Bardhyl Mezini

[ixnpeL]

Luani dhe mushkonja

Luani flinte në qetësi,
Shkon mishkonja tek ai.
Në vesh e ka pickuar,
Pastaj qetë është larguar.

&Ccedilohet mbreti, turfullon.
Rreth e qark kontrollon.
- S’e kuptoi,- tha,- kush guxoi
Duke kënduar, të më pickojë.

Nga pema përmbi kokë
Qesh majmuni dhe i thotë:
- Një mushkonjë meskëputur,
Në gjak Sidën ta ka futur.

Shan luani dhe bërtet,
Prej mushkonjës vdekjen pret.

[ixnpeL]

Lakuriqi dhe qyqja

Lakuriqi i natës
Qyqen ka ofenduar.
I thotë:- Kokëmadhe!-
Dhe:- Syzgurdulluar.

Ia kthen tjetra:- Pa më thuaj,
Kafshë apo shpend je ti?
Se unë s’di si të të quaj,
Gjysmë shpend, gjysmë mi.

Pastaj ti nuk vlerëson dot,
Se me kokë poshtë qëndron.
&Ccedildo objekt në këtë botë,
Ti sëprapthi e shikon…

[ixnpeL]

Sakrifica

Ketrushi i vogël u sëmur,
E ëma te koka qëndronte.
Kujdesi s’i mungoi kurrë
Dhe natën pa gjumë kalonte.

Kalon muaji, shërohet ketrushi,
E lodhur e ëma zuri vendin e tij.
E sëmurë as javën s’e mbushi,
Vdiq në strofkë, në vetmi.

[ixnpeL]

Shpendët shtegëtarë

Shpendët shtegtarë
U bënë gati për fluturim.
Një lejlek vendim kish marrë,
Të mos shkonte në shtegtim.

Dallëndyshja, pata, rosa,
Mendjen s’ia kthyen dot.
Ka këtu, thosh, plot bretkosa,
Lart e poshtë pse të vij kot.

Thotë lejleku më i moshuar:
- Ne po shkojmë për të pushuar,
Se e duam njëri – tjetrin.
Edhe ti, besoj, na do.

Veç dëgjo më të vjetrin,
Nga ke ardhur, mos harro.

[ixnpeL]

Dita dhe nata

Dita me natën u futën në sherr.
Në dimër,- i tha dita,- orët pse m’i merr?
I thotë nata:- Pa fakte mos akuzo,
Ligjet në fizikë lexo.

Prej të ftohtit ti në dimër,
Për çdo ditë vjen dhe tkurresh,
Kurse prej vapës në verë,
Fillon zgjatesh dhe na mburresh.

Ikën dita, më s’e zgjati,
Verën parasysh s’e pati.

[ixnpeL]

Derri kujdestar

Për derrin vendim është marrë.
Të mos jetë më kujdestar.
Gardh e kopësht i bëri copa
Dhe oborrin gropa - gropa.

Prapë derr zgjodhën, veç të zi,
Të vëri rregull dhe qetësi.
Por vunë re se derri i zi
Bënte si shoku i tij.

Qysh atëherë për derrat thanë:
- Që të gjithë një turi kanë…

[ixnpeL]

Lepuri mbret

Heqin mbretin, vunë të ri,
Gjithë kafshët bëjnë çudi.
Pyesin: - Ç’bëhet kështu?
Mbreti s’ka shumë që u vu.

Flet lepuri nga një ferrë:
- Me të ikurit mos u merr.
Po shikoni, mor të uruar,
Se kështu siç ka filluar…

…Do të çuditeni vërtet,
Kur të më shihni mua mbret.

[ixnpeL]

Sorra dhe breshka

Në degë fiku sorra shkon,
Fiq të pjekur me sqep çpon.
Breshka që poshtë qëndronte,
Hante fiqtë që ajo rrëzonte.

Sorra, porsa e pa,
Asnjë fjalë nuk i tha.
Prej andej glasë i lëshoi
Zvarranikes mu në gojë.

Breshka mbretit iu ankua.
I thotë mbreti:- Dëgjomë mua.
Po prite nga të tjerë,
Vjen një ditë, ha dhe mender…

[ixnpeL]

Babai i mushkës

Mushkës, i dhanë në qeveri,
Një post me shumë rëndësi.
Gomari shumë i gëzuar,
Lartë e poshtë ka deklaruar:

- Mbani vesh, që ta mësoni.
Gjithë kafshëve ia tregoni.
I thoni dhe pelë krushkës,
Unë jam babai i mushkës.

[ixnpeL]

Dhelpra dhe çakalli

&Ccedilakalli që thua ti,
Do të punojë në ministri.
Miq ministrit i ka dërguar,
Por ai nuk ka pranuar.

I thotë dhelpra: - Ti, çakall,
&Ccediloi një qingj, të mbarosh hall.
Tha çakalli: - Dy i çoj,
Por nuk di, do m’i pranojë?

Thotë skilja: - Po shkoj të shikoj,
Ka apo s’ka gojë.
Po pati, do ta pranojë.