Gafa, pyetje të gabuara në provimin e Historisë

[Lioness]

(Nga Gazeta Standard)

Gabime trashanike, sipas historianëve, kanë ndodhur në provimet me zgjedhje të Maturës Shtetërore. Sipas provimit të Historisë, themelues i Principatës së Arbrit ishte Balsha i Dytë, ndërkohë që baza ligjore e Lidhjes së Prizrenit ishte Kushtetuta?! Maturantët e mirë humbasin apriori 50-70 pikë për shkak të gabimeve të ministrisë.

Një provim me gabime skandaloze, sipas historianëve, kanë pasur përpara duarve të tyre maturantët që kishin zgjedhur Historinë gjatë ditës së djeshme. Pyetje të gabuara dhe përgjigje edhe më të gabuara ka pasur kjo lëndë, ndërkohë që dje Ministria e Arsimit, publikoi “çelësin” e zgjidhjes së testit. Dy pyetje me gabime trashanike, sipas historianëve, u janë servirur maturantëve, në pritje të një përgjigjeje, që nuk ekzistonte.

Dy shekuj diferencë

Pyetja e parë ka të bëjë me pyetjen numër 1 në variantin B të provimit dhe pyetjen numër 7 të variantit A, që u kërkon maturantëve themeluesin e Principatës së Arbrit. Por, jo vetëm që çelësi i provimit është i gabuar, por përgjigja e saktë nuk ekziston ndër alternativat. Zgjedhjet për maturantët janë: Gjini, Dhimitri (dy djemtë e themeluesit), Balsha II dhe Skënderbeu. Ndërkohë, çelësi i përgjigjeve nxjerr si themelues të Principatës së Arbrit Balshën e Dytë.

“Kjo është absurde, është gabim i patolerueshëm, – thotë për “standard”, profesori i historisë, Kasem Biçoku – themelues i principatës së Arbërit ishte Progoni në vitin 1190”.

Por gafa më e madhe në këtë mes është se Balsha i Dytë ka jetuar dy shekuj pas themelimit të principatës së Arbrit, e gjithsesi, mësuesit e përzgjedhur nga Ministria e Arsimit, kanë vendosur që ai ishte themeluesi i kësaj principate.

Kushtetuta (?!) e Lidhjes së Prizrenit

Lidhja e Prizrenit ka pasur Kushtetutë. Ky nuk është një përfundim historik, por është vendimi i hartuesve të testit. Pyetja në fjalë parashtrohej: Programi bazë i Lidhjes Shqiptare të Prizrenit ka hyrë në histori me emrin: A) kushtetuta B) akti i pavarur C) akti i vendimeve D) akti i autonomisë. Në çelësin e përgjigjeve që publikoi ministria, varianti i saktë ishte varianti A, pra kushtetutë.

“Edhe kjo përgjigje është e gabuar” – saktësoi prof. dr. Kasem Biçoku. “Nëse i referoheni vëllimit të dytë të Historisë së Shqipërisë, së Akademisë së Shkencave, në faqen 157 do të gjeni se i vetmi akt që ka dalë nga Lidhja e Prizrenit nga ato që ishin parashtruar në pyetje ishte akti i vendimeve. Shqipëria nuk ka pasur kushtetutë në shekullin XIX”.

Reagimi: Janë për t’u diskutuar

Tentativa për të kontaktuar me telefon me zyrtarë të ministrisë nuk rezultoi e suksesshme. Ndërkohë që drejtori i Agjencisë së Vlerësimit të Arritjeve të Nxënësve tha për gazetën se këto janë tema për t’u diskutuar. “Unë nuk e di nëse janë gabim apo jo këto pyetje, por gjithsesi, çdo gjë është për t’u diskutuar”, – deklaroi ai, duke thënë se mësuesit e fushës duhet të verifikojnë çdo ankesë.

Por për maturantët, dy pikët e humbura në këto përgjigje, janë 50 pikë kur vjen fjala për shkollat e larta, pa marrë parasysh koeficientët. E kjo, i lë ata “50 hapa” pas konkurrentëve të tjerë që kanë zgjedhur Anglishten ose Gjeografinë si lëndë me zgjedhje e nuk kanë pasur probleme të këtij lloji.

Shenim i Lioness: Ndoshta kjo teme duhej te vendosej te Problematika Shqiptare, por e solla ketu sidomos per te apasionuarit e historise.

[Kreksi]

Faqe nga Enciklopedite botrore mbi krijimin e shtetit te pare Albanie(Shqiperi)

En 1190, le prince albanais Progon réussit à instaurer un État indépendant qui se maintient jusqu'à la moitié du XIIIe siècle. Puis le pays est conquis par les Serbes au XIVe siècle. Avec l'effondrement de l'Empire serbe d'Étienne IX Douchan, en 1355, l'Albanie est divisée entre seigneurs féodaux locaux.

Kur edhe enciklopedite botrore e nxjerrin kete date dhe Progonin si themelues te shtetit shqiptar, si ka mundesi atehere qe profesoret e historise ne shtrurjen e ketyre pytjeve maturantve t'iu imponohet e kunderta ?
Kush mban pergjegjesi ne keto pyetje ?

[Lioness]

Kur edhe enciklopedite botrore e nxjerrin kete date dhe Progonin si themelues te shtetit shqiptar, si ka mundesi atehere qe profesoret e historise ne shtrurjen e ketyre pytjeve maturantve t'iu imponohet e kunderta ?
Kush mban pergjegjesi ne keto pyetje ?

C'te te them mo Kreksi? Pergjigja e "tyre" eshte se keto ceshtje "jane per t'u "diskutuar".

[Hyj-Njeriu]

Po ti moj as gjume nuk fle te rafte pika .

Historia e dime shume mire te gjithe eshte nje lende per te cilen shume pak njerez e cajne koken e kjo dihet, te pakten ne gjimnazet e shqiperise, nuk e di se cndodh ne kosove apo maqedoni.

Personalisht ne vit te katert i beja zbor profesorit te historise se shqiperise ,qe ishte nje i sapodale nga universiteti i elbasanit.

Mosdhenia e rendesise se nje lende ne pergjithesi sjell gabime qe ne lende te tjera nuk ndodhin.
Filozofine psh ma ka dhene presorja e gjuhe-letersise, ishte shume seksi te ngeleshin syte ne format e saj po ja qe ne filozofi ishte brryl.

Ne nivel kombetar vjen nenvleresimi i lendeve shoqerore, keshtu qe edhe gabimet jane shume me te mundshme.

Tani ti thuash Balshes se dyte themelues i mbreterise se Arberit( besoj se Progoni ka mbajtur per popullin titullin mbret e jo princ ashtu sikunder edhe balsha i dyte te pakten) kjo eshte vertet e rende, por zakonisht ajo principate lihet ne hije nga historiografia shqiptare edhe pse ka patur rendesi kardinale ne forcimin e identitetit arberor.

[Lioness]

Po ti moj as gjume nuk fle te rafte pika .

"Nje popull qe fle, vdes" ka thene i "madhi" qe i rafte e mira sic i ra

[Hyj-Njeriu]

"Nje popull qe fle, vdes" ka thene i "madhi" qe i rafte e mira sic i ra

Po nuk e ka pasur per tonin se i joni vdes me fjet icik gjume historik se helbete lodhet shpejt ;nuk thone kot mosha ben te veten. Po ama ndersa fleme gjume historik sdo te thote qe kemi vdekur se klubet si kemi lene historikisht pa pune, jeten sociale e kemi pas qef. Shih cka thene Maksimiliani i Meksikes ,kukulla e Napoleonit te 3-te per shqipot e kohes se vet:

Kush e njeh Albaninë? Kush ka udhëtuar atje? Bota dëgjon vetëm për shqiptarët e pashëm, me trupa të rregullt, të cilët shëtisin nga një kafene në tjetrën në qytetet bregdetare jugore të Evropës të veshur me fustanellat e tyre dhe qeleshe.

Me siguri edhe keta profesoret pyetjet e pergjigjet ne ndonje kafene i kane perpiluar .