At Gjergj Fishta, Nder i Kombit

[gerrard73]

28 Nanduer 1913


Oj Zanë, t'këndojm... t'vajtojm, deshta me thanë;
Pse sot ditë kangët s'asht për mue e tye.
Po ç'gzim kjo ditë ne mundet me na dhanë,
Kur, qe; mbas nji motmoti q'iu pëlqye
Europës shqiptarin zot n'shpi t'vet me lanë
E kujt pose Hyut, n'këtë jetë mos me i shërbye,
Shqiptari i ndam' prap me vedvedi gjindet
E shk'asht ma zi, prej vedit edhe s'bindet...

Flamuri kombtar nuk ka ç'ka ban nder ne,
Po kje se dashtni nuk kem' për Atdhe!
E, drue dashtni për Atdhe nuk ka shqiptari;
Me gjasë, s'çan krye shqiptari për komb t'vet,
As për at gjuhë të ambël qi i la i Pari,
As pse Shqipnia n'vedi u ba sot shtet;
Pse e shoh se veç atje ku xhixhllon ari
Pa frymë e tue dihatë vrap ai nget,
Si Krishtin shiti Juda Iskarjot,
Drue Adheu ndër ne po shitet për një zallotë...
A thue mos fola keq?... Po lypi t'falun,
Përse ktu vetë me fue nuk due kërkëndin,
E pse asht mirë fjalën n'zemër t'fryt m'e ndalue,
Por ai, qi të liruem me e pasë s'don vendin,
A prej së tjerëve s'don me ia lshue rendin
A thue ai s'asht Judë? Po, kambë e krye Iskariota!,
E pra kso nipash ka edhe shum Kastriota...
E po për ata qi detyrë e nder harrue,
Qi marrë e turp kaherë flakërues mbas shpinet,
M'visar t'Atdheut me t'huej shkojn tue tregue
Kush ndyet mbas Frankut rrejtë, kush mbas stërlinet
Kush pse dinari tepër i ash lakmue.
E Atdheun' prej t'huejsh me e qitun duen bashtinët,
Thue edhe për ta ndokuj do t'i vijë çuda,
Kur them se nuk janë tjetër veçse Juda?...
Po, Juda janë e gjinde janë tradhtarë.
Mori
M'kamë kryekungujt prej si u vunë,
Duel padija n'krye të vendit;
Njerzt e kënuen u poshtnune,
Metën t'urtit jashtë kuvendit.
Duel me faqe t'bardhë trathtari,
Shpirt e fis qi ka kuletën;
U ndëshkue pa dhimë Shqyptari,
Qi për fis nep gjan e jetën.
Shqynis zani atbotë i humi,
T'huejt mi qafë i a vunë themrën,
E e mloj skami, terri e gjumi,
Djelmt e vet i a lnurën zemrën.
E Shqyptarët jo veç s'e nisen
Për kto punë përjashta Momin.
Por ma fort, medje, e konisen.
Msue gjithmonë me ndërue llomin...
E njikshtu, qitash, njaj i cilli
S'e la mrendë e detit vala,
S'e la ferri, toka e qilli,
N' Shqypni majet porsi njala.

http://www.youtube.com/watch?v=hv478dOswyo

[gerrard73]

Lamtumirë


Lamtumire vëndet e mija,
Që po m’zhdukeni dalngadalë
Gjëmon Deti ushton duhija
Lkundet varka vale mbi vale.

Kah njaj Diell që asht tuj flakrue
Andej fill un tash do t’veta
Lamtumir atdhe i bekue
Lamtumirë për sa të jetë jeta!

Neser Nadja kur mbi ne,
Rrezja e diellit ka me ra,
Kush e di sa Ujë e Dhe,
Mue prej teje ka me me më nda?

Po ni pvetsha retë minore?
Po në i pvetsha zogjt e detit?
Veç për ty moj tokë arbnore,
Ska me më fol kush ma mue t’shkeretit

Kam me shkel në të tjera zalle
Në të tjera brigje e të tjera Dete
Kam me ndije të tjera gjuhë
Në të tjera vënde e të tjera qytete…

Vëndin tëm ma skam me pa…

Ka me prit pra motër zeza
Me i pru nanës në shpi ndonjë re,
Po, kushedi, i vllau atëhera,
Ku asht kah kalbet për nan dhe…

Para Hyut naltohet lutja,
O ju bjeshkët e shqiptarisë,
Ku ndër ju s’dijmë, çka asht tuta!
Veç në ju asht logu i burrënisë!

Lamtumire ju mriza e stane!
Lamtumire ju “shkurre e mreta”!
Lamtumire ju o armt e t’parve
Lamtumire për sa t’jetë jeta.

[gerrard73]

Shqypnia


Edhè hâna do t' a dijë,
Edhè dielli do t' két pá,
Se për qark ksaj rrokullije,
Si Shqypnija 'i vend nuk ká !
Fusha t' gjâna e kodra t' blera,
Zijes s' mnershme larg kû âsht droja,
Me gaz t' vet ktû i veshë Prendvera,
Si t' Parrizit t' larmet shtroja.
Nën nji qiellë përherë t' kullueme,
N' rreze e n' dritë përshkue unjí,
Bjeshkë e male të blerueme
Si vigâj shtiellen n' ajrí.
Ke ato bjeshkë e ke ato male
Kroje t' kjarta e t' cemta gurra,
Tue rrëmbye npër mriza hale,
Gurgullojn npër râjë e curra.
Mbi ato male e bjeshkë kreshnike
Léjn mande' ata djelm si Zâna,
Armët e t' cillvet, përherë besnike,
Janë përmendë ndër fise t' tana.
Atje léjn, po Toskë e Gegë,
Si dý rreze n' flakë t' nji dielli:
Si dý rrfé, qi shkojn tue djegë,
Kúr shkrepë rêja nalt prej qielli.
Oh! Po, e din i prûjtë anmiku,
Se âsht rrfé zogu i Shqyptarit,
Rijtun gjakut kah çeliku
N' dorë t' ktij shndritë për vend t' të Parit.
Ato male të madhnueshme,
Ato, po, kanë mûjtë me pá
Se sa forca e pafrigueshme
N' turr t' Shqyptarit pît ka rá.
Dridhet toka e gjimon deti,
Ndezen malet flakë e shkndija,
Ka' i frigueshëm, si tërmeti,
Atje rrmben kû e thrret Lirija.
Lume e shé para atij ngelin,
I a lshojn udhën dete e male;
Mbretënt fjalën s' mund t' i a shkelin,
Turrin ferri s' mund t' i a ndalë.
Shkundu pluhnit, prá, Shqypní,
Ngrehe ballin si mbretneshë,
Pse me djelm, qi ngrofë ti n' gjí,
Nuk mund t' quhesh, jo, robneshë.
Burrë Shqyptár kushdo i thotë vetit,
Qi zanát ka besë e fé,
Për Lirí, për fron të Mbretit
Me dhânë jetën ka bâ bé.
Sy për sy, po, kqyr anmikun;
Përse djemt, qi ti ke ushqyue,
S' i ka pá, jo, kush tue hikun:
Friga e dekës kurr s' i ka thye,
Kaq të bukur, kaq të hieshme
Perëndija t' fali i Amshueshëm,
Sá 'dhe deka âsht për tý e shieshme:
N' gjí t' and vorri âsht i lakmueshëm.
Po, edhè hâna do t' a dijë,
Edhè dielli do t' két pá,
Se për qark ksaj rrokullije,
Si Shqypnija 'i vend nuk ká !
Rrnosh e kjosh, prá moj Shqypní,
Rrnosh e kjosh gjithmonë si vera,
E me dije e me Lirí
Për jetë t' jetës të rrnoftë tý ndera.

[gerrard73]

Lahuta e Malcis - Shqipnia e Lirë


Do t'valvitet m'Kaçanik
M'Kaçanik, po, do t'valvitet
Kuq e zi Flamuri i shqyptarëvet,
Përse toka, shqyp ku flitet,
Ajo vetë asht, qi prej t'Parvet
Trashigim na e kemi pasë:
Mbrendë i huej, jo, ma s'do t'shklasë,
Posë atëherë, kur vjen për mik.
Jo, po: na sod ktu sundojm;
Ktu s'hecë fjala e tjetër kuej;
Gjall Lirin' na nuk e lshojm,
S'njohim mbret as krajl të huej.
Zoti n'qiell e na mbi tokë:
Me gjithkënd vllazën e shokë,
Por se i cilli m'cak të vet.
Prande i huej, n'andërr m'e pa
Se vjen kurr e shklet ndër ne,
Drue se keq kishte me i ra;
Pse shqyptarët kanë ba nji bè
Bè të madhe ata kanë ba:
Për Shqypni në luftë me rra,
Me rra n'luftë me krajl e mbret,
E kur bjen në luftë shqyptari
Lidhë me besë ai ndërmjet veti,
E din hasmi se aty pari
Shungullon toka e gjimon deti:
Se bijn krenat fushës s'mejdanit.

[[Perla]]

Një vend për At Gjergj Fishtën

Të dish për jetën dhe veprën e pavdekshme të kolosit të letrave shqipe, Homerit shqiptar, “Nderi i Kombit”, At Gjergj Fishta, është domosdoshmëri dhe kulturë, por të dish ku ka kaluar fëmijërinë dhe ku ka jetuar kleriku, poeti e diplomati i madh, është fisnikëri dhe nevojë e kohës jo vetëm për ne por edhe për brezat e ardhshëm. Se bash këtu, që në vegjëli, “ aty ku të ka rënë koka” siç shkruan Çajupi i madh, lindin fantazitë dhe delli poetik, për të bërë diçka për vendlindjen tënde, atdheun tënd dhe për të mbetur i pavdekshëm me veprat e Tij, sidomos me “Lahutën e Malësisë”, siç mbeti edhe kleriku e poeti i madh e i papërsëritshëm At Gjergj Fishta, i cili do të shkruante kështu për vendlindjen e tij Lezhën; “Qiellë i kaltër, tokë e blerë, njeti dimën, k`tu prendverë...”, duke treguar dashurinë e madhe për vendlindjen, tokën e begatë, njerëzit e punës, ngrohtësinë që të jep afërsia me bregdetin, por edhe vendin ku ke lindur e ku ke kaluar fëmijërinë, që të thërrasin në çdo kohë t`i vizitosh. Bashkë me një mikun tim, dashamirës i At Gjergj Fishtës; vendosëm që të shkojmë në fshatin e Tij të lindjes Fishtë e të shohim nga afër shtëpinë ku ka kaluar fëmijërinë dhe ku ka jetuar, Homeri shqiptar, “Nderi i Kombit”, kleriku, poeti e diplomati i shquar, At Gjergj Fishta.

Fishta është një fshat i vogël, që bën pjesë në komunën e Blinishtit, në rrethin e Lezhës, një fshat me tradita patriotike e arsimore, që ka nxjerrë nga gjiri i vet intelektualë të shquar dhe drejtues të zot, me njerëz punëtorë e bujarë, që çdo gjë e kanë ndërtuar me punë të ndershme, njerëz që të përshëndesin edhe pa të njohur e të ftojnë për kafe, për drekë a për darkë; mikpritja aq e njohur për Fishtën dhe për krejt fshatrat e Zadrimës, “Bukë Zadrime e verë Podrimje” qarkullon thënia popullore. Kështu ndodhi edhe me ne, në kërkim të shtëpisë së At Gjergj Fishtës në Fishtë të Zadrimës, të cilën duhet pohuar se e gjetëm me vështirësi. Kjo për faktin , se në atë mori kullash ku të shkatërruara e ku të riparuara, ne dalluam me vështirësi atë ndërtesë, ku në thanë, se ishte kulla ku kishte kaluar fëmijërinë dhe ku ka jetuar poeti, kleriku e diplomati i madh, “Nderi i Kombit” At Gjergj Fishta.

Vërtet befasohesh nga kjo pamje tronditëse, të cilën nuk e meriton një kolos i letrave shqipe, Homeri shqiptar, kandidati për çmimin “Nobel”, At Fishta. Përpara të shfaqet një hyrje, që e kanë mbuluar ferrat, të cilat të pengojnë shikimin dhe lëvizjen për në kullë, ku këtu orientohesh vetëm me anë të një pllake vendosur në mur, si e vetmja dëshmi, ku ka kaluar fëmijërinë e Tij, kleriku e poeti i madh, at Fishta, derisa të niste rrugën e shkollimit si frat, ku shkruhej; “Këtu ka banuar At Gjergj Fishta, 1871-1940”. Me të vërtetë zhgënjehesh e lëndohesh para këtij fakti tronditës, që ky njeri, me përmasa kombëtare e ndërkombëtare, të mos kishte një shtëpi të vetën, por të lënë në mëshirë të fatit, të mbuluar nga ferrat e pluhuri i harresës, vetëm me një pllakat që mezi dallohet. Ndoshta instancat përkatëse; pushtetare dhe kulturore, do të bëjnë diçka për shtëpinë e At Gjergj Fishtës në Fishtë të Lezhës për ta rikonstruktuar dhe për të qenë një muze i hapur dhe i gjallë për vizitorët e shumtë nga vendi dhe bota, për të njohur nga afër vendin ku lindi, u rrit jetoi dhe filloi muzën e tij poetike, për t`u bërë i pavdekshëm, kolosi i madh i letrave shqipe, Homeri shqiptar, At Fishta, ku akademiku i shquar kosovar Rexhep Qosja, do të shkruante; “Lisat e gjatë sulmohen nga rrufetë, e Fishta është një lis i gjatë”, si për të perifrazuar madhështinë dhe pavdeksinë e veprës së Tij.

Jak Rrozhani

[Colomba]

C'te thush per Fishten nuk ka fjale ta pershkrujne madheshtine dhe rendesine e figures se tij ne jeten politike e poetike Shqiptare ,une do te vecoja nje thenie te albanologut te shquar at.Fulvio Kordinjano i cili shprehet:VEPRAT E GJERGJ FISHTES KANE PER TE NGELUR TE PAVDEKSHME DHE KANE PER TU BERE POEZIA E KOMBIT TE SKENDERBEUT
Kuse per vargjet e mrekullueshme qe te gjith besoj i dime permendesh..
PRA,MALLKUE NJAJ BIR SHQIPTARI,
QI ,KET GJUH TE PERENDIS,
TRASHEGIM,QI JA LA I PARI,
TRASHEGIM S'I A LEN FMIS;..
thuhet se jane MARSEJEZAe shqiptareve, dhe besoj jemi te gjithe dakort per kete.
Vepra e Gjergj Fishtes dhe emri i tij eshte nji flamur kombetar dhe nji pike e forte referimi e krenarise kombetare.Dhe eshte detyra jone ta njohim ,ta admirojme dhe ta trashegojme ne breza kete koloz te historise dhe letersise tone.dhe ne fakt jam kenaqur se tepermi kur kam degjuar qe ne Kalabri ne itali eshte formuar fondacioni"AT GJERGJ FISHTA"

[Daja-GONI]

I madh eshte Fishta . Shume shume i madh .

Vitin e kaluar gjeta ne Vlore nje botim te vjeter te " Lahuta e malcise " , e kam lexuar 4 a 5 here gjer me tani . Dhe sa here qe kam kohe te lire e marr dhe e lexoj . Eshte e papershkrueshme mjeshtria dhe fuqia qe posedon Fishta . Duke lexuar Fishten , te kaplon nje si magji , te qon ne kohe te shkuar te cilen e shef si ne foto .

Per mua Fishta eshte me i madhi i penes shqipe .

[klaus fisher]

Shqypnise!

Te falem,Shqypni,ti i shpirtit tem dishiri!
i lum njimend jam un n'gji tand rrnue
tue gzue t'pamt tand,tue t'hjeké ate ajer t'kullue
si Leka i Madhi e Skanderbegu i biri!

Kje i Lumi vete,q'i mue m'dergoi ksi hiri-(here)
per nen qielle tande t'kthiellte un me u perftue
malet e hjedhta e t'blerta me shikjue
ku Shqypja e Burrit s'dron se i qaset niri-(njeri)
ktu trima lejn gjithmon,se ti je nana
e armvet n'za,q'i shndrisin dueret e t'lumit(shqiptarit fatlum)
ka des per ty i rrebte e trim si zana
Eden n'Ballkan ti je;ti prej t'Amshuemit
n'Ballkan je shkrue Mbretnesh mbi fise t'tana
hyp fronin pra,e sundo,Shqypni m't'lirumit!

MENDOVA SE DUHET RICITUAR KJO .
FLM PER PERZGJEDHJEN E BERE OROSH.

[OROSHI]

Flm Klaus!
perzgjodha keto vargje sepse jane vargjet ma te Madherishme qe dikush ia ka kushtu kesaj Toke!

[Shkodrani_79]

Vasko Pasha dhe Gjergj Fishta jan amrmiqet e perbetum te shqipetareve te komunitetit musliman.Intelektualet e sodit Kosovare jane shtabi i posaqem i luftes se msheft kunder bindjeve dhe besimeve Islame tek shqipetaret me fe Islame.Ton keta Intelektualet Kosovare thiren ne shkrimet e tyre ne fene e te pareve shqipetare....por kote e kan...vetem po mashtrohen.Dej sa Llapi dhe Drenica e majne Ramazanin dhe e festojne Bajramin, keta Intelektualet vetem munden mi fry ballonit i cili ne funde atyre do te u kerset ne fytyre.Prej intelektualeve eshte i vetmi Rexhep Qosja qe e ka verejte kampanjen qe eshte ngrit kunder muslimaneve shqipetare ne krye me Ismajl Kadaren.

Pashko Vas Shkodrani ose Vaso pasha eshte ner intelektualt, shkrimtaret e ushtaraket me za te Perandoris osmane, nuk vjen nga nje ambjent Katolik, Ka ken edhe vet KATOLIK dhe sundimtar i Sudanit atij shteti qe sot as OKB spo mundet me e majte ne paqe njaj burre e ka majt te qete e ne paqe.. e pranaj ti Mitrovicalia maj gojen kur te flitsh per te e jepi Rahmet ose Drit simas besimit qe ke, se e meriton.

At Gjergj Fishta.. medet me shkru ne forum me mrojt ket Kolos e per ma shume ne nje forum shqiptar eshte kulmi i ironis po qa me ba... Mundem me than veq nje gja per te FALEMINDERIT ZOTIT QE NA BANI DHURAT NJAT BURRE.

Persa i perket antimyslimanizmit te tij, fjalimin ne varrimin e Hasan Riza Pashes komandantit legjendar qe mrojti shkodren gjete rrethimit malazes e majti At Gjergj Fishta dhe dihet botnisht qe shume prej te pranishmeve kan derdh lot gjate atij fjalim e me e vra Hasan Riza Pashen nuk e vravi naj rob zoti me emer a besim te krishter po e vravi Esat Pashe Toptani... kokrra e myslimanit me emer te pakten ee

Pergezimet e mija kush ka hap ket teme per ket figure te Nalte Kombtare.