Bardhyl Mezini

[ixnpeL]

Miza e kalit

Kishte ngordhur një mizë kali,
Shkon zogu që ta hante.
Sa afrohet, këmbët ndali,
Miza erë të keqe mbante.

Kështu bëri dhe zhapiku,
Milingona, qukapiku
Dhe shumë e shumë të tjerë,
S’e hëngrën ,se vinte erë.

Bleta që skenën kishte parë,
U flet pak e nervozuar:
-Erë do mbajë more qyqarë
Në bythë kali ka jetuar.

[ixnpeL]

Gjinkalla dhe milingona

Vitin tjetër, sa erdh vera,
Milingonës i shkon te dera
Gjinkalla dhe i thotë:
- Pa punë s’ushqehem dot.

Milingona e papërtuar,
Arën me grurë i ka treguar
Dhe me buzëqeshje i thotë:
-Shko dhe merr, atje ka plot!

Thotë gjinkalla: - Zonjë e nderuar,
Kjo s’është punë e lëvduar,
Dikush djersën atje ka derdh,
Kurse ti thua t’ja vjedh.

Këtë punë s’e kam për soj,
Në uri le të vdes.
Jam artiste, do këndoj,
Tjetrit s’i futem në pjesë.

[ixnpeL]

Miu pijetar

Miu verë kishte pirë
Dhe po nxirrte xhevahirë,
Lart e poshtë thosh me zë bas,
- Ku është macja, që ta vras?

Gjeli, qeni edhe thiu,
Ia thanë maces, çfarë tha miu.
Macja foli, siç qe shtrirë:
- Mos u merrni me të pirë!

[ixnpeL]

Gomari dhe bariu

Lajm të keq mori bariu,
Kishte gruan të sëmurë.
S’dinte ç’të bënte derëziu,
Më keq veten s’kish parë kurrë.

Merr gomarin, që s’u kursye,
Fort me shkopin e qëllon.
Nëpër shkurre seç u shqye,
Për një orë në shtëpi e çon.

Por, ç’e do!… Mundimi kot…
Gruaja kish ndërruar jetë,
Derdh bariu ca pika lotë,
Dhe gomarin e godet…

Pse?…Se kafsha rrinte qetë!

[ixnpeL]

Ujku deputet

Ujku, ardhur nga mali,
Në pyllin fushë është dukur.
Mbledh kafshët dhe u premton,
Se do bënte pyll të bukur.

U ngrit ariu më i vjetër:
- &Ccedilfarë the, nuk i besoj.
Vjen një ujk nga pylli tjetër
Dhe na thotë:- Për ju punoj…

Pas tij skilja nuk vonoi:
- E njoh unë,- tha,- këtë soj.
Fytyrën ka ujk, vërtet,
Nga fjalët është deputet…

[ixnpeL]

Ujku i moderuar

U hap lajmi anëembanë,
Dhia shefe në doganë!
Dëgjon ujku i moderuar,
Plan për kecat ka menduar.

Hap tunel sa më parë,
U shkon kecave në shtëpi.
Që të shtatë pasi ka marrë,
I vë gjobë mamasë dhi.

S’ka ç’bën dhia, e detyruar,
Gjobën shpejt e ka paguar.
Kecat në shtëpi i çon,
Dha dollarë, një milion.

E qorton ujku plak:
- Shtatë keca nuk janë pak!
E kupton çfarë ke bërë?
Hanim mish një javë të tërë!

I shpjegon ujku i ri:
- Për të ngrënë s’mendon njeri.
Kohët sot kanë ndryshuar,
Bëhesh bos dhe pa punuar.

[ixnpeL]

Freri i kalit

I thotë qeni kalit:
- Sot po ecje i menduar,
S’kishe as barrë të rëndë,
Një fëmijë të kish shaluar.

- Ç’thua qen!- ia pret kali,
S’ndiej lodhje, as bezdi.
Një kuintal, të jetë barra,
Unë vrapoj, bëhem veri.

Një gjë tjetër më shqetëson,
Freri që kam në gojë.
Ai këmbët m’i pengon,
Ja, pse eci dhe mendoj.

[ixnpeL]

Bisnesi i kafsheve

Lekë ariu kishte fituar…
Ujk dhe dhelpër i ka ftuar,
Të hapin biznes të ri!…
Gjithë kafshët bënë çudi.

Mbas ca kohe mbreti luan ,
U shkon kafshëve në dyqan
Dhe i pyeti po shkoni?
Në biznes a fitoni?

Dhelpra shpejt fjalën merr:
-Ardhja jote është nder,
Por…fitimin, zotëri,
Asnjë nga ne s’e di.

Gjithë kafshët që njeh ti,
Vijnë dhe marrin veresi,
Se është pylli në varfëri.
Kur i kthejnë veç ti e di.

[ixnpeL]

Kush ka faj

Nuses nuk iu durua,
I thotë vjerrit qetë-qetë:
Që të eci mbarë kjo shtëpi,
Duhen rrahur tre vetë.

- Pa më thuaj,- i tha plaku.-
Kush na qenka i parë?
- Ti që ngrohesh te oxhaku,
Dhe do shkrepëse për cigar.

E dyta është ime vjehrrë.
Hambari me miell plot,
Shkon merr hua derë më derë,
- S’më ka sjell djali,- thotë.

Im shoq mullixhi,
Është i treti në shtëpi.
- Bukë dhe ujë bëj gati,- thotë,
Kur n’mulli ka ujë të ftohtë.

[ixnpeL]

Deputeti

Pyet keci mamanë- dhi:
- Kam dëshirë që ta di,
Kur vjen deputeti,
Që ta shoh prej vërteti?
Buzagas thotë mama dhia:
- Vetëm kur bën zgjedhje partia.
Është e lehtë ta marrësh vesh.
Mblidhen njerëz aty në shesh,
&Ccediljerrin gojën vesh më vesh…