Bardhyl Mezini

[ixnpeL]

Vlerësimi

Shkonë pulë - pikaloshja,
I thotë tjetrës në qymez:
- Shqeve bythën kuqaloshe,
&Ccedildo ditë duke bërë vezë.

Siç e sheh ushqim njëlloj.
Për të fjetur po ashtu.
Unë bredh, qejfin shikoj,
Kurse ti ngele këtu…

Të nesërmen shkon zotnia,
Shikon pulat një për një.
Pikaloshen merr te shtëpia,
Thikën në grykë ia vë.

[ixnpeL]

Parlamenti i kafshëve

U ngrit parlamenti i ri,
&Ccedildo kafshë kishte përfaqësi.
Gjykuan: - Me kafshë të çdo lloji,
Puna mirë, mbase do shkojë.

Kafshë të egra, zvaranik,
Njëqind vende morën pa frikë.
Shtëpiaket një vend kanë,
Dhe atë pak si mënjanë.

Hap seancën ujk fjalëpreri:
- Ti, çakall - tha,- dhe skifteri,
Me ariun, mik për besë,
Ndani pyllin në tre pjesë.

Dikush foli dhe për mua:
- Pronë në pyll unë nuk dua.
Po marr malin, s’ngeli tjetër,
Me bagëtitë, jam mik i vjetër.

Kafshët e shtëpisë kanë marrë
Nga një metër sa për varr.
Dhe tapitë në shtëpi,
Po i mbajnë si hajmali…

…Sepse pylli ka pronar,
Grabitqar parlamentar.

[ixnpeL]

Feja e kafshëve

Derri, kafsha e pafe,
U thotë kafshëve, mbledhur atje,
Ca në kishë, ca në xhami,
- Përse luteni, s’e di.

- Për fajet që kemi bërë,
Zoti lutjet ka dëgjuar.
Kështu, siç jemi të tërë,
Parajsën na ka premtuar.

- Me parajsë të garantuar,
Gjahtarin pse keni tmerr?
Dilni t’ju vrasë, për të shkuar,
Ju në parajsë, ai në ferr…

[ixnpeL]

Pasojat e varfërisë

Bariu i dhenve në stan,
Tre qen të mëdhenj mban.
Qentë kopenë bashkë e ruanin,
Edhe hanin, edhe luanin.

Vdes bariu një ditë pa pritur,
Dhëntë i nxorën për t’i shitur,
Qentë pa zot u larguan,
Të uritur udhëtuan.

Diku rrugës gjejnë një lepur,
I shkreti, në lak kish mbetur.
Sa e panë, qentë u tërbuan,
Njëri tjetrin e copëtuan.

Kështu ndodh shpeshherë,
Varfëria të sjell sherr.

[ixnpeL]

Lepuri dhe lejleku

Lepuri, lejlekut i thotë:
- Gjithë ditën gjuan kot.
Bretkocat frikën s’ta kanë,
Siç e sheh, shurdhojnë dynjanë.

Tha këmbëgjati dëgjoj,
Punën time unë shikoj.
Se çfarë bëjnë, kur gjuaj unë,
Mua nuk më prishin punë.

Ia kthen lepuri përsëri:
- &Ccedilfarë gjahtari qenke ti?
Merr shembull, nga njeriu,
E ka frikë dhe ariu.

[ixnpeL]

Garancia

Shkon një burrë në farmaci:
- Dua,- thotë,- helm për mi.
I thotë tjetri pas banaku:
- Tre vjet garanci së paku,
Ka helmi që do ti.
Veç me kusht…

…Duhet mace në shtëpi!

[ixnpeL]

Imuniteti

Peshku qefull deputet,
Lart e posht nëpër det,
Fuste hundët, në çdo vend,
Të tregonte që kishte mend.

Peshkaqeni, sa i shikon,
Drejt e tek peshqit shkon.
Që të gjithë u larguan,
Qefulli s’e humb toruan.

Nxjerr mandatin dhe i thotë:
- Jam i zgjedhur, s’më prek dot.
I thotë tjetri’di të lexoj,
Gjuetinë unë kam për soj…

…Dhe në vend e ekzekutoi.

[ixnpeL]

Dhelpra dhe ariu

Dhelpra shitëse bën çudi,
Ndaj dhe pyet zotin ari:
- Pse s’merr shembull nga yt bir?
Blen cigaren më të mirë…

Thotë ariu babaxhan:
- Im bir gjallë e ka babanë.
Kurse imi nuk kujtohet,
Me të shumtit qetësohet.

[ixnpeL]

Mashtrimi

I mburresh lumit deti i qetë:
- Tek unë vijn mijra vetë.
&Ccedildo ditë për të pushuar,
Për t’u larë, për t’u lodruar.

Kurse ti ke egërsi,
Sidomos kur bie shi.
Sa hap dhe mbyll sytë,
Njeriun ti e mbyt.

- Kush jam unë, njerëzit e dinë,
Prandaj bregut ata rrinë.
Kurse ti, me atë qetësi,
Për ç’do ditë, mbyt një njeri.

[ixnpeL]

Iriqi dhe ketri

Iriqi kish rënë në gropë.
Ndihmë kërkonte papushuar.
Flasin kafshët kokë më kokë,
Asnjë s’shkon për ta ndihmuar.

Vetëm ketri kureshtar,
Shkon e pyet, sa e ka parë:
- Nuk më thua si ke rënë?
Sa kohë aty po bën?

Mes lutjesh iriqi thotë:
- Intervista nuk jap dot.
Më ndihmo në ke mundësi.
Si kam rënë nuk ka rëndësi.