Arkivi Shteteror ne Maqedoni ?

[faruk_01]

te nderuar kjo teme ndryshon shume nga temat tjera por megjithate vendosa te hap pasi qe shume prej Shqiptareve si nga vet Maqedonia, Kosova, Shqipria dhe diaspora heret a von dot ju hyj ne pune ky institucion ne Maqedoni ?
Une si i punsuar ne kete institucion vendosa tju shpalos te dhena dhe tju ofroj ndihme ne raste nevoje...Ky isntitucion meret me ruajten e te dhenave dhe dokumenteve arkivore te periudhave te vjetra dhe te reja, tapi te ndryshme, vendime etj etj.
Arkivi Shtetëror posedon 1 263 fonde arkivore (secili fond në vete përmban numër të madh kutish -arkivore ), 5 miljon mikrofilme me materiale arkivore, 10 811 materiale të digjitalizuara si dhe 1 milon dhe 500 000 kserokopje të materialeve që janë hulumtuar nga arkivet e shteteve tjera. Dokumenti më i vjetër që egziston në Arkivin Shtetërorë është ai i shek. XII
Me posht nje historik te shkurt dhe organizimi i ketij institucioni:

Arkivi Shtetërorë I RM është themeluar më datë 1 prill të vitit 1951. Pas këtij viti deri në vitin 1961 u themeluan edhe nëntë njësi rajonale në mabrë Maqedoninë të cilët janë: Arkivi I Qytetit të Shkupit, Arkivi i Velesit, Arkivi I Kumanovës, Manastirit, Strumicës, Prilepit, Ohrit, Shtipit dhe Arkivi I Tetovës.
Detyra kryesore e Arkivit Shtetërorë të RM-së është të mbledh materialin dhe dokumentet arkivuese, të mbrojë ato, ti rregulloj dhe përpunoj, të mjekoj dokumentet e dëmtuara, të ruaj dhe njekohësisht të mundësoj shfrytëzimin, përdorimin dhe hulumtimin e tyre.
Arkivi Shtetërorë ndahet në 3 sektorë ku ato më pas ndahen në reparte tjera. Sektorët janë:
I. Sektori I përgjithshëm (I cili sektor ndahet në dy reparte):

1 -Reparti për drejtimin e resurseve njerzore- ky repart ka të bëjë më shumë me të punsuarit teknik.
2 -Reparti për AOP-e -Reparti për përpunimin automatik të të dhënave, materialet digjitalizohen, skenohen, mikrofilmohen etj.

II. Sektori për ruajtje dhe mbykqyrje të dokumenteve arkivistike tek poseduesit.rregullimi dhe përpunimi I dokumenteve arkivistike ( ky sektor ndahet në 3 reparte):

1 - Reparti për mbykqyrje inspektoriale- ku kryhet mbykqirje tek institucionet,organizatat tjera ndaj dokumenteve arkivistike dhe të njëjtat më pas duhet të sjellen në Arkivin Shtetërorë.
2 – Reparti për ruajtje të dokumenteve arkivistike tëk poseduesit e tyre – ky repart ka për detyrë të ruaj dhe të mbroje dokumentet tek ata që posedojnë dokumente arkivistike qofshin institucionet shtëtërorë apo private.
3 –Reparti për përpunimin dhe rregullimin e dokumenteve arkivistike- edhe nga vet emri kuptojmë së në këtë repart kryhet rregullimi dhe përpunimi I dokumenteve arkivistike të cilat tashmë gjenden në Arkiv.

III. Sektori për ruajtje, informata, shfrytzim dhe publikim të dokumenteve arkivistike (edhe ky sektor ndahet në 2 reparte):

1 - Reparti për ruajtje të dokumenteve arkivistike në Arkivin Shtetërorë- ku dokumentet ruhen në depo të vecantë.
2 – Reparti për informata, shfrytzim, hulumtim dhe publikim të dokumenteve arkivistike- ky repart më së shumti meret më palët.

per cdo pyetje apo ndihme mund te kontaktoni edhe ne email adresen farukhavziu@yahoo.com

[urtesa]

FLM Faruk per ndihmen qe na ofron rreth arkivit.

[faruk_01]

FLM Faruk per ndihmen qe na ofron rreth arkivit.

ska problem...