Vlorë: Propozohet qe Universitetit t'i hiqet emri “Ismail Qemali”.

[brooklyn2007]

Një vendim i padëgjuar ka shokuar qytetarët e Vlorës. Senati i universitetit të këtij qyteti ka votuar pro heqjes së emrit “Ismail Qemali” që mban ky institucion i arsimit të lartë. Pas propozimit të heqjes së emrit nga rektori i universitetit Tanush Haska, vendimi është marrë me dy vota diferencë, 8 vota pro dhe 6 vota kundër. Version multimedial i ketij lajmi

VLORË - Një vendim i padëgjuar ka shokuar qytetarët e Vlorës. Senati i universitetit të këtij qyteti ka votuar pro heqjes së emrit “Ismail Qemali” që mban ky institucion i arsimit të lartë.
Sipas burimeve në Vlorë, ka qenë rektori i universitetit Tanush Haska ai që ka kërkuar nga senati të votojnë heqjen e emrit të njëriut që themeloi shtetin shqiptar. Pretendimi në senat ka qenë se Ismail Qemali nuk ka qenë ndonjë figurë akademike dhe emri i tij nuk është e përshtatshëm për të merituar një universitet. Sipas burimeve nga senati vendimi është marrë me dy vota diferencë, 8 pro dhe 6 kundër. Gjithashtu burimet nga senati bëjnë të ditur se nga diskutimet e bëra gjatë mbledhjes është folur që prezantimi i Universitetit të Vlorës në botë është më mirë që të bëhet thjesht si “Universiteti i Vlorës”, se sa me emrin “Ismail Qemali”. Por gjatë mbledhjes nuk kanë munguar edhe diskutimet mesa anëtarëve të senatit të cilët kanë kontestuar këtë vendim.
Pasi senati hoqi emrin e Ismail Qemalit nga Universiteti i Vlorës, kanë reaguar me habi dhe revoltë jo vetëm pedagogë por edhe qytetarët vlonjate të cilët kanë kundërshtuar në mënyrë absolute heqjen e emrit “Ismail Qemalit”. Po ashtu kanë reaguar edhe deputetë të këtij qyteti. Konkretisht Bujar Leskaj e ka konsideruar një gafë vendimin e senatit universitar e cila sipas tij nuk duhet të tolerohet.
Po kështu edhe historiani i njohur vlonjat Bardhosh Gaxho është shprehur nga Kroacia ku ndodhet aktualisht, se ky vendim është absurd dhe se emri i patriotit të njohur, jo vetëm në Vlorë por në të gjitha botën, është një nder që mbahet prej Universitetit të Vlorës duke qenë edhe simboli i qytetit.
Për tu zyrtarizuar vendimi duhet të kalojë për miratim në Këshillin e Ministrave. Por burime nga qeveria kanë bërë të ditur se ky ndryshim është shumë vështirë të kalojë si vendim pasi emri i të madhit Ismail Qemali është një simbol kombëtar.
(a.s/News24/Balkanweb)

[taku5]

po me emrin c'patet mor u martofsha mamat

[Lioness]

Keta paskan luajtur nga fiqiri komplet. U ka rene dielli i veres ne tac te kokes, dhe nuk lene palacolleqet menjane e te vene ne plazh te heqin vapen, por shpikin llogje te tilla.

Po mire mo derezinj te senatit (ato/ato qe e votuan) une nuk do sjell nje liste nga universitetet e botes po nje qe m'u kujtua shpejt e shpejt, George Washington University; nje nga universitetet me prestigjioze ne US. GW ka qene akademik? (Qe eshte mare me ca gjera eshte mare, por s'ka mbetur ne historine e ketij kombi per letra te shkruara por per luften qe bene kolonite ndaj pushtuesit.)

Shpresoj qe studentet e tjere, pedagoget dhe qytetaret vlonjate te shprehen hapur kunder kesaj prockeje dhe uroj qe bashkia te mos miratoje nje budallallek te tille.

[bayern]

Ne koherence me krahasimin e mesiperm nje shprehje Amerikane thote: Only in NY. Me sa duket per ata tanet vlen shprehja: Vetem ne Vlore. lol

[Julius]

Po daleni njëherë mer daleni.
Se nuk do e kenë të gjithë universitetet emrin Ismail Qemali. Po e ka sheshi, ok boll është. Të bëhet ca rotacion emërtimesh. Të pasurohen universitetet me emra. Unë du me pa emrin e Fishtës diku psh, nuk e di nëse ka gjëkundi ndonjë universitet të tillë.

Një gjë të bukur do bënin nëse universiteteve të jugut u vendosnin emra prej veriut dhe anasjelltas. Atëherë do nderoheshin të gjithë shqiptarët më shumë. Le tia vënë Adem Jashari.

[Lioness]

Ne koherence me krahasimin e mesiperm nje shprehje Amerikane thote: Only in NY. Me sa duket per ata tanet vlen shprehja: Vetem ne Vlore. lol

U hodhe ti pizeveng .

S'ka pyll pa derra me lal, c'ti bejme.

[Lioness]

Po daleni njëherë mer daleni.
Se nuk do e kenë të gjithë universitetet emrin Ismail Qemali. Po e ka sheshi, ok boll është. Të bëhet ca rotacion emërtimesh. Të pasurohen universitetet me emra. Unë du me pa emrin e Fishtës diku psh, nuk e di nëse ka gjëkundi ndonjë universitet të tillë.

Një gjë të bukur do bënin nëse universiteteve të jugut u vendosnin emra prej veriut dhe anasjelltas. Atëherë do nderoheshin të gjithë shqiptarët më shumë. Le tia vënë Adem Jashari.

Po pse jo mo Jul. Ketu eshte amrik hesapi, nje dynja me shtete, rruge e shkolla, e ke GW per universitete, ura, rruge, piazza e me the te thashe. Deri per heronj francez u ka mbetur vend. Objekte, rruge etj me emrin La Fayette ka nga te kater anet.

[goldian]

mos do ja vene emrin
sali berisha

[Julius]

Nuk e di Lioness po këto versione lajmesh më duken si zhurmues mua. Dmth të bëjmë zhurmë kot. Edhe posaçërisht kjo gazeta, nuk po flet nëse do i vendosin ndonjë emër tjetër a jo, edhe pse ia hoqën.

Prisni më mirë, kur ti vendosin emrin e ri reagoni.
Nuk u bë kijameti thotë Kako Pinua.

[brooklyn2007]

Eshte marrezi totale. Se ca pune u ka prishur emri Ismail Qemali universitetit te Vlores nje Zot e di! Nuk me pelqen kjo praktika e zhveshjes nga nje emertim te rendesishem simboliko-patriotik shqiptar te nje institucioni te larte arsimor ne jug te Shqiperise, pikerisht ne vendin ku u shpall me aq mund pavaresia e Shqiperise. Uroj ta kthejne mbrapsht kete iniciative absurde.