Isha, jam dhe do të jem

[Palma]

Adem Berisha, Rahovec

DITË RILINDJEJE

Ditë e madhe, ditë gëzimi,
ditë e shpresës, ditë e mbarë,
ditë fatlume, ditë shpëtimi
e shumëpritur nga çdo shqiptar.

Porsi rrëfe që vie prej qiellit
në gjithë hapsiren e Dardanisë,
porsi rrezja e parë e Diellit
shkëlqen Dita e Pavarësisë.

Pritëm, pritëm por kurr s’pushuam
së luftuari për këtë ditë,
pa ngurrim botës i treguam
se Kosova do të jetojë n’dritë.

Për këtë ditë q’është e bekuar
nga Madhëria e Përendisë,
shumë lulëkuqe jetë kanë ndërruar
u bënë pishtarë, deshmorë t’lirisë.

Në shumë etapa të historisë
shpesh ky vend në gjak është larë,
qe prej kohës së Ilirisë
kurr ky gjak s’ka njohur të tharë.

Kohë përgjakjesh qoftë mallkuar
për shumë vite e për shumë mot,
për gjithëmonë të ketë përenduar
le të çrrënjoset qe prej sot.

Sot është Dita e Pavarësisë
kem’ përse të gjithë të krenohemi,
të gjithë të jem’ n’shërbim të Lirisë
nga ky vend të gjithë të betohemi.

Për këtë liri që e fituam tok
me gjithë atë gjak që nuk ka çmim,
s’ngurruam dje, s’do të ngurrojmë sot
qe ta mbrojmë me përkushtim.

Eni pra tash të vallëzojmë
vallen më të bukur të lirisë,
deri n’agim të mos pushojmë
për Dit’n e Madhe të Pavarësisë.

Tash secili le të këndojë :
mirë se vie ooooj Pavarësi !
kurdoherë po të jetë nevoja
prap të gjithë do të biem për ty.

Eh te lumte ajo pene, o Bac Adem!
Faleminderit per keto vargje te mrekullueshme, ne kete dite te shenjte.
Gezuar 17 Shkurtin!



Pershendetje te vecanta edhe per Rizain dhe vargjet e tij perkushtuar kesaj dite te shenuar ne historine e popullit shqiptar
Me repsekte,
Palma

[Adem Berisha]

Falemnderit dhe zoti ju bekoftë vëlla i dashur riza2008 dhe moter e dashur *PaLmA* që për mua jeni mrekulli e veçantë. Nga zemra JU falenderoj për komentet tuaja lidhur me shkrimet e mia aq modeste por vërtetë ju jeni ata qe më jepni vullnet për jetë dhe kurajoni për të vazhduar së shkruari pokështu në mënyrë modeste e jo sikurse shkrimet me vlera aq të larta artistiko-letrare që ju bëni.
Më lejoni atëherë që për knaqësinë tuaj dhe lexuesëve tjerë në forum, shkrimeve të mia të iu bashkangjes edhe këtë poezi me motive të njejta, lidhur me Pavarësinë e Kosovës.

KURORËZIM SHEKUJSH

Sot qe këngës ia thotë Prishtina
e ditën më të gëzuar kremton,
tinguj të përzgjedhur lëshon violina
festën më të madhe, të gjithëve ua uron.

Uron dhe çiftelia e vjetër,
dridh telat siç vetëm ajo di,
sot do të luhet një valle tjetër
me gra e burra, pleq e të rinj.

Feston fshati dhe qyteti
e kënga jehon pa pushuar,
mali, fusha, lumi po edhe deti
sot bashkë ndihen të gëzuar.

Këtë Ditë të Madhe të Pavarësisë
kremtojmë si asnjëherë më parë,
me krenari e respekt për dëshmorët e lirisë
gjak e jetë kësaj toke që i kanë falë.

Të pa ndara krenaria dhe pikëllimi
bashkë kanë rënë në ujdi,
tok ndër shekuj të bëjnë rrugëtimin
të kurorëzuar me të shtrenjtën liri.

Gëzuar, gëzuar për jetë e mot
e gëzimi mos të ketë kufi,
gjaku i dëshmorëve nuk është derdhur kot
ai gjak i dëlirë vajzash dhe djemve të ri.

[Adem Berisha]

Këtë herë dëshiroj të iu referohem bijave, motrave e nënave tona të dashura që jetojnë, punojnë dhe krijojnë në mergim. Jam shumë i entuziazmuar por edhe ndjehem tejmase krenar me veprimtaret dhe krijueset tona në mergim e që këto sokolesha me veprat e tyre të arta nga çdo aspekt, ai njerëzor, atdhetar, kulturor, artistik, . . . kanë aritur të bëjnë emër për të mirë në gjithë globin. Ato mbajnë të gjallë jeten në mërgim dhe me të madhe ndikojnë në ruajtjen e identitetit kombtar shqiptar te të mërguarvëve dhe fëmijëve të tyre.
Kësaj rradhe në shenjë mirënjohjeje e falënderimi për gjithë çka ajo bën në mërgim, në formë soneti i kushtoj ca vargje modeste krijuesës, publicistës e veprimtarës së mirënjohur, zonjës së nderuar Alma Papamihali.

SHQIPE TEJ FOLESË

Atje në folenë e shqipeve legjendare
Lulebora kur fletët përpëlitej të lëshojë,
Mirësinë magjepse tokës shqiptare
Aurora herët në agim i dhuroi.

Për sa të ketë shqipe mbi male
Atje tek Alpet Madhështore të mia,
Prapë do të lindin të tjera sorkadhe
Aso çfarë din të lindë, vetëm shqiptaria.

Mendjendritura e të vyera si bleta,
I sfidojnë yjet se vetë janë hyjnesha,
Hënës ia kalojnë me bukuritë e veta

Ato mbi re ngritën porsi sokolesha
Le të iu prijë fati, e ëmbël iu qoftë jeta
Ishin heroina, sot janë si princesha.

[mondishall]

I nderuar mik Ademi! Me ka mbetur vetem mosnjohja juaj fizike, se shpirtin tend rinor e trimeror e njoh tashme nga vargjet e tua. I ke qendisur me fije ari vargjet per Almen tone veprimtare e poete, qe kush s'e njeh mjafton te lexoje poezine per te, por kush e njeh ama te shtrengon doren per realizmin e ngritur ne art. Pac shendet ne jete, si vete shendeti i vargjeve qe shkruan. Perqafime, Mondi

[Adem Berisha]

Oh, shumë i dashuri mik Mondi,
me shumë përzemërsi të falënderoj për gjithë atë që thua dhe gjithë atë që ke dhe ndien në shpirtin tuaj prej një krijuesi e artisti. Veçanërisht të falënderoj edhe për urimin tuaj qe të kem shëndet të mirë i cili edhe nuk më sherben si duhet, por me ndihmen e miqëve e dashamirëve mbanë një pozicion relativisht stabil.
Unë me këtë rast vetëm do të konstatoja se shkrimet e mia karshi atyre që ti Mondi bën, që bën z. Agim Doçi, z. Riza Çato, z. Gentian Banaj e shumë e shumë të tjerë, janë tejet modeste por siç themi ne këndej :"edhe strinca me atë kaçikun e vet përpiqet të bëj diçka".
Unë nuk kam si të fsheh kënaqësinë dhe rrespektin që kam për gjithë bijtë e bijat e këtij populli të cilët në çfarëdo mënyre nuk kursehen për t'i falur diçka nga vetja e tyre popullit e atdheut të tyre të dashur, ndaj ndjenjat e mia që kam, herë pas here i shpreh edhe në këtë formë.
Uroj të JU kam si është më së miri edhe për shuuuuuuumë e shumë kohë me dëshirat e mia më të mira që nga krijimtaria e juaj artistiko-letrare, të kemi në dorë sa më shumë vepra të vyera siç Ti dhe të tjerët dini të krijoni.
Me rrespekt nga xhaxhi Adem Berisha, Rahovec - Republika e Kosovës martire.

[riza2008]

Pershendetje Z.Adem Berisha!Të pergezoj per poezine qe u dedikohet femrave shqiptare ne mergim dhe per konkretizim ke marre nje figure te shquar siç eshte
Alma Papamihali.Vetem perzgjedhja e kesaj teme flet shume.Pjekuria ben te veten,mendon me shume se dikush tjeter dhe hedh ne arene nje problem teper te madh:Roli i femres ne jeten e perditshme dhe sidomos ne emigracion.Kontributi i femres shqiptare ne te gjitha fushat e jetes eshte i pa zvendesueshem.Pershkrimi artistik i poezise ngre larte keto vlera te merituara.Per Z.Papamihali javlen te shkruash e te flasesh sepse vete puna e saj eshte teper e lavderueshme.Bac Ademi i sollet forumit nje margaritar qe i ka munguar prej kohesh.Pranoni respektet e mia te sinqerta.Riza Çato

[Adem Berisha]

TRUP I HUAJ

Si kuçedër e tërbuar
me plot të zeza e shëmti,
erdhe në këtë tokë të bekuar
të gjakosësh e të bësh kërdi.

Mizoritë tuaja prej barbari
me çka ti mburresh në vazhdimësi,
për të zi të kanë bërë të jesh i pari
dje, sot, nesër e gjithnjë.

I ushqyer me gjakun e të tjerëve
si përbindësh i mallkuar,
gjithë do të kesh fatin e të mjerëve
përherë do të jesh i ndëshkuar.

Do të denoncojë Pashtriku,
do të gjykojë Drenica e Rugova,
përherë do të kesh epitet armiku
cep më cep, do të dënojë Kosova.

Si trup i huaj ik nga ke ardhur
karpateve zvaritu degë më degë,
ndryshe këtu varrin e ke të hapur
edhe nënë Rusia tashmë të ka vdekë.

[riza2008]

TRUP I HUAJ

Si kuçedër e tërbuar
me plot të zeza e shëmti,
erdhe në këtë tokë të bekuar
të gjakosësh e të bësh kërdi.

Mizoritë tuaja prej barbari
me çka ti mburresh në vazhdimësi,
për të zi të kanë bërë të jesh i pari
dje, sot, nesër e gjithnjë.

I ushqyer me gjakun e të tjerëve
si përbindësh i mallkuar,
gjithë do të kesh fatin e të mjerëve
përherë do të jesh i ndëshkuar.

Do të denoncojë Pashtriku,
do të gjykojë Drenica e Rugova,
përherë do të kesh epitet armiku
cep më cep, do të dënojë Kosova.

Si trup i huaj ik nga ke ardhur
karpateve zvaritu degë më degë,
ndryshe këtu varrin e ke të hapur
edhe nënë Rusia tashmë të ka vdekë.

Pershendetje Adem Berisha! E kuptoj drejt shqetsimin tend prej patrioti.Koha po punon per ne,panvarsisht se ngadale.Do ti vije momenti ç'do gjeje.Tek ty personalisht D.M.Th.tek krijimet e tua eshte per t'u lavderuar tematika qe ngren me nje perkushtim te pa pare qe as kush tjeter me kaq force nuk e ngre.Te uroj shendet te mire dhe pastaj te tjerat vine vete.Ndonse rralle çfaqesh ne forum,por godet bukur,ka forcë vargu yt,ka ndjenje.Me respekt miku i juaj Riza Çato

[Adem Berisha]

Ndonëse vërtetë rrallë çfaqem në forum, edhe për arsye objektive, për kënaqesinë e admirueseve të mi por edhe gjithë anëtarëve e lexuesëve të forumit shqiptar po vendos këtu edhe disa vargje poetike kushtuar mësuesit tim shumë të dashur e babait te heroines Xhevë Krasniqi - Ladrofci, zotëriut e atdhetarit te deshmuar Abdyl Krasniqi.

PISHTAR DITURIE
- mësuesit tim -

Yll drite netëve te pa hënë,
netëve të errësirës, mizorisë e tmerrit,
bëre atë që çdo kush nuk mund të bën
hape derën e parajsës, mbylle atë të ferrit.

Shpërndave rrezet e diturisë
në qytete e fshatra të largëta malore,
për të shkulur rrënjët e prapambeturisë
si relikt i robërisë shumëshekullore.

Ti u dogje e u shkrive si qiriri
duke qenë pishtar i diturisë,
Ti nuk ishe kokëtul si kungull misiri
as analfabet me diplomë i qeverisë.

Të ndoqën, burgosën, persekutuan . . .
gojen donin ta mbyllnin me dry,
kontributin e dhënë kështu ta shpaguan
kurr nuk gjeten kompromis me ty.

Sot je ballëhapur me kokën lartë,
askush më nuk mund të tallet me ty,
për vepren tuaj të ndritur e të artë
me shkronja ari do të shkruhet në histori.

O Abdyl Krasniqi, mësuesi im i dashur !
breza e breza që ke arsimuar,
për dëshmorët që atdheut i ke falur
perulem para teje, Ti kështu më ke edukuar.

Nder e respekt për gjithë veteranët e arsimit shqip
Nder e respekt për penen e artë shqiptare dhe rolin e saj në ngritjen e vetëdijës kombtare
Nder e respekt për gjithë deshmorët e At-Mëmëdheut gjatë gjithë historisë,
I lehtë iu qoftë dheu i tokës së shenjtë shqiptare.

[faiksmajli]

Pershendetje z. Berisha!
I kam lexuar e rilexuar disa here poezite tua dhe ju falenderoj per kenaqesite qe sjellni ne forum. Por une dua edhe poezi te tjera, prandaj kthehu sa me shpesh.
Apo jeni i zene me vreshtat!
Sidoqofte, shendet e vitalitet!