Kontrabandë kompjuterash nga Londra në Tiranë

[Shijaksi-London]

Kontrabandë kompjuterash nga Londra në Tiranë

39 lap-top me vlerë mbi 50 mijë euro transportoheshin nga kompania “Alban Travel”

Nga Londra
Muhamed Veliu


Për herë të parë në historinë e doganeve shqiptare, kapet mall kontrabandë nisur nga Anglia me destinacion Shqipërinë.Doganjerët e pikës kufitare të Hanit të Hotit kanë mundur të bllokojnë 39 lap topë si edhe një sasi tjetër mallrash të padeklaruar në kamionin e kompanisë “Alban Travel” nisur nga Londra.

Burime nga antikontrobanda e qytetit të Shkodrës pohojnë se subjekti tregtar “Alban Travel” rregjistruar si biznes në Londër me president Besnik Berishën, kishte deklaruar se në kamionin e kësaj kompanie, kishte vetëm 2 ton rroba të përdorura.

Në fakt doganjerët shqiptarë nëpërmjet burimeve të tyre të inteligjencës në Angli ishin vënë në dijeni se kamioni “Alban Travel” brënda tij mbante mall të padeklaruar, që do të tentonin ta fusnin kontrabandë pa paguar detyrimet fiskale.

Ky informacion ka vënë lëvizje agjentët e antikontrabandës të cilët kanë pritur ardhjen e kamionit.

Me të mbërritur në pikën doganore të Hanit të Hotit, shoferi kamionit ka paraqitur një dokument ku deklaronte se kishte vetëm 2 ton rroba, që të gjitha për ti dërguar në familjet e emigrantëve.Pasi është marrë ky dokument dhe shoferi është ri-pyetur nëse kishte mall të padeklaruar përgjigja e tij ka qënë “jo”.

Agjentët e antikontrabandës kanë kryer një kontroll të imtësishëm të kamionit.Informacioni që ata kishin siguruar nga Anglia ka rezultuar mëse i saktë.

Njëri prej oficerëve që morri pjesë në këtë operacion në dokumentin e kontrollit ka shënuar se në kamion janë gjetur mallra të padeklaruara. Nga proces vertbali mbajtur për mallrat e padeklaruara rezulton se ato janë 39 lap top (kompjutera portativë), 1 kaldajë, 14 radiatorë, 2 televizorë 40 polësh , 3 ventilatorë, 1 televizor plazma, 1 biçiklete dhe 1 mikrovalë.

Të gjitha këto mallra fillimisht janë sekuestruar. Doganjërët shqiptarë nuk janë në gjëndje të pohojnë se malli ishte blerë nga kompania “Alban Travel” apo thjesht po transportohej prej saj për llogati të personave të tjerë.Për veprime të mëtejshme ky rast i është kaluar për hetim Drejtorisë së Përgjithëshme të Doganave” në Tiranë.

Nga kjo drejtori në mënyrë zyrtare pohojnë se Besnik Berishës pronar i kompanisë “Alban Travel” i është vendosur një gjovë në vlerën 6,374,038 lekë të reja. Gjoba është paguar disa ditë më pas.Megjthatë ky rast kontrabande për sektorin e anti-kontrabandës në drejtorinë e përgjithme të doganave nuk është ende i mbyllur.

Drejtues të këtij sektori pohojnë se janë duke hetuar destinacionin final se ku do të përfundonin 39 laptopat me vlerë mbi 50 mijë euro.Në hetim janë përfshirë edhe disa kompani të tjera shqiptare në Londër që kryejnë po të njëjtin aktivitet tregëtar saktësojnë burime nga doganat shqiptare.

Kompania “ Alban Travel” është themeluar në vitin 2002 edhe është pjesë e “Alban Group” me qendër në veri të Londrës fokusuar në shitjen e biletave të udhëtarëve nga Anglia për Shqipëri dhe transportin e mallrave që emigrantët ja dërgojnë familjeve të tyre.

Që nga themelimi saj presidenti kësaj kompanie Besnik Berisha ka sponspirizuar një sër aktivitetesh sportive dhe social kulturore për komunitetin shqiptarë në Angli, duke ndihmuar në ndërtimin e imazhit të një biznesmeni të suksheshëm.

Berisha është edhe botues i gazetës së përdyjavëshme Albanian Mail në të cilën reklamon shërbimet e kompanisë së tij dhe transportin e mallrave nga Londra drejt Shqipërisë.

[skampin]

pupupu çar te ban spiuni,nga anglia e ka mare vetem e vetem qe ta kapin me 40 lapa topa,kurse ky informuese qe ndoshta mund te jete dora vete kallzuesi e nxjerr direkt ne top çlap.
duket qe ska dore.

[Korbi999]

Bravo u qofte doganiereve.
Te varen hajdutet!
C'na duhen llapat e topat kontrabande, jemi apo jo europiane?!
Si do te rroje shteti yne pa taksa?
.......... e lane fukara kete shtet, gjynah mos qofte.
Salam!

[Qyfyre]

Ishalla shkojnë nëpër shkolla laptopat e konfiskuar

[Xhuxhumaku]

Ishalla shkojnë nëpër shkolla laptopat e konfiskuar

a thua?

lol

te jene te mire dine ku e kn vendin

[_MALSORI_]

eh ja cben rivaliteti midis te ashtequajturve gazetare ne britanine e madhe.ky far shijaksi ne londer qe ne te vertete eshte korrespondenti i top channel-it ne londer muhamut veliu nuk len asnje moment pa vjelle vrere mbi kompanine e suksesshme alban travel ne londer qe eshte njekohesisht edhe financuese e gazetes albanian mail.duke qene ne rivalitet dy gazetat shqiptare periodike ne londer mundohen te gjejne edhe gjelperen ne kashte si e si te shajne njera tjetren..mund ta keni pare ne top channel se si ky ftyre zi vjell vrere edhe per shqiptaret ne londer duke sjelle kronikat me te zeza te komunitetit shqiptar ne londer.nuk e di kur do e haje ndonje dite nga komuniteti shqiptare ketu ne londer pasi vertete me kohe e ka kaluar cakun.