Berisha” dhe regresin në vend ka reaguar kreu i PS-së, Edi Rama. Sipas tij, të gjitha këmbanat e alarmit sot bien vetëm për Sali Berishën.

“Alarmi i dhënë dje nga miqtë tanë të mëdhenj amerikanë për kërcënimin e lirisë e të demokracisë në Shqipëri duke bërë përgjegjëse qeverinë e zotit Berisha, është jo vetëm shprehja më kuptimplotë e interesimit të Shteteve të Bashkuara për fatet e Shqipërisë e të shqiptarëve, por edhe kulmi i shqetësimit të shprehur ndonjëherë prej tyre publikisht në këto 17 vjet si pasojë e keqqeverisjes së vendit tonë”- tha Rama, gjatë një deklarate për shtyp.

Sipas tij, as në vitin e rëndë 1996 alarmi nuk ka qenë kaq kumbues, interesimi për Shqipërinë e shqiptarët kaq i madh dhe shqetësimi për keqqeverisjen e vendit kaq i hapur.

Ato që deri dje i kemi thënë në vijmësi me një shqetësim në rritje të gjithë ne, qytetaret e qytetarët e këtij vendi, në familje a në mjediset shoqërore, gazetarët e analistët në tribunat e shtypit apo njerëzit e opozitës në podiumet e komunikimit publik, qysh dje janë edhe shqetësimi publik i Shteteve të Bashkuara e jo vetëm i tyre.

Shqipëria në NATO, sipas Ramës, s'mund të jetë vendi ku kërcënohen zgjedhjet e lira e ku vullneti i lirë i shqiptarëve e shqiptareve rrezikohet nga po ata njerëz që në vitin e rëndë 1996 projektuan e realizuan krimin shtetëror të manipulimit të votës së popullit dhe sot kontrollojnë Ministrinë e Brendshme për llogari të Sali Berishës.

“Kjo këmbanë bie për Sali Berishën! Shqipëria në NATO s'mund të jetë vendi ku qeveria i kërkon zyrtarisht OSBE-së të shmanget nga roli i saj kryesor dhe të ulë fuqinë vëzhguese në vend, për t'i pasur duart më të lira që të bëjë në vitin 2009 atë që bëri në vitin 1996!”- tha ai.

Shqipëria në NATO, ka vijuar më tej kreu i PS-së, s'mund të jetë vendi ku pushteti gjyqësor jeton nën kërcënimin konstant të forcave qeverisëse, ku përpara ligjit kryeministri e ministrat e tij pa imunitet nuk janë të barabartë me qytetarët e qytetaret e këtij vendi, ku qeveria harton në errësirë projektligje për t'u mbrojtur nga prokuroria duke izoluar Prokuroren e Përgjithshme dhe marrë liri e kompetenca që i takojnë organit të akuzës. Kjo këmbanë bie për Sali Berishën!

“Shqipëria në NATO s'mund të jetë vendi ku një gjykatës shqiptar, i cili kthehet në atdheun e tij pas një karriere brilante në Gjykatën e të Drejtave të Njeriut në Strasburg, çohet për verifikim nga spikerja e Kuvendit në polici e prokurori dhe pastaj, së bashku me pesë të tjerë, nuk miratohet për Gjykatën e Lartë nga forcat qeverisëse, vetëm e vetëm, sepse ky grup nuk garanton shërbime të paligjshme për ata që sot qeverisin me korrupsion e papërgjegjshmëri. Kjo këmbanë bie për Sali Berishën!”- ka shtuar më tej.

Shqipëria në NATO, sipas Ramës, s'mund të jetë vendi ku mediat jetojnë nën kërcënimin e xhahilëve të pushtetit kryeministror në të gjitha ndërmarrjet publike që kryejnë shërbime, që nga taksat e tatimet deri te furnizimi me energji e ujë, të cilët në shkelje flagrante të ligjit bëjnë shërbesa me natyrë mafioze duke marrë peng pronarë mediash e botues që nuk e falin e as e shesin lirinë e tyre editoriale. Edhe kjo këmbanë, sipas tij, bie për Sali Berishën!

“Shqipëria në NATO s'mund të jetë vendi ku korrupsioni rritet me shifra e fakte dhe luftohet veç me rrena e fjalë, s'mund të jetë vendi ku popullsia civile bombardohet prej shpërthimit vullkanik të korrupsionit ndërsa kryefajtori kryeministër deklaron se fajin e ka "letra higjenike" Neë York Times, s'mund të jetë vendi ku nxirret "për zhelesh" nga salla e parlamentit një deputet i opozitës pasi është kërdisur me të shara mejhaneje prej kryeministrit dhe ku dënimin e merr i pari ndërsa pafajësinë i dyti. Kjo këmbanë bie për Sali Berishën!”- tha Rama.

Shqipëria në NATO, s'mund të jetë vendi ku zullumi qeveritar trashet përditë dhe ku ata, miqtë e aleatët tanë të mëdhenj, që u bënë garantët e hyrjes sonë në paradhomën e Aleancës së Atlantikut të Veriut dhe që e dëshirojnë megjithë zemër anëtarësimin tonë të plotë vitin që vjen, të qëndrojnë në heshtje përballë fakteve përditë e më tronditëse të keqqeverisjes së vendit!

Duke kujtuar edhe njëherë Shqipërinë në NATO, Rama ka theksuar se ajo duhet të jetë Shqipëria e lirive dhe të drejtave njerëzore, Shqipëria e konkurencës së lirë dhe e lirisë së informacionit, Shqipëria e barazisë para ligjit, e pushteteve kushtetuese të ndara dhe e ndarjes së qeverisjes nga korrupsioni.



Shekulli

[Kryeplaku]

Para disa vjetesh u martua princi i Romeve ne Korce me nje te re rome... te shikoje se c'dasem e madhe u be.... u martua princi i Romeve, imagjino. U be dasma, u mblodhen romet nga gjithe Shqiperia per te nderuar princin dhe ahengu e kercimet nuk pushuan deri ne mengjes... Vetem se ne mengjes dasmoret kishin nje qellim, te shikonin carcafin e nates se pare.... Normale qe pas ahengut plasi sherri midis Romeve se carcafi ishte i bardhe akull

Te falenedreojme edhe nje here princin e Shqiptareve per keto te papriturat. Rrofsh Berisha qe na i tregon te verteten.... Shqiperia nuk eshte virgjeresh, eshte lavirja jote qe e ndan me miqt e tu!

[Brari]

berisha e mori shqiperine nga ferri ku e kish fut partia e edverave ramizave.. edvineve majkove aredin shyto luizave e ruco abdi- koco kokdhimave.. dhe e drejtoi timonin drejt progresit demokracise e lirise e bollekut.. e ne kte rruge u pengua qe ne fillim nga keta lehes apo lotkrokodilas te neveritshem.. dhe tani vendi ka hyre ne nato duan sduan stalinistet enveriste miljardere..

pse nuk e futen keta pisa qe ne 1945-sen shqiperine andej nga duhej..

mo kini merak u thuaj ketyre o rapsoul.. se ne nato e con berisha shqiperine.. edhe pa ndihmen tuaj.. ose me mir me thene edhe se keta pisa e pengojne..

oj kanibalet.. kinse duan naton..

sa qesharak behen..

[Brari]

shqiperia hapa prapa.. thone kanibalet me mafiemedian e tyre te digitalizuar e modernizuar e sofistikuar.. me parane e grabitur nga populli dhe me dinakerine e trasheguar nga ppsh-ja e tyre..

ne fakt kan te drejte sepse.. prapa e para per ata jan pak speciale si koncepte..
para ata i thone kur shqiperia feston 100 vjetora enveri.. kur kryeprokuroria e tere gjykatso shtetaret.. jane vegla te tyre.. kur tenderat i bejne dhe i fitojne mantenutat e tyre.. kur gjykata e larte perbehet nga vishinske e aranite.. te epokes se tyre te lavdhishme.. kur prokuroret jan kapterre te emeruar nga aldo bare e arto dado e altin imelldo tasho shytet.. kur luizat vampire te tyret jane drejtore te shtetit..
kesaj i thone para keta barbare..

mirpo berisha para i thote dickaje tjater..
e ajo qe quan para berisha eshte ajo qe dhe populli e quan para..

barbaret enveriste (sot PS) me perpara quanin.. kur jo vetem lopa e parcela rreth shpise gulago kolkozohej.. po dhe pula e fundit ndiqej me operativ sigurimi se mos bente vez ne kotec te fshatarit..
kur dyqanet kishin vetem dy fije preshi e ca gjethe spinaqi.. e ca kavanoz salce te mykura.. e kur ne bllok te tyre si ne tiran dajt vlore poradec e durres.. vershonin zuqet e drejtorise se bllokut mbushuir me te mira.. e qe kto te mira ruheshin me garde skraparlleshe mos ta shihte mileti..
kesaj i thonin para keta..


mirpo doktori para i thote.. fshatar me tok e lope.. fshatar me shpi dy katshe qe shet qumesht e djathe veze e domate.. e qe ne oborr ka veture e traktor.. e para i thote kur shtetin e komandon vota e jo zan caushi fehmi varesi ne litar e altini nga brukseli me celular..

pra ndryshojne para mbrapjet.. 180 grade mes para.. te berishes.. e para te ruc landroverit.. mes para te ed palokes e para te edvin satrapit..

keshtu ti rapsoli i celules.. me simpatizante te enverit .. e ed-verit..

[Duaje Siveten]

megjithse ende nen efektin e ilaçeve, salija e ka te qarte se aderimi i Shqiperise ne NATO nuk behet para zgjedhjeve te vitit te ardhshem ...

ndaj ben si shperfilles, sepse asnje nga ato vende te NATO-s nuk e ka afruar, jo me ta kete ftuar ate si kryeminister ... izolimi i tij behet per te treguar se sa fatal e pa-pergjegjshmeri eshte bere klasa politike qe ka lene punizmi ne Shqiperi ...

saliu nje gje ka konstante - nuk i beson njeri, dhe ai po humbet terren edhe brenda me shumice, ndaj i shton auto-levdatat, inaugurimat, shiritat, genjeshtrat, mashtrimet brenda vendit ...

edhe ofertat qe ai ua ben te huajve, ne kembim te suportimit te bandes se tij qeverisese, nuk pijne me uje, pavarsisht se çmimi qe ai ofron eshte fare i ulet ...

edhe buburecat po i shtojne ditirambet e timonierit, shoferit, nishit, ... te droguar ... qe sa vjen dhe po e humbet edhe me shume si xhaferi simiten ...

[Duaje Siveten]

TemA

Leksion dëshpërues i kryeministrit për shqetësimet e SHBA

Nga Mero Baze

Qeveria shqiptare i shikon të ekzagjeruara kritikat që vijnë nga Uashingtoni përmes diplomatëve amerikanë në Tiranë për deformimet e raporteve të qeverisë me disa institucione kryesore të shtetit, përpjekjen për t’i vënë ato nën kontroll, si dhe acarimin e skajshëm me misionin e OSBE në Tiranë. Kryeministri, Sali Berisha, u përpoq t’i relativizonte ato gjatë një deklarate për median, dhënë nga Velipoja, duke i quajtur debate normale dhe duke nënvizuar të kundërtën e atyre shqetësimeve.

Qëndrimi i kryeministrit dhe sidomos përpjekja e tij për të nënvizuar të kundërtën e shqetësimeve që vijnë nga diplomacia amerikane për zhvillimet në vend, është një mospranim i plotë i tyre, por me gjuhë të zbutur, për të mos rritur dramacitetin e debatit në publik. Dimensioni kryesor i reagimit të Tiranës në disa raste kohët e fundit është përpjekja për t’iu shpjeguar perëndimorëve keqkuptimet që ata kanë për Shqipërinë. Dhe, në këtë rast, mënyra se si e trajton kryeministri shqetësimin zyrtar të SHBA, tregon se ai në mendjen e vet e ka të fiksuar se amerikanët, por dhe disa shtete të tjera perëndimore, nuk e kuptojnë mirë se si duhet vepruar me institucionet në Shqipëri. Dhe kësisoj, në vend që të ketë një reagim ndaj shqetësimit të tyre, ai ka një shpjegim se sa mirë po shkojnë punët, shpjegim që atyre nuk iu hyn në punë. Ky stil, domethënë sistemi i vetëvlerësimit që kryeministri, së paku vitin e fundit, e përdor rregullisht për çdo gjë, sa herë është në krizë, është acarues dhe i rëndon më tej gjërat.

Mospërfillja e shqetësimeve është në njëfarë mënyre më e mirë sesa shpjegimi se ata që kritikojnë, nuk i kanë kuptuar mirë gjërat. Kështu i bie që Uashingtoni nuk e kupton mirë këtë punën e kthimit të gjashtë kandidaturave për në Gjykatë të Lartë në bllok, pasi ata nuk e kuptojnë se presidenti këtë e bëri pa pyetur kryeministrin. Dhe mesazhi që jep vota kundër në bllok, sipas Berishës, në Uashington nuk duhet lexuar si kundërvënie institucionesh, por si betejë normale mes institucioneve, paçka se nga gjashtë vetë, së paku një ose dy mund të ishin më të mirë se ndonjë nga këta të gjashtët e dytë, që u morën ca nga pularitë e ca nga rruga dhe u çuan në Gjykatën e Lartë.

Sipas kryeministrit, Uashingtoni e ka kuptuar gabim faktin që zonja Topalli, pasi dëgjoi shqetësimet e Mediut në Kuvend për hetimin e Gërdecit, i hodhi shqetësimet e tij në letër dhe ia nisi si detyrë shtëpie Prokurores së Përgjithshme, Ina Rama. Kjo, sipas tij, nuk është diktat mbi qeverinë, as përpjekje për të diktuar rrjedhën e hetimeve. Sipas kryeministrit, Uashingtoni e ka keqkuptuar nxitimin dhe përmbajtjen, me të cilat po bëhet ligji për Prokurorinë e Përgjithshme dhe është i gatshëm të rishikojë pagën e kryeprokurores, duke ia rritur, vetëm që ajo të mos ankohet për nenet e tjera.

Sipas kryeministrit, Uashingtoni shqetësohet kot për misionin e OSBE në Tiranë, se ai është proces negociatash dhe qeveria shqiptare ka të drejtë ta prishë atë kontratë. Me këtë sistem vetëvlerësimi, kryeministri ka një vit që funksionon. Kush ka kujtesë, qoftë dhe të shkurtër, mund të kujtojë fjalimet e tij vetëlavdëruese, që “jam kryeministri më i mirë, ndaj më duan shqiptarët”, që mëshirëploti, nëse i jep 30 vjet jetë, aty do jetë për 30 vjet etj. Kjo simptomë e tij tashmë po institucionalizohet dhe në qëndrimet ndaj shqetësimeve ndërkombëtare. Ata kërkojnë shpjegime pse po deformohet sistemi i demokracisë në Shqipëri, ky u shpjegon atyre se nuk e kanë kuptuar si duhet demokracinë.

Kjo tendencë po kthehet në dimension kryesor të mënyrës se si ai po funksionon dhe po merr përsipër gjithë këtë fushatë dëshpëruese për PD. Emrat e tjerë të shumicës, që mund t’i jepnin ngjyra debatit, janë mënjanë dhe nuk përzihen. Ministri i Jashtëm, që duhet të kishte rol kryesor në këtë debat, është zhdukur nga qarkullimi dhe ua pohon diplomatëve gjithë shqetësimet, ndryshe nga Berisha që ua hedh poshtë publikisht. Ministrja e Integrimit, e cila po ashtu duhet të thoshte ndonjë fjalë për punën e OSBE, duket e qetë dhe e ka angazhuar stafin të punojë në një suplement rozë të shtypit për ta larguar stresin që jep diplomacia. Zëvendëskryeministri Pollo, i cili ka fat, se, sa afrohet me Berishën, ndodh që ai prishet me Perëndimin, po fërkon duart që të bëjë atë që ka bërë më parë me Berishën, të jetë aty për t’ua pohuar atyre nën zë atë që thonë. Ministra të tjerë të qeverisë dhe drejtues të PD, që janë dakord gjithmonë me Berishën, natyrisht nuk kanë faj, se s’kanë të drejtë të mendojnë. Kështu që Berisha po e përballon i vetëm këtë krizë, me plot djem të kollarisur rrotull që bëjnë sikur s’dëgjojnë se ç’po ndodh. Nga Uashingtoni dhe disa kancelari evropiane po i thonë “kujdes, se nuk mund të jetë kryeministër i NATO-s një njeri që në Youtube ka dhjetëra video serioze me presidentin Bush dhe qindra video gazmore duke sharë nga motra një deputet”, kurse ai vazhdon të thotë se “miqtë po më shtohen nëpër botë”, a thua se ata e kanë fjalën për fansat e Youtube apo për Ali G-në (aktor komik britanik).

Ky qëndrim është problematik, pasi as amerikanët dhe as kancelaritë evropiane, të shqetësuara për këto çështje, nuk duan shpjegime për saktësinë e informacionit, se atë e kanë. Ato duan shpjegime se si do reagohet për të mos u përsëritur kjo situatë. Reagimi i kryeministrit u tregon atyre që në shtetin tonë ligjor dhe në mënyrën se si sillet pushteti me institucionet nuk ka asnjë gabim, përveç gabimit që diplomatët amerikanë dhe ata evropianë e kanë kuptuar gabim atë.

[Brari]

nuk eshte uashingtoni i gjergj vashingtonit qe shqetsohet pse duhet te ikin vishinskat e fundit ne europe nga gjykato prokurorite e shtetit shqiptar..

asnje nepunes amerikan.. nuk e di cdon te thote.. varje ne litar per nje vjershe a pushkatim per nje fjale goje..

ate e dine te mjerat familje qe e provuan.. barbarine e "drejtesise" enveriste..

prandaj hapur saliu duhet ti sqaroje amerikanet.. ne se nuk e dine.. dhe hapur tu thote mariz linove.. mo u perzjeni ne ecjen para te shqiperise..
nuk duam arrnime.. stalinisto atlantiste..
ato nuk shkojne bashke..

pejk..

le te merziten altin arapet e aldo bARET per fehmirat e sallaket..

vota demokratike do te vendose kandarin e drejtesise..jo akoma enveri dhe kelishet e tije..

te blene mero te blene..
ata qe te kishin bere bene..
kur jeshe qelibar..
rucet me kusar..
edvine e erionet..
gjoleket al kaponet..

gjynaf..