Pasaportat e reja kosovare nuk njihen në Maqedoni !!!!

[Faik]

Zëri: Pasaportat e reja kosovare nuk njihen në Maqedoni

Lajm

Policia kufitare e Maqedonisë nuk ka lejuar shtetas kosovarë me pasaportat e reja të hynë në territorin e Maqedonisë, transmeton sot gazeta prishtinase "Zëri".
Kjo është bërë, citon gazeta, në pajtueshmëri me qëndrimin se Maqedonia ende zyrtarisht nuk i ka njohur pasaportat e sapovendosura në të cilat shkruan Republika e Kosovës.

Pasaportat e para dje ishin dhënë në Prishtinë, ndërsai i ndau kryministri i Kosovës Hashim Thaçi.

Reagimi i autoriteteve kufitare të Maqedonisl shkaktoi habi në Kosovëm sepse qerveria në Shkup paralajmëroi se do t'i njohë pasaportat e reja kosovare pa marrë parasysh se nuk ka marrë vendim për statusin e Kosovës.
"Pa marrë parasysh atë që Republika e Maqedonisë nuk e njeh Kosovën do t'i njohë pasaportat e reja, i citon "Zëri" shkrimet e mediave maqedonase nga mesi i muajit.

Mediat në Shkup transmetuan se burime nga qeveria konsiderojnë se pasaportat e reja të Kosovës janë në kontiunitet me pasaportat e deritanishme të UNMIK-ut dhe në këtë mënyrë qytetarët e Kosovës do të mundin që me dokumentat e reja pa pangesë të udhëtojnë në Maqedoni.
Pranimi i pasaportave të reja e paralajmëruan, Podgorica dhe Zagrebi.

[Renea]

Zgjidhet problemi, Maqedonia njeh pasaportat kosovare

Ilir IVANOVSKI
Shkup, 31 korrik - Një ditë pas lëshimit në përdorim të pasaportave të reja në Kosovë dhe pas problemeve të para në kufirin Kosovë-Maqedoni, është rregulluar qarkullimi i kosovarëve drejt vendit. Në ditën e parë të lëshimit në përdorim të pasaportave kosovare, policia kufitare në një nga vendkalimet me Kosovën ka penguar një shtetase të Kosovës me anë të dokumentit të ri udhëtues të futet nëpërmjet vendkalimit në Bllacë.
Një ditë më vonë, komunikacioni në kufi midis dy vendeve është zhvilluar pa problem, duke u mundësuar shtetasve të Kosovës pa pengesa të përdorin pasaportat e reja.
"Të enjten në kufirin Kosovë-Maqedoni një vajzë nuk është lejuar të kaloj kufirin me pasaportën e re, por ditën e nesërme problemi është zgjidhur, ndërsa të gjithë shtetasve të Kosovës u është lejuar të kalojnë kufirin pa kurrfarë problemi", tha Veton Elshani, zëdhënës i policisë në Kosovë. Lajmi për kthim nga kufiri të vajzës nga Kosova me shpejtësi është transmetuar nga mediat në Kosovë, të cilët kanë raportuar se Maqedonia nuk i njeh pasaportat kosovare. Sipas mediave të Kosovës, policia kufitare e vendit nuk ka lejuar kalimin e kufirit Kosovë-Maqedoni me pasaportat e reja kosovare. Sipas tyre, hapi i atillë i organeve kufitare maqedonase ka qenë rrjedhojë e qëndrimit zyrtar të Maqedonisë, e cila nuk i njeh pasaportat e reja të Kosovës, në të cilët shkruan "Republika e Kosovës". Informatat e mediave kosovare të premten janë përgënjeshtruar nga organet kompetente në vend. Sipas Ministrisë së Brendshme në Shkup, në kufirin me Kosovën nuk është regjistruar asnjë problem, ndërsa komunikacioni gjatë gjithë kohës është zhvilluar pa ndërprerje dhe pengesa.
"Nuk mund t'i komentojmë tekstet nëpër media. Në kufirin me Kosovën nuk janë regjistruar kosovarë që kanë përdorur pasaportat e reja për tu futur në vend, ndërsa komunikacioni ndërkufitar është zhvilluar pa probleme", thotë Borçe Peshevski, zëdhënës i Ministrisë së Brendshme.
Të premten qëndrimin e saj zyrtar e ka shprehur edhe Ministria e Jashtme, e cila mbetet në pozicionin e mëparshëm për njohje të pasaportave të reja të Kosovës. Sipas zyrtarëve të kësaj ministrie, edhe pse Maqedonia ende nuk e ka bërë njohjen e Kosovës si shtet, qëndrimi i pushtetit aktual është që të njihen pasaportat e reja. Përveç Maqedonisë, njehje të pasaportave të reja kosovare, të cilat u lëshuan në përdorim të enjten, paralajmëruan edhe Kroacia dhe Mali i Zi. ..

[RaPSouL]

Pune e kryme

[Raim]

Ademi: Maqedonia njeh pasaportat e reja të Kosovës

Qytetarët e Kosovës të cilët posedojnë dokumente të reja për udhëtim nuk do të pengohen që të hyjnë në Maqedoni, thotë zëvendëkryeministri Abdulhakim Ademi.

Maqedonia njeh pasaportat e reja të Kosovës. Qytetarët e Kosovës të cilët posedojnë dokumente të reja për udhëtim nuk do të pengohen që të hyjnë në Maqedoni. Zv.kryeministri Abdylaqim Ademi tha për ALSAT se me iniciativë të tij Qeveria ka miratuar konkluzionin për njohjen e pasaportave te reja pasi ato janë vazhdimësi e pasaporteve të UNMIKUT.

"Qeveria solli një konkluzion që në frymën e bashkëpunimit të mirë dhe të ndërtimit të marrëdhënieve të mira fqinjësore, në frymën e lëvizjes së lirë të qytetarëve dhe mallrave që të pranohen pasaportat e reja të Kosocvës si dokumente që kanë një kontinuitet nga pasaportat e UNMIKUT dhe në këtë mënyrë të kontribojnë në lëvizjen e lirë të qytetarëve dhe mallrave mes Maqedonisë dhe Kosovës", deklaroi zëvendëskryeministri Abdylaqim Ademi.

Ndërkoë Ministria e Brendshme ka përgënjeshtruar informacionet e publikuara në disa media kosovare se policia kufitare maqedonase nuk i ka lejuar qytetarët kosovarë të hyjnë në territorin e Maqedonisë për arsye se nuk i kanë njohur dokumentet e reja të udhëtimit në të cilat shkruan "Republika e Kosovës"

Ministria e Brendshme thonë se të gjithë qytetarët që kanë pasaporta të reja, do të lejohen të hyjnë në Maqedoni.

Shkëlzen Aqifi