Isha, jam dhe do të jem

[Adem Berisha]

PUSHTIM PA TANKE E AVIONË

Diku larg po afër kam një zemër
me rrënjë të forta thellë në shpirtin tim
s’e fsheh, është më e mira e të mirave femër
jetën që më zgjatë e i jep plot kuptim.

Një yll polar midis yjesh në gjithësi
shumë male e dete që ndriçon
ka pushtuar universin në gjithë poret e tij
me shenjtërinë, fisnikërinë, . . . dashurinë që dhuron.

Është një Dora d’Istri tjetër por asaj i ngjanë
me gjithë tiparet që e karakterizojnë,
nuk e dini, është zoti im qe të gjallë më mbanë
njerëzorja, mirësia, madhështia ... kurrë nuk i shterojnë.

Eh, të habitur shumë nga ju do të pyesin:
vërtetë njeriu në jetë dy herë po u bëka fëmi?!!!
Jo, nuk e fsheh edhe po të më mbysin,
njeriu vdes kur në shpirt nuk ndjenë më dashuri.

[Agim Metbala]

PUSHTIM PA TANKE E AVIONË

Diku larg po afër kam një zemër
me rrënjë të forta thellë në shpirtin tim
s’e fsheh, është më e mira e të mirave femër
Aën që më zgjatë e i jep plot kuptim.

Një yll polar midis yjesh në gjithësi
shumë male e dete që ndriçon
ka pushtuar universin në gjithë poret e tij
me shenjtërinë, fisnikërinë, . . . dashurinë që dhuron.

Është një Dora d’Istri tjetër por asaj i ngjanë
me gjithë tiparet që e karakterizojnë,
nuk e dini, është zoti im qe të gjallë më mbanë
njerëzorja, mirësia, madhështia ... kurrë nuk i shterojnë.

Eh, të habitur shumë nga ju do të pyesin:
vërtetë njeriu në jetë dy herë po u bëka fëmi?!!!
Jo, nuk e fsheh edhe po të më mbysin,
njeriu vdes kur në shpirt nuk ndjenë më dashuri.

I nderuar mik, keni kapur çastin e duhur e frymëzimin maksimal, andaj edhe poezia ka dalur në nivelin të lartë në të gjitha mënyrat e mundshme: Gjuhë e pasur, rimë e kryqëzuar shumë e qëlluar, plotë metafora të bukur...andaj edhe poezia do të rroj gjatë, gjatë...duke e zbukuruar mozaikun letrar shqiptar...
Frymëzime edhe më të thella!

[marsida.g]

MBIJETESË NË STUHI

Një ëndërr e trishtë shpirtin më trazon
e shpesh më sillet nëpër kokë,
diçka në gjoks më shtërngogn
e fytyren më lanë në lotë.

Një ditë mendova dhe pyeta veten
ç’po ndodhë kështu me mua?
përse si të tjerët nuk e kam jeten
vallë, me këtë duhet pajtuar?!

Jo, jo, përbindësha s'lejoj më këtupari
e kurr më s’do të jem i coptuar,
Ibri e Buna dhe Vjosa e Vardari
si vëllezër e motra kanë për të bashkëjetuar.

Pse më larguan nga rrethet e sofrave
e pa mua, së prapmi për mua flitej,
përse më bënë edhe tabu të kohërave
e flamurin më ndaluan të valvitej.

Më vranë, më dogjen, më sakatuan ...
kushdo që zgjohej më i pari,
si bishat pamëshirëshëm më coptuan
vetëm pse kisha mish e gjak shqiptari.

Edhe Zoti diti të më falte të gjymtuar
por më fali si një krijesë hyjnore
që i tëri të jetoj i bashkuar
shpinë për shpine e kapur dorë për dore.

Të jetoj në tokën e varreve të mia
ku nder shekuj prehen eshtërat e të parëve,
që mirë e njeh edhe parahistoria
ç’prej se këtu nuk vinte erë e barbarëve.

Që prap ky vend të bëhet ILIRI
e emëri kurr më të mos i ndërrohet
është më shumë se krenari
për këto troje, dhe jeta të flijohet.

Mjerë kush misionit të shenjtë i bishtron
që penën e pushkën tok t’i bashkojë
e At-Mëmëdheut kush jeten nuk i dhuron
përjetësisht kjo tokë do të mallkojë.

Dikur me kane folur shume edhe mua qe t´i kushtohem poezise, por nuk mendova asnjeher qe kete gje ta mendoja seriozisht dhe poezite e mia kane mbetur ne blloqe.
Jane poezi te tipit "Mbijetese ne stuhi..
Gjithsesi une ju komplimentoj per poezit tuaja dhe per publikimin e tyre per te kuptuar dicka me shume rreh situatave jane perjetuar gjate periudhes te jetes suaj..
Ju pershendes me perzemersi.

[Adem Berisha]

Përshëndetje marsida.g faleminderit për komentin dhe komplimentet tuaja pranë poezisë sime. Më vjen mirë nqs sadopak të kanë pëlqyer shkrimet e mia por, sikur nuk e kuptoj përse nuk ke pranuar sugjerimet e miqve që edhe ti të merresh me shkrimin e poezive. Konsideroj që ata kanë vërejtur një talent tek ti përderisa edhe të kanë propozuar një gjë të tillë. Ne asnjëri nuk jemi të përkryer por mendoj që më mirë të bëjmë diçka se sa asgjë, çdo shkrim ka vlerën e tij, kush më të madhe e kush më të vogël por gjithësesi secili ka një vlerë.

[Adem Berisha]

Përshëndetje i dashur mik Agim Metbala. falemnderit për komentin tuaj pranë poezisë sime dhe vlerësimin që bëni lidhur me të njëjtën. Kam kënaqësinë dhe nderin të marr vlerësime dhe komplimente veçmas nga personalitete e krijues siç jeni JU prej një krijuesi me një pervojë të gjatë krijuese prej disa dekadash. Mbështetja juaj njëkohësisht është një kurajim për mua dhe shpresoj që kohë pas kohe do të jep kontributin tim modest në këtë drejtim.

[Adem Berisha]

Lexuesve të nderuar dhe gjithë shqiptarëve kudo që
ndodhën, përzemërsisht Ju uroj përvjetorin e tretë të Pavarësisë së Republikës së Kosovës.
Këtë urim le ta shoqërojnë edhe këto vargje modeste.

MIRË SE ERDHE PAVARËSI

Rreze të arta sot vijnë prej diellit
në gjithë hapësirën e Dardanisë
këngët jehojnë si rrëfe prej qiellit
sot gëzojnë zemrat e shqiptarisë.

Sot është Dita e Pavarësisë
të gjithë si një t’i përkushtohemi,
përherë të jemi n’shërbim t’Lirisë
nga ky vend sot do të betohemi.

Ditë e madhe, është ditë gëzimi,
ditë e shpresës, ditë e mbarë,
ditë fatlume, ditë shpëtimi
e shumëpritur nga çdo shqiptar.

Për këtë ditë që është bekuar
nga vetë madhëria e perëndisë,
male e fusha me gjak të kulluar
janë larë ndër shekuj të historisë.

Pritëm gjatë por kurrë s’pushua
së luftuari për këtë ditë,
mesazh të qartë botës i dërguam
se Kosova do t’jetojë n’dritë.

Liri e dritë që i fituam tok
me gjithë atë gjak që nuk ka çmim,
s’ngurruam dje, s’do të ngurrojmë sot
që t’i mbrojmë me përkushtim.

Kohë përgjakjesh të ketë perënduar
dhe mallkuar nga i madhi zot,
përgjithmonë të ketë përfunduar
le të çrrënjoset për jetë e mot.

Tash secili le të këndojë:
mirë se erdhe ooooj Pavarësi!
kurdoherë po të jenë nevoja
prapë të gjithë do të biem për ty.

Ejani tash pra të këndojmë
këngën më të bukur të lirisë,
deri n’agim të mos pushojmë
për Ditën e Madhe të Pavarësisë.

[Adem Berisha]

GËZUAR MANDATIN E RINJ

Çka të ju them kësaj radhe
o të dashur fëmijë
pos të ju tregoj një ngjarje
që rrallëkund bën vaki.

Në qytetin tonë të dashur
pak si për habi,
ujku ishte bërë kryetar
a s’është kjo mrekulli?!

Tash ujku grabitqar
me llavën e tij,
nuk do të hajë më qengja
a s’është kjo befasi?

Jo, tash këta janë pre e vogël
për postin e tij,
tash janë në modë tenderat
jo, jo, as kjo s’është befasi.

Mbase do të më pyesni
Pak edhe me ironi,
si hahet tenderi
në sofër a në tepsi?

Ai nuk hahet me lugë
jo as me pirun,
hahet veç me thikë,
vetëm kaq di unë.

Për të tjera gjëra
o të dashur fëmijë,
askush nuk din më mirë
se vetë shefi i tij.

Kur këtë e kuptuan qengjat
mbajtën një mbledhi,
kryetarin e përgëzuan,
i uruan edhe ‘i mandat të rinj.

Mirë pra fëmijë të dashur
po e lëmë këtë si parodi,
ecni ju përpara
e kjo të mbesë histori.

[Agim Metbala]

IN MEMORIAM
Me pikëllim të thellë, me dhembje mbi dhembje, me shpirt të thyer skajshmërisht...Ju njoftoj mikesha e miq të nderuar se sot baca Adem BERISHA, në një aksident të kobshën, tragjikisht ka ndërruar jetën...
Të gjithë ata që mund të vijnë ta nderojnë familjen dhe neve miq të tij e të ndahen për herë të fundit me baca Adem, nesër në ora 12, në sallën e Kuvendit të komunës së Rahovecit, në nderim të jetës dhe veprës të baca Adem BERISHA, mbahet mbledhja komemorative...
Në shenjë përkujtimi, në vijim një poezi - akrostik që ia kam kushtuar për së gjalli:

EMBLEMË KOHE

A, me A fillon emri ATDHEU
Dashurinë ia fale nga thellësia
Emblemë e pashlyeshme ndër mote
Mbeten relikte në papirus

Bezdisshëm kërkove frymëzimin
Ece gucimshëm kohës së ligë
Refrenin drejtësi e kërkove me llupë
Imponimin e injorove deri në përbuzje
Sheshas në kërkim të bardhësisë
Aureolë Kosovës dhuratë

[riza2008]

IN MEMORIAM
Me pikëllim të thellë, me dhembje mbi dhembje, me shpirt të thyer skajshmërisht...Ju njoftoj mikesha e miq të nderuar se sot baca Adem BERISHA, në një aksident të kobshën, tragjikisht ka ndërruar jetën...
Të gjithë ata që mund të vijnë ta nderojnë familjen dhe neve miq të tij e të ndahen për herë të fundit me baca Adem, nesër në ora 12, në sallën e Kuvendit të komunës së Rahovecit, në nderim të jetës dhe veprës të baca Adem BERISHA, mbahet mbledhja komemorative...
Në shenjë përkujtimi, në vijim një poezi - akrostik që ia kam kushtuar për së gjalli:

EMBLEMË KOHE

A, me A fillon emri ATDHEU
Dashurinë ia fale nga thellësia
Emblemë e pashlyeshme ndër mote
Mbeten relikte në papirus

Bezdisshëm kërkove frymëzimin
Ece gucimshëm kohës së ligë
Refrenin drejtësi e kërkove me llupë
Imponimin e injorove deri në përbuzje
Sheshas në kërkim të bardhësisë
Aureolë Kosovës dhuratë

Një njoftim i dhimbshëm dhe i pa pritur,shokus,për ne që jemi larg dhe kemi patur njofje direkte me Bac Ademin. Në këto momente tepër të vështira për familjen të afërmit e Bac Ademit ne i gjëndemi nga afër me pikëllimin tonë në shpirt për këtë humbje tragjike duke i ngushëlluar : U preftë në paqe shpirti i ti.

[riza2008]

Ngele bir i Perëndisë
( Kushtuar poeti,mikut, Adem Berisha)

S'di çfar t'ju them jam pikëlluar,
M'u nda nga jeta një mik i mirë.
Me lot në sy jam duke shkruar,
Për Bac Ademin : U prehtë i lirë !

Ky lajm i kobshëm më trokiti,
Si një rrufe në ditë me diell
Sa vetë natyrën e mërziti,
Veç re e shi ka ai qiell.

Na njojti pena,na miqësoi,
Sa s'e besoja vdekjen kurrë.
Ai poet veç vargje shkroi,
Midis kufijve ngriti urë.

Kjo ndarje erdhi krejt pa pritur,
Si ky rrebesh në fund pranvere,
Po vdekja Bac ty të ka ngritur,
Si një shqiponjë midis reve.

Ndaj rri mendushëm brënda vargut,
Rënkoj,gulçoj,qaj si fëmi.
Hej Bac Ademi! Qesh pak së paku,
Si vargu yt plot mirësi.

Kjo dhimbje, lehtë s'ka për të ikur,
Mbi shpinë më rri si mal i lodhur.
Po jetën tënde krejt të ndritur,
Ta ndriçon vargu i kudondodhur.

Ti re viktimë e fatkeqësisë,
Atje qe e thënë ti mbyllje sytë.
Do ngelesh bir i Perëndisë,
Veç unë si ty s'gjëj dotë të dytë.