Berisha-Balla: Shahen nga .....

[Teliomenos1]

e mo shoku teli .. i je shtuar dhe ti ketire falangave envero taulanto ballo shyto arapoiste ..
mir ben.. ka nevoje mafia per hungerimet tuaja..


lavdi 3 korrikasve..

qe ju a prene vrullin..ju miljardereve me nick ..socialiste..

te fala albe malltezo fatime ve te anil bash edvin ballave..

kam frike te te them zoti brari se e dyshoj fort qe nuk mund te jesh zoteri ti me kete gjuhe qe perdor lart e poshte forumit.. une mor brar, kur ti dhe kompani i thoshit edhe komshiut 'shoku', nuk e kisha kete mundesi sepse isha i persekutuar familjarisht nga ata falangodashes qe sot udheheqin shqiperine. ti dhe tipat e tjere qe mbroni sharjet e rrugacit komunist berishe dhe fjalorin e tij aq flagrant per cfare do njeri te rregullt, nuk jeni asgje me shume se mbeturinat e atij sistemi qe denoi familjen time.. jeni grahmat e fundit te tij.. ju jeni komuniste te lindur qe vdesin e rrine pa buke deri ne vetmohim vetem qe mos shajne dhe vene me shpatulla per muri idhullin qe ju ka qorruar. dje i faleshit dulles, sot saliut, neser kujt te vije nga komunistoizmi juaj. jeni gjynah.

[Brari]

teli ..leri denglat se ste shkojne..
ne te gjitha shkrimet ketu je cfaqur si nje enverist.. e na thua se qenke persekutuar..
genjeshtar..ose i shitur kok e kembe..



nje lakmus do ti dhe te del boja..

ja po te fus ne banko prove un ty faqe burrave ketu..

cmendon per altin arapin dhe zabit broken?

[Teliomenos1]

teli ..leri denglat se ste shkojne..
ne te gjitha shkrimet ketu je cfaqur si nje enverist.. e na thua se qenke persekutuar..
genjeshtar..ose i shitur kok e kembe..



nje lakmus do ti dhe te del boja..

ja po te fus ne banko prove un ty faqe burrave ketu..

cmendon per altin arapin dhe zabit broken?

qenke vertet i cudicem brar.. enversit dhe tipik diktator eshte ai qe mbron ti ne kete forum.. me nxirr nje post apo qofte nje rresht te vetem qe qenkam me enverin.. si mos shpifni ju kur ju kane mesuar qe ne djep te tille.. me fotografine e dulles prane pije qumeshtin kur ishe bebe.. provokimet i keni mesuar mire ju sigurimsat..

[xani1]

• Nga Tedi Blushi
Kryeministri kanosi Ballën vetëm sepse ky i fundit nga foltorja e Kuvendit deklaroi se “për shkak që ka dalë emri i vajzës së Sabri Godos, kryeministrit i ka plas sherri në shtëpi"

TIRANE-Kryeministri Sali Berisha ka kanosur për vrasje deputetin e opozitës, Taulant Balla. “Ta dish mirë se do të vras! Ti nuk shkel më i gjallë në këtë Parlament. Unë do të të vras!”, - ishin këto fjalët kërcënuese me të cilat shefi i qeverisë paralajmëroi ligjvënësin socialist gjatë punimeve të djeshme kuvendore, që degjeneruan rreth orës 01:50. Jashtë çdo etike morale, me një fjalor tërësisht banal e poshtërues, kryeministri kanosi Ballën vetëm sepse ky i fundit nga foltorja e Kuvendit deklaroi se “për shkak që ka dalë emri i vajzës së Sabri Godos për ministre të Shëndetësisë, kryeministrit i ka plas sherri në shtëpi, se dhe vajza e tij do me u bërë dhe ajo ministre, pse jo dhe kryeministre”. Ndaj Ballës u tentua madje të ushtrohej dhe dhunë fizike nga tre ligjvënësit demokratë, Edi Paloka e Rahim Kaleci si dhe nga ministri i Transporteve, Sokol Olldashi, të cilët disa herë u orvatën ta godisnin atë me grusht në fytyrë. Nga ana tjetër, kryeparlamentarja Jozefina Topalli ka kërkuar ndërhyrjen e Gardës për nxjerrjen jashtë të deputetit Balla, gjë që ka sjellë dhe ndërprerjen më pas të seancës. “Kapeni për zhelesh e nxirreni jashtë!”, - tha Topalli. Por pavarësisht kërcënimeve të saj në adresë të punonjësve të Gardës: “Nxirreni urgjent jashtë atë vagabond, se do ju shkarkoj!”, ata kanë mbajtur një qëndrim vërtet dinjitoz në respekt të ligjit. Më pas opozita ka braktisur punimet, ndërsa shefi i qeverisë ka marrë një kafe për t’u qetësuar.
Përjashtimi
Pas sherrit në seancë, Byroja e Parlamentit vetëm me pjesëmarrjen e anëtarëve të maxhorancës pezulloi për dy javë me 4 vota pro dhe një kundër deputetin socialist, Balla. Në relacionin e vendimit thuhet se Balla ka përdorur një gjuhë ofenduese dhe provokuese, duke krijuar probleme në mbarëvajtjen e Parlamentit. Ka qenë kryeparlamentarja Topalli ajo që propozoi vendimin, i cili u pranua nga anëtarët pjesëmarrës, demokratët Fatos Beja, Ramiz Çoba si dhe nga republikani Arjan Madhi, ndërsa u kundërshtua nga deputeti i pavarur, Spiro Peçi.
Opozita
Opozita ka reaguar ashpër menjëherë pas incidentit të ndodhur në Parlament. PS mblodhi grupin e saj parlamentar, ku për herë të parë pas kaq kohësh ishte edhe kryetari Edi Rama. Pas debateve dhe diskutimeve të shumta u vendos që PS të rikthehet në Parlament, me idenë për të forcuar më shumë luftën opozitare. Por nuk kanë munguar edhe zërat kundër kthimit. Ka pasur deputetë që janë shprehur se të gjithë deputetët duhet të mos shkojnë në seancë për 15 ditë, aq sa është dënuar Balla. Propozimi tjetër ka qenë që PS të kërkojë ngritjen e një komisioni të posaçëm për verifikimin e gjendjes shëndetësore të kryeministrit.

Biseda e plote ne parlament
Taulant Balla
Të nderuar kolegë deputetë, një ndër arsyet më të rëndësishme që kryeministri është larguar më herët se të gjithë deputetët nga seanca sot, është që për shkak se ka dalë emri i vajzës së Sabri Godos për ministre të Shëndetësisë, kryeministrit i ka plas sherri në shtëpi se dhe vajza e tij do me u bërë dhe ajo ministre pse jo dhe kryeministre. Të nderuar kolegë deputetë, përballë një kryeministri dhe qeverie mashtruese, është e kotë që në analizën e këtij buxheti të hyjmë në detaje dhe shifrat e tij.
(ndërhyn Sali Berisha)
Jot mëmë dhe jot shoqe çfarë do të bëhet, jot motër ç’do të bëhet?
Taulant Balla
Po s’e di..
Sali Berisha
Ç’do bëhet, fundërrinë jot motër?
Taulant Balla
Ej, mbush ti mor..!
Sali Berisha
Fundërrinë do të bëhet jot motër? Prostitutë motelesh do të bëhet?
Taulant Balla
Po si nuk të vjen turp mor, ej po ç’je ti mor..
(Berisha i bën me shenjë Topallit)
(ndërhyn) Jozefina Topalli
Ulu zoti Balla, ulu, ulu! Në fakt, ky e meriton me e kap për zhelesh e jashtë!
Sali Berisha
Dëgjo o qelbësirë muti më kupto apo jo. Jot motër të shkër... hoteleve apo moteleve? S’të vjen turp..
Taulant Balla
O zotëri të vijë turp për këto që thua. Ja ky është morali i kryeministrit tonë. Po pusho, mor pusho! Ç’është ky mo, ky është i çmendur mo.
Sali Berisha
Qepe o shkër…
(Deputetët çohen në këmbë. Edi Paloka i afrohet foltores dhe shtyn me dhunë Taulant Ballën. Ndërhyn Andis Harasani duke e tërhequr pas Palokën)
Jozefina Topalli
Kapeni e nxirreni jashtë atë zotërinë, kapeni e nxirreni jashtë. Vagabond, ik andej ik. Dil jashtë edhe nuk hyn më!
Sali Berisha (çohet në këmbë dhe u drejtohet deputetëve të PS)
Nuk u bë ky me përmend nji e dy vajzën time, ky vëllai i prostitutës
(Deputetët e PS)
Ça thu mo, a je në terezi!
Jozefina Topalli (u drejtohet deputetëve të PS)
Ju duhet t’i tërhiqni vëmendjen atij!
Sali Berisha (i drejtohet Taulant Ballës duke e kërcënuar)
Ta dish mirë se do të vras! Ti nuk shkel më i gjallë në këtë Parlament. Unë do të të vras!
Taulant Balla
Hajde more. Ik o i çmendur!
Jozefina Topalli
Ndërpritet seanca, ai zotëria del jashtë
(Të gjitha mediave vizive u ndërpritet sinjali. Vetëm televizioni publik TVSH vazhdon transmetimin)
Jozefina Topalli (çohet në këmbë dhe i afrohet podiumit ku ulet qeveria dhe urdhëron oficerët e Gardës ta nxjerrin Ballën me dhunë jashtë)
Nxirreni jashtë atë vagabond, urgjent tani. Mos më shikoni ashtu se do ju shkarkoj
(Garda nuk ndërhyn)
Sali Berisha
Do ta mbyll gojën o shkër…
(Rahim Kaleci ushtron dhunë ndaj Taulant Ballës, duke tentuar ta godasë me grusht por frenohet nga deputetët e PS-së. Ministri i Transporteve, Sokol Olldashi çohet i irrituar në këmbë dhe tenton gjithashtu të godasë me grusht Taulant Ballën. Ai gjithashtu frenohet nga deputetët e PS-së. Në këtë moment deputetët e PS-së bashkë me Ballën largohen të gjithë nga salla).
(d.b/GazetaShqiptare/Balkanweb)

Tekst origjinal, për dramë origjinale që nuk do të duhej ta shihnin fëmijët nën 18 vjeç.

[JestersWorld]

Familja e kryeministrit dhe zogjtë e bollave

24.07.2008


E kam fjalën për sherrin në Parlamentin e vendit tim natën e së hënës të 21 korrikut 2008 mes një deputeti të pakulturë, të trashë denbabaden, të padijshëm, karrem, mashë, bir kompleksesh të pafundme, që e flet me komplekse edhe gjuhën e nënës (... kryeministrit i ka plas sherri në shtëpi, se dhe vajza e tij do me u bërë dhe ajo ministre, pse jo dhe kryeministre...), si të huajt që s’e dinë shqipen mirë (a thua të jetë shqiptar nga rrënjët ky shakllaban, pispilluq, sharlatan i paedukatë), dhe Kryeministrit të vendit tim, që vetëm u mbrojt, që vetëm mbrojti fëmijën e tij, vajzën e tij, siç do të bënte çdokush që i thotë vetes njeri.
Që në krye po them se po të mos bënte ashtu siç bëri Kryeministri im Sali Berisha, po të mos reagonte ashtu siç reagoi (biles, pak dhe butë reagoi) nuk do të ishte Kryeministër i imi. Nuk do ta pranoja thellë vetes sime si Kryeministër. Do të ndjehesha shumë keq i fyer, i përbuzur, i përbaltur, i mundur, i zhgrryer, i frikësuar, i prerë në besë, nëse Sali Berisha nuk do të reagonte ashtu siç reagoi. Sepse do të ndjehesha krejt krejt i pasigurtë unë në dorën e tij, nën drejtimin e tij, nën mbrojtjen e tij. Nëse ai nuk do t’i dilte zot vetës së tij, fëmijës së tij, vajzës së tij, si mund të shpresoja e të ëndërroja unë se mund të më mbronte mua, qytetarin Kryeministri im.
Shakllabani, sharlatani, karabullaku, zog bolle, provokatori i ultë e i pacipë doli qëllimshëm të fyente Kryeministrin dhe vajzën e tij, familjen e tij. Doli me qëllim të qartë të zbatonte këshillat që ia kanë dhënë, të fyente. Dhe kur mori përgjigje, u ndje i fyer, u mek. Se atij i dhembi për familjen e tij, por nuk mendoi kur fyu familjen e tjetrit. Shumë i paedukatë. Ai nuk mund ta bëntë atë gjest rrugaçëror me ansjë njeri, me asnjë deputet dhe aq më pak mund ta bënte me kryeministrin e vendit apo titullarët e tjerë të lartë të shtetit. Ç’punë kishte ai shakllaban me familjen e Kryeministrit. Pse duhej nga foltorja e parlamentit të flitej pa asnjë shkak për familjen e Kryeministrit apo vajzën e Kryeministrit. Pse duhej? Sali Berisha reagoi. Me të drejtë. Nuk mund të reagojë ai që e ka bishtin të shkelur. Ai që nuk ka kë mbron, ai që nuk ka kujt t’i dalë zot, ai që e din se nuk i zën vend mbrojtja, se nuk mbrohet e keqja. Por Sali Berisha ka kë mbron, se e ka të shenjtë familjen, i ka të shenjtë fëmijët dhe të gjithë thonë bindshëm se fëmijët i ka shembull.
Mbase duhet t’i tregoj lexuesit se kurrë në jetën time nuk e kam parë apo takuar Argita Berishën, vajzën e Kryeministrit, përveçse ia kam parë foton në shtyp, kurrë nuk e kam parë djalin e Kryeministrit, kurrë nuk e kam takuar dhe as kam folur me Sali Berishën apo zonjën e tij. Por unë e nderoj për përkushtimin që ka, për seriozitetin që ka, për punën që bën, për ndryshimet që po bën në Shqipëri. Dhe e di se nuk ka në dorë çelsat e gjithçkaje në këtë vend, se ndryshe ne do të ishim prej kohësh vend anëtar i Nato-s, anëtar i BE-së, do të ishte ndërtuar prej kohësh arteria e shqiptarëve Vlorë - Durrës - Kukës - Prishtinë, etj etj.
Sali Berisha pra u mbrojt. Siç do të bënte çdo shqiptar i mirë.
U ndje e fyer opozita. Opozita që nuk din më të opozitojë. Opozita që vetëm me moralin ka probleme, me familjen ka probleme. Edhe ajo opozita që u turr të shqyente Kryetaren femër të Parlamentit shqiptar. Ajo opozita e mocionit të leshit kundër kryetares së kuvendit që deklaroi edhe pas sherrit se don ta aktivizojë mocionin e leshit kundër saj. Edhe ajo opozita që nuk e din se çfarë është familja, gruaja, fëmija. Edhe ajo opozita që ngre në krahë hopa fëmijët e botës duke luajtur top pa ngritur kurrë në krahë hopa e pa përkëdhelë kurrë fëmijët e vet. Edhe ajo opozita që nuk e ka për gjë t’i shahen padrejtësisht fëmijët, gratë, motrat, vëllezërit. Ajo opozita e atyre sorollopëve që pse mushkat e dikujt prishën vijën e ujit të mullirit, doli njëri trim dhe vrau mushkat me pushkë!!! Opozita e baballarëve e bijve mushkëvrarës. Opozita e atyre të gjashtëve drejtuesve të shtabit partizan (shtetarë të rëndësishëm më vonë në shtetin komunist) që e dënuan me pushkatim bijën e botës pse dyshonin ose donin të ishte e vertetë të ishte puthë me partizanin... Ajo opozita e bijve të atyre që hodhën në erë varrin e Nënës Mbretëreshë... Ajo opozita e atyre që kanë ditur gjithmonë të përdhosin varret, të pshurrin mbi varre, të vjedhin varret, të dëbojnë eshtrat, të hedhin në lumë eshtrat e njerzve, të fshehin eshtrat. Ajo opozita e atyre që fyejnë varret, që fyejnë kufomat, që pordhosin kufomat. Opozita e atyre që e dinë mirë se si dhunohen varret edhe të të afërmve...
Ajo opozita që s’e ka për gjë të dalë me bythë e hallate jashtë, të bashkëjetojë e kurvërojë në çeta e grupe ilegale kurvërimi. Ajo opozita që nuk e din dhe as e kupton vlerën e familjes. Dhe del dhe kritikon Berishën. I thotë të kërkojë falje. Kujt t’i kërkojë falje? Kaq shumë cinizëm kundër Berishës, që i ofrojnë shansin apo mundësinë të tjetërsohet, të mos jetë ai që është. Nëse do të ishte tjetër e nëse do të ishte ndryshe nga sa u tregua atë natë Sali Berisha, vërtetë duhej të dilte e të kërkonte falje shqiptarëve se nuk do të ishte i zoti të donte e të mbronte familjen e tij e vajzën e tij. Mua përsonalisht duhej të më kërkonte falje nëse do të bënte ndryshe, nëse do të kthente faqen tjetër. Por duhet të kesh familje, duhet të kesh fëmijë, duhet të kesh vajzë që ta kuptosh se çdo të thotë të duash e të mbrosh familjen tënde e vajzën tënde. Këtu ku përmenda faqen tjetër, po shtoj diçka për Jezu Krishtin që e lexova në Gazetën 55, prej të madhit Gjergj Fishta. “I lumi Jezu Krisht Herodin e pat quejt dhelpen; per Farizej pat thanë se janë zogj bollash; kur Sh’Pjetri muer me e kshillue, që të mos diste m’kryq per njerz, i thotë : M’u hiq, eh djall; mos m’shtje në të keq... Ma teper, i lumi Jezu Krisht, tue pa se tempulli i Jeruzalemit ishte ba pazar prej njerzve të kqi, aj, që ishte zemer-butë e i përvujtë- e që kishte msue me dashtë edhe anmikun – s’u tha, jo, atyne njerzve të kqi : por muer nji kamzhik në dorë e pa i pvetë se ku u dhimbte a ku u digjte, filloj me t’i rrahë pa kurrfarë mshiret...”. Të mos bësh atë që bëri Sali Berisha, të mos reagosh e të mos mbrosh fëmijën tënd, familjen tënde, do të thotë të jesh krejt i degjenëruar, do të thotë të mos e kesh problem nëse ta shajnë gruan, motrën apo vajzën. Do të thotë që duhet të ketë të drejtë sharësi e fyesi, do të thotë se ke familje, grua apo vajzë llom e plot vese. E çfarë faji ka Sali Berisha pse vajza e tij Argita që jeton në familjen e saj, që ka jetën e saj, nuk ka vese. Çfarë faji ka Argita Berisha që nuk ka vese. Që nuk vjedh buxhetin e këtij shteti. Që punon në punën e vet. Që fiton nga aftësitë e veta. Që edhe pa e detyruar ligji, por vetëm për transparencë tregoi pasurinë. Apo është faj i saj pse punon privatisht. Sepse kolopuçët e sotëm komunistë-socialistët e rinj janë kundër aktiviteteve private. Janë kundër profesionit të avokatit apo juristit. Kujt i dhemb kaq fort që Argita Berisha nuk ka vese. Kujt i dhemb që ajo nuk përdor fondet publike, që nuk vjedh në shtet. Kujt i dhemb që familjen e Sali Berishës shqiptarët e marrin si model. Kujt i dhemb pse për familjen Berisha nuk dëgjojmë telenovela tradhëtie, abuzimi, droge, prostitucioni, burgosje. Kujt i dhëmb pse Sali Berisha jep shembullin se si duhet të mbrohet familja shqiptare. Por këtë veshtirë ta kuptojnë ato që e shohin familjen dhe shtëpinë si banorë dy-tre orësh apo një natësh të një moteli, hoteli apo konvikti të përbashkët. Vështirë ta kuptojnë ato që shesin gjithë pasuritë e vjedhura për të shpëtuar fëmijët nga droga apo prostitucioni. Vështirë ta kuptojnë ato që nuk dinë kë kanë grua apo dashnore dhe nuk dinë se me sa vajza apo djem shkojnë fëmijët e tyre për të fituar eksperiencë kurvërishte për jetën. Vështirë ta kuptojnë ato që nuk e dinë se çdo të thotë familje shqiptare, traditë e kësaj familje. Vështirë ta kuptojnë ato që kanë spiunuar babain e tyre, nënën apo motrën e tyre. Vështirë ta kuptojnë modernët tanë se ç’do të thotë të duash e të mbrosh familjen, të duash e të mbrosh fëmijët e tu. Në atë Parlament, të gjithë mbajmë mend se si janë bërë si bisha deputete e deputetë të ndryshëm, të lartë në poste ose jo, kur u janë përmendë krimet, vjedhjet e maskaralleqët që kanë bërë fëmijët e tyre, vrasjet apo përdhunimet që kanë bërë fëmijët e tyre. Por u janë thënë me fakte dhe sërish ata deputetët-prindër të fëmijëve që kanë bërë krime, kanë ulëritur e janë lebetitur, janë çjerrë në mbrojtje të fëmijëve të tyre, edhe pse e kanë ditur se fëmijët e tyre edhe kanë vrarë njerëz. Të gjithë mbajmë mend se në atë parlament janë vrarë njerëz, janë derdhë plumba, është derdhë gjak. Nga opozita e sotme kanë ndodhur të gjitha. Ulërijnë opozitarët.
Po Sali Berisha që u fye, a nuk është njeri si gjithë ne. Po familja e tij, fëmijët e tij, a nuk janë si gjithë të tjerët. Të bësh tabelë qitje familjen e Kryeministrit, fëmijët e tij është maskarallëku më i madh që po ndodh ndër ne. Është akti më i spnsorizuar kundër Sali Berishës. Edhe ato që betohen me duar të palara mbi Bibël apo Kuran, që betohen se kanë mbërthyer në grushtet e tyre të pista të vërtetat e këtij vendi dhe se janë e verteta vetë, janë të shumësponsorizuar nga antiberishët për të përbaltur Sali Berishën. Dhe për ta përbaltur e denigruar në gjënë më të shënjtë të tij, në familjen. Por ato sponsorizuesit dhe të sponsorizuarit për të denigruar familjen Berisha dhe kështu vetë Berishën, për ta bërë të sigurtë humbjen e Berishës në zgjedhjet e ardhshme, harrojnë vetëm një gjë të vockël. Harrojnë që kjo Shqipëria jonë është kaq e vogël saqë nuk mbetet gjë pa u marrë vesh. Harrojnë se në këtë Shqipërinë tonë ka kaq shumë vullnetarë që të tregojnë gjithçka e për këdo sa është e pabesueshme. Ata antiberishët, një çetë e vogël ish-lëpirësish të Berishës dhe të pushtetit të tij prej gati dy dekadash, ata që kanë përfituar prej tij, nga shpirtmadhësia e tij, nga besimi që ai u ka lëshuar, që aktualisht kanë vënë syze dhe na diktojnë të gjithve që duhet ta shohim Shqipërinë dhe Sali Berishën me syzet e tyre, që duan të na i venë edhe ne syzet e tyre, i kanë çiftet apo pushkët me kripë ose ujë dhe e kanë barutin të lagur. Nuk u shkrep kundër Sali Berishës ndonëse hedhin shashka përditë. Ata miqtë e djeshëm, lëpiresit e djeshëm, eminencat e neveritshme të djeshme, shërbetorët spiunë, bij spiunësh e komunistësh duarpërlyer me gjak, nuk kanë asnjë të drejtë të na japin falas urrejtjen që kanë për Sali Berishën, të na ushqejnë me urrejtje për Sali Berishën, pse Sali Berisha ua vuri kufirin te thana. Pse Sali Berisha u tha, mjaft më vodhët poste, ofiqe e pasuri, mjaft abuzuat me mua e me emrin tim, se nuk paski patur masë në shpërdorime dhe paski qenë të pangopur. Pra ajo çetë antiberishë që llomotit përditë e përnatë, si të vetmit mentarë të këtij vendi, nuk mund të kenë besueshmërinë sepse janë si plehrat në qese që i flak Sali Berisha sepse kanë ndotur edhe Sali Berishën pabesisht duke u hequr si miq të tij.
E ndërsa Berisha hesht, miqtë nuk sillen si miq e të heshtin por me të gjitha armët e mundshme luftojnë Sali Berishën se paguhen rëndshëm për këtë vepër.

Nga Rexhep Shahu

Rexhep Shahu qenkerka dhe me **** se kryeministri i tij. shkurt muhabetit dava koqesh. Neser pasneser kur te vrase dike berisha do dale kufoma fajtor, sepse Berisha ka te drejta sublime.

hajde karagjozllek hajde.

E te jesh kaq injorant, drite shkurter apo skllav i dikujt nuk mund ta kisha imagjinuar kurre. OSe Saliu i paguan mire keta njerez ose ne kemi nje problem teper te larte matuferie ne Shqiperi. Dhe duke qene se problematikja Matuferi ka dhe aksese ne Media ben mese te qarte sepse ky vend ka mbetur aty ku eshte.

[Brari]

paska nje batalon personal taulant armanaj ketu..

lavdi berishes.. qe na dha lirine e fjales..se akoma zp-izmi vetem do bilbiloste trojeve shqiptare..

--

Pak minuta pas ndërprerjes së seancës, Kryetari i PS ka uruar në telefon deputetin kamikaz


Incidenti në Parlament u inspirua nga mesazhi i Ramës për Ballën


Incidenti në Parlament është inspiruar nga një mesazh i dërguar nga Rama në drejtim të deputetit socialist, Balla. Kryetari socialist i ka kërkuar deputetit në fjalë që të niste fjalimin e tij kundër buxhetit me një insinuatë të ulët dhe rrugaçërore, e cila ka pasur si objekt familjarët e kryeministrit. Deputeti socialist ka qenë i fundit në listën e gjatë të deputetëve të kësaj partie, gjatë një senace maratonë, ku PS kundërshtonte miratimin e superbuxhetit 300 milion dollarësh. E gjitha ka pasur si synim krijimin e një incidenti për të zhvendosur vëmendjen nga arritja e qeverisë në drejtim të incidentit të provokuar.

Dihet, që kryetari i PS komunikon me mesazhe me dy nga deputetët kryesorë të PS, që janë Braçe dhe Balla, një racë mjeranësh dhe inferiorësh nga të gjitha drejtimet, të cilët duke mos pasur asnjë vlerë individuale prej kohësh janë shndërruar në lexues të rregullt të mesazheve që u dërgon Rama. Duke ditur se shumë prej deputetëve të tjerë të kësaj partie kanë refuzuar të marrin këtë rol, vullnetarë kamikazë kanë dalë dy figurat e sipërpërmendura. Vetëm pak minuta pas incidentit në sallën e Kuvendit, Rama ka marrë në telefon deputetin socialist, Balla, duke e përgëzuar atë. Të nesërmen e incidentit, edhe pas kërkesës së Ballës, të frikësuar, Rama ka mbledhur Kryesinë ku ka pranuar publikisht se ka qenë ai ideatori i incidentit të ndodhur në Kuvend. Kryetarja e Grupit parlamentar të PS dhe me radhë deputetë të tjerë të PS, janë urdhëruar nga Rama që të bëjnë mbrojtjen e tij në Parlament. Nuk është hera e parë, që Rama shfaqet si manipulues dhe shpikësi i shpifjeve dhe trillimeve që sjellin pasoja në destabilitetin politik.


Berisha: Provokatorët, fëlliqësira njerëzore


Kryeministri Berisha i kërkoi dje kryetarit të opozitës Edi Rama, të heqë dorë nga provokacionet në Kuvendin e Shqipërisë. Duke dënuar ashpër sjelljen rrugaçërore të demonstruar në mënyrë të vazhdueshme nga një prej kamikazëve të Ramës në Kuvend, sa herë që janë në diskutim çështje të rëndësishme. Kreu i qeverisë e cilësoi këtë sjellje si provokacion të iniciuar nga Kryetari i Partisë Socialiste, Edi Rama. Ai tha se, provokimet janë sjellje të ulta, të cilat nuk duhet të pranohen as në shoqëri dhe kategorikisht në sallën e Parlamentit. "Lidhur me ngjarjen e kaluar mos mendoni, se unë shpërblej provokatorë, hiqeni nga mendja, provokatori përbën më të ndyrën e të gjitha specieve. Ai që merr përsipër të provokojë dhe e di që ka një rrethanë që mund ta realizojë, ai përbën një fëlliqësirë të vërtetë njerëzore. Dhe j`ua them këtu, provokacioni nuk shpërblehet kurrë", u shpreh kreu i mazhorancës gjatë fjalës së tij. Në vijim, ai i bëri thirrje kryetarit të Partisë Socialiste të heqë dorë nga provokacione të tilla, pasi nuk janë të hijshme për një vend demokratik si dhe për institucionin e Parlamentit. "Po i them Edi Ramës këtu nga kjo sallë, lëri mesazhet e turpshme dhe letrat e hapura se, unë kam 20 vjet në politikë. Dhe i bindur të jetë ai, se mund të shërbehet me dy mercenarë, por asgjë, asgjë nuk ia atribuoj askujt, përveç atij. Ky është një Parlament, unë vi këtu për të biseduar me qytetarët. Provokatori është kategoria më e ulët e individit", vijoi më tej kryeministri. Kreu i qeverisë më pas vijoi diskutimin lidhur me buxhetin suplementar, duke nënvizuar se ky është një buxhet, i cili faktikisht para së gjithash është dëshmi madhore e shembjes së sistemit kleptokratik që opozita aktuale kishte ndërtuar në Shqipëri. Ndër të tjera, kryeministri Berisha ka reaguar edhe ndaj deklaratave të opozitës kundër ndërtimit të rrugës Durrës-Kukës. Kreu i qeverisë rikujtoi PS duhet të përgjigjet për 300 milion dollarë që u mblodhi qytetarëve nga taksa për këtë rrugë. "E quaj atë një nga shërbimet që Zoti më dha mundësi së bashku me bashkëpunëtorët e mi ta bëj. Keni marrë 300 milion dollarë taksa nga shqiptarët dhe ende nuk i dihet se ku janë dhe i keni marrë për atë rrugë", tha kryeministri, duke vënë në dukje se rruga po ndërtohet dhe qeveria do të ndërtojë dhe rrugë të tjera. Në këtë kontekst, kryeministri tha se, do të ndërtohet rruga e Arbërit dhe do të fillojë në fund të këtij viti, do të ndërtohet rruga e Vermoshit, dhe të gjitha rrugët, të cilat i lidhin shqiptarët dhe i japin mundësi atyre të lidhen me territoret shqiptare, por edhe me Europën dhe do të kenë akses të plotë në det, në ajër dhe kudo. "Ne po bashkojmë ekonominë me të gjitha vendet e Europës, ku shkojnë paratë, e keni shumë herë ju këtë për mbledhjen e lekëve të rrugëve dytësore, dhe ai projekt do të realizohet dhe janë të siguruar 400 mln USD. Rrugët e Shqipërisë do të asfaltohen dhe Shqipëria do të ecë me ritme të shpejta drejt zhvillimit", vijoi më tej kryeministri në fjalën e tij.


Paloka: Opozita po merr si dobësi tolerancën e ofruar nga shumica


Deputeti i Partisë Demokratike, Edi Paloka, tha gjatë seancës së djeshme se kryetari i PS-së ka ngarkuar dy tipa që të prishin gjithmonë seancat plenare, duke shpërndarë nëpërmjet foltores së Kuvendit, trillime, shpifje dhe provokacione, që përbëjnë edhe politikën zyrtare të Edi Ramës. "E gjithë kjo që ndodhi, nuk e vë në dyshim që askujt nuk i vjen mirë për atë situatë të krijuar, por kjo që ndodh është politikë e kryetarit tuaj, është ai natyra tipike e provokuesit që sa e sa seanca të tilla sjellin sherre në Parlament dhe situata të ngjashme. Sa për fjalorin, ju keni pse skandalizoheni, keni pas kryetar Fatos Nanon, keni Edi Ramën, atë fjalor e keni fjalor zyrtar të partisë tuaj", tha Paloka. Janë dy prototipa, nuk ju akuzojmë të gjithëve,¸janë dy prototipa nga ju, që kanë vetëm një detyrë të vijnë këtu dhe të provokojnë me trillime. "Pas gjithë këtyre gjërave që po ndihemi të dhunuar edhe në pushtet, Taulanti i Fatimes do të na vijë edhe nëpër shtëpira, kush nga ju zotërinj do të duronte që sa të dilte këtu në podium të flitej për vajzën e tij? Thatë që ju kemi përmendur familjen, por nuk mbaj mend t`iu kemi përmendur as gra, as motra dhe as goca, kurrë s'i kemi përmendur. Në radhë të parë, jemi shqiptarë dhe të gjithë e dimë se sa të ndjeshëm janë njerëzit në këto aspekte. Çështë ky çuni i Fatimes që del këtu orë pas ore, flitet për buxhetin dhe ai fillon vajza e Berishës kështu?", tha Paloka në fjalën e tij. Ai shtoi se në aq kohë sa ka qenë deputet edhe në opozitë nuk kam arritur asnjëherë ta marr fjalën nga vendi, qoftë edhe për procedurë. "Kam folur vetëm kur kam patur fjalën në rendin e ditës nga Partia Demokratike, sepse edhe ai që ishte garant nuk ta jepte fjalën. Pas gjithë këtyre erdhëm në pushtet dhe pikërisht se kishim vuajtur ato që kishim qenë në opozitë, futëm një koefiçent për garant me opozitën", tha Paloka, duke theksuar se mazhoranca aktuale i ka ofruar opozitës tolerancë shumë më tepër se sa duhet. "Çfarë nuk keni bërë në këtë, e keni kthyer në estradë me bilbila, daulle, dhe borie, e keni kthyer në cirk, duke hypur sipër tavolinave, keni folur çfarë ju ka dashur qejfi, dhe sa ja ka dash qejfi, e keni shkelur rregulloren, Kushtetutën dhe të gjitha me radhë. Dhe ne, prapë jemi në pushtet dhe nuk arrijmë të flasim dot, e merr fjalën Eiron Braçe 17 herë në seancë, e drejta e tij, shkel rregulloren me kohën që ka në dispozicion dhe në fund fare, vjen këtu dhe proteston dhe thotë s`po më lini që të flas", vijoi më tej deputeti i PD-së, duke theksuar se opozita po kapërdiset tepër, duke shfrytëzuar edhe tolerancën e ofruar nga shumica.


Blerina TOSLLUKU





Kuvendi miraton nen për nen buxhetin shtesë 2008 prej 300 mln USD


Berisha: Buxheti suplementar dëshmi e suksesit të qeverisë


Kuvendi miratoi gjatë seancës së djeshme nen për nen buxhetin suplementar, i cili parashikon shpërndarjen e 300 milion dollarëve për rritjen e pagave, pensioneve dhe investime në rrugë e vepra të tjera publike. Ky buxhet është rezultat i tejkalimit të të ardhurave të mbledhura gjatë pjesës së parë të vitit 2008, në një kohë kur qeveria ka implementuar një politikë të uljes së ndjeshme të taksave. Kryeministri Berisha tha se, ky buxhet është një dëshmi e qartë dhe konkrete e luftës kundër korrupsionit, kontrabandës, evazionit fiskal dhe informalitetit. Kreu i qeverisë tha se, në vitin 2007 ishin 250 miliard lekë një vit më vonë u bënë 303 miliard lekë më shumë në buxhet. "Në Shqipëri nuk është se kanë shpërthyer puse të mëdha gazi apo nafte, nuk është se janë gjetur miniera floriri, e shqiptarëve janë dhe do t'u mbetet lufta kundër korrupsionit", theksoi kreu i qeverisë gjatë diskutimit të buxhetit. "Po t`u referoheni zërave, këto të ardhura janë rritur, pasi është bërë revulucioni më i thellë fiskal që ka njohur Europa. Sërish ka korrupsion, por muri i sistemit kleptokratik është shembur", u shpreh numri një i ekzekutivit, duke bërë një krahasim të thjeshtë me 3 vite më parë, ku 1.4 miliard dollarë të ardhura përfundonin në xhepat e pushtetarëve dhe jo qytetarëve. Duke iu referuar tatimit mbi vlerën e shtuar, e cila nuk ka ndryshuar në krahasim me vitin 2005, kreu i qeverisë tha se, në vitin 2005 të ardhurat nga kjo taksë ishin 64 miliard lekë, ndërsa në vitin 2008 janë 104 miliard lekë. Kreu i ekzekutivit tha se, këto të ardhura janë rritur me 40 miliard lekë më shumë krahasuar me vitin 2005, kur vendin e drejtonin socialistët. Ai tha se, rritja akumulative e çmimeve është një e vërtetë e pamohueshme, por theksoi se për të gjithë ata që besojnë tek abc e inflacionit, indeski i rritjes së çmimeve ka qenë 9.2% në tre vjet, ndërsa rritja e të ardhurave nga TVSH është 90%. Kreu i ekzekutivit tha se, kjo është një dëshmi e qartë se është shembur kalbësira e kleptokracisë. Kreu i ekzekutivit u ndal dhe në akcizat, të cilat siç tha ai, kanë qenë gjahu i kontrabandistëve dhe i pushtetarëve. "Doganierët kërcënoheshin dhe me armë për akcizat, kjo mbahet mend mirë, se shqiptarët kanë memorie dhe për këtë punë ka dhe dosje. Si janë dhe si kanë qenë akcizat në vitin 2005, janë vjelur 18.5 miliard lekë. Sa janë vjelur në vitin 2008? 37.5 miliard lekë apo 19 miliard më shumë", tha kreu i ekzekutivit, duke shtuar se sërish ka konbtrabandë, sepse është e pamundur ta bësh zero atë, por fakti që janë rritur dy fish akcizat, dëshmon për një luftë dy herë më shumë eficente kundër kontrabandës. Më tej, numri një i ekzekutivit u kërkoi deputetëve që, nëse gjejnë ndonjë shifër gabim, të dalin e t`u thonë shqiptarëve dhe kryeministri do të mbajë përgjegjësi për këtë. Ai shtoi se, këto shifra janë të vërteta dhe askush nuk mund t'i mohojë ato. "Këto para që janë mbledhur nga duart e evazorëve dhe kondrabandistëve do të konvertohet për shqiptarët në vepra publike, rrugë, ujësjellësa, kanalizime, shkolla dhe shumë projekte të tjera", tha kreu i mazhorancës gjatë miratimit të buxhetit shtesë në Kuvend.


Elis KUÇI






Opozita voton verbërisht kundër buxhetit suplementar


Opozita e majtë ka ridëshmuar edhe njëherë qëndrimin e saj destruktiv dhe refraktar, duke votuar kundër buxhetit suplementar, i cili parashikon shpërndarjen e 300 milion dollarëve për rritjen e pagave, pensioneve dhe shtimin e investimeve në rrugët kryesore e dytësore në të gjithë vendin. Përfaqësuesit e opozitës nuk kanë dhënë asnjë argument për kundërshtimin e buxhetit, por nënvizuan se ky ishte thjesht një vendim i tyre politik. Ministri i Financave, Ridvan Bode, tha se e veçanta e këtij buxheti qëndron në faktin se, prezantohet në një kohë kur në Shqipëri po zbatohet niveli më i ulët i taksës së sheshtë, kundrejt vendeve të tjera. Bode ka vlerësuar se, realizimi i të ardhurave dhe shpenzimeve për pjesën e parë të këtij viti, arriti në rreth 135 miliard lekë nga 130.9 lekë të parashikuara, duke u realizuar në masën 103.17 %. Shpenzimet e përgjithshme të shtetit në fund të qershorit arritën në rreth 137.3 miliard lekë nga rreth 148.9 miliard lekë të parashikuara, ose me një realizim 92.3 për qind. "Kundrejt së njëjtës periudhë të vitit 2007, këto shpenzime rezultojnë rreth 31.9 miliard lekë më të larta, ose 30.3 për qind", ka nënvizuar Bode, duke premtuar se këtë vit investimet e huaja dhe ato të brendshme do të realizohen 100 për qind. Ndërkohë që në buxhetin suplementar prej rreth 300 milion dollarësh, nuk përfshihen të ardhurat e ARMO-s dhe privatizimeve të tjera, por vetëm të ardhurat e krijuara si rezultat i disiplinës financiare. Projektligji mbi këtë buxhet suplementar paraqet të ardhurat dhe shpenzimet si për buxhetin qendror dhe atë lokal, ashtu dhe të ardhurat nga zërat e tjerë. "Buxheti i shtetit, për vitin 2008, i ka të ardhurat 303 783 milion lekë, shpenzimet 360 207 milion lekë dhe deficiti 56 424 milion lekë. Të ardhurat nga fondi i konsoliduar janë 237 142 milion lekë, shpenzimet 293 566 milion lekë. Për buxhetin e pushtetit vendor, të ardhurat janë 31 646 milion lekë, nga të cilat, granti i pakushtëzuar nga buxheti qendror 16 064 milion lekë", tha Bode, gjatë prezantimit të tij në Parlament. Ai tha se, buxheti i sigurimeve shoqërore, për vitin 2008, për të ardhurat gjithsej 63 360 milion lekë, nga të cilat: Kontributet 45 650 milion lekë; - Transferimet nga buxheti i shtetit 17 710 milion lekë dhe shpenzimet 63 360 milion lekë. Nga skema e sigurimit suplementar, të ardhurat gjithsej pritet të arrijnë 4 153 milion lekë, nga të cilat kontributet 186 milion lekë, transferimet nga buxheti i shtetit 3 967 milion lekë. Buxheti i sigurimeve shëndetësore për vitin 2008 është: Të ardhurat, gjithsej, 11 160 milion lekë, nga të cilat kontributet dhe të tjera 5 223 milion lekë, transferimet nga buxheti i shtetit 5 937 milion lekë. Fondi i kontigjencës, prej 2 000 milion lekësh, do të përdoret për rritjen e pagave dhe të pagesave sociale, në 6-mujorin e dytë të vitit 2008.

Rd

[Llapi]

Topalli fshin nga procesverbali fyerjet e Berishës

» Dërguar më: 25/07/2008 - 07:09


Nga Tedi Blushi
Sharjet dhe fyerjet e kryeministrit Berisha ndaj deputetit socialist Taulant Balla janë fshirë nga procesverbali i seancës plenare të 21 korrikut. Reagom PS: Nuk pranojmë censurimin e ngjarjes.

Nuk kanë të sosur skandalet në Kuvendit e Shqipërisë. Kanosja për vrasje si dhe fjalori banal e poshtërues që kryeministri i vendit, Sali Berisha përdori ndaj deputetit të opozitës, Taulant Balla janë fshirë nga procesverbali i seancës plenare të 21 korrikut. Degjenerimi në rrugaçëri i punimeve kuvendore është përmbledhur vetëm në dy fjali të vetme në këtë dokument zyrtar të Parlamentit. “Kryeministri vjen dhe ndërhyn. Ka reagime dhe zhurmë në sallë”, shkruhet në procesverbal. Në të nuk pasqyrohen gjithashtu as deklaratat e kryeparlamentares, Jozefina Topalli që kërcënon punonjësit “nxirreni urgjent jashtë atë vagabond, se do ju shkarkoj”. Madje është fshirë edhe fjalori banal e tentativat për ushtrim të dhunës fizike ndaj socialistit Balla nga tre ligjvënësit demokratë, Edi Paloka e Rahim Kaleci si dhe nga ministri i Transporteve, Sokol Olldashi, të cilët disa herë u orvatën ta godisnin atë me grusht në fytyrë. Si për ironi të faktit të vetmet deklarata që nuk janë censuara nga seanca e sherrit mesnatën e 21 korrikut janë fjalët e thëna nga deputeti i PS si edhe paralajmërimet e Topallit që nëse ai nuk do të ulej në vend ajo do ta nxirrte atë jashtë punimeve. Referuar asaj ç’ka Balla ka deklaruar në seancë, madje dhe asaj çfarë ka zbardhur nga replikat e tij administrata e Kuvendit lexohet qartë që ai nuk ka përdorur asnjë fjalë ofenduese ndaj shefit të qeverisë.
Reagimi
Manipulimi i procesverbalit ka shkaktuar reagimin e ashpër të opozitës. Nënkryetari i grupit kuvendor të PS, Erion Braçe e ka denoncuar fort këtë fakt gjatë punimeve të djeshme kuvendore. Ai tha se të majtët nuk mund të votojnë fshehjen e një të vërtete duke iu referuar kësisoj fjalorit banal dhe kanosjes për vrasje që kryeministri Berisha bëri ndaj kolegut të tij Balla. Në këtë kontekst ai kërkoi shtyrjen e miratimit të procesverbalit në fjalë deri në korrigjimin e tij. “Ne do ju sjellim debatin e plotë dhe deklaratat e pacensuara të Berishës që janë transmetuar nga të gjitha mediat vizive dhe ato të shkruara. Nuk mund të pranojmë censurim të një ngjarjeje kaq të rëndë”, u shpreh Braçe.
E menjëhershëm ka qenë përgjigja e kryeparlamentares, e cila pranoi shqetësimin e opozitës duke e ftuar këtë të fundit që të sjellë debatin e plotë Berisha-Balla për të plotësuar procesverbalin e seancës të 21 korrikut. Vetë Braçe në një prononcim të djeshëm konfirmoi faktin se opozita do i dorëzojë Topallit debatin e plotë dhe të pacensuruar të sherrit banal të botuar të nesërmen e tij nga GSH.

(s.g/GazetaShqiptare/Balkanweb)
------------------------------------------------------------------------------------------------


OSBE: Topalli na dëboi kur Berisha shau Ballën

Nga Tedi Blushi
Thellohet skandali parlamentar. Përfaqësuesit e OSBE janë përzënë nga seanca e 21 korrikut fill pasi punimet u degjeneruan në sherrin banal mes kryeministrit Berisha dhe deputetit të PS, Taulant Balla. Version multimedial i ketij lajmi

TIRANE- Incidentet diplomatike në Kuvendin e Shqipërisë marrin për masa gjithnjë e më serioze. Skandali i dëbimit të trupit diplomatik nga seancat parlamentare është thelluar mesnatën e 21 korrikut ’08 kur përfaqësuesit e OSBE janë përzënë nga lozha fill pasi punimet degjeneruan në një sherr banal mes kryeministrit Berisha dhe deputetit të opozitës, Taulant Balla. Lajmi konfirmohet nga një notë proteste që shefi i Zyrës së Prezencës, Robert Bosch i ka dërguar dy ditë më parë kryetares së Kuvendit, Jozefina Topalli. Në letrën e tij ambasadori i OSBE-së shpreh shqetësimin e thellë për këtë veprim të përsëritur të administratës së Kuvendit. Ai bën me dije se dëbimi i përfaqësuesve të OSBE nga nga zona e vendeve diplomatike në Parlament ka ndodhur edhe në seancën e 17 korrikut ’08, para se Prokurorja e Përgjithshme Ina Rama të paraqiste raportin e saj vjetor për luftën kundër kriminalitetit dhe korrupsionit. “Në të njëjtën linjë me përmbajtjen e letrës së djeshme (pardjeshme) të ambasadorit amerikan, Withers, jam gjithashtu i pakënaqur që përfaqësuesit e OSBE-së, ambasadës së Shteteve të bashkuara dhe pjesës tjetër të trupit diplomatik të akredituar u dëbuan nga zona e vendeve diplomatike në parlament, para se Prokurorja e Përgjithshme Rama të paraqiste raportin e saj vjetor lidhur me aktivitetet e zyrës së saj. E njëjta gjë ndodhi edhe mbrëmë (parmbrëmë), kur përfaqësuesve të OSBE-së iu kërkua të iknin, megjithëse lozhat ishin të lira”, shkruan Bosch në notën e tij të protestës. Në këtë kontekst ai thekson se “prania jonë nuk është vetëm për arsye informimi, por edhe një rezultat i drejtpërdrejtë i mandatit tone”. Në vijim shefi i Zyrës së Prezencës deklaron se mbështet qëndrimin e ambasadorit të Shteteve të Bashkuara, John Withers që gjithashtu me një notë proteste drejtuar kryeparlamentares, Topalli shprehu shqetësimin e tij të thellë për dëbimin e stafit të tij diplomatik nga seancat kuvendore. Në mbyllje të letrës së tij zyrtare ambasadori Bosch thekson bindjen se incidente të tilla janë keqkuptime dhe se këto ngjarje nuk do të ndodhin më në të ardhmen. “Zonja Kryeparlamentare, unë kam besim se i gjithë ky është një keqkuptim i madh dhe se ju do të udhëzoni rojet e sigurisë të lënë të qetë stafin diplomatik. Është në dorën e krerëve të misioneve të mandatojnë përfaqësuesit e tyre. Në rast të mungesës së vendit, ata do t’ia lënë vendin zyrtarëve më të lartë të ambasadave”, përfundon notën e tij të protestës shefi i OSBE-së.

(s.g/GazetaShqiptare/Balkanweb)

[Begby]

Dje bera nje investigim te vogel mbi motren e te nderuarit deputet

Me rezultoi se Shoku Sali paska patur informacion 100% te sakte mbi te

Mund ta kerkoni dhe ta gjeni ne cdo motel firmen e saj

Sigurisht kjo nuk justifikon kryeministrin qe te flasi ne ate menyre

Aq me teper qe ai vete ka sulmuar me pare grate,motrat e gjithe fisin e ministrave te opozites

[Begby]

• HENRI ÇILI

Deputeti Taulant Balla nuk e kishte llogaritur se, do të ndodhte ai reagim i kryeministrit Berisha, kur në seancën e orës së vonë të së hënës në parlament, “provokoi” ndjeshmërinë e babait Berisha për vajzën Argita. Aq më pak Edi Rama, kryetari i Partisë Socialiste nuk kishte inskenuar një të tillë provokim për t’u “ekzekutuar” me gojën e deputetit Taulant Balla. Ashtu sikurse kryeministri Berisha në një seancë normale, në një moment tjetër, apo me mendje tjetër nuk do të kishte pasur atë reagim, si ai që pati ndaj asaj deklaratës së deputetit opozitar Balla.
Shkurt është një incident, është një provokim normal i një opozitari, një reagim i tepruar i kryeministrit Berisha, por gjithsesi njerëzor. Nga këto në parlamentin shqiptar, në parlamentet e botës, ka pasur dhe do të ketë. Çdo vëmendje e tepruar ndaj këtij incidenti, çdo serial horror, apo çdo arsyetim politik mbi një moment reagimi njerëzor, edhe pse të tepruar, ilustron një kotësi të mjedisit publik shqiptar, një inerci të analizës së medias shqiptare, për të gjetur tek një situatë parlamentare, kuintesencën e politikës shqiptare, parashikimin e të ardhmes sonë të përbashkët, shpjegimin e botës. Aq më tepër, për të kapur tek ky reagim i kryeministrit pikërisht atë shpjegimin e misterit Berisha, të këtij njeriu të cilin kemi 20 vjet që e kemi vërdallë përditë!
Duke thënë sot dhe gjithë ditën, që incidente të tilla është e mira të mos ndodhin, që etika dhe edukata parlamentare duhet të jenë një normë e çdo deputeti, aq më pak e kryeministrit, në rastin e Berishës, është po ashtu koha t’u japim këtyre lloj ngjarjeve, vendin, përmasën dhe statusin që ata kanë realisht. Një hiperbolë e tillë nga një incident parlamentar është thjesht asgjë. Nuk ka as domethënie, nuk ka as paradhënie, nuk ka as pasthënie, nuk ka as të kaluar nuk ka as të ardhme. Nuk është as shpjegim për atë që ka ndodhur në të kaluarën dhe aq më pak nuk është një parashikim për të ardhmen. Sovrani e ka parashikuar parlamentin pikërisht si një aulë, ku përfaqësuesit e popullit nuk mbajnë asnjë përgjegjësi për atë që thonë, përfshi këtu dhe shkarjen e fjalorit në momente nxehjeje, inati, tërbimi apo dëshpërimi. Parlamenti është vendi ku flitet, është vendi ku thuhet gjithçka. Ky është parlamenti. Por jo vetëm kaq! Për të gjithë ata që kanë një eksperiencë jetësore, është e qartë që në jetën e njeriut ka momente shpërthimi apo dalje jashtë një kontrolli verbal apo etik. Madje, këtë situatë të natyrës njerëzore e merr përsipër ta diferencojë edhe e drejta, ligji përmes kategorive “me paramendim”, “pa paramendim”, “me gjakftohtësi” apo në “gjaknxehtësi e sipër”. Por ky nuk është njeriu, kjo nuk është natyra e njeriut, nuk është identiteti i tij. Është përjashtimi!
Për simetri nuk mund të formulojmë konkluzione, parashikime, nuk mund të ndërtojmë arketipa të një politikani apo të një tjetri, në rastin konkret lidhur me kryeministrin Berisha, duke u nisur nga një incidenti i tillë, apo duke u nisur nga të tilla situata. Tjetërkund është fusha e analizës, objekti i shqyrtimit, apo pretendimet ndaj një politikani, një lideri apo qoftë dhe ndaj kryeministrit të vendit. Në vend të analizës se si reagon kryeministri kur dikush i përmend vajzën në një kontekst politik, është e rëndësishme të hapim një debat rreth vetë çështjes në fjalë: A është ardhja e vajzës së Sabri Godos, mjekes së mirënjohur Anila Godo në krye të Ministrisë së Shëndetësisë, hapja e një precedenti në jetën tonë politike, ku politika kalon nga babai tek fëmijët? Çfarë të mirash dhe të këqijash ka kjo, a krijon kjo frymën trashëgimtare të profesionit të politikanit? Apo tjetra: Me çfarë të drejte mund të paragjykojmë avancimin në jetën politike të fëmijëve të kujtdo, të vajzës së Godos sot, të vajzës së Berishës nesër apo të djalit të Ramës pasnesër, kur ata janë qytetarë si gjithë të tjerët? Një debat i tillë do të ishte vërtet me vlerë në vend të një diskutimi shterpë nëse e teproi apo sa e teproi kryeministri Berisha në seancën e së hënës.
Ndaj, ajo që ndodhi natën mes së hënës dhe të martës, në orën 2 e ca të natës, pas nja 6 ore seance, është thjesht një ngjarje për t’u tejkaluar. Eshtë një ngjarje për t’u evituar në të ardhmen. Por është një ngjarje nga ku nuk mund të nxirret asgjë, as konkluzion, as shpjegim, as mund të shërbejë për parashikime aq më pak. Incidenti Berisha-Balla, nuk është as fenomen, as precedent, as paralajmërim. Është thjesht një incident!

[Borix]

Incidenti Berisha-Balla, nuk është as fenomen, as precedent, as paralajmërim. Është thjesht një incident!

Cili besoj duhet te kete qene duar-kryq (si otoman) kur e ka "shkruar" kete... Cdo te thote "fenomen"? Qe ishte incident, kjo s'ka nevoje per narracione, sepse te gjithe deshmojme per kete. Teza duhet te qendronte tek fakti nese shkaku i incidentit ishte takt per pasojat, te cilat u hoqen edhe nga procesverbali dhe qe tani kerkohen me ngulm te shenohen ne procesverbal. Prandaj, Cili ben mire te mos flase rromlla-pertomlla, sepse nuk i lejohet nje kryeministri ta ule veten deri ne ato nivele. Turp per ne.