Bardhyl Mezini

[ixnpeL]

Djali dhe dallandyshja

Skifterin, djali ka vrojtuar,
Kur pëllumbin ka gllabëruar.
Mori gur dhe e qëlloi,
Nga kthetrat, pëllumbi shpëtoj.

Djali porsa u largua,
Prap skifteri u lëshua.
Dallandyshja në çati,
I thotë djalit: - Ç’bëre ti?

Kujton se e shpëtove?
Në fakt vuajtjet ia shtove.

Nderin kur nuk e bën dot,
Përsipër mos e merr kot.

[ixnpeL]

Vendi i parë

Arushi i pa rritur,
Nëpër pyll, mend ka shitur.
Le ta dijë,- tha,- pylli mbarë,
Jam i fort, e jam i parë.

E merr vesh zoti ari,
Dhe i thotë, sa vjen në shtëpi:
- Për sa ke thënë mor bir,
Dëgjo, që ta mësosh mirë.

Vend të parë meriton,
Jo me forcën, që tregon.
Por, kur kafshët respekton.

[ixnpeL]

Skifteri dhe mëllenja

Sulmon mëllenjën, një skifter.
Atje brënda mu në ferrë.
Por shpejt e ka kuptuar,
Se me gjahun ka gabuar.

Ngeli brënda i gjakosur.
Pendëgrisur, sakatosur.
Mëllenja, që ferrës jeton,
Skifterin ironizon:

- Ti je gjahtar i mirë,
Në qiell ku ka hapësirë.
Kurse ferra siç e sheh,
Më mbron mua, ty s’të njeh.

[ixnpeL]

Mos vlerëso pamjen

Shkruan njëherë poeti,
Vjershë, për një gjeldeti.
Për atë ai ka shkruar,
Është budall dhe i shëmtuar.

Në darkë po ky poet,
Ulur në një banket,
Kur gjelin e ka provuar,
Me bindje ka deklaruar:

Paska shije të mbrekulluar.
Harrojeni çfarë kam shkruar.

[ixnpeL]

Lisi dhe mola

Lisi i fortë, nuk e ndiente,
Molën, që trupin ia brente.
Veç një muaj pasi ka shkuar,
Mola brenda është shumuar.

Zhurmën që ai dëgjonte,
Gër…Gër..nuk e vlersonte.
Gjersa vjen një ditë pa pritur,
Gjat e gjërë lisi është shtritur.

Të keqen e ka kuptuar,
Por s’ka vlerë, është i vonuar.

[ixnpeL]

Skifteri dhe mëllenja

Skifteri sulmon njëherë,
Mëllënjën brenda në ferrë.
Kur u fut e ka kuptuar,
Se me gjahun ka gabuar.

E pagoi si asnjëherë,
U gjakos ngeli në ferrë.
Mëllënja që kish shpëtuar,
Skifterit i është drejtuar:

- Hapsira nuk të mjafton,
Që vjen e më sulmon,
Dhe këtu ku rri vetmuar,
Me liri të kufizuar?

Thotë skifteri, i gozhduar:
- Liria duhet vlerësuar,
Para se ta kesh pësuar…

[ixnpeL]

Derri dhe qeni

Derri porsa ka parë,
Kasapin me thikë të ngarë,
Fortë e më fortë bërtiste,
Për fatin që e priste.

Thotë qeni sa e dëgjon:
- Kot bërtet, gjë nuk ndryshon.
Ia pret tjetri i shqetësuar:

- Më jep mend se je kaluar…

[ixnpeL]

Breshka dhe miu

Breshkës ujit i thotë miu:
Siç e sheh unë i ziu,
Nuk di që të notoj,
Më ndihmo m'at'anë të shkoj.

Breshka gadishmëri tregoi,
Por në thellësi sa shkoi,
Brenda në ujë u zhyt,
Dhe ha miun që u mbyt.

Nga ky rast, kushdo mëson,
Kur s’e njeh, s’ke pse beson.

[ixnpeL]

Derri gjyqtar

Viçi shumë ishte nxehur,
Se thesin me miell fshehur,
Kërriçi ia përvetësoj,
Ndaj në gjyq, e denoncoi.

Derri gjyqin e zhvilloi,
Mjellin në sitë pasi kaloi.
Më pas kafshët ka dëgjuar,
Me vendim ka deklaruar:

- Kërriçit i takojnë himet.
Mjelli mua për shpenzimet.
Ndërsa viçit të befasuar,
Thesin bosh i la në duar…