Arratia e trurit dhe indiferenca e politikës

[Edvin83]

edvin...Shqiperia nuk eshte ne gjendje te mbaje intelektualet, vetem nqs i heqim te drejten e marrjes se vizave, nuk kemi kushte, nuk kemi kapitale----shqiperia do ngeli me pseudo intelektuale nqs intelektualet e emigruar nuk kthehen ne te ardhmen...

Shqiperia eshe ne gjendje te mbaje ata qe ka por edhe ka nevoje per me teper se eshte nder vendet me fundit te bote nga ana e kerkimeve dhe studimeve. Por pa heqjen e klases se vjeter qe po e mban ne dare te forte pushtetin ne te gjithe spektrin politik, truri nuk besoj qe rri ne ata vend.

[Edvin83]

Pse i humbasim vazhdimisht djemtë dhe vajzat tona më të mira?

11 07

Autori: Elona Demollari ne kategorine Shoqeria Blog

Ndodh rrallë që një shtet të krenohet me emigrantët që jetojnë atje. Por jo kur bëhet fjalë për djem si Eusebio. E pra, Italia krenohet, me një 17 vjeçar shkodran. Sigurisht, edhe ne të gjithë, që jetojmë në këtë vend, prej ku Eusebio iku për një jetë më të mirë 8 vjet më parë, krenohemi.
Eusebio është djalë I një prej familjeve shqiptare që janë larguar e që vazhdojnë të largohen prje këtij vendi që nuk u ofron dot një të ardhme. Po të kishte qëndruar këtu në Shqipëri, Eusebio, do ishte tani një djalë i zakonshëm 17 vjecar, i harruar në pluhurin dhe apatinë tonë kombëtare.
Të dielën e kaluar në Bari, gjatë kampionateve regjionale, Eusebio Haliti ka vendosur një rekord italian dhe evropian njëkohësisht, në kategorinë “Under 18″, me kohën 52 sekonda e 72 të qindtat, në garën 400 metra me pengesa. (lartësia e pengesave 91 cm).
Sipas shtypit italian, bëhet fjalë për një rekord europian absolut në këtë kategori. Eusebio Haliti, siç mund ta keni kuptuar nga emri, është shqiptar. Ka lindur në Shkodër. Ja çfarë shkruan shtypi sportiv italian për shkodranin e ri:
“Është një rekord absolut. Kujtojmë se atleti, rezident në Bisceglie, (Bishelje) është në pritje të marrjes - shpresojmë shpejt - të shtetësisë italiane, sepse ka lindur në Scutari (Shkodër) të Shqipërisë. Por mund të themi me gojën plot se është italian dhe bisheliez safi, sepse ka plot 8 vjet që jeton dhe studion në qytezën puljeze…”.
Eusebio në 2008 ka thyer brenda vitit, dy rekorde italiane, në garat me pengesa për moshën nën 18 vjeç, në 400 dhe 500 metra. Kampioni shkodran, trajnohet nga Tonino Ferro, trajner mjaft i njohur në Itali.
Ja dhe një pasazh tjetër nga shtypi sportiv italian:
“…Me kohën e arritur 52.72 sekonda, Eusebio duhej të ishte në skuadrën italiane në Kampionatin Botëror të Atletikës “Under 20″, që nis nesër në Poloni. Por fakti që nuk është “ende italian” ka shkaktuar nga zvarritjet burokratike, e ka privuar nga pjesëmarrja e merituar për ngjyrat e Italisë… Por gjithsesi, ai është yni tashmë…”.
Eusebio nuk është as i pari, as i fundit. Vazhdimisht na i marrin djemtë dhe vajzat e zonja. Pse nuk arrijmë ne si shoqëri, të zbulojmë dhe rrisim talentet tona? Apo këto janë pyetje të bezdishme për veshët e burrecëve politikë të Tiranës?

[Qyfyre]

Eusebio ka arritur ato që ka arritur sepse ka qënë në Itali. Të ishte në Shqipëri sot me shumë mundësi do ishte një hiç. Kjo është arësyeja që shumë shqiptarë marrin rrugët sepse në Shqipëri i ke mundësitë e kufizuara për të ecur përpara.

[Edvin83]

Pothuajse çdo ditë lë shtetësinë një shqiptar

Kreu i shtetit ka firmosur për një vit lënien e shtetësisë për 427 persona

Pothuajse çdo ditë një shtetas shqiptar lë shtetësinë e tij për të marrë atë të një shteti tjetër. Përgjatë një viti, Presidenti i Republikës, Bamir Topi, ka firmosur gjithsej 427 lënie shtetësie në kërkesat e të cilave argumentet për të lënë shtetësinë shqiptare kanë qenë të ndryshme. Sipas dekreteve të firmosura nga Presidenti i Republikës, më 27 dhjetor 2007 kanë lënë shtetësinë shqiptare 41 persona. Ndërsa me 16 janar 2008 kanë kërkuar lënien e shtetësisë shqiptare 45 shtetas shqiptarë dhe Presidenti e ka pranuar atë. Më 6 shkurt 2008 pas firmosjes së dekretit të Presidentit kanë lënë shtetësinë 41 shtetas shqiptarë. Po në shkurt, kreu i shtetit ka firmosur një tjetër dekret për lënie shtetësie edhe të 30 shtetasve të tjerë. Më 4 prill 2008 kanë kërkuar lënien e shtetësisë dhe Presidenti ua ka miratuar atë edhe 28 shtetasve të tjerë. Gjithashtu në prill ka lënë shtetësinë shqiptare edhe një shtetas tjetër. Kjo maratonë ka vijuar edhe një muaj më pas, ku kërkesat për lënie shtetësie kanë ardhur duke u rritur dhe vetëm në muajin maj kanë lënë shtetësinë 117 persona. Ndërsa në qershor kanë lënë shtetësinë shqiptare 78 persona. Në korrik Presidenti i Republikës ka firmosur për 49 shtetas të tjerë për lënie shtetësie. Me këtë listë, kreu i shtetit ka mbyllur sesionin e punës deri në verë, për të firmosur të tjera lënie shtetësie në shtator e në muajt më pas, kur të rifillojë edhe puna në institucionet shtetërore. Por duke bërë një krahasim nga lënia e shtetësisë për një vit dhe sa është numri i atyre shtetasve të huaj që kërkojnë të marrin shtetësinë shqiptare, kjo shifër është mjaft e ulët. Përgjatë një viti të ushtrimit të detyrës së tij si President i republikës, Bamir Topi ka firmosur për dhënien e shtetësisë për 79 shtetas të huaj. Më 31 tetor 2007 kreu i shtetit ka firmosur ridhënien e shtetësisë për 22 shtetas, ndërsa më 4 tetor 2007 i ka dhënë shtetësinë shqiptare një shtetasi. Më 27 dhjetor 2007 Presidenti ka firmosur dekretin për dhënien e shtetësisë për 17 persona. Ndërsa më 23 prill 2008 ka firmosur dhënien e shtetësisë për një shtetas të huaj. Më 25 prill ka firmosur dhënien e shtetësisë për 14 persona. Më 30 prill ka firmosur për dy persona dhënie shtetësie. Ndërsa më 16 korrik 2008 ka firmosur për dhënie shtetësie për 22 persona. Kryesisht këta që marrin shtetësi shqiptare janë fëmijë të emigrantëve, të cilët kanë lindur në vende të ndryshme, por prindërit e këtyre kërkojnë që të kenë shtetësi shqiptare, ose shtetase të huaja të cilat janë martuar me shtetas shqiptarë.
Gazeta Shqip

[smokkie]

Ta marre vesh bota tane, se (....) nuk asht me Shqiptar !!
Se kush e ka thene..
Dhe ai emigroi per nje jete me te mire !

[Hyj-Njeriu]

Hebrejte e vjeter qe rrinin ne izrael u thonin emigranteve te tyre 'kerkues komoditetesh'.
shumica e trurit iken per kete arsye, dhe vetem nje pjese e vogel e trurit iken se ne shqiperi u iken petlla.

[smokkie]

ne shqiperi te iken petlla.

100 % e vertete !!