Zgjedhjet ne Kashar, PD fiton, LSI renditet e dyta, PS e katerta

[Begby]

Tuesday, 29 July 2008
Nga Përparim HALILI - Kashari do të mbetet në historinë aktuale të politikës shqiptare, si një shuplakë e rëndë për kryesocialistin Edi Rama, i cili shënoi në "biografinë" kësaj partie humbjen e rradhës në zgjedhjet vendore. Edhe pse kryesocialisti ka dalë shpesh dhe ka deklaruar, se "ka patur sukses në "dialogun" me Shqipërinë", sidomos në fshatra, duket se politika e tij elektorale e modelit të specit dhe e kastravecit, nuk ka qënë aspak produktive, madje ka rezultuar e "fishkur". Kryesocialisti Rama e njeh mirë politikën e spec-kastravecit, jo se vjen prej asaj politike,jo spec-kastravecin ia ka bërë në vitin 1994 si "dhuratë" pushteti i Saliut, jo se këtë politikë e ka mësuar edhe gjatë kohës kur ishte emigrant në Francë, as kur dilte nudo në plazhet e Europës, por sepse ai nuk njeh tjetër politikë përveç spec-kastravecit. Ndaj dhe zgjedhjet në Kashar, nën drejtimin e tij me logon e shtrembër të kësaj "politike të re" e nxorrën "nudo" PS në këtë komunë, ashtu si kryetarin snobist dhe nudist të saj, që edhe kur vishet përdor një çarape të kuqe e një të verdhë, një këpucë të bardhë e një portokalli, një këmbë pantallonash jeshile dhe një të kuqe. Kështu ëhstë tashmë Edi Rama, me politikë lara-lara, sipas interesave të tij dhe të klanit që përfaqëson. Kjo nuk është humbje loje basketbolli për kreun e PS Rama, por goditje e rëndë në planin politik si drejtues i një partie që ai po e propagandon si "parti të politikës së re". PS në Kashar doli e katërta, pra e fundit, sepse katër kadidatura ishin në garë. Në këtë humbje shokuese të PS në Kashar, nuk bie përgjegjësia mbi 'kualitetin" dhe personalitetin e kandidatit Sinan Egra, që populli i Kasharit i 1145 vota, pra 16.85%, ose sa 41% e socialistëve të zonës, por qëndrimet e fundit të kreut të PS, i cili ka bërë dhe po bënë lëvizje, që nuk kanë qënë dhe nuk janë në "vijën" programore e politike të partisë së socialistëve, as të së majtës reale dhe konstruktive, por në të futura në "brazdën" e politikave të pushtetit të Berishës, ku Rama është zhytur dhe po "lëron" sipas interesave të Saliut. Në këtë qëndrim zhgënjyes anti-PS, Edi Rama ka patur dhe ka primare interesat e veta në pazaret që ka bërë me Berishën, fill pasi kryeministri i Gërdecit, i vuri përpara kryesocialistit dosjet e zeza ekonomike të tenderëve abuzivë, të lejeve të paligjshme të ndërtimit, të vjedhjes së taksave publike etj. Prej këtij presioni, Rama u detyrua të ulet në gjunjë përpara Berishës, i cili prej më shumë se një viti, po e përdor kreun e opozitës, si mjet për të patur një opozitë fiktive, të komanduar nga pushteti dhe jo nga interesat kombëtare. Humbja në Kashar, dëshmoi dështimin e të ashtuquajturës "politikë e re" të Edi Ramës, të cilën ai e "klonoi" privatisht, duke mos respektuar vullnetin e socialistëve të cilët e krijuan këtë parti, në vitet kur Edi Rama ishte me pardesy të bardhë në krahë të Berishës dhe kur socialistët i quante "majmunë", ndërsa veteranët i quante "ekipe shtazarake të luftës civile shqiptare", dhe "bartës të diktaturës komuniste". Ndaj dhe ndodhi kjo humbje e të dielës për PS në Kashar. Fitoi Berisha, sepse këtë fitore ia dhuroi Rama me qëndrimet e tij të politikave të spec-kastravecit, të cilat i trumbetonte në fshatra, në telenovelën e tij bajate "Dialog me Shqipërinë", duke mbajtur fjalime patetike edhe në shtëpitë e fshatarëve, edhe në stanet e bagëtive, por që nuk u përgjigjej asnjëherë pyetjeve të tyre, për lidhjet me Salinë e PD dhe të Gërdecit. PS humbi në Kashar, pikërisht prej pazareve të tij të pista me Berishën, me të cilin ka bërë dhe po zbaton një pakt mirëkuptimi për përfitime nga pushteti dhe për mbylljen e dosjeve të krimit të njeri-tjetrit. PS fitoi vetëm 16 % të votave të popullit të Kasharit dhe vetëm 41% të votave të socialistëve të kësaj komune, sepse pjesën tjetër e ka humbur pas lidhjeve me Saliun, pas pazareve me të, pas akordimit të votave të deputetëve të PS për të ligjësuar në kuvend pushtetin kriminal të Berishës. Nëse pjesa progresive e të majtës është tradhëtuar nga politikat mafioze partiake të Edi Ramës në PS, anëtarësia e PS është mashtruar dhe është zhgënjyer prej kryetarit të saj, që është kthyer në bashkëpuntor i ngushtë interesash ekonomike-financiare korruptive me kryeministrin Sali, duke përdorur privatisht "logon", kryesinë dhe antarësinë e PS për ekzistencën dhe përfitimet e tij. Kashari e nxorri këtë përti në fund të listës, sepse në fakt këtu e ka çuar dhe e ka katandisur këtë forcë politike elektorale, krye i saj Edi Rama. Në vend që kreu i opozitës të iniciojë lëvizje të vërteta e të fuqishme opozitare kundër kësaj qeverie të penalizuar, po bënë "orgji" me kreun e qeverisë, po "puthet" me të, po ndanë troje dhe leje ndërtimi me të, po mbyll dosje krimi, po hesht kur i masakrohen deputetët në kuvend prej bandës së Saliut, po detyron dhe josh deputetët e opozitës të votojnë ligjet dhe vendimet e pushtetit të Berishë-Jozefinës. Fitorja e djeshme e PD në komunën e Kasharit, ishte preludi paralajmërues i asaj se ç’mund të ndodh në zgjedhjet e vitit 2009 në Shqipëri. Këto zgjedhje paralajmëruan qartë, se e majta tashmë është drejt një rikonfigurimi të ri, ku raportet midis PS dhe rivales tjetër janë në ndryshime të përditshme. Megalomania e liderit socialist dhe pazaret e pista midis tij dhe kryetarit të mazhorancës, Sali Berisha, u pasqyruan qartazi në votën e banorëve të Kasharit, të cilët e vendosën këtë forcë politike në vendin e katërt. Shumë socialistë e pritën këtë rezultat me gjakftohtësi a thua se komuna e Kasharit ishte një komunë e humbur në zonat e malësisë, apo më keq akoma ndonjë komunë me 1000 banorë. Në fakt, sot komuna e Kasharit është një komunë që difuzon interesa të jashtëzakonshme për rrethin e Tiranës, pasi përsa i përket potencialeve, kjo komunë zotëron thuajse 90 përqind të zonës industriale të Tiranës dhe gjithashtu, kjo komunë është kthyer në një nga zonat, ku qyteti i Tiranës po gjen shtrirje dhe për këtë arsye është edhe një nga qendrat më interesante të biznesit të ndërtimit. Pra, menefregizmi i socialistëve, nuk tregon se këta të fundit e shikojnë Kasharin si një test të humbjes së tyre. Tashmë, pazaret e kryetarit të tyre Edi Rama e kanë konfirmuar shitjen e rezultatit të zgjedhjeve në vitin 2009, në favor të Sali Berishës. Kashari tregoi dhe njëherë, se Edi Rama nuk ka ardhur në PS për të forcuar këtë parti, por ai ka ardhur me qëllimin dhe ëndrrën e tij të dikurshme, të shprehur në shkrimet gjatë viteve 90-92. Kryesocialisti Rama, ka qenë personi që kërkoi nxjerrjen e PS jashtë ligjit, duke deklaruar publikisht se kjo parti është trashëgimtarja e denjë e PPSH. Pra, sot PS udhëhiqet nga një njeri i cili kërkoi shpërbërjen e kësaj partie, nga një njeri i cili përdhosi gjakun e të rënëve në luftën antifashiste nacionalçlirimtare. Sot PS udhëhiqet nga një individ bilogjikisht njeri, që nuk ka asnjë lidhje gjenetike me këtë parti, që nuk ka kontribuar asnjë ditë në këtë parti dhe që e ka urryer me shpirt deri në ditën që u emërua ministër Kulture nga Fatos Nano dhe më pas, si kryetar Bashkie i kryeqytetit. Sot Edi Rama është njeriu që e dashuron PS jo si program, jo si bindje, por thjesht si një trampolinë për të përfituar beneficet dhe të mirat materiale që krijon prej postit në krye të saj, duke mbajtur në gojën e tij "thikën e madhe" që po ua ngul socialistëve në shpinë, në bashkëpunim me ortakun e tij në biznes dhe mbulim krimesh, kryetarin (pseudo)demokrat Sali Berisha. Është Kashari, ai që konfirmoi se PS shumë shpejt, do të katandiset në një parti OJF, sesa në organizëm shtetformues dhe institucion që prodhon opozitë kundër politikave qeveritare të mbrapshta të Sali Berishës kryesocialisti pushtues i PS. Edi Rama po tregon qartazi, se misioni i tij i vetëm është të shkatërrojë PS, t’i dhurojë pushtet Sali Berishës dhe të grabisë asetet e Tiranës, duke mbijetuar i qetë si kryebashkiak i gjysmës së Shqipërisë, i Tiranës. Kashari i djeshëm, tregoi se Shqipëria e nesërme do të jetë çiflig kryeqehajait Sali Berisha dhe i servilit të tij të bindur, Edi Rama. Të dy së bashku, janë duke strukturuar dhe fuqizuar kartelin e tyre ekonomik, për të grabitur dhe pasuruar veten dhe klanet që i rrethojnë. Kashari i djeshëm, ishte një paralajmërim i madh për socialistët, se me nudistin Edi Rama do të jenë edhe katër vjet të tjera në opozitë, të shtypur nga Sali Berisha dhe të dhunuar e të mashtruar nga Edi Rama. Kashari i djeshëm, ishte preludi i humbjes së madhe të socialistëve, por së pari është paralajmërimi i shkërmoqjes së madhe të PS si parti, jo nga pafatësia dhe mungesa e idealit të socialistëve idealistë, por nga politikat e pazareve dhe aferave korruptive që ka nisur dhe po vazhdon kryetari i tyre, Edi Rama.

[Duaje Siveten]

si shume dobesi po tregohet nga salistat per humbjen nga socialistat ...

si shume perkujdesje po beni, ju salistat, per te pru ne "binare" partine opozitare ...

mos do te antarsoheni ne ate parti, apo ashtu i keni udhezimet e salimandris, braris ...

[DYDRINAS]

Leximi i zgjedhjeve të Kasharit


» Vendosur: 29/07/2008 - 07:23
• Mark Marku

Zgjedhjet e djeshme në komunën e Kasharit kanë qenë befasuese, për nga mënyra e shpërndarjes së votave të elektoratit mes partive kryesore politike shqiptare. Befasues ka qenë sidomos shpërndarja e votave mes së majtës shqiptare: LSI-ja ka qenë partia e dytë që ka marrë më shumë vota në grupin e partive konkurruese të së majtës ndërkohë që PS-ja, partia kryesore e opozitës së majtë ka dalë në vendin e katërt, duke ia lënë vendin e tretë një kandidati të pavarur, i cili më parë kishte pretenduar të kandidonte si përfaqësues i PD-së. Para se ky rezultat të analizohet ia vlen të sqarojmë vlerën e tij: domethënia e këtij rezultati është relative dhe ka aq vlerë sa ç’mund të ketë votimi për një komunë të caktuar, pra nuk mund të shërbejë si tregues i sigurt për rezultatin e zgjedhjeve ta ardhshme parlamentare në Shqipëri. Megjithatë, ai si çdo rezultat zgjedhor, duhet të lexohet dhe shpjegohet. Dhe prej tij mund të nxirret njëfarë analize që në njëfarë mënyre na ndihmon të korrigjojmë përfundimet e deritanishme të gjendjes së aktorëve politikë në Shqipëri.
Sikundërse e tregojnë të gjitha e rezultatet e deritanishme të zgjedhjeve të pjesshme në Shqipëri të zhvilluara pas zgjedhjeve të fundit lokale dhe këtu kam parasysh zgjedhjet për deputetin e zonës së Mokrës, zgjedhjet për zonën e Shijakut, zgjedhjet lokale të zhvilluara në Kashar, Partia Demokratike ka rezultuar të jetë forca e parë kryesore në vend. Duket se elektorati (ose një pjesë e elektoratit) nuk ndan të njëjtat vlerësime me analistët politikë dhe propagandën opozitare për nivelin dhe cilësinë e qeverisjes së djathtë. Pas zgjedhjeve lokale të vitit 2007 ku PD-ja humbi në disa nga qytetet kryesore imazhi i qeverisjes është përmirësuar nëse për tregues të këtij imazhi marrim konsensusin e votës popullore në zgjedhjet e zhvilluara deri tani. Pavarësisht problemeve të shumta që ka pasur qeveria e zotit Berisha, ajo ka pasur edhe disa suksese të ndjeshme, mes të cilëve më të rëndësishmit mund të konsiderohen marrja e ftesës për pranim në NATO, nënshkrimi i Marrëveshjes së Stabilizim–Asocimit për pranimin në BE, lufta e suksesshme ndaj krimit të organizuar dhe trafiqeve të paligjshme, deklarimi i rritjes ekonomike në masën 10%, ngritja e ndjeshme e pagave dhe pensioneve, si dhe projektet e rëndësishme për përmirësimin e infrastrukturës rrugore të vendit. Këto suksese nuk kanë mundur të eklipsohen as nga ngjarje të tilla të rënda si Gërdeci, apo nga qëndrimet e gabuara politike të qeverisë “Berisha” në jo pak raste. Duket se pas zgjedhjeve të fundit lokale kryeministri Berisha ka nxjerrë disa mësime dhe ka futur në punë aparatin e tij partiak dhe administrativ për të marrë disa masa, që e përmirësojnë imazhin e tij në elektorat. Ka mundësi që në elektorat ekziston një imazh paksa i ndryshëm për qeverisjen e PD-së, nga ai që ekziston në qarqet mediatike dhe politike në kryeqytet. Ai tashmë është shndërruar në një makinë politike që di të ndikojë jo vetëm në pozicionin e forcës politike që përfaqëson, por edhe në pozicionin e kundërshtarëve të tij politikë. Ky mësim buron jo vetëm prej sukseseve të tij, por edhe prej humbjeve të tij. Gërdeci dhe Kashari janë dy zona gjeografike të afërta, njëri sukses dhe tjetri dështim i qeverisjes së zotit Berisha, por të dyja dëshmojnë një gjë: zoti Berisha tashmë di të mbijetojë politikisht, madje në shumë raste ta shndërrojë humbjen në fitore.
Zgjedhjet në Kashar kanë dhënë një rezultat gjithashtu befasues për të majtën dhe e kanë nxjerrë LSI-në që konsiderohej si forca e tretë politike në vend, në forcën e dytë politike. Siç u tha më sipër, zgjedhjet e Kasharit nuk mund të merren si barometër i saktë i situatës së forcave politike në Shqipëri, por gjithsesi rezultati mbetet rezultat dhe derisa ne u besojmë sondazheve dhe bëjmë analiza duke u nisur nga rezultatet e tyre, nuk kemi pse një analizë të tillë të mos e nisim edhe nga zgjedhje si ato të Kasharit. Në këto zgjedhje LSI-ja e drejtuar nga zoti Ilir Meta ka dalë forcë e dytë politike në vend, duke spostuar në vend të katërt PS-në e zotit Rama. Një rezultat i tillë natyrisht mund të konsiderohet si një shpërblim për organizimin e admirueshëm politik dhe organizativ të LSI-së dhe për politikat që ajo ka ndjekur në gjirin e së majtës. Oponenca e saj e fortë ndaj qeverisjes së zoti Berisha dhe ndaj PS-së, me sa duket ka ndikuar në rritjen e besimit të saj në elektorat dhe në krijimin e një poli të tretë efikas mes dy partive kryesore PD dhe PS. LSI-ja ka reaguar pas çdo lëvizje të PS-së duke krijuar një pozicion solid politik dhe duke u bërë një orientim për elektoratin. Natyrisht këtu ndikojnë edhe fushata e palodhur mediatike dhe në terren e LSI-së.
I ndëshkuari i këtyre zgjedhjeve ka qenë PS-ja dhe lideri i saj zoti Edi Rama. Zoti Rama ka arritur të marrë në mënyrë të merituar pozitën e liderit të PS-së pas një beteje të vështirë me Fatos Nanon, por me sa duket kjo betejë po e çon partinë që ai drejton drejt lëkundjes së pozicionit, që ka mbajtur prej vitesh si forca kryesore e së majtës. Stili i tij i të bërit opozitë ka qenë me sa duket më i pëlqyeshëm nga qeveria dhe të huajt se sa nga elektorati i majtë. Natyrisht me këtë lloj opozite ai ka ndikuar pozitivisht në stabilitetin e vendit dhe ka krijuar një model të opozitës konstruktive, por kjo si duket nuk jep rezultate të shpejta në elektorat. Reformimi i PS-së është një proces i vështirë, historik dhe nuk varet nga vullneti i një njeriu. Ai është i domosdoshëm dhe bëhet vetëm duke qenë në opozitë, por kjo natyrisht e ka një çmim, dhe çmimi është një rezultat i hidhur si ai i Kasharit. Megjithatë do të ishte fatkeqësi për PS-në dhe vendin nëse kjo humbje do të përdorej si presion për bllokimin e reformimit të PS-së. Zoti Rama dhe partia e tij nuk ka rrugë tjetër veç reformimit. Humbja më e madhe për këtë parti do të ishte mosreformimi i saj. Më në fund këto zgjedhje dhanë edhe një rezultat pozitiv për demokracinë në vend: ato u zhvilluan pa probleme. Shqipëria ka hyrë tashmë në procese që nuk e tolerojnë çfarëdolloj mungese apo cenimi të standardeve demokratike. Zhvillimi i zgjedhjeve të lira dhe të ndershme është kusht i domosdoshëm për stabilitetin, zhvillimin dhe integrimin e vendit në Evropë, gjë që me sa duket i ka bërë të vetëdijshëm aktorët politikë dhe në këtë drejtim Kashari ishte një mesazh shpresëdhënës.

Gazeta Panorama

[Brari]

po u hap nje tem per kashar o begbyri.
bashkangjitja temat kasharoiste te pares..

dujsiv..

brari nuk eshte antar partie e as funksionar i zyrave te shtetit..
jam jashte mor bir.. e nuku marr asnje qindarke nga atdheu.. perkundrazi coj para kur kam mundesi te njerzit e mij pa prona e biznese..

sa per orientim ky informacion.. qe mos te harxhosh sacme kot..

o kashar kashar me halle..
ne votime ti e zbardhe..
ke nderu ti sot salinë..
bere m.unë mbi edvinë..

kjo eshte keng e re e sapo dale.. nga grupi popullor lab i kasharit..

lol

[Begby]

Me pelqeu shume titulli o Brar prandaj e hapa te re

E di qe ti e hape i pari por keta specat e terheqin shume dujsiv fiksimaxhiun dhe jaster ordinerin

Politike e re................. hahahahahahahaha

[Albo]

Rezultati i Kasharit eshte teper interesant dhe do te ndikoje ndjeshem ne llogarite e paleve ne zgjedhjet e vitit te ardhshem. Fitorja e demokrateve ne nje komune si Kashari deshmon qe reformat dhe puna e qeverise aktuale ka krijuar nje imazh pozitiv ne elektorat. Por fitorja me e madhe e demokrateve ne zgjedhje si ato te Kasharit eshte percarja e opozites se majte.

Renditja e LSI e dyta do te beje qe Ilir Meta e kompani te marrin krahe dhe te fillojne ti bejne qejfin vetes se "do te jemi ne boshti i se majtes ne zgjedhjet e ardhshme", qe do te thote se Ilir Meta nuk do te deshiroje te beje koalicion me PS, duke e lene te fragmentizuar elektoratin e majte. Dhe jo vetem kaq, por me zgjedhjet e Kasharit Meta do tu drejtohet partive te tjera te majta me fjalet: "Boshti i se majtes me shance per te fituar eshte LSI dhe jo PS, prandaj aderoni ne koalicion me LSI dhe pa PS."

Zgjedhjet e Kasharit nuk kane se si te mos trembin edhe militantin me te paepur socialist. Dhe arsyet jane te shumta, por une do te rendisja dy prej tyre. Edvin Rama vazhdon te jete nje lider i PS i pa testuar, zgjedhjet e 2009 jane testi i tij i pare i madh ne krye te PS. Nese zgjedhjet e Kasharit jane nje parathenie e atyre zgjedhjeve, Rama nuk eshte duke humbur vetem pushtetin per te qeverisur vendin, ai eshte duke humbur edhe elektoratin e majte qe po voton parti si LSI. Panikun e vertete te zgjedhjeve te Kasharit e kane ndier ata deputetet e politikanet e kupoles se PS qe duke filluar qe sot do te mendohen dy here per te ndjekur qorrazi liderin e tyre te ri Rama. Nje humbje e thelle e PS ne zgjedhjet e ardhshme do te thote per ta humbje mandati, pushteti, imuniteti. Dhe duke filluar qe sot, keta burokrate do te skrutinojne dhe sfidojne direkt dhe indirekt politiken e Rames brenda PS, pasi tani Rama nuk eshte duke luajtur vetem me fatin e nje mjerke plake, eshte duke luajtur edhe me kokat e tyre.

Dhe te gjithe ata "te pakenaqurit" apo "te perjashtuarit" nga kupola e PS, tani kane municionin e duhur politik per te filluar sulmin ndaj lidershipit te Rames ne PS. Nga nje ane rivaliteti i ndezur me LSI dhe nga ana tjeter lufta e brendshme per pushtet brenda PS, kane per te vazhduar dekompozimin e PS jo vetem nga pushteti i votes, por edhe nga elektorati i majte.

Albo

[Shpat Berisha]

Urime qytetarëve të Kasharit për kulturën dhe qytetarinë e shprehur gjatë procesit të votimit për kryetar të komunës së tyre.Kryetarit të ri z. Fuçia, sukses dhe gjithë të mirat!

PD-së dhe Z. Kryeministrit Z.Sali Berisha ua uroj fitoren,duke ju inkurajuar fuqishëm të qendroni në kursin e reformave të cilat për ditë e më tepër po japin fryt.

Urime gjithë spektrit të djathtë në Shqipëri...!

[Begby]

Tuesday, 29 July 2008
Nga Përparim HALILI - Votimet në komunën e Kasharit kanë krijuar një gjendje të rënduar psikike për kryetarin e PS, Edi Rama. Edhe pse ai, me butaforinë e tij si "udhëheqës modern", mendoi se do të fitonte në këtë komunë edhe "pa shkelur fare" atje, realiteti tregoi të kundërtën, jo vetëm për numrin e votave që i dhanë kasharasit, por dhe për pozicionin publik të kryesocialisti, fill pas shpalljes së rezultatit të votimeve. Kreu i PS, Edi Rama, i gjendur përballë kësaj humbjeje, nuk ka mundur të përballoj dot vendin e katërt,pra vendin e fundit në klasifikimin që i bënë votuesit majtas dhe djathtas, njeriut të "Dialogut me Shqipërinë", ndaj dhe iu krijua një gjendje e rënduar psikologjike. Burime nga selia e PS, na bënë me dije, se kryetar Edi që prej ditës së djeshme ka shkëputur të gjtihë lidhjet fizike dhe telefonike me krerët e PS, ndërkohë që me bazën socialiste, siç dihet ka kohë që i ka shkëpëtur, fill pas lidhjes së tij me kreun e PD, të piramidave dhe të Gërdecit, Sali Berisha. Humbja që pësoi PS në Kashar nuk ishte humbje e anëtarësisë, por direkt e kreut të PS Edi Rama. Ky e di këtë fakt tronditës, sepse që prej afro dy vjetësh ka amplifikuar propagandën "informale", se kjo parti është "produkt i ri i tij" dhe se ka futur brenda saj politikat e reja. Mirëpo politikat e tij të reja, dolën të dështuara e të asgjësuara përballë votës së një zone elektorale, ku edhe pse ishte komunë, kishte tregues matës politikë për "njeriun e erës së re", që drejton "PS e vjetër", sipas tij. Sipas burimeve nga brenda PS, pas traumës psikologjike që pësoi prej humbjes së Kasharit, mësohet se Rama ka lënë Tiranën dhe është vetëngujuar. Ka zëra që thonë, se ai gjendet në Pezë, na shtëpinë e tij "shpirtërore", ku është vendosur pas zgjedhjes si kryetar i PS. Por askush nga kryesia e PS dhe nga miqtë e tij të ngushtë, nuk ka një informacion të saktë, se ku mund të ndodhet kreu i PS që prej ditës së djeshme, larguar nga vendi i punës dhe nga vendbanimi, pa lënë asnjë adresë, për shkak të tronditjes së papërballueshme që i dha në "tru" Kashari. Aq sa nëse nuk hap telefonin për komunikim, mund të bëhet objekt i emisionit "KU JE?". Edhe kjo mund të bëhet, sepse pas dështimit të turpshëm dhe fatal në Kashar, Edi Rama ka ndërprerë eskursionin politik "Dialog me Shqipërinë" dhe demagogjinë e prerjes së shiritave në rrugët që ndërton bashkë me ortakun e tij Sali Berisha. Në fakt, nuk është e lehtë të humbasësh, në një moment kur kapardisesh si lider i fortë, për më tepër ku ekspozohesh me butafori të tejkaluar deri në komike, si "prijës i fortë", si inicues i "politikave të reja" që veprojnë brenda një politike të vjetëruar. Humbja në këto zgjedhje, pra marrja e vetëm 16% të votave të banorëve dhe 41 % të votave të socialistëve, natyrisht që ka krijuar humbjen e kontrollit për kreun e PS. Dhe me plotë të drejtë, sepse kjo ishte një provë e plotë për pozicionin dhe fuqinë e tij drejtuese si kryetar i një partie, ku ai ka futur deri edhe me dhunë "politikën e re" të përzierë me pigmente veteranësh lufte, me ish-komunistë të konvertuar në socialistë, me aktivistë OJF-ësh dhe me lloj-lloj rrymash, të cilat siç rezultoi nga Kashari, ai nuk ka ditur t'i menxhojë në shërbim të linjës politike që drejton. Kreu i PS, nudisti Rama, tashmë i zhveshur nga "miti" i kryetarit që drejton "me dorë të hekurt", ka ndërprerë shpresën për anëtarësinë socialiste dhe për krerët e lartë të PS, të mbetur ende rrotull dhe nën kontrollin e tij brutal e të imponuar nga rrethana që dihen, duke u dhënë atyre mesazhin, se nën drejtimin e Ramës, PS po del në ankand publik, madje me VAM të ulur, tama si ato ish-dyqanet gërmadhë të fshatrave të largët, që nuk i blinte askush. Po kështu, po përfundon edhe vetë Rama, aq sa prej dy ditësh, nuk po bëhet i gjallë, madje nuk po nxjerr në tribuna as zëdhenësit e tij, mbasi ia ka "qepur gojën" Kashari, ashtu siç i ka qepur edhe Saliu i PD, miku i tij, më të cilin Edi po bënë "orgji" korruptive, ekonomike dhe politike. PS humbi në Kashar, pikërisht prej pazareve të tij të pista me Berishën, me të cilin ka bërë dhe po zbaton një pakt mirëkuptimi për përfitime nga pushteti dhe për mbylljen e dosjeve të krimit të njeri-tjetrit. Nëse pjesa progresive e të majtës është tradhëtuar nga politikat mafioze partiake të Edi Ramës në PS, anëtarësia e PS është mashtruar dhe është zhgënjyer prej kryetarit të saj, që është kthyer në bashkëpuntor me kryeministrin Sali. "zhdukja" fizike e Ramës pas humbjes në Kashari është treguesi më i plotë i "politikës së tij të re" brneda PS, poltikë e cila e ka kthyer këtë parti në kioskë dhe që do të vazhdojë të jetë e tillë për aq kohë sa të ketë në krye kryetarin aventurier, i cili kujton se i di të gjitha dhe që s'ka nevojë për asnëj mendim, për asnjë anëtar, apo drejtues të PS. Ky pozicion dështak e ka detyruar Ramën të shkëpusë të gjithë lidhjet me krerët e PS, të cilët janë në pritej të kthimit të kryetarit në zyra dhe në krye të partisë, natyrisht i "qetësuar", gjë e cila është tepër e vështirë për të.

[Brari]

ki halili i perparuar.. don te vertetoje se 1 e 1 bejne 3..por eshte e veshtire sofizma..

shyqyr qe ka fituar berisha se do permbysej arithmetika..

lol..

[Duaje Siveten]

i shokuar, i derrmuar, i depresionuar ...

ed me ne fund iu rikthye perdorimit te ilaçeve droguese ... si kryetari i pozites ...

ja shihni si do te sillet keto dite ... eshte duke mprehur majen e shpates ...

me sa duket shtangisti do ta lere perdorimin e stimulanteve per zgjedhjet e ardhshme ...

ah, desh harrova ...

salija kishte pas perdorim te pakontrolluar te viagres ate dite qe "derrmoi" taulantin ne kuvendin e dushkut ...