A do te jete LSI nje aleat apo vasal i PS se Rames?

[Bel ami]

Edi Rama Change-Ndryshim

Drame me tre akte
marin pjese aktoret e trupes se partise se Punes se Shqiperise :

Gramoz RUCI
Arta Dade
Ylli Bufi
Skender Gjinushi
Bashkim Fino
Fatmir Xhafa
Mimi Kodheli
Ilir Gjoni

si dhe femijet e lumtur

Pandeli Majko
Erion Brace
Erion Veliaj
Ben Blushi
Blendi Klosi

Ne realizimin e kesaj drame moren pjese edhe fshataret e Pezes,Tepelenes dhe Ures Vajgurore
si edhe vogelushet vullnetare ndene moshe per te votuar
----->>> Nje kopje e peshtire e Fushates elektorale te Barak Obames, ku jane vjedhur fjalimet dhe jane perkthyer ne shqip,parullat,logot ,vullnetaret ( ndene moshe 18) etj
Sponsor Gjeneral: Gazeta Tema,TOPCHANNEL,2K
Regjizor rexho Mejdani



Ilir me te Meta Une kryeminister

Komedi gazmore me motive popullore
nga Skrapari

Marin pjese ish kabineti qeveritar i Ilir 1999-2001

Spartak Braho
Petrit Ago
Dritan Prifti
Ndrio Legisi
Pellumb Xhufi


si edhe femijet e lumtur
Erisa Xhixho
Besjan Pesha

Ne rolet episodike B.Gjikondi,S .Axhemi,P Malaj
Si dhe i ftuari special Petro Koci


Regjia Monika KryeMadhi

[DYDRINAS]

Fenomeni, largohen krerët e LSI-së në Kamëz dhe Laprakë
Shekulli | 03/03/2009

Kreu i LSI-së në Kamëz, Ramazan Buzi, ka dorëzuar dje teserën e kësaj force. Buzi: Meta po punon për Berishën


Largimet nga Lëvizja Socialiste për Integrim, jo të anëtarëve të thjeshtë, por të drejtuesve të strukturave drejtuese të saj, tashmë nuk përbën një lajm.

Pas largimeve të njëpasnjëshme të anëtares së kryesisë dhe zëvendëssekretares së përgjithshme, Brisilda Gjikondi, anëtarit të kryesisë, Pjerin Ndreu, kreut të Bashkisë së Urës Vajgurore, Syrja Ormenaj dhe kryetares së LSI-së së Shkodrës, Esmeralda Uruçi, dje janë larguar dhe kryetari i kësaj force për njësinë 11, atë të Kamzës, Ramazan Buzi dhe 15 kryetarë organizatash në zonën e Laprakës.


Shkaku është i njëjti si dhe për të parët; mungesa e demokracisë në parti dhe prirjet autoritariste të kryetarit të kësaj force, Ilir Meta. Gjatë një komunikimi me mediat, kreu i LSI-së për Kamzën, Ramazan Buzi, nuk ka nguruar ta akuzojë Metën se, për qëllimet e tija personale, po dëmton fitoren e së majtës në zgjedhjet e qershorit.


"Edhe pse në dukje pjesë e opozitës, Ilir Meta po bën gjithnjë e më shumë lojën e PD-së dhe të Sali Berishës. Unë dhe 15 kryetarë organizatash të LSI-së në Laprakë, mendojmë se Shqipërisë dhe shqiptarëve nuk i duhen edhe 4 vjet të tjera qeverisje të Sali Berishës.


Ne jemi të bindur se Shqipërisë dhe shqiptarëve i duhet një ndryshim i madh dhe ky ndryshim po pengohet sot nga Ilir Meta, i cili thjesht për interesa personale po i shërben Sali Berishës, duke sulmuar opozitën dhe nxitur përçarjen që mban Sali Berishën në pushtet", - u shpreh Ramazan Buzi.


Por, përveç largimit nga LSI-ja, të larguarit kanë deklaruar se destinacioni i tyre i ri politik do të jetë pranë PS-së, të cilën ata e konsiderojnë si opozita e vërtetë.

"Në këto kushte, së bashku me 15 kryetarë organizatash të LSI-së në Laprakë, japim dorëheqjen e parevokueshme dhe largohemi nga LSI-ja, duke u bashkuar me opozitën reale, pasi besojmë se detyra dhe qëllimi ynë nuk duhet të jetë mbajtja në pushtet e Sali Berishës, por largimi i tij me çdo kusht", - tha Buzi.




shekulli

[DYDRINAS]

“Namik-politika, fytyra e vetme e “politikës së re” të Edvinit

04-03-2009






Ish-kryeministri Ilir Meta akuzon Edi Ramën se bën “politikë të re” me përgjegjësit e tragjedisë së 9 janarit 2004

“Si nuk të vjen turp Namik Dokles që nuk ke ardhur ti takosh këta njerëz se po bënë 6 vjet që ka ndodhur kjo tragjedi, që nuk i ke ardhur për ngushëllim këtyre njerëzve. Zoti Dokle që nuk bëri asgjë atë natë kur e mori vesh e gjithë Shqipëri që gomonet ishin në det, por edhe sot pas gjashtë vjetësh nuk ke kurajën që të takosh dhe të bëhet zbardhja e kësaj tragjedie. Ndaj Dokle të ketë kurajë të paktën të largohet nga politika sepse kjo që po ndodh në Shqipëri është e tmerrshme. Politika e re tha Meta, nuk është që të vrasësh njerëz, apo edhe t’i futësh ata në grevë urie vetëm se kërkojnë drejtësi”

TIRANE - Politika e re e Edi Ramës përfaqësohet nga njerëz mbi të cilën rëndon akuza për vdekjen e 28 qytetarëve shqiptarë në 9 janar të vitit 2004. Ka qenë ky reagimi i
ashpër që kreu i Lëvizjes Socialiste për Integrim, Ilir Meta ka bërë dje ndaj
akuzave të deputetit socialist Namik Dokle mbi rolin sipas tij, përçarës dhe mllefin pa shkak që LSI po hedh këto muaj në drejtim të selisë rozë.
I shoqëruar nga nënkryetari Sokol Axhemi, Meta vizitoi dje ambientet ku zhvillohet greva e urisë nga familjaret e personave te zhdukur në tragjedinë e 9 janarit 2004 që kërkojnë zbardhjen e plotë të kësaj tragjedie, dhe gjetjen e trupave te fëmijëve te tyre te zhdukur.
Duke i shprehur solidaritet të plotë familjarëve të ngujuar, duke thënë se “këta njerëz nuk duhet të vdesin, por ata kërkojnë drejtësi, për zbardhjen e kësaj tragjedie”.
Pas shprehjes së solidaritetit, Meta ka akuzuar ish-numrin dy të qeverisë Nano në kohën e ngjarjes së rëndë pesë viteve më parë.
“Sot nëpërmjet medias jam informuar që Kryeministri i asaj nate Namik Dokle, se tjetri nuk ishte në Shqipëri, flet për fitoren e politikës së re më 28 qershor dhe nuk vjen këtu për t’ju vizituar ju. Ndaj unë do ti them atij, si nuk vjen turp që nuk ke ardhur ti takosh këta njerëz se po bënë 6 vjet që ka ndodhur kjo tragjedi, që nuk i ke ardhur për ngushëllim këtyre njerëzve. Zoti Dokle që nuk bëri asgjë atë natë kur e mori vesh e gjithë Shqipëri që gomonet ishin në det, por edhe sot pas gjashtë vjetësh nuk ke kurajën që të takosh dhe të bëhet zbardhja e kësaj tragjedie. Ndaj Dokle të ketë kurajë të paktën të largohet nga politika sepse kjo që po ndodh në Shqipëri është e tmerrshme. Politika e re tha Meta, nuk është që të vrasësh njerëz, apo edhe t’i futësh ata në grevë urie vetëm se kërkojnë drejtësi”, deklaroi Meta.
“Këta njerëz, theksoi kreu i LSI-së, duhet të kenë moral që të ikin nga politika në mënyrë vullnetare, sepse nëse nuk e kanë këtë moral do t’i heqin shqiptarët me votë demokratike më 28 qershor”, tha ai.
Kritika Ilir Meta ka pasur dje edhe ndaj Presidentit të Republikës Bamir Topi që sipas tij nuk denjon që të shkojë për ti takuar grevistët. Ndërkaq meta ka kërkuar nga Prokuroria e Përgjithshme rihapjen e dosjes së “tragjedisë së 9 janarit”, duke nxjerrë para ligjit përgjegjësit e vërtetë.
Në rast të mosreagimit ndaj kësaj kërkese, Meta paralajmëroi se LSI do të fillojë një varg protestash në mbarë vendin.

55

[DYDRINAS]

Tirane shkurt 2005. Video e vendosur ne You Tube nga LSI.

http://www.youtube.com/watch?v=8evw4FrsBtk

[Dita]

Edi Rama Change-Ndryshim

Drame me tre akte
marin pjese aktoret e trupes se partise se Punes se Shqiperise :

Gramoz RUCI
Arta Dade
Ylli Bufi
Skender Gjinushi
Bashkim Fino
Fatmir Xhafa
Mimi Kodheli
Ilir Gjoni

si dhe femijet e lumtur

Pandeli Majko
Erion Brace
Erion Veliaj
Ben Blushi
Blendi Klosi

Ne realizimin e kesaj drame moren pjese edhe fshataret e Pezes,Tepelenes dhe Ures Vajgurore
si edhe vogelushet vullnetare ndene moshe per te votuar
----->>> Nje kopje e peshtire e Fushates elektorale te Barak Obames, ku jane vjedhur fjalimet dhe jane perkthyer ne shqip,parullat,logot ,vullnetaret ( ndene moshe 18) etj
Sponsor Gjeneral: Gazeta Tema,TOPCHANNEL,2K
Regjizor rexho Mejdani



Ilir me te Meta Une kryeminister

Komedi gazmore me motive popullore
nga Skrapari

Marin pjese ish kabineti qeveritar i Ilir 1999-2001

Spartak Braho
Petrit Ago
Dritan Prifti
Ndrio Legisi
Pellumb Xhufi


si edhe femijet e lumtur
Erisa Xhixho
Besjan Pesha

Ne rolet episodike B.Gjikondi,S .Axhemi,P Malaj
Si dhe i ftuari special Petro Koci


Regjia Monika KryeMadhi

Shume i forte ky postim Bel Ami! Shkruaji vertet si dramen ashtu dhe komedine se do te dilnin fantastike. Paraqitja fillestare eshte e nivelit te duhur.

[DYDRINAS]

LSI afron ish-drejtuesit e PS

E Premte, 06 Mars 2009

Beteja politike midis Partise Socialiste dhe Levizjes Socialiste per Integrim, eshte kthyer tashme ne lufte anetaresimesh te anetareve respektive. Kohet e fundit, skena e politikes shqiptare po shnderrohet ne nje "parade" anetaresh, ku kalojne nga nje parti, ne nje tjeter. Por gjithcka nuk mbetet vetem kaq, kjo behet per nje beteje qe ka nisur me marrjen e kryetares se komunes se Ndroqit, Fatime Goga, nga Levizja Socialiste per Integrim. Ky fakt nuk do te pertypej lehte nga Partia Socialiste, ku ne ditet ne vazhdim do te verehej dhe afrimi i anetareve te LSI-se. Ndersa dje, ne vijim te afrimeve, sekretari i Pergjithshem i Levizjes Socialiste per Integrim, Petrit Vasili, njoftoi afrimin ne partine e tij, te ish-drejtuesve te larte te PS, deputete, zevendesministra dhe anetare te KPD-se se PS. Gjithashtu ai lajmeroi edhe prurjen ne LSI te keshilltareve bashkiake te PS, PSD dhe PAD. "Jemi ketu per te denuar edhe nje here perversitetin dhe amoralitetin politik te Edi Rames, qe prej ditesh po blen lart e poshte ne menyre qesharake, individe te dobet qe nuk perfaqesojne asgje dhe qe nuk kane asnje kontribut, as ne te majte dhe as ne LSI", akuzoi Vasili. Sipas tij, amoraliteti i blerjes me leje ndertimi dhe para te thata ne dore te individeve te tille, nuk i ka bere asnje dem LSI-se, perkundrazi ka pasur nje efekt spektakolar pozitiv, sepse e cliruar prej tyre, LSI ka shtuar radhet e saj me qindra e qindra anetare dhe organizata te tera partish ne te gjithe vendin, qe i bashkohen asaj dhe moralit te shendoshe politik e personal te saj. "Edi Rama me politiken e tij te pazarit ordiner, te nen tavolines, te thashethemit dhe intriges se vogel te kafenese, qe vazhdon edhe sot tregon qarte friken e madhe per t'u perballur haptas, po ndihmon dukshem aleatin e tij Sali Berishen ne kete moment shume te veshtire per te, duke i bere sherbimin e radhes, ashtu sic beri edhe ne 15 Mars, kur ndodhi Gerdeci dhe ai i rrahu shpatullat", sulmoi liderin e socialisteve, zyrtari i LSI-se. Duke lajmeruar afrimin e ish-drejtuesve dhe anetareve te PS-se, Vasili tha se ky proces i paraqitjes publike te shume e shume prurjeve te reja ne LSI, ne te gjithe vendin do te vazhdoje edhe ne ditet ne vijim, si proces i natyrshem i afrimit tek nje parti opozitare si LSI qe i afron vetem moralin, idealin, programin e saj dhe asgje tjeter. Denis Dedej



BASHKIMI

"Qindra e mijera te majte dhe qytetare te ndershem qe aderojne ne parti te ndryshme, i bashkohen masivisht LSI si nje parti idealiste, solidare, me moral te shendoshe, si e vetmja opozite e vertete, qe do te nxjerre ne pension politik Berishen", deklaroi Vasili.



AFRIMI

Anetaret qe iu bashkuan dje LSI-se

Pjeter Dema, ish-deputet i PS, ish-zevendesminister i Energjetikes

Hasan Hoxha, ish-deputet, drejtues i PS ne Tirane dhe anetar i KPD te PS

Xhevair Ahmetliu, ish-keshilltar i AD

Qemal Kuci, ish-sekretar i PS ne Tirane

Rasim Allushi, keshilltar i PS ne njesi bashkiake

Kujtim Bebja, keshilltar i PSD

Lufti Lami, ish- sekretar i PS per rrethin e Tiranes dhe keshilltar Kamez

Sajmir Ivziku, ish-sekretar i PS-se, rrethi Tirane


koha jone

[DYDRINAS]

Rama, vendorëve: Hapni dyert e PS-së


07 Mars 2009

Darina Tanushi

Hapni dyert për të gjithë ata anëtarë të LSI-së që duan të kthehen në PS”. Ka qenë kjo porosia e kryetarit socialist, Edi Rama, drejtuar anëtarëve të shtabeve elektorale në të gjitha qarqet e vendit. Rama u ka dhënë garanci të zgjedhurve vendorë të PS-së se, “fitorja është e sigurt për PS-në, por duhet të dinë të menaxhojnë mbështetjen që ka kjo parti në popull”. Në një takim të zgjeruar në Teatrin e Operas dhe të Baletit, pa praninë e medias, Rama dhe kryetari i Asamblesë së PS-së, Gramoz Ruçi kanë dëgjuar raportimin e vendorëve për punën që është bërë. Që në fillim, atyre u është shpërndarë edhe Kodi i ri Elektoral dhe u është kërkuar që të zotërohet plotësisht deri në ditën e zgjedhjeve. “Numrat i kemi, duhet të dimë t’i menaxhojmë. Fitorja varet vetëm nga ne”, - mësohet të ketë thënë Rama, gjatë fjalës hyrëse në takimin e zgjeruar me drejtuesit vendorë të PS-së. “Hapni dyert për të gjithë ata që kërkojnë të vijnë tek ne e të bëhen pjesë e fitores. Mos gjykoni gjërat nga këndvështrimi se jemi sharë apo jo. Çdo votë e tyre ka një vlerë të madhe”, - ka qenë kjo porosia e kryetarit socialist për drejtuesit vendorë, që të jenë të vëmendshëm ndaj afrimit të anëtarëve të LSI-së. “Duhet t’i bëni të kuptojnë se një votë për LSI-në, maksimumi mund të nxjerrë 1 deputet, kurse një votë e tyre për PS-në mund të na japë p.sh, në Fier 10 deputetë për PS-në”, - ka llogaritur kreu i PS-së, ndërsa kërkoi shumë angazhim nga të gjithë anëtarët e PS-së. Ai vlerësoi se “një votë për LSI-në është një votë për PD-në”.
“Prandaj, - mësohet të jetë shprehur Rama, në takimin me dyer të mbyllura, - duhet t’i kushtoni shumë rëndësi sistemit të patronazhit”. Një nga problemet e hasura gjatë kësaj periudhe përgatitore kanë qenë edhe grupet e patronazhit, sistem i ri ky që është futur nga PS-ja në këto zgjedhje. Rama u ka thënë socialistëve që drejtojnë bazën se, edhe nga sondazhet shifrat janë shumë optimiste për PS-në, por tashmë duhet menaxhuar mbështetja popullore. Një problem i madh për PS-në rezulton të jetë mospajisja e shumë njerëzve me karta identiteti. Ndaj, edhe Rama porositi vendorët që të punojnë shumë me njerëzit, sidomos me të sigurtët në votë për PS-në, që t’i çojnë në zyrat e gjendjeve civile të aplikojnë. Po kështu, ata duhet të jenë të vëmendshëm në verifikimin e listave të zgjedhësve që po shpallen në çdo njësi. Pas takimit që u zhvillua paradite, Rama mblodhi dje pasdite, në selinë e PS-së, edhe kryesinë. Edhe në mbledhjen me anëtarët e kryesisë dhe sekretarët, Rama dëgjoi raportimet e të deleguarve nëpër qarqe. Pritet që në një mbledhje tjetër më të hollësishme, pas 15 marsit, të diskutohet më me hollësi për problematikat që dalin nga përgatitjet zgjedhore. Kryesia e PS-së kaloi edhe një udhëzim të brendshëm për financimin gjatë fushatës elektorale. Ky është një udhëzim që bazohet në Kodin Elektoral dhe kërkon transparencë në përdorimin e fondeve gjatë fushatës, si për ato që do të merren nga shteti, ashtu edhe për donacionet.

gazeta shqiptare

[DYDRINAS]

Pas PD-së, edhe LSI-ja me pinjollët?!


07/03/2009

Bashkim Kopliku

Surprizë: kryetari i LSI-së, “djaloshi” Ilir Meta, iu vërsul kryetarit të PS-së, “djaloshit” Edi Rama, duke e akuzuar si antikomunist, e njëkohësisht edhe si pinjoll të komunistëve—një gjysh i z. Rama, por dhe babai i tij, paskan qenë funksionarë komunistë. E më e çuditshmja është se kjo u tha pikërisht në Shkodër (më 3.3.2009), në qytetin më antikomunist të Shqipërisë. Z. Meta, duke dashur ta kritikojë, i shtoi zotit Rama elektoratin në atë qytet. Nga ana formale, ato akuzat e Ilirit ngjanin si dy pika uji me ato të bëra para pak ditëve nga kryetari i PD-së, “plaku” ish-funksionar komunist Sali Berisha. Nejse, nuk e shpjegojmë dot këtë lajthitje të z. Meta, veçse me shprehjen: “Për inat të vjehrrës (Edit), vete fle me mullixhiun (Saliun)”.
* * *
Është gabim marrja me biografitë—në respekt të z.Meta nuk po përdorim fjalë më të rëndë se “gabim”. Në një shkrim të veçantë ditët që vijnë, do ta analizojmë gjatë këtë fenomen. Shkurt mund të themi se në periudhën e komunizmit, “biografitë” kanë qenë një nga armët më të ndyra të regjimit. Duke u marrë edhe ai me to, z. Meta po e zhvendos LSI-në në drejtim të gabuar, në ekstremin e majtë.
Kishim bërë një skemë në kokën tonë, ku tri partitë në fjalë i kishim vendosur si vijon. Majtas, por afër qendrës, kishim vendosur LSI-në. Më tej, prapë majtas, kishim vendosur PS-në, kurse më tej, gjithnjë majtas, kishim vendosur PD-në aktuale, apo si na pëlqen ta quajmë, PB-në, pra Partinë Berishiste. Tani, duke mbrojtur komunizmin, e duke u marrë me biografitë, LSI-ja e zhvendosi veten më majtas, duke e shkapërcyer PS-në, dhe duke u vendosur në mes saj dhe PD-së. Kjo lëvizje e LSI-së na rezulton se është një lëvizje kundër tendencës botërore të partive të majta.
Para nja 15 vjetësh pata vizituar në Bon (Gjermani) një muze të së majtës gjermane. Nga ana figurative, zhvillimi në vite i së majtës gjermane (SPD, Sozialdemokratische Partei Deutschlands) paraqitesh me një bust të Karl Marksit. Busti ishte gjigant në vitet e para të SPD-së (të themi 120 vjet përpara). Pastaj periudha pas periudhash historike, busti vinte duke u zvogëluar, derisa pas Rënies së Murit të Berlinit, busti ishte bërë fare i vogël. Ma merr mendja që sot që po shkruajmë, busti më i vogël i serisë do të jetë zhdukur fare. Kjo është ecja normale e së majtës perëndimore: largim tërësor nga komunizmi.
Edi Rama shkon në Shkodër, dhe ndryshe nga Ilir Meta e Sali Berisha—të më falë z. Meta që e vura bashkë me Saliun—shan komunizmin, kritikon edhe ish-funksionarin komunist Sali Berisha, por jo babën apo nënën e tij. Me këtë qëndrim, Edi i bëri nder vetes: di Shkodra ta vlerësojë si antikomunizmin ashtu edhe burrërinë!
Është meritë e padiskutueshme e Edi Ramës që po e largon fare PS-në nga komunizmi, saqë po i afrohet me shpejtësi qendrës, aty ku është e gjithë e majta e Botës, e botës ku mëtojmë të shkojmë të gjithë e sa më parë. Ai po ndjek tendencën perëndimore.
Por mos ta personalizojmë meritën vetëm tek Edi Rama. PS ka ecur gjithë këto vite në rrugën e dekomunistizimit të vetes, ku protagonistë kanë qenë shumë politikanë të saj. P.sh., më kujtohet njëri prej tyre. Ishte fundi i viteve 1990, kur Namik Dokle, atëherë nënkryetar i kuvendit, iu drejtua, në një seancë që transmetohej direkt në televizion, deputetit të vetëm të partisë komuniste: “ulu, mor komunist”. Ishte përdorim për sharje i fjalës “komunist”, e nga kush pa, nga Namiku që vetëm 8-9 vjet para nuk duronte t’ia prekje me pupël komunizmin. I pata thënë një miku të PD-së: “Aha, ish-komunisti Dokle u shërua nga komunizmi, ia mori monopolin e sloganeve antikomuniste, ish-funksionarit komunist Berisha”.
E fundit për zhvendosjen nga qendra të PS-së. Ka me dhjetëra mijëra, mbase me qindra mijëra votues shqiptar që nuk i japin votën PS-së thjesht se ajo akoma nuk i ka shkëputur lidhjet 100% me të kaluarën komuniste të Shqipërisë. Këta janë votuesit që janë me mendimet e së majtës moderne perëndimore (Obama, Prodi etj). Ata shkojnë tek PD-ja vetëm se gënjehen nga boja antikomuniste që i hedhin asaj me autosugjestionin e tyre. Mendoni sikur PS-ja të zhdukte çdo fije komunizmi nga trupi i saj! Nejse, në një shkrim tjetër do të ndalojmë më gjate.
* * *
Dikush që i ka qejf llogaritë elektorale, mendon se Edi po humb elektoratin e dikurshëm të PS-së, nostalgjikët e komunizmit. Mbase këtë ide ka edhe Iliri, kur përpiqet t’i bëjë komplimente komunizmit. Ne mendojmë se e ka mirë Edi: atë që humb në pleqtë nostalgjikë komunistë të pandreqshëm, po e fiton disa fish në të rinjtë, por edhe në të moshuarit që e kanë kuptuar se PS-ja duhet të shkëputet përfundimisht nga trashëgimia komuniste. Pa shkëputje tërësore, PS-ja nuk mund të pranohet në Perëndim, ku dhe atje natyrisht që ka të majtë, por ama fare pa komunizëm.
Ne të djathtët përshëndesim çdo zhvendosje drejt qendrës të partive të majta shqiptare, përfshirë këtu dhe PS-në, LSI-në etj. Ëndërrojmë një situatë politike se p.sh. në Amerikë, ku “e djathta”, partia Republikane, është në garë të vazhdueshme e të ndershme me “të majtën”, partinë Demokrate. E ngjashme është situata edhe në të gjitha vendet e tjera perëndimore.
Largimi i partive të majta shqiptare nga komunizmi, e bën më të realizueshme ëndrrën tonë për të pasur një të djathtë të fuqishme perëndimore, sepse i hiqet mundësia e manipulimit me gjoja antikomunizmin, fajtorit kryesor. E fajtori kryesor që po e lë Shqipërinë pa një të djathtë të fuqishme, nuk është as PS-ja e as LSI-ja, por berishizmi.
Është pikërisht manipulimi me gjoja antikomunizmin, metoda që po përdor Berisha e kompani, për të mos lejuar krijimin e së djathtës së fuqishme shqiptare. Ata kanë vite që ia kanë arritur, qoftë duke e mbajtur majtas PD-në, pa e lënë të kthehet aty ku ishte në fillim, në 1990-94; qoftë duke shkatërruar me artilerinë e shpifjeve dhe me kolonat e pesta, çdo parti që nis të fuqizohet djathtas, ku aktualet janë PDK-ja, LZHK-ja dhe PLD-ja.
E fundit: sot për sot, ata që aspirojnë të djathtën, nëse duan të zgjedhin në mes “dy të këqijave të fuqishme”, pa më të voglin dyshim që duhet të jenë për PS-në

gazeta shqiptare

[DYDRINAS]

Kodheli: Meta, turp per gjuhen e perdorur ndaj grave opozitare

E Shtune, 07 Mars 2009

Zedhenesja e kryesise se Partise Socialiste, Mimi Kodheli, reagoi mbremjen e djeshme e shokuar, sipas saj nga berishizmi i Ilir Metes dhe nga ngjashmeria e tij, me zedhenesin e Sali Berishes. "Por kjo eshte zgjedhja e tij. Jam ketu per t'i thene atij te mos merret me grate opozitare, qe e thone hapur ate qe mendojne", reagoi Kodheli, duke theksuar se, "si njera nder to, i them se mua me nxjerr ne publik, kunder Sali Berishes dhe se fundmi edhe kunder tij, bindja ime eshte se Sali Berisha po e shkaterron kete vend, kurse Ilir Meta eshte bere paterica e tij". Prandaj, sipas zedhenes se PS, duhet t'i vij turp per gjuhen qe po perdor, duke bere te revoltuarin, nderkohe qe cdo shqiptar revoltohet sot, me kete gjuhe, qe c'edukon femijet dhe deshperon qytetaret.


koha jone

[DYDRINAS]

POLITIKË

LSI, marrëveshje për koalicion të përbashkët me PSV ’91 e Petro Koçit

10-03-2009

Meta-Koçi, apel socialistëve të braktisin Ramën e politikës së vjetër për një koalicion të ri të së majtës

Marrëveshja e nënshkruar dje përbëhet nga 3 pika kryesore në të cilat të dyja forcat politike angazhohen që të garojnë në një koalicion të përbashkët, me një program të përbashkët, por në lista të veçanta për secilin subjekt politik

TIRANE - Lëvizja Socialiste për Integrim ka zgjeruar zgjeron koalicionin e saj të zgjedhjeve të 28 qershorit, duke nënshkruar një marrëveshjeje bashkëpunimi me Partinë Socialiste të Vërtetë ’91 të drejtuar Petro Koçi. Kreu i LSI, Ilir Meta, e cilësoi aktin e djeshëm si një garanci me tepër për fitoren e koalicionit që ai drejton në zgjedhjet e ardhshme.
“Kjo Marrëveshje është një garanci shumë e rëndësishme për fitoren tonë më 28 qershor, sepse jo vetëm kasta e Sali Berishës do të marrë fund me votën e shqiptarëve, por nuk do të ketë as rotacion kaste. Qeverisja do t’i kthehet njerëzve, do ti kthehet qytetarëve dhe do t’i shërbejë atyre për t’i dhënë zgjidhje problemeve më të rëndësishme dhe më jetike, në luftën kundër varfërisë”, deklaroi Meta.
Ndërkaq kreu i PSV 91 Koçi apeloi ndaj gjithë socialistëve që ti bashkohen këtij koalicioni kundër asaj që ai e etiketoi si “qeverisje të kontrollueshme” nga dy forcat e mëdha politike.
“Ne nga kjo tribunë bashkëpunimi i bëjmë thirrje të gjithë të majtëve, të gjithë socialistëve të vërtetë kudo që të jenë, që në 28 Qershor t’u drejtohen pa ngurrim kutive të votimit, për të fituar zgjedhjet, sepse zgjedhjet do t’i fitojë ai bllok politik i cili, tërheq në procesin e votimit më shumë mbështetës se sa blloku tjetër”, tha Koçi.
Marrëveshja e nënshkruar dje përbëhet nga 3 pika kryesore në të cilat të dyja forcat politike angazhohen që të garojnë në një koalicion të përbashkët, me një program të përbashkët, por në lista të veçanta për secilin subjekt politik. Ky dokument parashikon edhe që bashkëpunimi do të vazhdojë edhe pas zgjedhjeve të 28 qershorit në rast fitoreje.
...

55