Vetevrasje e vrasje, ku po shkon shoqeria shqiptare?

[Edvin83]

Masakron gruan, prangoset burri xheloz

Ngjarja ndodhi në Pogradec, ku një 27-vjeçare përfundoi në gjendje të rëndë në spital

Një tjetër burrë i dhunshëm ka provuar ftohtësinë e prangave dje, ndërsa bashkëshortja ka përfunduar në gjendje të rëndë në spital. Ngjarja ndodhi në qytetin e Pogradecit, në orët e mesditës së djeshme. Policia lokale tha se ka arrestuar një 41-vjeçar nën akuzën e plagosjes së rëndë me dashje.


Ngjarja

Sipas të dhënave nga Komisariati i Policisë së Pogradecit, Mirosh Mruku ka plagosur rëndë gruan e tij, 27-vjeçaren K.Billa, për motive xhelozie, duke e rrahur barbarisht me grushte, shqelma dhe mjete të forta. Policia bëri të ditur se gruaja e dhunuar dhe që rrihej vazhdimisht nga burri i saj, i ka dhënë fund torturës kur i është drejtuar për të kërkuar ndihmë policisë lokale me gjak në fytyrë dhe shenja të dukshme dhune e keqtrajtimi fizik. Ajo është qëlluar me një levë hekuri, e cila i ka shkaktuar dëmtime të rënda në trup dhe është dërguar në spitalin e qytetit të Pogradecit në gjendje të rëndë. Nga spitali ajo ka kërkuar të kontaktojë me policinë dhe ka denoncuar bashkëshortin për dhunën e ushtruar, duke treguar se kjo nuk ishte hera e parë që dhunohej. Burimet zyrtare të policisë thanë se arrestimi i 41- vjeçarit, banues në lagjen nr.3 të qytetit të Pogradecit, është bërë në bazë të denoncimit që ka ardhur nga bashkëshortja e tij. Një sherr, nga ata që ndodhnin shpesh në këtë familje, ka përfunduar me pasoja të rënda për të dy bashkëshortët. Mësohet se burri 41-vjeçar ka qenë përdorues i pijeve alkoolike, gjë që ka ndikuar në ndezjen e sherrit të radhës. Sipas të dhënave nga hetimet e policisë ka rezultuar se Mruku kishte kohë që ushtronte dhunë ndaj bashkëshortes, por, nga frika e ndëshkimit, ajo nuk i ishte drejtuar më parë organeve të rendit. Policia e Pogradecit ka thënë se gruaja është dhunuar keq gjatë paradites së djeshme dhe më pas nuk ka nguruar t‘i drejtohet policisë me një denoncim, ndërsa në orën 12:30, uniformat blu prangosën Mirosh Mrukun. Çifti kishte 5 vjet martesë, por krizat familjare ishin thelluar nga xhelozia e burrit pogradecar. 27-vjeçarja me origjinë nga Dibra, është marrë në mbrojtje nga strukturat e Policisë së Shtetit. Burimet e policisë kanë thënë se ndaj 41-vjeçarit rëndojnë akuzat e plagosjes së rëndë me dashje, kanosjes dhe ushtrimit të dhunës në mënyrë të përsëritur.

Rasti në Berat

Tri ditë më parë, një burrë i dhunshëm u arrestua në qytetin e Beratit me të njëjtat akuza. Burime të komisariatit të policisë në këtë rreth njoftuan se, paraditen e së premtes, u ndalua Rapo Shano, 47 vjeç, banor i fshatit Mbreshtan. Ai është vënë në pranga pas një denoncimi që ngriti bashkëshortja. Merushe Shano, 40 vjeçe, ka pohuar qartë përpara ekspertëve të policisë se kohët e fundit kishte rënë pre e dhunës fizike nga ana e bashkëshortit. Sipas saj, ai e shoqëronte me dhunë fizike ndaj saj çdo problem që haste në familje. Nëna e tre fëmijëve mësohet se, edhe gjatë mbrëmjes së të enjtes, është dhunuar fizikisht nga burri. Për këtë arsye ka vendosur të mos heshtë më gjatë. Pasi ka kryer një vizitë mjekoligjore, që vërteton dhunën e ushtruar, gruaja ka mbërritur në komisariatin e policisë dhe ka depozituar padinë për burrin e saj.

Gazeta Shqip

[Tironcja_BLN]

le ta fusin ne burg per jet qenin...jan ber normale keto gjera ne shqiperi dhe shume keq keshtu po nuk ke cfare ti besh!