Media dhe ndikimi i saj ne politiken rajonale e boterore

[blini_17]

Sundimi mediatik,mjet për ekspansionistët dhe sunduesit


Sot është e pamundur të imagjinosh botën pa media. Media e shkruar,televizive apo radio, luan një rol të padiskutueshëm në jetën e njeriut. Për këtë arsye periudha në të cilën jetojmë është quajtur "epoka e medias". Mjete e ndërlidhjes janë duke u kompletuar me shpejtësi shumë të madhe, në mënyrë që informacionet, lajmet apo produktet kulturore ti transmetohen audiencës sa më shpejt të jetë e mundur.Me shfaqjen e internetit jeta e njeriut pësoi një ndryshim thelbësor, deri në shkallën ku me kalimin e kohës njeriu lidhet akoma më shumë me internetin. Aktualisht në mesin e ideologëve dhe mendimtarëve, janë shfaqur diskutime të shumta në lidhje me përdorimin, rolin dhe mirësinë e mediave publike, ku mbi këto çështje ka pikëpamje të larmishme. Të gjithë poseduesit e mediave shprehen se detyra e tyre është informimi i publikut. Por çdo kush prej tyre ka mendime të ndryshme mbi faktin cilat nga këto informacione janë të sakta dhe të vlefshme. Disa ideologë janë të mendimit se mediat, porsi një pasqyrë, duhet të paraqesin vetëm të vërtetën. Këta ideologë thonë se media nuk ka për detyrë të krijojë kulturë. Kjo ide duke qenë se vë theksin në pasqyrimin e së vërtetës dhe atë çka ndodh në shoqëri, deri diku është ide e saktë. Mirëpo media nuk paraqet vetëm ngjarjet e vërteta, pasi ajo përmirëson gjendjen e shoqërisë dhe sjelljen e pushteteve. Media ndikon ne uljen e sjelljeve të këqija dhe të papranueshme të shoqërisë dhe nga ana tjetër i rikujton pushtetarëve gabimet e tyre duke i paralajmëruar ato. Një ide tjetër përkundër idesë së parë është ideja në të cilën theksohet se media vetëm imponon një mendim tek publiku. Përkrahësit e kësaj ideje janë të mendimit se media duhet ti imponojë publikut ato çka ajo mendon se është e drejtë dhe në këtë mes duhet të përdorë rrethimin mediatik, pasi nëse media nuk ka një rrethim sundues, kundërshtarët e saj me propagandat e tyre mund të mos lejojnë zgjerimin e ndikimit të saj. Sot në shumë vende të botës qëndron ideja e imponimit, ku pjesa më e madhe e përdor atë në mënyrë jo të drejtë. Por duhet të vemi re se pse këto media të mëdha të cilat në përgjithësi ndodhen nën zotërimin e perëndimit, përdorin ketë sundim mediatik për të realizuar propagandën e tyre. Megjithëse në mediat perëndimore duket sikur ato pasqyrojnë të vërtetën në botë, por në brendësi të saj vërehet e kundërta. Në të vërtetë këto media shfaqin dhe paraqesin ato ngjarje të cilat janë në interes të tyre dhe zotëruesve të fuqisë dhe pasurisë në botë. Kjo për faktin se bota të cilën kanë ndërtuar sunduesit dhe ekspansionistët, është një botë plot dhunë dhe në të shkelet e drejta e njerëzve dhe sidomos vendeve të dobëta. Në rast se mediat perëndimore do të paraqesin këtë të vërtetë atëherë për qeveritë ekspansioniste perëndimore do të krijohej një skandal botëror, i cili do të shfaqte të vërtetën e politikave dhe veprimtarive të tyre. Këto qeveri përdorin masmediat e gjera perëndimore për të stabilizuar dhe zgjeruar sundimin e tyre në botë dhe të pengojnë publikimin e lajmeve apo informacioneve të cilat paraqesin fytyrën e vërtetë të tyre. Për këtë arsye në ngjarje të tilla si ajo në Gaza, mediat amerikane duke bashkëpunuar me ushtrinë amerikane, bëjnë raporte dhe reportazhe të cilat janë në interes të shtëpisë së bardhë. Në çështjet të tilla si vrasja e popullit palestinez, afgan, irakian dhe çështja e programit bërthamor të Iranit, këto media gjithashtu janë pasqyrim i politikave të qeverive ekspansioniste perëndimore. Publikimi i raporteve fallso apo të transformuara, është një pjesë e propagandës së perëndimit për sundim dhe mashtrim. Por një pjesë tjetër tepër e rëndësishme në aktivitetin e këtyre mediave është fakti se propaganda e tyre përpiqet tu imponojë vendeve në zhvillim kulturën e perëndimit.
Veprimtaria organeve propaganduese e njohur me emrin "imperializmi mediatik", është plotësisht imponuese dhe ka për qëllim kryesor imponimin e lajmeve, informacionit dhe kulturën sidomos tek shoqëritë të cilat janë në zhvillim e sipër. Duke qenë se organet ndërlidhëse apo komunikuese perëndimore kanë një eksperiencë të gjerë në propagandë dhe kanë një shtrirje dhe teknologji të gjerë, ato në botë konsiderohen sundues të vërtetë në propagandë. Në këtë mënyrë rrjedha e transmetimit të informacioneve dhe prodhimeve kulturore është në një anë d.m.th nga perëndimi drejt lindjes. Kjo rrjedhë e njëanshme dhe sundimi mediatik, vë në pikëpyetje lirinë e medias, mbi të cilën pretendon perëndimi. Qeveritë perëndimore pretendojnë se njerëzit në botë duhet të informohen mbi të gjitha pikëpamjet dhe për këtë arsye liria e medias në paraqitjen e pikëpamjes së saj është një faktor i rëndësishëm. Kjo është në një kohë kur sasia e informacioneve të mediave perëndimore është aq e madhe saqë mediat e pavarura nuk gjejnë dot mundësinë dhe momentin për të paraqitur pikëpamjet e tyre. Sigurisht që censurimi i së vërtetës dhe parandalimi i informacioneve të drejta për popullin nuk ka për qëllim vetëm vendet në zhvillim, pasi dhe popujt në perëndim janë të kufizuar në marrjen e informacionit të vërtetë. P.sh në Amerikë ku ndodhen mjetet më të fuqishme mediatike, populli ka shumë pak informacion në lidhje me atë çka ndodh në botë apo në shumë nga çështjet brenda vendit të tyre. Xhon Soineton ish krye-redaktori i gazetës Nju Jork Times, në lidhje me këtë thotë: nëse distancojmë shtypin e qyteteve të vogla, atëherë mund të thuhet se në Amerikë nuk ka shtyp të pavarur . Sot kompanitë multi-etnike, drejtojnë mediat në botë. Këto kompani janë pronarë të shumë kanaleve televizive, radiove, gazetave, si dhe shumë studiove produktive të filmave. Kompanitë propaganduese dhe mediatike në përgjithësi kanë lidhje të afërt me qeveritë. Për këtë arsye mediat publike në perëndim në përgjithësi plotësojnë interesin e kompanive dhe qeverive të tyre. Kështu që media të tilla si CNN, BBC, apo Fox News që pretendojnë se janë të pavarura, në të vërtetë paraqesin pikëpamjet e qeverisë amerikane dhe asaj angleze. Herbert Shiler shkrimtar amerikan dhe ideolog në çështjet mediatike në një artikull të tij shkruan: mediat janë komentuesit e fundit të së vërtetës, të cilat të vërtetën e paraqesin në bazë të interesit të kompanive të tyre .

Këto media shumë nga problemet e vogla i zmadhojnë sipas interesit dhe shumë nga çështjet me interes kombëtar i zvogëlojnë deri në eliminimin.Në një botë ku kompanitë e mëdha mediatike dhe të qeverive perëndimore, duke përdorur mjetet publike, mundohen ta paraqesin si të pa sunduar, bëhen përpjekje për të vendosur disa zëra propaganduese. Mediat e pavarura vetë apo duke formuar disa shoqëri mediatike , përpiqen të paraqesin të vërtetën mbi ato informacione të cilat janë lënë në heshtje ose janë transformuar nga rrjedhat informatike perëndimore. Megjithëse këto përpjekje përkundrejt sasisë së propagandës së perëndimit, nuk janë të mjaftueshme, por shtimi i publikut të medieve të pavarura tregon faktin se publiku është duke u larguar nga lidhja e tij me mediat e mëdha të perëndimit dhe është në kërkim të lajmeve dhe informacioneve të vërteta dhe asnjanëse. Megjithatë sot me mjetet të tilla si interneti, sateliti dhe shumë mjete të tjera, është krijuar një mundësi e mirë për kundërshtarët e sundimit mediatik, të cilët janë duke u përballur me sundimin e rrjedhës botërore të transmetimit të informacionit nga ana e poseduesve të pasurisë dhe fuqisë në botë.