Unioni i Mesdheut

[Duaje Siveten]

ja edhe nje lajm tjeter i mire ...

por nga menyra se si paraqitet ne shtyp behet qesharak ne menyre donkishoteske ... mbase prej spanjes, edhe ky vend mesdhetar, antar i unionit ...

shyqyr qe qeveria e ka vendosur Shqiperine ne breg te adriatikut (shkemb graniti), ne menyre qe vendi te kualifikohet si antar i unionit ...

perfitimet fillokan si ne drejtim te paqes e stabilitetit, ashtu dhe per projekte gjigande ...

vendet pjesemarrese paskan nenshkruar se angazhohen te mos prodhojne arme berthamore ... mire Shqiperia e jep fjalen, por mos do ta bejne kete gje edhe rusia, franca e izraeli?!?

duke shfrytezuar klimen e ngrohte ne rajon, u thojka ne union, eshte hedhur ideja e shrytezimit te energjise diellore ... mirpo ajo lloj energjie sikur ka filluar te shfytezohet qysh me krijimin e botes ???

nuk arriti te sajoje takim me ndonje homolog, ndaj salija u paska bere thirrje investitoreve te vendeve pjesmarrese ... po ku ishin apo ku jane keta investitore ... pjesemarres ne takim??? apo ne trillimet e zakonshme qeveritare qe denigrojne ne shpifje ... kush nga investitoret reagoi dhe si iu pergjigjen ata thirrjes ...

po per levizjen e lire te njerezve, a u be ndonje thirrje ...

po per heqjen e tarifave doganore ...

po ndonje institucion financiar u ngrit qe te mbeshtese ato projektet madheshtore ...

shfagje me kuklla ... ne nje komprative me drejtim blegtoral ...

...

www.balkanweb.com

Shqipëria anëtare e Unionit të Mesdheut. Ja përfitimet
Datë: Jul 08, 2008

Ne Paris u themelua Unioni i Mesdheut ku do te bejne pjese 43 shtete qe lagen nga deti Mesdhe, mes tyre dhe vendi ynë. Shqiperia do të ketë perfitime te medha nga anetaresia ne kete Union

PARIS-Shqiperia do te jete pjese e Unionit te ri Mesdhetar ku aderojne gjithsej 43 shtete, i themeluar me 13 korrik ne Paris. Ashtu si vendet pjesemarrese, Shqiperia do te kete perfitime te medha nga anetaresia ne kete Union, si ne drejtim te paqes dhe stabilitetit ashtu edhe per projekte gjigande qe do te hidhen per kete rajon.

Se pari, lideret e ketyre vendeve qe nenshkruan dokumentin e themelimit do te angazhohen per nje rajon te qete, duke premtuar mosprodhimin e armeve berthamore. Po keshtu vendet anetare do perfitojne nje pergjigje te perbashket ne rast katastriofash natyrore.

Perfitimet me te medha do te jene edhe per Shqiperine ne projektet per infrastrukturen, per rruget detare si dhe per energjine. Duke shfrytezuar klimen e ngrohte ne rajon, eshte hedhur ideja e shrytezimit te energjise diellore. Gjithashtu Shqiperia do te jete perfituese edhe e projekteve per arsimin, shendetesine dhe kerkimet shkencore.

Kryeministri Berisha e shfrytezoi pjesemarrjen e tij ne kete Samit te Parisit per t’i bere thirrje gjithe investitoreve te vendeve pjesemarrese se Shqiperia eshte e interesuar ne projekte konkrete per ifranstrukturen, mjedisin dhe energjine. Ai u kerkoi atyre të eksplorojnë potencialet e jashtëzakonshme turistike, ujore energjetike dhe minerare te Shqiperise per investime konkrete. Shqiperisë tashme i duhet te dije te punoje se bashku me te gjitha vendet e tjera per te zgjidhur sfidat me te cilat perballet ky rajon por dhe te perfitoje prej tyre.

(d.b/News24/Balkanweb)

[Brari]

eshte gje e mire qe te intensifikohet angazhimi i vendeve qe lagen nga detri mesdhe..
pj.erdhim ne nje poce.. e patjeter duhet qe pocen ta mbajme paster..

ose oturakun..

deti mesdhe ka vetem nje dalje ..pra eshte si nje lavaman ku lajne duart e kembet e menderen.. si francezet si greket si italanet si arabet si turqit e tj etj ..plus miljona turiste.. e qe si shkarkus ka nje grike qe i thone gjiblartar..
pra i duhet bere derman ksaj pune..

xhemal maton do rekomandoja si perffaqsus te shqiperise ne kte union.. meqe eshte marre me detin.. ose moikomin zeqo..

[Borix]

Shqiperia, ne fakt, lexon fjalimet qe i pergatisin te tjeret. Por, edhe sikur te donte te ndertonte arme berthamore, ka shume faktore kunder qe s'do te ta lejonin as te bente nje cm pune.

Perfitimi me kryesor dhe me i rendesishem i Shqiperise ne unione te tilla dhe ne ate europian eshte pikerisht perfimiti ekonomik. Mua si qytetar shqiptar me intereson mireqenia, jo lufta berthamore!

[Duaje Siveten]

Tema 16 Korrik 2008

Disa dreka në Paris

Nga Mero Baze

Kryeministri, Sali Berisha, doli dje para gazetarëve për të kumtuar disa nga pikat e axhendës së tij disaditore në Paris, ku përfshihej një Samit, një projekt i ri i presidentit Sarkozy për vendet mesdhetare, si dhe festimet e 14 Qershorit. Për gati gjysmë ore shefi i qeverisë rreshtoi gjithë protokollin që kishte konsumuar në Paris në të gjitha llojet e takimeve, deri te takimet private. Këto takime ishin njoftuar ndërkohë direkt nga Parisi nga media zyrtare me një hapësirë kohore jashtë çdo limiti. Disa ditë më parë, mos gaboj ditën e diel, kam ndjekur lajmet e televizionit publik shtetëror dhe kishte plot 25 minuta kronika nga takimet e kryeministrit, Sali Berisha, në Paris, aq sa m’u duk se dhe parashikimin e motit do ta bënte po kryeministri. Madje, për herë të parë pashë që TVSH kishte shmangur dhe hapësirën e bollshme që i lë shpesh po ashtu takimeve pa rëndësi të kryetares së Kuvendit. Sikur të mos mjaftonin gjithë këto mbingarkime të opinionit me protokollin e drekave dhe darkave të Parisit, dje kryeministri u shfaq vetë para gazetarëve për t’i përsëritur ato, a thua se përbënin ngjarje historike. Nga gjithë ato takime të pafundme i vetmi lajm që u prodhua është që Berisha iu kërkoi vendeve evropiane, që hezitojnë të njohin pavarësinë e Kosovës, t’i heqin paragjykimet dhe ta njohin shtetin më të ri. Ky është vërtet një lloj lajmi që meriton të hapë një edicion lajmesh në çdo media private apo zyrtare në Shqipëri dhe më pas të futen dy fjali, ku e ka thënë dhe pse ka qenë në Paris kryeministri.

Por, të dalë kryeministri para medieve për të mos thënë asgjë, përveç faktit që ka takuar të gjithë dhe s’ka lënë asnjë pa takuar, as presidentin e Sirisë, ky është një konsumim pa asnjë arsye. Të sillesh me opinionin publik në mënyrë aq të pamëshirshme, sa ta bombardosh atë me impresione vizitash pa ndonjë lajm për Shqipërinë, është e tepërt. Është e tepërt dhe për faktin se dita kur e bëri këtë ishte e ngarkuar emocionalisht, pasi ambasadori amerikan në Tiranë kishte hedhur dyshime serioze për implikimin e qeverisë së tij në një skandal që po trondit dhe SHBA. Nëse zoti Berisha vendosi të mos fshihej ditën e djeshme, ai duhet të dilte të prodhonte një lajm më të fortë se lajmi i ambasadorit. Mund të na kishte çuditur me ndonjë tullumbace për ndryshime në qeveri, me ndonjë deklaratë-dëshmi për mënyrën se si u përpoq ta mbyllte me Mediun investigimin e trafikut të armëve, mund të kishte bërë ndonjë kokë turku nga administrata për zjarret që po shkrumbojnë vendin sidomos në Jug të Shqipërisë etj. Pra, kishte plot mënyra të na tërhiqte vëmendjen përveç ripërsëritjes së protokollit dhe menyve të drekës dhe darkave që kishte ngrënë në Paris dhe njerëzve që kishte takuar.

Kryeministri Berisha nuk është një politikan i mefshtë. Ai di të prodhojë lajme, dhe kur ato janë vështirë të prodhohen. Ai di po ashtu të shfrytëzojë qoftë dhe një kafe në Paris për ta tërhequr vëmendjen në Tiranë. Është hera e parë që e shikoj kaq keq, me kaq shumë dreka, darka, mëngjese dhe kafe pa prodhuar asgjë. Kjo më bën të dyshoj se ai ka shumë pak argumente për t’u ballafaquar me problemet reale dhe ka filluar i bën qejfin vetes dhe jeton në një botë tjetër, që s’ka lidhje me Shqipërinë që ka para sysh. Ai ka filluar jeton me delirin e nismave rajonale dhe evropiane, të cilat e përfshijnë atë për arsye gjeografike dhe jo politike. Në të vërtetë, ai duhet të dilte dje doemos para gazetarëve, por për të shpjeguar atë që prisnin shqiptarët. Të shpjegosh aq gjatë dhe për disa ditë rresht, përse ishe në Paris, ç’iu the dhe çfarë të thanë, pa prodhuar asnjë lajm dhe ngjarje për vendin tënd, është një mënyrë origjinale për ta shumëzuar me zero dhe atë pak vlerë që mund të kishte vizita e tij në Paris.

Berisha ka pasur vizita që kanë prodhuar lajm dhe duke shkuar të pijë kafe gjëkundi, madje dhe duke folur në telefon me ndonjë lider evropian. Për tri ditë në Paris, ai nuk prodhoi ndonjë lajm dhe dje nuk kishte se ç’të thoshte. Për këtë shkak gjithë epërsia e vizitës bazohej te fakti se nuk kishte ngrënë një drekë në Paris, por disa dreka, nuk kishte takuar një president, por disa presidentë, nuk kishte takuar një kryeministër, por disa kryeministra dhe nuk kishte për të thënë ndonjë ngjarje, pasi kishte shumë ngjarje, por që s’kishin lidhje me ne. Dhe në këto raste njeriu ka pak respekt për veten dhe nuk e torturon atë në mes të ditës, për të treguar menynë e restoranteve të Parisit.

[Brari]

merua po te ish ne pozitat e dikurshme.. kur i bente zbor kanibaleve me shkrimet e tij plot te verteta e sinoptike te sakte.. do duhej ta kish hapur sot gazeten e tij me nje thirrje alarmuse.. per ti terhequr vemendjen opinionit per oguret e zeza qe pergatit e ndjell banda e 97 tes.. sikurse ajo banda e zenep lukes anil bashes e malltez bollinos.. qe ne faqe te pare te mafie gazetes se tyre.. me germa te pergjakura.. te medha sa nje paket cigare.. ku shkruhej.. SHQIPERIA NE FLAKE.. hapur triumbetonte.. direkt e indirekt se i duhet vene flaka shqiperise se berishes..
kete duhej ta bente njohesi i mire i metodave te mafies.. mero baze..sepse askush si ai nuk ka demaskuar dikur mjetet e menyrat se si mafia kanibale.. e hedh vendin ne katastrofe..

mirpo merua nuk eshte me ai i pari..

meraku e paska zene tek kafet e berishes ne paris..

cfar po ndodh me mero bazen..

merooo..

demokracia kish nevoj per ty..
kurse ruci ka me qindra kalemxhij e mos i shto vjoses uje.. me sh tende tashme disa muaj ne dispozicion te asaj mafieje qe te rrahu dikur e qe ne simpatizantet e tu u solidarizuam me ty.. e denuam.. kanibalet bizhgo gjoleke..te kupoles vampire..

kthe rruge zoti mero..

[Duaje Siveten]

ku jane mer ato:

i thashe, e sigurova, i prezantova, i ftova, i sqarova ...

ata me thane ... premtuan ... siguruan ... uruan ...

heshtje ... vetem heshtje ... heshtje ...