Maqedoni-Shqiperi: Ceshtja e vizave

[gt2xf]

Bullgaret e Maqedonise vendosin viza per shqiptaret. Ministia e jashtme duhet t'i pergjigjet me te njejten monedhe bullgareve te maqedonise duke bere te detyrueshem kalimin e bullgareve te maqedonise ne Shqiprer me viza. Perjashtim te bejne shqiptaret e maqedonise qe jetojne atje. Kjo mund te shihet lehte nga emri.....

Gazeta Shqiptare Online URL: http://www.balkanweb.com/gazetav4/index.php?id=27941
Vizat, Maqedonia "mbyll kufirin" për shqiptarët
( 07/01/08) Tedi Blushi

Maqedonia ndryshon procedurat e dhënies së vizave për shtetasit e huaj, përfshi në veçanti edhe ata shqiptarë. Duke filluar nga muaji shkurt, për pajisjen me vizë apo edhe për kalimin tranzit në territorin maqedonas do të aplikohen forma më rigoroze, çka pritet të kufizojnë ndjeshëm lëvizjen e lirë që ka ekzistuar deri më sot. E thënë ndryshe, për të hyrë në fqinjin tonë lindor tashmë do ndiqen të njëjtat procedura si në vendet e Bashkimit Europian. Lajmi është publikuar dje nga e përditshmja "Koha" që botohet në Shkup, e cila citon në shkrimin e saj zëdhënësin e Ministrisë së Jashtme, Sasho Kokallanov. Një prej ndryshimeve të reja është pikërisht vendi i marrjes së vizës. Kompetencat për dhënien e saj do t'i kalojnë shumë shpejt zyrave të përfaqësive diplomatike, duke i përjashtuar pikat e kalimit kufitar, si zyra paralele që kishin të drejtë deri më tani për të pajisur me viza. Ndërkohë, nuk dihet ende se sa do të jetë tarifa e aplikimit për pajisjen me vizë maqedonase. Aktualisht, taksa e pajisjes me vizë në pikat kufitare me Maqedoninë është 10 dollarë.

Garancia

Një prej kushteve të tjera është edhe garancia. Shtetasit shqiptarë nuk mund të pajisen me një vizë hyrëse ose transit, e për rrjedhojë nuk mund të kalojnë territorin nëse nuk kanë ftesë, ose letër garancie nga personi ose institucioni që i fton. Në rregulloren e re, në pikën 5 të saj, thuhet se aplikanti duhet të posedojë dokumente, të cilat vërtetojnë qëllimin dhe rrethanat për qëndrimin e planifikuar në Maqedoni.

Turistët dhe biznesmenët

Turistët dhe biznesmenët shqiptarë do të jenë dy kategoritë që do të preken të parat nga ndryshimi i procedurave të dhënies së vizave. Kërkesat për marrjen e vizës me karakter turistik ose privat, duhet tashmë të shoqërohen patjetër me ftesë nga personi te i cili turisti apo biznesmeni shqiptar do të shkojë për vizitë, ose dokumente që vërtetojnë pagesën e shërbimeve turistike, të rezervimeve turistike ose të udhëtimeve në grup. Për vizita zyrtare duhet të posedohet ftesë nga organet shtetërore, shoqëri tregtare ose edhe persona juridikë për pjesëmarrje në takime ose edhe ngjarje të tjera që lidhen me tregtinë, industrinë e të tjera. Ky vendim i qeverisë maqedonase do të ndikojë edhe tek të gjithë ata turistë apo biznesmenë që për të udhëtuar në rrugë automobilistike drejt Bullgarisë, Rumanisë, Turqisë apo vendeve të tjera të Lindjes, duhet të kalojnë patjetër transit nga Maqedonia. Pasi edhe për kalimin transit është e nevojshme pajisja me vizë maqedonase.

Studentët

Nëse shtetas shqiptarë do të kërkojnë të pajisen me vizë me qëllim për të ndjekur studimet e larta, kurse ose kualifikime të tjera profesionale në Maqedoni, duhet të kenë me vete edhe vërtetimin nga institucioni përkatës.

"Mbyllja" e kufirit

Shtetasit shqiptarë janë ndër të vetmit fqinjë të Maqedonisë që do të preken nga forma e re e aplikimit të vizave, për arsye se Maqedonia me Serbinë dhe Kosovën nuk aplikon viza si edhe për dy fqinjët e tjerë, Greqinë dhe Bullgarinë, anëtare të BE-së ndaj të cilave e ka ndërprerë regjimin e vizave. Rregullorja e re në Ambasadës e Maqedonisë në Shqipëri pritet të zbatohet në muajin shkurt, ndërsa gjatë kësaj periudhe shtetasve shqiptarë i jepet mundësia që të informohen më shumë për ndryshimet e reja. "Lëvizjet e shtetasve mes Shqipërisë dhe Maqedonisë janë të mëdha, ndryshimet e reja nuk do t'i kufizojnë, por kanë qëllim që të kryhen sipas standardeve evropiane. Eliminimi i dhënies së vizave në kufi, përveç disa rasteve tepër urgjente, është një prej kushteve të BE-së për të reduktuar numrin e dhënies së vizave në kufi, që vetëm vitin e kaluar arriti në 75 mijë", - ka sqaruar për të përditshmen maqedonase "Koha", zëdhënësi i Ministrisë së Jashtme, Kokallanov.
__________________

[vagabondo_nyc]

Ky eshte kulmi!

Shteti me i dhi.er ne e'vrop si maqidonia qe te te jap vize duhet garanci.


Ku te mbyten shqiptaret e shkrete te kisha fuqi ti coja ne ameriken latine ne kufi me venezuelen.


Maqedonia i thote evropes tani kufijte i kam te sigurt nuk eshte han pa porta ktu si ne shqiperi ....dmth me pranoni ne bashkimin evropian

[drity]

Shteti me i dhi.er ne e'vrop si maqidonia qe te te jap vize duhet garanci.

njoni ne nje forum e kishte permbledh shume mire esencen e ketij shteti; "Alexander the Great Fans Club"

[Faik]

Ajde Ajde...

Erdhi dita qe shqiptari duhet te paguaj lek dhe te jete i pajisur me nje mori dokumentacioni per tu pare vellezerit ne anen tjeter te kufirit (ne trojet te vete)

SKANDAL, ABSURD, AKT THJESHT TRASHANIK SLLAVE, NUK THOTE POPULI KOT "KOKE BULGARI"

Oh vellezer ka vetem nje zgjedhje kjo pune, ti japim fund kesaj krijese artificiale me emerin FYROM dhe ti bashkojme trojet tona ne nje shtet te vetem kombetar me emerin e bukur "SHQIPERI"

[xhori]

nuk eshte faji i maqedonis per kete gje
jane direktivat e BE, me qe maqedonia pritet te hyje ne BE dhe si cdo shtet i BE vendos rregullat per pajisjen me vize te shteteve ''ekstraterrest'' sic jemi ne, dhe ska fare per tu habitur deri nga viti 2020 kur shqiperia dhe bosnja do te futen ne BE me viza do te jemi gjithmone
prandaj o burra, per te gjetur nje nenshtetesi tjeter per te levizur lirisht

[Renea]

Kjo tem esht edhe me posht

Cte thuash , i pengon dikujt qe u hapen kufijt dhe qe me ne fund shqiptart e te dy aneve komunikojn me leht mes tyre . Para disa diteve pash ne Tv si shqiptaret nga Shqiperia vinin blenin mallra ne Diber dhe te dy palet ishin te kenaqur edhe shqiptaret e Dibres sepse ju shiteshte malli edhe ata qe blenin ishin te kenaqur sepse cmimet ishin me te lira.
Dhe ja menjeher dikush don te pengoje ket gje, asgje te hajrit nuk pam nga partia shqiptare ne pushtet , ato punojn kunder shqiptarve, perndryshe vizat nuk vlejn per asnje fqinj tjeter pervec Shqiperis. Cka dmth kjo ?

[drague]

o shqiptar kane frike se mos plasi prape.maqedoni eshte me i keq se serbi.(flas nga pervoja personale).

[Lioness]

(Marre nga Shekulli)

Shtetasit sllavë të ish-Republikës Jugosllave të Maqedonisë, pak vite më parë përshëndetnin protestën e tajvanezes Chang, gazetares së revoltuar pse Konsullata Greke në Shkup nuk i kishte dhënë vizë koleges së saj maqedone, e cila kishte për detyrë mbulimin e aktiviteteve sportive gjatë Lojërave Olimpike të Athinës 2004. Te revolta e Chang maqedonët panë vetveten, zemërimin që u ish-mbledhur prej vitesh ndërsa pritnin pafund për një vizë greke, për pushime, punë apo biznes.

Ambasada Greke në Shkup, asokohe e drejtuar nga Gianis Ikonomou, pas takimit me ish-ministrin e Jashtëm maqedon, Slobodan Casule, nuk u mjaftua me shkarkimin e zyrtarit të konsullatës greke, por nxiti lehtësime të mëtejshme të dhënies së vizave, duke shtuar personelin dhe duke thjeshtuar procedurat. Maqedonasit i merrnin vizat greke në një copë letër në vend të një vule në pasaportën e tyre, sepse autoritetet greke nuk i njihnin vizat e vendeve të BE-së në pasaportat maqedonase. Kështu kishte rrjedhur diskriminimi grek ndaj maqedonëve, për shkak të luftës së vështirë të Shkupit për të fituar njohjen e emrit nga Greqia, pas shkëputej nga ish-Jugosllavia në vitin 1991. Lufta për emrin vazhdon sërish sepse Greqia e akuzon Maqedoninë se ushqen ambicie territoriale ndaj provincës veriore të Greqisë, e cila ka të njëjtin emër. Shteti helen fillimisht nuk pranoi të njihte fare pavarësinë e fqinjit të saj të vogël, duke vendosur edhe embargo tregtare, e cila u ndërpre në 1995, kur dy vendet nënshkruan një Marrëveshje Mirëkuptimi.

Në fillim të vitit 2008, shtetasve shqiptarë u duhet një "Chang". Pak disa javësh qeveria maqedone do të vendosë në fuqi masat shtrënguese, sipas të cilave, shqiptarëve do t'u duhet ta marrin vizën në Tiranë, kundrejt një garancie pasurore, apo ftese nga mikpritësi, ndërsa deri më sot, këtë vizë e marrin në kufi. Tirana jozyrtare e ka komentuar një hap prapa vendimin e qeverisë maqedone, por ende nuk ka një reagim zyrtar.

Historikisht, qeveritë e Tiranës kanë mbajtur një qëndrim inferior para fqinjit lindor. Kur Greqia bllokoi kufijtë dhe vendosi embargon tregtare ndaj FYROM-it, Shqipëria u hapi Portin e Durrësit maqedonëve. Ky segment ishte shpëtimi për ekonominë e varfër maqedone, por dëmtoi rrugët e Shqipërisë, sepse mallrat tranzitoheshin me trajlerë. Dëmtimi i rrugëve ishte aq problematik për maqedonët, saqë projekti hekurudhor që shkon bashkë me Korridorin 8, Shqipëri-Maqedoni-Bullgari, vlerësohet nga Shkupi zyrtar si shumë ekonomik.

Shqipëria u tregua bujare edhe me emrin. Në shumë dokumente zyrtare të Tiranës, fqinji i vogël emërtohet thjesht Maqedoni, një emër që e ka njohur vetëm SHBA dhe kjo nuk është kaluar pa vënë re nga Greqia, vendi i dytë për nivelin e marrëdhënieve tregtare me Shqipërinë, ku punojnë dhe jetojnë rreth 1 milionë shqiptarë dhe vendi që kontrollon biznese shumë të rëndësishme për Shqipërinë, siç janë telekomunikacioni dhe furnizimi me karburante.

Maqedonia vetëm ka përfituar prej Shqipërisë. Ka përfituar nga përulësia e saj, edhe atëherë kur qindra shqiptarë nga zonat kufitare, si Librazhdi apo Dibra vriteshin në mënyrë makabre edhe në tokën shqiptare prej kufitarëve maqedonas, edhe kur torturoheshin në burgjet e Shkupit. Tirana nuk protestoi as në pranverë 1999, kur dhjetëra-mijëra kosovarë të dëbuar nga Millosheviçi maltrajtoheshin në kampe në veri në Maqedonisë, vetëm pse kërkonin pak ujë dhe një copë bukë. Nuk janë ndier edhe kur Gjykata Kushtetuese e Maqedonisë vendosi nëntorin e shkuar të hiqte përdorimin e flamurit shqiptar në institucionet ku ka shumicë shqiptare, ashtu siç parasheh Marrëveshja e Ohrit e nënshkruar për të pranuar shqiptarët e Maqedonisë si element shteformues në ish-Republikën Jugosllave dhe ku ata janë të dytët pas sllavëve maqedonas.

Qeveritë shqiptare nuk kanë bërë as pendesën më të vogël, kur pas nënshkrimit të Marrëveshjes së Tregtisë së Lirë, tregjet shqiptare u pushtuan prej mallrave maqedone, që kanë çmim të lirë prej mbështetjes buxhetore, përballë fermerëve të telendisur shqiptarë që jo vetëm nuk mbrohen nga politikat e qeverive shqiptare, por shohin me dhimbje se si u kalben prodhimet BIO dhe shiten OMGJ-të e huaja dhe viçat hormonalë.

Megjithatë, qeveritë shqiptare kanë heshtur. Dikur në Samitin e Selanikut, në vitin 2003, u sugjerua se përpara se të arrinin futjen te Marrëveshja "Shengen", vendet e rajonit të arrinin "Shengenin ballkanik". Për këtë ide kanë mbetur pak vende, sepse Rumania dhe Bullgaria janë anëtare të BE-së, megjithëse jo pjesëmarrëse në "Shengen", ku janë tashmë Sllovenia (prej dy javësh) dhe Greqia (prej shumë vitesh).

Qeveritë sërish do të heshtin, megjithëse në kufi mund të vriten prej kufitarëve maqedonë banorët e fshatrave kufitarë që nuk kanë 10 euro për vizën, apo garanci, por duan të shkojnë te të afërmit e tyre të një gjaku matanë. Tregtarët do të rropaten për të kaluar tranzit për në Greqi, apo Turqi, turistët do të zbythen.

Qeveria ndërkohë është shumë e zënë, sepse po proklamon liberalizimin e vizave me BE-në, pas të cilës fshihen shumë pikëpyetje. Shqiptarëve ndërkohë u duhet një "Chang", megjithëse në Shqipëri nuk kemi një qeveritar syptrembur që do të thërriste ambasadorin maqedon në sqarime, e jo më t'i kërkonte liberalizim procedurash.

Së fundi, a nuk është një metodë e bukur, alla-bullgare për t'ua "futur" shqiptarëve. Sepse Shkupi nuk mund ta harrojë se si, pak vite më parë, 20 mijë sllavë maqedonas u konvertuan në bullgarë për një pasaportë shengen dhe pse të mos konvertohen në maqedonë edhe ata shqiptarë që duan një vulë maqedone?

[Faik]

KOMUNIKATË

Viti 2008 pritet të jetë viti vendimeve të rëndësishme për Ballkanin. Maqedonia,Shqipëria dhe Kroacia presin ftesat për samitin e Nato-s dhe vlerësimet lidhur me përmbushjen e kushteve për integrim në Bashkimin Evropian.


Pavarësia e Kosovës do t’i jep karakter historik këtij viti. Përballë orientimit të demokracive perëndimore në krye me SHBA-të që procesi i pavarësimit të Kosovës të përfundojë në përputhje me frymën euro-atlantike dhe realitetin e ri të krijuar pas luftës clirimtare, qarqet antishqiptare në regjion dhe më gjerë janë mobilizuar për të penguar rrjedhat historike.


Kërcënimeve të Serbisë se do ta izolojë Kosovën në rast të shpalljes së Pavarësisë iu përgjigj pozitivisht Qeveria VMRO-PDSH.


Vendimi që të aplikohen vizat ndaj qytetarëve të Shqipërisë në mënyrë analogjike si shtetet e BE-së dëshmojnë se kjo logjikë antishqiptare merr edhe dimension strategjik në këtë moment kur të gjitha vendet që synojnë integrimet euro-atlantike duhet të përmbushin kriteret e funksionimit në përputhje me vlerat perëndimore.


Në kundërshtim të plotë me të gjitha sugjerimet e institucioneve euro-atlantike që të zgjerohet bashkëpunimi dhe fryma e integrimeve rajonale, ku liria e qarkullimit të njerëzve, mallërave dhe vlerave të dominojnë përballë tendencave izolacioniste, Qeveria e Maqesonisë merr vendim për ndryshimin e regjimit të vizave me qëllim që të pengojë qarkullimin e lirë të njerëzve, vlerave dhe sidomos të mallrave në rast të bllokimit serb.


Ky vendim paraqet një provokim të rradhës në vazhdën e provokimeve të Qeverisë antishqiptare VMRO-PDSH. Bashkimi Demokratik Shqiptar dënon ashpër këtë politikë dhe të gjithë demokratët që të ushtrojnë presion për anulimin e këtij vendimi.


Marrëdhëniet e Maqedonisë me Kosovën dhe Shqipërinë nuk mund të jenë ekskluzivitet I vendimeve të institucioneve shtetërore të këtij shteti.


Pa konsenzus me shqiptarët vendimet e institucioneve shtetërore ku dominon logjika e funksionimit antishqiptar, janë vendime të njëanshme dhe nuk kontribuojnë për stabilitetin e vendit dhe të rajonit. As PDSH-ja, as kushdoqoftë tjetër nuk ka legjitimitet të përfaqësojnë shqiptarët në vendimet antishqiptare. Ata mund të përfaqësojnë vetëm veten dhe askend tjetër!



Bashkimi Demokratik Shqiptar

Tetovë, 08 Janar 2008

http://www.bdsh.eu/bdsh/komunikata_B...viza_2008.html

[RaPSouL]

Maqedoni, dhoma e Tregtise leter Gruevskit: Jo veshtiresimit te vizave me Shqiperine

Nëpërmjet një apeli publik biznesmenët maqedonas e kanë konsideruar “implikim serioz për ekonominë e vendit” marrjen e këtij vendimi.

Oda Ekonomike e Maqedonisë veriperëndimore kërkoi dje nga qeveria e Shkupit të tërhiqet nga vendimi për të rikthyer regjimin e vjetër të vizave për shtetasit shqiptarë. Nëpërmjet një apeli publik dhe një letre zyrtare drejtuar Kryeministrit Nikolla Gruevski, biznesmenët maqedonas e kanë konsideruar “implikim serioz për ekonominë e vendit” marrjen e këtij vendimi. Duke i konsideruar biznesmenët shqiptarë si disa prej partnerëve më të mëdhenj, ata shprehen se nëpërmjet ndryshimit të procedurave të pajisjes së tyre me viza Maqedonia do ketë jo vetëm rrjedhoja negative në zhvillimin ekonomik, por edhe një izolim kufitar në rast se në të njëjtën mënyrë do të reagonte edhe Republika e Shqipërisë. “Kërkojmë nga qeveria ta shfuqizojë vendimin dhe të heqë regjimin e vizave, për të ndihmuar lëvizjet pozitive ekonomike të cilat tashmë dallohen qartë në Maqedoni”, - vijon mandej apeli i Odës Ekonomike të Maqedonisë Veriperëndimore. Njoftimi sqaron gjithashtu se kjo Odë kërkon së bashku me tërheqjen nga një vendim i tillë edhe pezullimin në tërësi të vizave me shtetasit shqiptarë. Pasi sikundër argumenton “kjo do të ndikonte në dhënien e impulsive të reja ekonomike për vendin”. Ndërkohë paralelisht me këtë qëndrim biznesmenët maqedonas kanë kërkuar edhe nga qeveria e Shqipërisë heqjen e regjimit të vizave për të gjithë shtetasit e Maqedonisë me arsyetimin se “e gjithë kjo në favor të zhvillimit rajonal në rrugën drejt integrimit të përbashkët në Unionin Europian dhe Aleancën Veri-Atlantike”, - përfundon apeli në fjalë. Dy ditë më parë, Ministria e Punëve të Jashtme të Shqipërisë nëpërmjet një deklarate për shtyp bëri të ditur rifillimin e negociatave intensive me palën maqedonase për ruajtjen e regjimit aktual të pajisjes me viza për shtetasit shqiptarë.
Procedurat e reja
Procedurat për marrjen e një vize për të hyrë në Maqedoni do të jenë më rigoroze duke filluar nga muaji shkurt. Për t’u pajisur me një vizë hyrëse apo edhe për të kaluar transit në territorin maqedonas, shtetasve shqiptarë do t’u duhet të aplikojnë në një formë më rigoroze, të ngjashme me procedurat e aplikimit në vendet e BE-së. Disa prej ndryshimeve të reja janë vendi i marrjes së vizës në ambasadë, duke i përjashtuar pikat e kalimit kufitar si edhe një prej kushteve të tjera është edhe garancia.

Balkan