Xhelozia, polici vret gruan dhe veten

[Renea]

Xhelozia, polici vret gruan dhe veten

Hazir Sallahu, efektiv i Tiranës, e ka kryer këtë krim pas një debati të momentit


Krimi në familje ka tronditur dje pasdite Tiranën, kur një punonjës policie ka vrarë me armë zjarri bashkëshorten e tij dhe më pas është vetëvrarë. Ngjarja tragjike është regjistruar në zonën e Porcelanit, në mes të rrugës, në prani të shumë dëshmitarëve. Hazir Sallahu ka qëlluar tre herë me pistoletën e punës mbi bashkëjetuesen e tij dhe më pas ka ekzekutuar edhe veten me një plumb në kokë. Burimet policore të kryeqytetit bënë të ditur se ngjarja është regjistruar rreth orës 15:55, në afërsi të një kompleksi privat në rrugën e Porcelanit. Strukturat e hetimit të krimit të Policisë së Tiranës, me marrjen e këtij informacioni, përmes një telefonate të mbërritur në sallën operative, shkuan menjëherë në vendin e ngjarjes, ku kryen të gjitha veprimet hetimore për këtë ngjarje të rëndë, duke identifikuar kufomat dhe zbardhur motivet e krimit. Sipas të dhënave nga grupi hetimor, 45-vjeçari Hazir Sallahu, efektiv në Seksionin e Objekteve, pranë Komisariatit të Policisë Nr. 2 Tiranë, ka qëlluar me armën organike të shërbimit, Anila Dule Lazen, 34 vjeçe, lindur në Skrapar e banuese në Tiranë, me profesion rrobaqepëse, e cila ka gjetur vdekjen e menjëhershme. Grupi hetimor shpjegoi se polici kishte mbaruar punë dhe kishte shkuar te puna e gruas, me të cilën bashkëjetonte prej dy vitesh. Ajo punonte si rrobaqepëse në zonën e lartpërmendur dhe gjatë kthimit për në shtëpi mes tyre ka nisur një debat për motive xhelozie. Polici është shprehur i bindur se ajo e tradhtonte, por ajo nuk e ka pranuar një akuzë të tillë dhe e revoltuar ka nxituar për t‘u larguar nga rruga, ku ishte tërhequr vëmendja e shumë kalimtarëve. Por, punonjësi i policisë e ka kapur për krahu për ta ndaluar dhe ajo sërish nuk ka pranuar. Policia detajoi se pas kësaj grindjeje të ashpër midis tyre, gjë e cila vërtetohet edhe nga dëshmitarët okularë në vendngjarje, Hazir Sallahu, lindur në Tropojë e banues në Tiranë, ka qëlluar me pistoletë mbi 34-vjeçaren, me të cilën bashkëjetonte prej 2 vjetësh në një apartament në Tiranë, dhe më pas ka qëlluar edhe veten, duke gjetur vdekjen e menjëhershme. Sipas grupit hetimor, 34-vjeçarja ka marrë tre plumba, ndër të cilët dy i ka në trup dhe një në kokë, ndërsa veten Sallahu e ka qëlluar në kokë. Menjëherë pas krimit, në vendin e ngjarjes ka mbërritur grupi i posaçëm hetimor, ku ka kryer të gjitha veprimet, këqyrjen e vendit të ngjarjes, të viktimave, grumbullimin dhe marrjen e provave materiale në vendngjarje, ku u gjetën pesë gëzhoja pistolete. Sipas të dhënave të policisë, çifti nuk ka pasur debate të mëparshme, kështu që mendohet se krimi ka ardhur pas një konflikti të momentit, që mund të jetë shtyrë nga ndonjë fakt dyshues për punonjësin e policisë. Ndërkohë, nga burimet e policisë mësohet se efektivi i policisë së Tiranës ishte ndarë nga gruaja kohë më parë. Për një kohë të konsiderueshme kishte punuar në Komisariatin Nr. 1 të Tiranës, ndërkohë që kohët e fundit ishte transferuar te Komisariati Nr. 2. Ngjarja e djeshme ka tronditur edhe publikun e Tiranës, ku prej kohësh nuk ishin regjistruar krime të rënda, e për më tepër brenda familjes.

http://www.gazeta-shqip.com/artikull.php?id=47269

[Edvin83]

Mire veten qe e ka vrare kafsha, po me gruan ca pati? Nese ishte burre ta linte, dhe jo ta vriste!
Yyyt, jane bere njerezit bisha kriminele!

[Apollyon]

Hazir Sallahu, lindur në Tropojë e banues në Tiranë, ka qëlluar me pistoletë mbi 34-vjeçaren, me të cilën bashkëjetonte prej 2 vjetësh në një apartament në Tiranë, dhe më pas ka qëlluar edhe veten, duke gjetur vdekjen e menjëhershme.

Eh, xhelozia nuk nje krahine apo ide, ska rendesi nga ka qene me origjine, duket se xhelozia te ben te vrasesh edhe veten.

[Daniel Maker]

Mire veten qe e ka vrare kafsha, po me gruan ca pati? Nese ishte burre ta linte, dhe jo ta vriste!
Yyyt, jane bere njerezit bisha kriminele!

jo mer ti un them mir qe vrau grun dhe hoqi sikletin,po tani qe ra rehat cju desh me vra veten?jan bo budallenj robt
dhe kto gra kucka jan bo

ej po se lexova gjith temen se shhum ka shkrujt me ze gjumi,gruja e tradhtonte te pakten apo kot ja futi?

[J@mes]

Atehere, sa per t'ju sqaruar; ky efektiv policie ishte ndare nga gruaja dhe prej 2 vitesh jetonte me te dashuren, e cila nga ane e saj kishte tentuar disa here te ndahesh prej tij. Por ai nuk e lejonte dhe ne fakt nuk e lejoi.
Nuk e lexova me siper shkrimin, por di qe ai kishte lene edhe nje leter ku ishte shprehur se per ty (per te dashuren) une braktisa familjen time, u ndava nga shoqeria dhe mbeta i vetem.
Pak a shume keto ishin fjalet e tij gje qe tregon se kjo ishte nje vrasje me paramendim.