Dorina Analiza Muruc pranoi Islamin

[celyy]

Burim Çuni nga Peja, një djalosh i ri, i cili para luftës së vitit 1999 kishte qenë vijues i rregullt i mësimit të fesë në xhamitë e Pejës, shquhet për mendjemprehtësi, shkathtësi dhe seriozitet gjatë vijimit të mësimit në xhami; i respektuar nga i gjithë xhemati i xhamisë dhe qytetarët për edukatën, sjelljet e tij si dhe prejardhjen nga një familje me traditë fetare islame.

Sikurse shumë qytetarë të Kosovës, edhe ky djalosh i ri emigroi së bashku me familjen e tij për në Gjermani. Atje fillimisht mësoi gjuhën gjermane dhe vazhdoi shkollimin. Ndërkohë u njoh me vajzën Dorina Analiza Muruc, një vajzë e bukur nga Ausburgu i Gjermanisë. Pas shumë bisedave dhe konsultimeve në mes tyre, ata vendosën të fejoheshin.

Vajza Dorina Analiza Muruc, e lindur në Demesfar të Rumanisë, e cila që në moshën 6 vjeçare qe shpërngulur për të jetuar në Ausburg të Gjermanisë, duke parë rregullin, drejtësinë dhe, mbi të gjithë, pastërtinë e madhe që ka feja Islame, vendosi të fejohet dhe të martohet me një djalosh shqiptar mysliman. Mirëpo, dëshira dhe kureshtja e saj ishte shumë e madhe që të mësonte sa më shumë parimet dhe dispozitat islame, prandaj dhe filloi që më përkushtim dhe seriozitet në ndjek dhe të lexoj literaturat islame.. Ajo thotë se, përderisa bisedonte me të ëmën për Islamin, ndiente një kënaqësi dhe qetësi të madhe shpirtërore, të cilën nuk e kishte përjetuar kurrë më parë. "Nga dita në ditë - thotë ajo - pasi isha njohur me Burimin, shumë e më shumë më shtohej interesimi dhe bindja për të njohur më shumë parimet dhe dispozitat islame".

Pas kalimit të disa ditëve në pushim dhe pas i qe fejuar me Burimin, ajo filloi të internohej sinqerisht për mënyrën dhe procedurën që duhet ndjekur një i juaj (jomysliman) për të pranuar Islamin, dhe këtë moment e priste padurim. Përë këtë qëllim, ata një ditë do të vizitonin Këshillin e Bashkësisë Islame të Pejës, ku do të njiheshin me rregullat dhe procedurat që duhet ndjekur për ta pranuar Islamin.

Kështu, më datën 14.06.2008, ditën e shtune, në bazë të kërkesës, dëshirës dhe vullnetit të saj, në praninë e kryeimamit të KBI-së, H. Ali ef.Gashi, sekretari H. Fuad Hoxhaj, imamit H. Musli Arifaj dhe disa anëtarëve të Këshillit, pas parashtrimit të disa pyetjeve nga ana e kryeimamit, - ajo pohoi me bindje se me vetë dëshirë dhe bindje të plotë shpirtërore, pranonte Islamin. Më pastaj, së bashku me kryeimamin, ajo ligjëroi Dëshminë Islame (Shehadetin) tri herë, duke treguar edhe kuptimin dhe domethënien e saj, ndërsa në fund të gjithë të pranishmit bën lutje -dua.

Pas pranimit dhe përqafimit të Islamit, ajo, po ashtu me vetë dëshirë, ndërroi emrin e vet Dorina dhe mori emrin Lejla.

Më pastaj kryemami i dha disa këshilla, të cilat cilësohen si të nevojshme për një muslimane, e cila tani e tutje do të jetë pjesëtare e denjë e Islamit. Përveç këtyre KBI i dha një Dëshmi zyrtare për kalimin e saj në Islam, si dhe disa libra nga literatura islame.

Ndërkaq, çifti i ri bashkëshortor, Buri dhe Lejla Çuni, shprehën gatishmërinë dhe dëshirën e tyre që çdo herë, me mundësitë e tyre, të kontribuojnë në të mirën e Islamit dhe të muslimanëve në përgjithësi, dhe sidomos për ngritjen e vetëdijes dhe moralit islam në shoqërinë e tyre dhe tek të rinjtë në mjedisin ku ata jetojnë e veprojnë.

Në fund kryeimami, bë emër të Këshilli të Bashkësisë Islame të Pejës, i uroi kalimin në rrugën e shpëtimit për mbarë njerëzimin - në Islam, me dëshirën që angazhimi i saj në vijën e Islamit të jetë i përhershëm, duke e lutur Allahun xh.sh. për mirëqenien e saj në këtë botë dhe botën tjetër.

Dituria Islame nr.215

islamgjakova.net

[Dorontina]

Po normal si shum femra qe marrin te gjitha te mirat te burri ...
Ai vet qenka i mir dhe i rruges se drejt, femna ket e kerkon.
urime te dyve martesa me dialog dhe gjuh te parbashket .